22 October 2018

RSS Facebook

سوداگریز


تازه خبرونه

په کندز کې د څه ناڅه پنځوسو تنو طالبانو وژل کيدل

په کندز کې د څه ناڅه پنځوسو تنو طالبانو وژل کيدل

کابل \باختردتلې دمياشتې٢٩نيټۀ : په کندز ولايت کې د تيرو...

په فارياب کې ښځو زياتې رايې وکارولې

په فارياب کې ښځو زياتې رايې وکارولې

ميمنه \باختردتلې دمياشتې٢٩نيټ د فارياب ولايت په انتخاباتوکې له نارينه...

په بدخشان کې د نهو تنو وسله والو ډار اچوونکو وژل کيدل

په بدخشان کې د نهو تنو وسله والو ډار اچوونکو وژل کيدل

فيض آباد \باختردتلې دمياشتې٢٩نيټۀ نهه تنه وسله وال ډار اچوونکي...

Youtube Player

khantry design

سوداگریز

سوداگریز

سیاسی

کابل باختر د  تلي اته ويشتمه :
دملي وحدت دحکومت  اجراييه رييس ډاکتر عبدالله عبدالله دراي ورکولو په يو مرکز کې له شلو دقيقو ځنډ وروسته  دخپل  نظر وړ نوماند ته رايه ورکړه .
دباختراژانس دخبريال دخبرله مخې ، اجراييه رييس له هغه وروسته چې دخپل نظر وړ نوماند ته رايه ورکړه خبريالانو ته وويل چې انتخابات په هېواد کې ولسواکى او دقانون  واکمني ښيي  .
ده زياته کړه چې انتخابات  دهېواد په سياسي ژوندانه کې يو مهم کار دى .
  دهېواد امنيتي او دفاعي ځواکونه  شپه او ورځ د راي ورکولو دمرکزونو او دراي ورکوونکو  دامنيت دتامينولو لپاره هلې ځلې کوي .
ده دانتخاباتو په بهير کې موجودو ستونزو ته په اشارې سره  وويل  چې يولړ ستونزې شته، ديو نوي بهيرپيل دغه شان ستونزې لري . چې د مسوولينو په هلوځلو سره  لرې کېږي .
ده  دجنرال عبدالرازق او دجنرال مومن  شهادت ته په اشارې سره وويل چې دوى او نور شهيدان دانتخاباتو دبهير دامنيت دتامينولو په لاره کې شهيدان شوي دي  دافغانستان  اتلان او دخلکو  شهيدان دي .
  ختم_ ج _ اکرم

 

کابل باختر د  تلي اته ويشتمه :
له پاکستان سره دافغانستان لارې به په هېواد کې دولسي جرګې دانتخاباتو دترسره کولو دبهير تر پاى پورې  دمسافرو او تجارتي کاروانونو پرمخ تړلي وي
دپاکستان دبهرنيو چارو وزارت وايي  چې دغه لارې  دافغانستان دمقاماتو په غوښتنه  تړل شوي دي .
  په همدې حال کې  دننګرهار ولايت مقامات  دا خبره مني  چې دوى دامنيتي دليلونو او دراي ورکولو دبهير دښه امنيت دتامينولو په خاطر له پاکستان سره دتورخم دلارې  دتړل کيدو غوښتنه کړې ده .
دننګرهار دوالي وياند عطاالله خوږياڼي وويل  ددې لپاره چې په ښه دول دانتخاباتو امنيت تامين کړو  دتورخم دلارې دتړلو غوښتنه مو کړې ده .
  په قندهار کې دسپين بولدک او په ننګرهار کې دتورخم بندرونه  له پرون څخه  تړلي دي . او ټاکل شوې ده  په افغانستان کې دولسي جرګې  دانتخاباتو له ترسره کولو وروسته بيا پرانستل شي .
  افغان مقاماتو تل  په پاکستان ، په افغانستان کې له ډار اچوونکو ډلو څخه دملاتړ تور لګوي .
دوى  په دې وروستيو وختو کې ويلي دي  چې پاکستان غواړي  د ډار اچوونکو ډلو په ملاتړ سره  په افغانستان کې دانتخاباتو بهير ګډوډ کړي .
  ختم_ ج _ اکرم

کابل باختر د  تلي اته ويشتمه :
په دريم مکروريانونوکې دسردار محمد داود خان دليسې دراي ورکولو په مرکز کې دراي ورکولو پاڼې  نشته .او  مسوول يې هم نشته .
دباختراژانس دخبرله مخې ،  په دې مرکز کې  ديوشمير دولتي مقاماتو په ګډون يوشمير خلک په دې تمه دي  چې دراي ورکولو پاڼې او دراي ورکوونکو فهرست ورسيږي چې خلک دخپل نظر وړ کانديد ته راي ورکړي
  دانتخاباتو دخپلواک کميسيون دوياند مرستيال دغه ستونزه تاييدوي  خو وايي چې دغه ستونزه لرې کېږي .
ده وويل  د څيړونکي ډلې دراي ورکولو حوزو ته استول شوي دي . خو ددغه مرکز  کارکوونکي خبرواترو ته حاضر نه شول .
  ختم_ ج _ اکرم

کابل باختر د  تلي اته ويشتمه :
دملګروملتو سازمان دافغانستان له خلکو څخه وغوښتل چې تروريزم ته نه ووايي او دولسي جرګې  په انتخاباتو کې ګډون وکړي .
په هغه پيغام کې چې په افغانستان کې دراي ورکولو دبهير له پيل څخه څو ساعته مخکې ددغه سازمان له خوا خپور شو ويل شوي دي . چې دانتخاباتو په ګډون  ددموکراتيکو بهيرونو پياوړتيا  په افغانستان کې دثبات او پرمختګ سره  مرسته کوي .
  دملګروملتو سازمان وايي  چې په انتخاباتو کې دافغانستان دخلکو پراخ ګډون  تروريزم ته نه ويل دي .
دغه سازمان  دطالبانو په ګډون له ډار اچوونکو ډلو څخه  وغوښتل چې په بې ګناه خلکو له بريد  او دانتخاباتو دبهير له ګډوډولو څخه دې  ډډه وکړي .
  ختم_ ج _ اکرم

 

Page 4 of 1945