10 December 2018

RSS Facebook

سوداگریز


تازه خبرونه

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

کابل \ باختردليندۍ دمياشتې١٩نيټه : په جوزجان کې يوشمېر...

 اته تنه پوځيانو په فارياب کې شهيدان شول

اته تنه پوځيانو په فارياب کې شهيدان شول

کابل \ باختردليندۍ دمياشتې١٩نيټه اته تنه پوځيانو تېره شپه...

د نشه يي توکو د توليد درې کارخانې ويجاړې شوې

د نشه يي توکو د توليد درې کارخانې ويجاړې شوې

کابل \ باختردليندۍ دمياشتې١٩نيټه : د نشه يي توکو د...

Youtube Player

khantry design

سوداگریز

سوداگریز

سیاسی

کابل باختر د ليندۍ ديارلسمه :
په کابل کې د امريکا سفير جانبس د جوزجان ولايت د بېلابېلو قشرونو له استازو او مسوولينو سره په يو تصويري کنفرانس کې د افغانستان د سولې په بهير او په دې باب د امريکا د هلوځلو په اړوند وويل چې د افغانستان د سولې لپاره  د زلمي خليلزاد هلې ځلې دوام لري او د افغانستان خلک او د هغوى نړيوال شريکان او هم طالبان ټول په افغانستان کې د سولې د تامينولو غوښتنه کوي .
جانبس زياته کړه چې طالبان نه شي کولاى خپل يوه اړخيزه موافقه په افغانانو تحميل کړي، سوله يو دايمي بهير دى چې په افغانستان کې د افغانانو له خوا د تطبيق وړ ده او امريکا هيڅکله نه غواړي چې په دې برخه کې د افغانانو ځاى ونيسي. په طالبانو د ټينګار وړ مسئله دا ده چې هغوى بايد خپل پروګرام مشخص کړي.
ده زياته کړه: د افغانانو او طالبانو ترمنځ خبرې بايد د افغانانو په مشرۍ ترسره شي او موږ غواړو د سولې په باب ستاسې نظريې واورو چې څنګه غواړي دغه بهير تطبيق شي. ځکه د سولې خبرې اترې د افغانانو په مالکيت او رهبرۍ ترسره کيږي .
په دغه ويډيو کنفرانس کې د جوزجان والي مولوي لطف الله عزيزي هم په افغانستان کې د سولې د تامينولو لپاره د حل د لارو د موندلو په خاطر د زلمي خليلزاد او د امريکا د متحده ايالاتو د هلوځلو له امله  مننه وکړه او ويې ويل: موږ داسې پروګرام غواړو چې د هېواد اساسي قانون تر پښو لاندې نه شي او د تېرو اوولسو کلونو برياليتوبونه هم وساتل شي .
دغه راز د دغه ويډيو کنفرانس له لارې د امريکا سفير د سولې په باب د برخه والو پوښتنو ته ځوابونه ورکړل .
د غونډې په پاى کې چې پرون په شبرغان ښارکې د لنکن روزنيز مرکز په سالون کې وشوه، د امريکا د سفارت ستاين ليکونه د دغه ولايت د اطلاعاتو او فرهنګ رييس عظيم الله رحمانيار او د دغه مرکز دوو تنو زده کوونکو ته د دوى د ارزښتناکو خدمتونو او هر اړخيزو همکاريو په درناوي د جوزجان د والي له خوا دوى ته ورکړ شول .
  ختم_ ج _ اکرم

کابل/ باختر/ د لنیدۍ د میاشتې ۱٣مه
د افغانستان د اسلامي جمهوریت جمهور رئیس محمد اشرف غني تير ماښام د المپیک ملي کمېټې رئیس او یو شمېر ورزشکارانو سره په ګلخانې ماڼۍ کې وکتل.
دجمهوررييس دوياند دفترباخترآژانس ته خبرورکړ.
په پیل کې د المپیک ملي کمېټې رئیس حفیظ ‌الله ولي رحیمي په بېلابېلو بین المللي ډګرونو کې د هېواد د ورزشکارانو د وروستیو لاسته راوړنو راپور وړاندې او زیاته یې کړه، نثاراحمد عبدالرحیمزي د نړۍ د ځوانانو المپیک لومړی مډال ترلاسه کړ، دغه راز اغلې سمیرا اصغري وتوانېده چې د المپیک نړیوالې کمېټې دائمي غړیتوب ترلاسه کړي.
د المپیک کمېټې رئیس زیاته کړه، د نړیوال المپیک کمېټې د کابل په لویدیځ کې د پهلوانۍ کلپ سره چې څه موده وړاندې پرې تروریستي حمله شوې وه، سل زره ډالر مرسته کړی چې یادې پیښې زیانمنو ته به ووېشل شي.
جمهوررئیس غني د هېواد د ورزشکارانو لاسته راوړنې وستایلې او د نړۍ د ځوانانو المپیک د لومړي مډال د لاسته راوړنې په خاطر یې د هېواد ورزشې ټولنې ته مبارکي ورکړه.
د هېواد جمهوررئیس په بین المللي رسنیو کې د ورزشکارو نجونو د جنسي ځورونې د تورونو راپورونو ته په اشارې وویل، دا راپورونه ټکان ورکوونکي دي او ورزشکارانو ته هیڅ ډول سپکاوی د منلو وړ نه دی.
جمهوررئیس غني د لوی څارنوالۍ ادارې ته لارښوونه وکړه، په ټول صلاحیت سره دی یاده قضیه په هراړخیزه او سرتاسري ډول وارزوي. هغه زیاته کړه، له مقام او موقف څخه ناوړه استفاده زموږ لپاره د منلو نه ده او باید په ورزشي بنسټونو کې د بداخلاقۍ ابعاد کنټرول شي.
وروسته د هېواد لوی څارنوال خبرې وکړې وې ویل، د قانون حاکمیت د خلکو د عزت مدافع دی. هغه زیاته کړه د هېواد لویه څارنوالي تحقیقاتي پلان لري او نن د لوی څارنوالۍ د دویم مرستیال په مشرۍ پلاوي د تحقیق او ارزونې کار رسماً پیل کړ.
د هېواد لوی څارنوال زیاته کړه، د یادې قضیې په اړه څېړنې په هراړخیزه توګه کېږي چې ډېر ژر به د دې څېړنو د لومړنیو پایلو راپور د افغانستان له خلکو سره شریک شي.# پاى- سعيده

 

کابل \باختردليندۍ دمياشتې١٣نيټه :
د وروستیوملکي تلفاتوپه اړه د اجرائیه ریاست د لومړي معاونیت مطبوعاتي اعلامیه
تېره څو کلنه تپل شوې جګړه چې د پردیو په اشاره او د هغوی د سیمه ييزو ګټو لپاره توده ساتل شوې، له افغان ولس هره ورځ قرباني اخلي چې له بده مرغه په دې وروستیو کې د ملکي او بې دفاع هېوادوالو تلفات د تېر په پرتله زړه بوږنونکي دي.
د ملکي او بې دفاع خلکو وژنه د انساني، بشري، اسلامي او افغاني قوانینو خلاف عمل دی. د ملکي وګړو په نښه کول که د هر لوري او ډلې له خوا وي، د توجیه او بښلو وړ نه دي او ښکیل اړخونه باید د دوی د ژوند خوندیتوب ته پاملرنه وکړي .
افغان حکومت تل هڅه کړې چې د پوځي عملیاتو او نورو جګړو په وخت کې د ملکي وګړو ژوند ته ځانګړې پاملرنه او د هغوی په اړه به هم جدي او غوڅ اقدامات ترسره کړي چې بې وسه ملکي هېوادوالو ته ګواښونه رامنځ ته کوي.
یو ځل بیا په افغان امنیتي ځواکونو غږ کوم چې د پوځي عملیاتو پر مهال د ملکي وګړو خوندیتوب ته ځانګړې پاملرنه وکړي او هغو ترهګرو او د سیمې استخباراتي ډلګیو ته اجازه ورنه کړي تر څو ملکي افغانان په نښه کړي.#
پاى – ذ

کابل باختر د ليندى  دولسمه :
ټاکل شوې ده  دناتو دغړو هېوادونو  دبهرنيوچارو وزيران تر دوو ورځو پورې دافغانستان په باب په بروکسل کې غونډه وکړي .
دباختراژانس دخبرله مخې، دشمالي اتلانتيک دسازمان ( ناتو )  دغړو هېوادونو دبهرنيو  چارو دوزيرانو غونډه دافغانستان په محوريت  به ددسمبر دمياشتې په پنځمه نيټه جوړه شي چې په هغه کې به دهغو هېوادونو دبهرنيوچارو وزيران چې دناتو غړي نه دي خو په افغانستان کې ددغه سازمان په غوڅ ماموريت کې شريک وي هم گډون  کوي .
دغه راز دافغانستان دبهرنيوچارو وزير صلاح الدين رباني ، په افغانستان کې دناتو  لوړ رتبه ملکي استازى اودعربي متحده  امارات  ، قطر د ملګروملتو دسازمان ، داروپا داتحاديې او دنړيوال بانک استازي هم رابلل شوي دي .
دناتو يو مقام ويلي دي  په دې غونډه کې هيله لرو چې د  بهرنيو چارو وزيران دغوڅ ملاتړ په ماموريت کې دمشارکت ددوام او تر  ٢٠٢٤ کال پورې دافغانستان دامنيتي ځواکونو دمالي تامين  له لارې دافغانستان دولت ته ددغه سازمان دمرستو په وړاندې کولو ټينګار وکړ .
ناتو په دې غونډه کې دغه راز دافغانستان له دولت څخه پوښتنه کوي  دبشر دحقوقو ، ښې حکومتوالى  او له فساد سره دمبارزې په ګډون داصلاحاتو په تګلوري کې ديون لپاره په خپلو ژمنو عمل وکړي .
دناتو دغه مقام ويلي دي چې دناتو دغړو هېوادنو دبهرنيو  چارو وزيران دغه راز دافغانستان په مشرۍ او مالکيت دسولې له رهبرى  سره په خپل ملاتړ ټينګار کوي اوپه دې باب به له خپل افغاني سيال سره  خبرې اترې وکړي .
  ختم _ ج _ اکرم

Page 5 of 1983