17 July 2019

RSS Facebook

سوداگریز


تازه خبرونه

٢٥ وسله وال طالبان په بغلان کې ووژل شول

٢٥ وسله وال طالبان په بغلان کې ووژل شول

کابل / باختر/ د چنګاښ٢٥ مه ٢٥ وسله وال طالبان تېره...

سور صليب د څرخي پله د جېل روغتون سمبالوي

سور صليب د څرخي پله د جېل روغتون سمبالوي

کابل / باختر/ د چنګاښ٢٥ مه د سره صليب استازي نن...

 په کابل کې د ډار اچونې په تور دوه  کسان ونيول شول

په کابل کې د ډار اچونې په تور دوه کسان ونيول شول

کابل / باختر/ د چنګاښ٢٥ مه د ملي پوليسو د...

Youtube Player

khantry design

سوداگریز

سوداگریز

سیاسی

-کابل باختر دچنګاښ ١٤ مه
دهېواد دبهرنيو چارو وزارت سياسي معين ادريس زمان پرون په کابل  کې دچين دولسي جمهوريت له سفير  ليوجنسانک  سره وکتل .
دبهرنيو چارو وزارت ددفتر  وياند باختراژانس ته خبرورکړ. ددغې  کتنې په بهير کې دواړو لورو دسولې دخبرو ، له طالبانو سره د خليل زاد د اووم پړاو دغونډې دوه اړخيزې اړيکې ، دامريکا ، چين ، روسيې  ترمنځ دوروستيو درې  اړخيزو غونډو اودراتلونکو جمهوري رياست دانتخاباتو په باب خبرې وکړې .
ختم_ عطاالله _ اکرم

-کابل باختر دچنګاښ ١٤ مه
دبهرنيو چارو وزارت سياسي معين ادريس زمان پرون په کابل کې دالمان دفدرال  جمهوريت له سفير  پيترپروګل سره وکتل .
دهېواد دبهرنيو چارو وزارت ددفتر وياند باختراژانس ته خبرورکړ. دواړو لورو  دجمهوري رياست دراتلونکو انتخاباتو،  له طالبانو سره  دخليل زاد دسولې داووم پړاو په غونډه کې دالمان رول او ددوه اړخيزو اړيکو په باب خبرې وکړې.
  ختم_ عطاالله_ اکرم

 

-کابل/باختر/د چنګاښ ۱٤مه
د افغانستان د اسلامي جمهوریت جمهورريیس محمداشرف غني زابل ته د خپل سفر پر مهال نن سهار د دې ولایت ولایتي شورا غړو او ريیس سره وکتل او په بېلابېلو برخو کې یې د دې شورا ستونزې، غوښتنې او وړاندېزونه واورېدل.
دجمهوررييس دوياند دفترباخترآژانس ته خبرورکړ.
ددغې کتنې په پیل کې د زابل ولایتي شورا ريیس حاجي عطاجان حق بیان د نورو په استازیتوب خبرې وکړې او جمهورريیس ته یې ښه راغلاست ووایه.
نوموړي  د ګمرک سرحدي کنډک د ایجاد، هوایي ډګر، کارېزونو، اداري فساد د مخنیوي، ولایتي روغتون د تخصصي کېدو، د زابل په پوهنتون کې د کرنې او شرعیاتو پوهنځیو د ایجاد، د زابل د کادرونو د استخدام، د سړکونو د بیارغاونې، روغتیایي مرکزونو، ولسوالیو ته د ولسي تړون د پروګرام د غځولو او د زابل ولایت د حاجیانو د ونډې د زیاتولو په برخو کې خپلې ستونزې، وړاندېزونه او غوښتنې له جمهورريیس سره شریکې کړې.
جمهورريیس غني دزابل ولایتي شورا ريیس څخه د دغه ولایت د واضح ستونزو او غوښتنو د شریکولو په خاطر مننه وکړه او ويې ویل، ستاسې د ستونزو او غوښتنو  د حل  په برخه کې حکومت مکلفیت لري چې کوټلي اقدامات وکړي.
دغه راز جمهورريیس غني د فساد د مخنیوي او د زابل ولایتي روغتون د وضعیت د ښه والي په خاطر لازمې لارښوونې وکړې او زیاته یې کړه: د زابل د وچې مېوی دبازار موندنې او لېږد لپاره پلاوی ټاکل شوی دی.
جمهورريیس د خپلو خبرو په پای کې وویل،  هغه ولسوالان چې زیاته موده یې پر خپلو څوکیو په یاده ولسوالۍ کې تېره کړي وي تغیر او تبدیلېږي، همدارانګه به د زابل هرې ولسوالۍ کې یو جومات په پاخه او اساسي ډول جوړ  او نور جوماتونه به یې هم ترمیم او  بیاورغاول شي.#
پاى-ع

کابل/باختر/د چنګاښ ۱٤مه
د افغانستان د اسلامي جمهوریت جمهورريیس محمداشرف غني قندهار ته د سفر په جریان کې تېر ماسخوتن د یاد ولایت مشرانو او متنفذینو سره وکتل.
دجمهوررييس دوياند دفترباخترآژانس ته خبرورکړ.
په پیل کې زاهدي، حاجي ګلبدین، حاجي عبدالرحیم، قاري محمدهاشم د نورو په استازیتوب د خبرو پرمهال جمهورريیس ته د ښه راغلاست ترڅنګ په بېلابېلو برخو کې د جمهورريیس، کړنې، لاسته راوړنې او پرمختګونه وستایل.
یادو ویناوالو د سولې، د سېلابونو د مخنیوي، د سړکونو، امنیت، زده کړو، روغتیا، استنادي دېوالونو، د کرنې د ودې، محصولاتو ته د بازارموندنې، ډیمونو او بندونو د جوړولو، د ولسوالیو د اداري ودانیو په اړه خپلې غوښتنې او وړاندېزونه له جمهورريیس غني سره شریک کړل.
د ښارجوړولو او ځمکو وزارت د ښاري پراختیا مرستیال روښان ولسمل د احمدشاه بابا او میرویس نیکه کورونو د استملاک بهیر په اړه د معلوماتو ورکولو ترڅنګ د جمهورريیس له پاملرنې او همدارنګه د میرویس نیکه او احمدشاه بابا له ورثو څخه مننه وکړه.
نوموړي وویل، د جمهورريیس په لارښوونه د میرویس نیکه کور د استملاک لپاره ګومارل شوی پلاوی به ډيرژر خپلې چارې پیل او بشپړې کړي. هغه زیاته کړه د میرویس نیکه د مقبرې د پراختیا لپاره به خپله انکشافي بسته د جمهوري ریاست مقام ته وړاندې کړي.
ورپسې حاجي محمدظاهر ابدالي د احمدشاه بابا او حاجي محمدولي هوتک د میرویس نیکه د ورثو په استازیتوب د دغو کورونو د استملاک په برخه کې د جمهورريیس د پاملرنې او اقدام قدرداني وکړه او همدارنګه یې د هېواد د تاریخي ابداتو په توګه د دغو دوو کورونو د خوندیتوب له امله د جمهورريیس قدرداني وکړه.
دوی همدارنګه د احمدشاه بابا او میرویس نیکه د کور د کیلیانو د سپارلو پرمهال جمهورريیس غني ته د عزت پګړۍ هم ور په سر کړې.
جمهورريیس غني د وینا پرمهال وویل، که میرویس نیکه او احمدشاه بابا نه وای، موږ او افغانستان به هم نه وای، دوی دواړه د تقوا نمونې وې او نن سهار د احمدشاه بابا کور ته د ورتلو ویاړ را په برخه شو. هغه زیاته کړه، ژمنه مې داده چې دا دواړه کورونه به په اساسي توګه جوړېږي او د افغانستان او قندهار په موزیمونو به بدلېږي.
جمهورريیس څرګنده کړه، هر افغان باید د احمدشاه بابا او میرویس نیکه کورونو ته راشي او د وطنپالنې الهام ورڅخه واخلي. د احمدشاه بابا د کور په ګډون به د هغه د وخت شادي بازار هم بېرته احیا شي او په دې اړه یې د ښار جوړولو وزارت ته لارښوونه وکړه.
محمداشرف غني وویل، د قندهار ښکار د انکشافي پلان لپاره بین المللي شرکت استخدام شوی او قندهار به یو ځل بیا په اشرف البلاد بدل شي. هغه د قندهار والي ته په ټینګار سره د پوهنې، روغتیا او نورو برخو کې د مافیا د ماتولو لارښوونه وکړه، او ويې ویل، د قندهار بشري قوا باید له هېڅ ځای څخه کمه نه وي.
د هېواد جمهورريیس وویل، د احمدشاه بابا او میرویس نیکه درس موږ ته دادی چې د تورو شپو پسې رڼا حتمي ده، خو ټینګه اراده، یووالی او پولادي عزم پکار دی چې دا مقدسه خاوره له جنګ څخه وباسو، هوساینې او ثبات ته یې ورسوو. پاى- ع

Page 7 of 2108