25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

کابل / دسلواغې  ٢٩مه /باختر :
دانتخاباتو خپلواک کمېسيون د افغانستان د اسلامي جمهوريت د جمهوري رياست دانتخاباتو  وروستۍ پايلې نن اعلام کړې او محمد اشرف غني يې چې زياتې رايې يې  ترلاسه کړي دي، د افغانستان داسلامي جمهوريت د دولت دمنتخب رييس په توګه اعلام کړ .
د باختراژانس د خبريال د معلوماتوله مخې، دانتخاباتو خپلواک کمېسيون رييسې حوا علم نورستانى نن مازيګر په يوه خبري کنفرانس کې چې د دغه کمېسيون په مقر کې جوړ شوې و ،  د جمهوري رياست  دانتخاباتو وروستۍ پايلې  اعلام کړې .
حواعلم نورستانى  په دې کنفرانس کې وويل چې دانتخاباتو خپلواک کمېسيون  د اساسي قانون،دانتخاباتو دقانون او د شته کړنلارو دحکمونوپه رڼا کې دانتخاباتي شکايتونو دکمېسيون  ټول تصميمونه پلي کړل .
  هغې زياته کړه چې  دانتخاباتي شکايتونودکمېسيون د تصميمونو پلي کولو په  پايله کې داعتبار وړ ټولې  رايې چې د١٣٩٨کال د تلې دمياشتې په شپږمه نېټه دجمهوري رياست په انتخاباتو کې کارول شوې وې  ١٨٢٣٩٤٨ رايي  دي  چې له دې جملې څخه محمد اشرف غني ٩٢٣٥٩٢رايې ترلاسه کړي دي، چې دټولو  رايو٦٤،٥٠سلنه کېږي .او د هېواد داساسي قانون دحکم پربنسټ  دانتخاباتوګټوونکى او دافغانستان داسلامي جمهوريت  د دولت منتخب رييس دى .
دجمهوري رياست دانتخاباتو  د وروستيو پايلوپه خپريدو او د افغانستان  دمنتخب جمهور رييس په توګه  دمحمداشرف غني په اعلام سره  انتخاباتي جنجالونه اوپه دې برخه کې دخلکواندېښنې  پاى ته ورسېدې .
ختم ف_اکرم

کابل / دسلواغې  ٢٩مه /باختر
د جمهور رييس وياند صديق  صديقي نن په يوه خبري غونډه کې وويل چې حکومت  د افغانستان د خلکو د رښتيني استازي په توګه  د سولې په برخه شته پرمختګ، خطرونه او انديښنې  په جدي توګه  په پام کې لري  او په دې باب  په محتاطانه ډول  عمل کوي.
د باختر اژانس د خبرله مخې، د جمهوري رياست وياند دغه راز وويل  چې   حکومت په هېواد کې  د دايمي سولې د برياليتوب او د جګړې  د پاى ته رسولو لپاره  ژمن دى او د شته خطرونو او انديښنو سم درک او د سولې بهير د دقيق مديريت غوښتنه کوي .
هغه د مونيخ  په امنيتي غونډه کې  د جمهور رييس د ګډون له پايلو او د سولې په بهير کې له پرمختګونو څخه جزييات ورکړل  او ويې ويل  : د افغاانستان د اسلامي جمهوريت او د خلکو غوښتنه  بشپړ اوربند دى.
هغه زياته کړه  په هغې کتنه کې  چې د افغانستان جمهور رييس د امريکا متحده ايالاتو د بهرنيو چارو او د دفاع له وزيرانو سره  د المان په مونيخ کې  لرله، هغوى څرګنده کړه  چې  له هغو طالبانو سره موافقه  چې ښايي په راتلونکې اوونۍ کې وروستۍ کېږي، مشروط محتويات لري او د موافقه ليک هيڅ يوبندله شرط پرته نه دى.
هغه وويل چې د طالبانو ډله حاضره شوې چې له جګړې  اوتاوتريخوالي لاس واخلي  او د افغانستان پراخ بنسټه ټولنه ومني .
صديقي وويل: د بېلابېلو هېوادونو له مشرانو اومقاماتو سره د جمهور رييس د خبرو اساسي محور د افغانستان له خلکو، جمهوري  نظام او له امنيتي ځواکونوسره د ملاتړ لپاره  د نړيوالې ټولنې  ژمنه وه .
صديقي وويل چې د هېواد جمهور ريييس د مونيخ  له امنيتي غونډې څخه له راستنيدو وروسته او د سولې په بهير کې د پرمختګ د بيانولو او د هغه د شريک کولو په موخه  د ټولنې له بېلابېلو قشرونوسره د سلامشورو لړى پيل کړې ده او له حکومتي مسوولانو، واليانو او د امنيتي او دفاعي ځواکونوله جګپوړو قوماندانانو سره يې  ليدنې کتنې  کړې دي .
  هغه زياته کړه  چې د سولې په بهير کې د هېوادوالو، سياسي جريانونو، مدني ټولنې، ښځو او ځوانانو پوهاوى، د دولت مسووليت دى چې په راروانو ورځو کې به له هغوى سره  ګډې ليدنې کتنې ترسره شي .
ختم _ ف _ اکرم

کابل/ د سلواغې ٢٨مه/ باختر
د افغانستان د اسلامي جمهوریت د ملي امنیت سلاکار ډاکټر حمدالله محب په المان کې د مونیخ د امنیتي ناستې په څڼدو کې د آلمان له یو شمیر حکومتي او غیر حکومتي چارواکو سره پر دوه اړخیزو همکاریو او د افغانستان د سولې پر پروسې خبرې وکړې.
د ملي امينت شورا دفتر باختر آژانس ته ورکړ؛ په دغو ناستو کې په کورنیو چارو کې د المان د فډرالي حکومت وزیر ډاکټر مارکوس کربر، په بهرني سیاست کې د حاکم سیاسي حزب سي دي یو/سي ایس یو له پارلماني ویاند یورګن هارټ، په بهرنیو او دفاعي چاروکې د حاکم ګوند د پارلماني کمېټې له مرستیال ډاکټر یوهان واډیفل، د پارلمان د بهرنیو چارو کمېټې غړي او د سوسیال ډیموکراټ ګوند د پارلماني ډلګۍ د بهرنۍ پالیسۍ ویاند ډاکټر نیلز شمیت او همدا راز په بهرنیو چارو کې د المان د فډرالي دولت له وزیر انډریس میکایلز سره د افغانستان او المان د اړیکو پر ښه والي او د هېواد د سولې پر پروسې بحثونه وشول.
په ناستو کې ، د هېواد د ملي امنیت سلاکار ته ډاډ ورکړل شو، چې المان به د افغان پولیسو د روزنې ماموریت ته دوام ورکوي او په دې برخه کې به له افغانستان سره خپلې همکارۍ دوامداره ساتي. همدارنګه پر دې ټینګار وشو چې د المان پارلمان به په افغانستان کې د ناټو په چوکاټ کې د هغه هېواد د نظامي حضور په اړه ډېر ژر پرېکړه وکړي او یادو استازو وویل چي دوی به په دې پرېکړه کې په افغانستان کې د خپل حضور له دوام څخه ملاتړ کوي.
د هېواد د ملي امنیت سلاکار ته یادو الماني چارواکو ډاډ ورکړ چې له افغانستان سره خپلو همکاریو ته به دوام ورکوي او د افغانانو لپاره به د یوې داسې سولې ملاتړ کوي، چي په پايله کې یې امنیت تامین او د تېرو دوه لسیزو لاسته راوړنې په اوبو لاهو نشي.
ډاکټر محب د المان د فډرالي دولت له وزیرانو او د پارلمان له غړو سره په کتنو کې په پوځي او ملکي برخو کې د دغه هېواد له همکاریو په مننې سره په راتلونکي کې د ورته همکاریو پر دوام ټینګار وکړ.
هغه د پولیسو د روزنې پروګرام خورا اغېزمن وباله او مننه یې وکړه چي المان په دې برخه کې په ځانګړې توګه په مزار کې یو خاص یونټ روزلی او فعالې مبارزې ته یې چمتو کړی دی.
نوموړي همدا راز په سوله، امنیت او انکشاف کې د المان همکارۍ مهمې یادې کړې او وویل چې افغانستان له دغه هېواد سره د خپلو اوسنیو همکاریو زیاتوالي ته ژمن دی.
د هېواد د ملي امنیت سلاکار همدارنګه د اسټرالیا د دفاع له وزیرې لینډا رینولډز سره هم وکتل.
هغه په دې کتنه کې وویل چې د افغان ځواکونو په لیکو کې د پام وړ اصلاحات راغلي او دغه اصلاحات د دې سبب شوي، چي په امنیتي برخه کې د ځان بسیاینې لپاره د افغان دولت پلان په ښه توګه پر مخ ولاړ سي.
د اسټرالیا د دفاع وزیرې د اصلاحاتو او خودکفایۍ په برخه کې د لاسته راوړنو د ستاېنې ترڅنګ وویل چې هېواد به یې د افغان ځواکونو د روزنې، مشورې او ملاتړ ماموریت ته دوام ورکړي.
محب همداراز د افغانستان د بیارغونې لپاره د امریکا له ځانګړي سرمفتش جان ساپکو سره هم په یوه ګډ خبري پینل کې په افغانستان کې له فساد سره د مبارزې او د امنیتي او دفاعي ځواکونو په لیکو کې د اصلاحاتو په اړه خبرې وکړې.
د ملي امنیت سلاکار د مونیخ د امنیتي ناستې په څنډو کې د هالنډ له لومړي وزیر مارک روټي، د آزربایجان له جمهوررييس الهام عال اوف، د قزاقستان له جمهوررييس قاسم جومارت توکایوف، د ناټو له سرمنشي ینس ستولتنبرګ او د افغان سولې لپاره د امریکا د متحدو ایالاتو له ځانګړي استازي زلمي خلیلزاد سره د جمهوررييس محمد اشرف غني په مشرۍ د افغان پلاوي په دوه اړخیزو ناستوکې هم ګډون وکړ.
پاى / ذ

 

کابل/ د سلواغې ٢٨مه/ باختر
د افغانستان د اسلامي جمهوریت جمهورريیس محمد اشرف غني پرون مازیګر په المان کې د مونیخ امنیتي کنفرانس په څنډه کې د برتانیې د کابینې له وزیر او د ملي امنیت له سلاکار مارک سیډویل سره وکتل.
د جمهوررييس د وياند دفتر باختر آژانس ته ورکړ؛ په دې کتنه کې دواړو لوریو پر دوه اړخیزه اړیکو، سولې پروسې، سیمه ییزو مسایلو، د افغانستان پر امنیت او په بېلابېلو برخو کې له افغانستان څخه د برتانیې د ملاتړ په اړه بحث او خبرې وکړې.#
پاى / ذ

Page 6 of 2232