21 November 2019

RSS Facebook

سوداگریز


تازه خبرونه

د ښځو چارو د وزيرې پيغام

د ښځو چارو د وزيرې پيغام

کابل/ د لړم ٣٠ مه/ باختر د ښځو پر وړاندې د...

د ملي امنیت یو کارکوونکی په نیمروزکې شهید کړای شو

د ملي امنیت یو کارکوونکی په نیمروزکې شهید کړای شو

- کابل/ د لړم ٣٠ مه/ باختر ناپېژاندو وسله والو کسانو...

 د کندز ښار شاوخوا سيمې د طالبانو له شتون څخه پاکې کېږي

د کندز ښار شاوخوا سيمې د طالبانو له شتون څخه پاکې کېږي

کابل/ د لړم ٣٠ مه/ باختر د وسله والو طالبانو له...

Youtube Player

khantry design

سوداگریز

سوداگریز

سیاسی

کابل/ د لړم ٢٦مه/ باختر
د اتل قول اردو قوماندان وايي چې وسله وال طالبان د زابل په شاه جوى ولسوالۍ کې  ماتې خوړلې ده او نور له پوځيانو سره د مخامخ کېدو توان نه لري.
جنرال بيګ مراد په داسې حال کې چې د زابل والي رحمت الله يارمل له څو نورو سيمه ييزو مقاماتو سره شاه جوى ته تللى دى چې امنيتي حالت او د ډار اچونې ضد عملياتو په بهير له نږدې وڅېړي.
هغه خبريالانو ته وويل چې په عملياتوکې وسله وال طالبان له ځمکې او هوا څخه  ځپل شوي دي او هغوى ته د سر دروند زيان اوښتى دى.
د هېواد په جنوب کې د اتل قول اردو قوماندان وايي چې په شاه جوى ولسوالۍ کې د وسله والو طالبانو څو مرکزونه ويجاړ شوي دي او پوځيانو د دغې ولسوالۍ زياتې سيمې د ډار اچوونکو له شتون څخه پاکې کړې دي.
هغه په شاه جوى کې له مېشتو خلکو سره ژمنه وکړه چې د طالبانو د راستنېدو د مخنيوي لپاره هغه سيمې چې د ډار اچوونکو له شتون څخه پاکې شوې دي؛ پوځي پوستې به جوړې کړي.
د زابل والي وايي چې د شاه جوي د ډار اچونې ضد عمليات به د دغه ولايت په کچه پراخ کړي چې خلکو ته د پرمختګ او د عادي ژوندانه فضا برابره شي.
څه ناڅه يوه مياشت کېږي چې د زابل شاه جوى د ډار اچونې ضد عملياتوکې ډګر دى.
په عملياتوکې سلګونه پوځيان د هېواد د هوايي ځواکونو په ملاتړ ګډون لري. 
ختم- ج - اکرم

کابل/ دلړم ٢٦مه/ باختر
دهېواد دبهرنيوچارو وزارت سرپرست ادريس زمان پرون دافغانستان لپاره د ناټو له ملکي استازي نيکولاس  کي سره  وکتل .
دبهرنيو چارو وزارت د عامه اړيکو رياست باختر آژانس ته خبرورکړ: په دې کتنه کې د ناټو ملکي استازي د ناټو د غړو هېوادونو د مشرانو د راتلونکې غونډې په اړه چې ټاکل شوې ده په راتلونکې ميلادي مياشت کې په لندن کې جوړه شي، معلومات ورکړل .
وروسته ادريس زمان دپراخو اصلاحي پروګرامونو په اړه چې ټاکل شوې ده په بهرنيو چارو وزارت کې ترسره شي؛ رڼا واچوله او دغه راز دافغانستان ددولت  د سولې د اووه فقره ييز پروګرام د افغانانو ترمنځ غونډې چې ټاکل شوې ده په بيجينګ کې جوړه شي او دغه راز  د آسيا- زړه  هېوادونو غونډې د جوړولو په اړوند  معلومات ورکړل . 
ختم- ج - اکرم

کابل/ دلړم ٢٦مه/ باختر
دهېواد دبهرنيو چارو وزارت سرپرست  ادريس زمان پرون په کابل کې د چين له نوي سفير وانګ يو سره وکتل .
دغه کتنه جمهور رييس ته د وانګ يو دباور ليک دوړاندې کولو له مراسمو مخکې  ترسره شوه .
دبهرنيو چارو وزارت د عامه اړيکو رياست باختر آژانس ته خبرورکړ: په دې کتنه کې  دچين سفير ددواړو دوستو او ګاونډيو هېوادونو ترمنځ دمتقابلو همکاريو  پربنسټ  د دوه اړخيزو اړيکو د پياوړتيا لپاره د هلوځلو ډاډ ورکړ.
ادريس زمان دافغانستان اوچين ترمنځ  ددوه اړخيزو اړيکو په ستاينې سره کابل ته دچين نوي سفير ته ښه راغلاست ووايه او په نوې دنده کې  هغه ته  د برياليتوب هيله وکړه .
وانګ يو مخکې له دې مهمې ديپلوماتيکي دندې ترسره کړې دي چې کولاى شو په کراچۍ کې دجنرال قونسل په توګه  د ده د دندې يادونه وکړو .
ختم-ج - اکرم

 

کابل/ د لړم ٢٦مه/ باختر
د افغانستان د اسلامي جمهوریت جمهورريیس محمد اشرف غني نن ماسپښین د کابل له ښاروال احمد ذکي سرفراز سره په ارګ کې وکتل او د اصلاحاتو او ښې حکومتولۍ، د سړکونو او کانالونو جوړولو، تنظیف، سرسبزۍ او د ترافیکي چارو تنظیم په برخوکې د کابل ښاروالۍ د کړنو راپور واورېد.
د جمهوررييس د وياند دفتر باختر آژانس ته خبر ورکړ:
کابل ښاروال د دې ادارې د کړنو راپور د وړاندې کولو پر مهال وویل: کابل ښاروالۍ توانېدلې د روان کال په لومړیو ۹ میاشتوکې د کابل ښار په لسو ناحیو کې ۱۳۷ زره ملکیتونه سروې او ثبت کړي او همدا راز، د کابل ښار په ۲۲ ناحیوکې د ۱۹۳ پروژو کار روان دی چې یو شمېر یې بشپړې شوې او د نورو پروژو کار جریان لري.
نوموړي په کابل ښارکې د ترافیکو انسجام په اړه وویل: ټاکل شوې د ترافیکي انسجام لپاره ۳۰۰ مامورین وګومارل شي او د ترافیکي له پولیسو سره په همغږۍ به د ښوونځیو د زده کوونکو لارښوونې، د سړک غاړې موټرو تمځایونو مدیریت او د وسایطو د حرکت مسیر د څارنې په برخو کې همکاري وکړي.
جمهوررييس غني د کابل ښاروالۍ د کړنو راپور تر اورېدو وروسته د یادې ادارې د هڅو د مننې ترڅنګ وویل: د کابل ښار د انکشافي پلان په عملي کېدو سره به د ښار بڼه بدله شي.
جمهورريیس کابل ښاروالۍ ته لارښوونه وکړه چې د کابل ښار اوسېدونکو ته د خدماتو برابرولو ته ځانګړې پاملرنه وکړي او همدا راز د ترافیکي بیروبار مخنیوي، تنظیف او د کابل ښار سرسبزي په برخوکې لازم اقدامات وکړي.# 
پاى/ ذ

Page 4 of 2181