15 November 2019

RSS Facebook

سوداگریز


تازه خبرونه

په پروان کې لسګونو ځوانانو حرفوي زده کړې وکړې

په پروان کې لسګونو ځوانانو حرفوي زده کړې وکړې

کابل/ د لړم ٢٤مه/ باختر په پروان کې ١٢٠ ځوانانو...

په نيمروزکې څه دپاسه اته کيلومتره سړک قير کېږي

په نيمروزکې څه دپاسه اته کيلومتره سړک قير کېږي

- کابل/ د لړم ٢٤مه/ باختر په نيمروزکې د څه دپاسه...

په کندزکې سلګونو بزګرانو د کار وسايل ترلاسه کړل

په کندزکې سلګونو بزګرانو د کار وسايل ترلاسه کړل

-کابل/ د لړم ۲۴ مه/ باختر په کندزکې پرون پر ٩٠٠...

Youtube Player

khantry design

سوداگریز

سوداگریز

سیاسی

کابل/دلړم۱٥مه/باختر
د کونړقومي مخور وايي چې له کلونوراهيسې د پاکستان پوځ پر کونړ توغنديز بريدونه کوي اوڅو ورځې وړاندې يې هم د ناړۍ ولسوالۍ دوکلام سيمه کې پر افغان خاوره  برید کړی دی.
دوی وايي: که افغان دولت يې مخه ونه نيسي ولسونه چمتودي چې پر وړاندې يې ودرېږي.
د کونړ د ولايتي شورا منشي حاجي جمال الدين سياروايي: د هغه امنيتي تړون ګټه څه شوه چې خلک مو هم وژل کېږي او پر خاوره مو هم تېری کېږي.
سیار زیاتوي چې ولې نړيوال او په ځانګړي ډول امريکايان دپاکستان ددغه تېري په اړه چوپه خوله دي.
په همدې حال کې قومي مشرحاجي عطاالله وايي: اړینه ده چې ولسونه په خپله لاس په کار شي.
ديني عالم مولوي نجيب الله حقياروايي: دا خاوره  تل ولسونوساتلې ده ، که دولت د دې کارله مخنيوي عاجز وي په ولسونودې غږ وکړي، چې د خپل ځان اوخاورې ساتنه په خپله وکړو.
په ورته وخت کې د ولايتي شوراريیس حاجي ولايت خان مشواڼی وایي: ولسونه د افغان امنيتي اودفاعي ځواکونوپه تمامه معنی ملاتړي دي،
هغه زیاتوي: دپاکستان دهغو حرکتونومخه ونه نيول شي کوم چې د ناړۍ ولسوالي په دوکلام سيمه کې روان دي، نو ولسونه په خپله پرېکړه وکړي اوبيابه ددغې پرېکړې دپايلو مسووليت دتېري کوونکو پرغاړې وي.
هغه وايي:ولسونه نور په تنګ شوي او له دې نه پرې بل ښه شېبه نه راځي چې دخپلې خاورې په دفاع کې سرونه قربان کړي.
مشواڼی وايي: د کونړ تنکي ځوانان د ملي فوځ په ليکو کې د هېواد په بېلابېلو برخو کې سرونه قرباني کوي، چې کونړته  يې هرورځ دنورو ولايتونو  نه جنازې راروانې دي تر دې  چې کورنۍ يې جسدهم نه شي ليدلی،نو هلته چې قرباني ورکوي ولې دلته نېږدې د خپل ننګ او ناموس نه دفاع  نه کوي.
هغه وايي: دې قربانۍ ته زموږ نر او ښځې تيارې دي،خو لومړی دې دولت له سوله یيزو لارو چارو دغه ستونزه حل کړي.
له بلې خوا د کونړ يو شمېر ولسي وګړي وايي: دا چې د جهاد پرمهال موږ ته پاکستان ځای او هر ډول امکانات چمتو کړي وو،هغه وخت يې زموږ پر سر پېسې اخيستې،اوس چې هغه معاملې نشته، نو دغه هېواد نه د اسلام او نه هم د ګاونډيتوب حقوقو ته ګوري.
دوی د پاکستان له ولسونو غوښتنه وکړه چې د خپل دولت پر وړاندې د مظلومو افغانانو د دفاع په موخه غږ پورته کړي.
دا په داسې حال کې ده چې له تېرو شپږو کلونو راهیسې د پاکستان له لوري د هېواد د ختیځو ولایتونو پر ځینو سیمو ۱۵ زره توغندیز بریدونه شوي چې له امله یې شاوخوا ۲۰۰ ملکي وګړو ته مرګ ژوبله اوښتې او په زرګونو کورنۍ د خپلو سیمو پرېښودو ته اړې شوې دي. پای/وصال


 

کابل/ د لړم ١٤مه/ باختر
د افغانستان د اسلامي جمهوریت جمهورريیس محمد اشرف غني پرون ماښام د چین ولسي جمهوریت د بهرنیو چارو له وزیر وانګ یي سره ټلیفوني خبرې وکړې.
د جمهوررييس د وياند دفتر باختر آژانس ته خبر روکړ:
په دې ټلیفوني مکالمه کې دواړو لوریو د جمهوري ریاست انتخاباتو د بریالي ترسره کېدو، د افغانستان د سولې پروسې او د دولت په دولت همکاریو په اړه بحث او خبرې وکړې.
ښاغلي وانګ یي د جمهوري رياست انتخاباتو د بریالي ترسره کېدو د مبارکۍ ترڅنګ هغه یوه مهمه پروسه وبلله او جمهورريیس ته یې په چین کې د سولې د جوړېدونکې ناستې په اړه معلومات ورکړل.
همدارنګه دواړو لوریو ټینګار وکړ چې د سولې بهير باید د افغانستان د حکومت او خلکو په محوریت ترسره شي او د دواړو هېوادونو اړیکې د دولت په دولت د محوریت پر اصل استوارې دي.
پاى/ذ

کابل/ د لړم ١٤مه/ باختر
د افغانستان د اسلامي جمهوریت جمهورريیس محمد اشرف غني پرون ماښام د ولسي جرګې له اداري پلاوي او غړو سره په داسې حال کې چې د کورنیو یو شمېر غړو یې هم حضور درلود، وکتل.
د جمهوررييس د وياند دفتر باختر آژانس ته خبر روکړ:
په دې کتنه کې چې په سلامخانې ماڼۍ کې وشوه؛ په پیل کې د جمهورريیس ویاند صدیق صدیقي په دولتي ادارو کې له لومړي درجه مسوولینو سره د ملي شورا غړو د ملاقاتونو د وخت د موثر او ګټور تنظیم او تحقق په اړه د هېواد د جمهورريیس حکم ولوست.
وروسته د ولسي جرګې لومړي مرستیال اميرخان یار په خپلو خبروکې د جمهورريیس د حکم او له جمهورريیس سره د ولسي جرګې د غړو د کورنیو د کتنې د زمینې برابرولو په خاطر، مننه وکړه.
ورپسې د ولسي جرګې غړې شاه ګل رضایي په خپلو خبروکې وویل: افغانستان په حساسو شرایطو کې دى، انتخابات چې د ولسواکۍ د پیاوړتیا په برخه کې یو ستر ګام دی، په بریالي ډول ترسره شول.
مېرمن رضایي زیاته کړه: د سولې بحث د افغانستان اسلامي جمهوري نظام او ملت په برخليک پورې تړلې دی او جمهوریت زموږ لپاره یو مهم اصل دی. افغانستان شاتګ نه کوي او موږ د پرمختللې نړۍ د ارزښتونو مطابق مخته ځو.
نوموړې د اساسي قانون مطابق د درې ګونو قواوو د اصل د تفکیک په پام کې نیولو سره د هېواد د درې ګونو قواوو ترمنځ مثبت تعامل مهم وباله.
جمهورريیس غني د دوی د خبرو له اورېدو وروسته، د ولسي جرګې له غړو څخه د همکارۍ د مثبتې فضا د اېجادولو په خاطر مننه وکړه او ويې ویل: د ولسي جرګې له غړو سره به منسجمې کاري غونډې ولرو. 
جمهورريیس څرګنده کړه: د جمهوریت د بقا ډېر مهم اصل د جمهوریت د دفاع لپاره د درې ګونو قواوو همغږي ده.
هغه د ولسي جرګې غړو ته په خطاب کې وویل: تاسې د جمهوریت د اصل ریښتیني تحکیموونکي یاست، ژمنتیا او مثبت ګامونه د دوامداره او هراړخیزو همکاریو پیل دی.
جمهورريیس وویل: درې ګونې قواوې باید په درې موضوعګانو لکه د قانون په چوکاټ کې د جمهوریت تحکیم، د سولې ټینګښت او د وګړو د حقوقو د تامین په برخو کې سره مشورې وکړي.
جمهورريیس د قانون پر حاکمیت په ټینګار سره وویل: سوله د خلکو غوښتنه ده او موږ داسې سوله غواړو چې خلک امنیت، هوساینه او د خپلو حقونو تامین په کې وویني.
جمهورريیس دې ته په اشارې چې د ښځو حقونه د معاملې وړ نه دي، څرګنده کړه: جنګ ګټونکی نه لري، اصلي ګټونکي یې د افغانستان خلک او امنیتي قواوې دي او موږ د افغانستان اساسي قانون قرباني کولای نه شوو.
جمهورريیس غني د دې په بیان سره چې هر بدلون د اساسي قانون په چوکاټ کې راځي؛ وویل: د امید او آبادۍ فصل دی او باید درې ګونې قواوې یو بل ته د همکارۍ لاسونه ورکړي او د هېواد د پرمختګ لپاره ګامونه واخلي.#
پاى/ذ

 

کابل/ د لړم ١٤مه/ باختر
د افغانستان د اسلامي جمهوریت جمهورريیس محمد اشرف غني پرون مازیګر د ویډیو کنفرانس له لارې د قندهار ولایت د مشرانو، متنفذینو، د مدنې ټولنې د فعالانو او ځوانانو غوښتنې او وړاندیزونه واورېدل.
د جمهوررييس د وياند دفتر باختر آژانس ته خبر روکړ:
دوی په دغه ویډیو کنفرانس کې د پوهنې، روغتیا، پانګونې، کرنې، بشري ظرفیت، د اوبو د مدیریت، بای پاس سړک او ښاري انکشافي پلان په برخو کې د قندهار ولایت د خلکو غوښتنې له جمهورريیس سره شریکې کړې.
په پیل کې د قندهار ولایت د عالمانو شورا ريیس مولوي عبیدالله فیضاني د مدرسو جوړلو، د قندهار عالمانو ته د لا زیاتې پاملرنې او خلکو د امنیت د تامین په اړه خبرې وکړې.
وروسته د قندهار ولایتي شورا ريیس سیدجان خاکریزوال د ښوونځیو جوړولو، د پوهنې د تشکیل د زیاتوالي، د سړکونو د بیارغاونې، د روغتیایي کلنیکونو د جوړولو، د ښځو لاسي صنایعو ته د بازارموندنې، د ښوونکو د ښارګوټي د جوړولو، د برېښنا پروژو د تطبیق بهیر د چټکتیا، د سوداګرو د ستونزو د حل، د هوایي دهلیز له لارې د قندهار د میوو او ټولو کرنیزو محصولاتو د صادرولو، د ځوانانو د بې کارۍ ستونزې د حل او د دغه ولایت ځوانانو ته د ماسټرۍ په کچه د تحصیلي بورسیو د برابرولو په برخو کې د قندهار د خلکو غوښتنې بیان کړې.
جمهورريیس غني د دوی د غوښتنو او ستونزو له اورېدو وروسته وویل: د قندهار د برېښنا لین د تمدید کار ۷۰ سلنه بشپړ شوی او د راتلونکي کال د سرطان/چنګاښ په میاشت کې به تکمیل شي.
هغه زیاته کړه: د ۴۰ میګاواټه لمریزې برېښنا درې پروژې بشپړې شوې دي، همدارنګه د ۹۰ ښوونځیو پر جوړلو کارروان دی او د ۷۰ ښوونځیو کارونه یې بشپړ شوي دي.
جمهورريیس څرګنده کړه: د قندهار د اوبو د مدیریت د ارزونې  پر  بهیر کار شوى او د سېلاوونو د مخنیوي په موخه یو پلاوی قندهار ته ځي.
د هېواد جمهورريیس وویل: د ښاري انکشاف پلان د حکومت له لومړیتوبونو څخه دی، د قندهار د پوهنې تشکیل به د ولایت د اړتیاو پر بنسټ عیار شي او همدا راز به د راتلونکې کال لپاره د متوازن معارف پراختیا په پام کې ونيول شي او د نجونو د ښوونځیو ودانولو ته به ډېره پاملرنه وشي.
جمهورريیس غني څرګنده کړه: د قندهار ولایت د روغتیا په تشکیل کې تغییرات رامنځته کېږي او د قندهار انکشافي کنفرانس به د راتلونکي کال په پسرلي کې، په کابل کې جوړ شي.
جمهورريیس په هره ولسوالۍ کې د جومات ودانولو ته په اشارې وویل: د عالمانو او د شهیدانو د وارثانو معاش ته به ډېره پاملرنه وشي.
جمهورريیس غني د لوړو زده کړو وزارت مسوولینو ته د ښځینه و لپاره د لیلیې ودانولو د وړاندیز لارښوونه وکړه او ويې ویل: د لوړو زده کړو شورا له لورې د قندهار ځوانانو لپاره د ماسټرۍ دوه برنامې په پام کې نېول شوې دي.
جمهورريیس وویل: په قندهار ولایت کې د امن خونو جوړولو ته اړتیا ده، د سوداګرو ستونزې دې وارزول شي او د ځوانانو ملاتړ دې وشي.
هغه زیاته کړه: د قندهار خلکو په انتخاباتو کې په خپل ګډون سره د جمهوریت دفاع وکړه.
جمهورريیس د ملکي تلفاتو د مخنیوي په اړه وویل: د پوځي عملیاتو په چوکاټ کې بدلون راغلی او د امنیتي او دفاعي ارګانونو مسوولینو ته زما لارښوونه تل دا وه چې ملکي وګړو ته دې هېڅ راز زیان ونه رسېږي.#
پاى/ذ

 

Page 5 of 2177