15 November 2019

RSS Facebook

سوداگریز


تازه خبرونه

په پروان کې لسګونو ځوانانو حرفوي زده کړې وکړې

په پروان کې لسګونو ځوانانو حرفوي زده کړې وکړې

کابل/ د لړم ٢٤مه/ باختر په پروان کې ١٢٠ ځوانانو...

په نيمروزکې څه دپاسه اته کيلومتره سړک قير کېږي

په نيمروزکې څه دپاسه اته کيلومتره سړک قير کېږي

- کابل/ د لړم ٢٤مه/ باختر په نيمروزکې د څه دپاسه...

په کندزکې سلګونو بزګرانو د کار وسايل ترلاسه کړل

په کندزکې سلګونو بزګرانو د کار وسايل ترلاسه کړل

-کابل/ د لړم ۲۴ مه/ باختر په کندزکې پرون پر ٩٠٠...

Youtube Player

khantry design

سوداگریز

سوداگریز

سیاسی

کابل / د لړم ٩مه / باختر
دملي امنیت سلاکار ډاکټر حمدالله محب وايي، چې افغانستان د سولې په خبرو اترو کې د سیمې د هېوادونو رول مهم بولي او په دې اړه د همغږۍ او اجماع رامنځته کول د سولې اساسي اړتیا ده.
په کابل کې د روسیې له سفیر الیکساندر ماتیڅکي سره په خبرو کې محب روسیه یو له هغو هېوادونو وبلله او د سولې په تړاو یې ددې هېواد همکارۍ مهمه یاده کړه.
په کابل کې د روسیې سفیر په دې اړه د خپلې همکارۍ د څرګندولو ترڅنګ، پر هغې طرحې هم خبرې وکړې، چې دا مهال حکومت د سولې لپاره مطرح کړې ده.
هغه وویل، چې په سیمه کې نه یوازې ستر هېوادونه، بلکې نژدې ګاونډیان هم ښه رول لوبولای او مرسته کولای شي.
دملي امنیت سلاکار د هر هېواد د رول د موثریت ترڅنګ ټینګار وکړ، چې افغانستان ددې همکاریو درناوی او قدرداني کوي او اړتیا یې احساسوي.
دواړو لورو د افغانستان او روسیې ترمنځ داړيکوپر پراختیا او دوام ټینګار وکړ.پاى-ج

کابل / د لړم ٨مه / باختر
د انتخاباتو د پایلو ځنډ د لویې پکــتیا ولسونو ته اندېښنې پيدا کړې دي، دوی د انتخاباتو له کمېسیون غواړي چې ډېر ژر پايلې اعلام کړي
دوی وايي چې د انتخاباتو د پایلو ځنډ، د حکومت په چارو، سوداګرۍ، امنیـت او په نورو برخو سیوری غوړولی.
د باختر آژانس د سمیه ييز خبریال د خبر له مخې: د پکتیا ولایتي شورا د یوې خبرې ناستې پرمهال د انتخاباتو کمېسیونونو ترڅنګ پر نړیوالې ټولنې هم غږ وکړ چې د دې پروسې بریالیتوب لپاره په بې پرې توګه همکاري ترسره کړې او پرې نږدي چې دغه انتخابات هم د  ۲۰۱۴ انتخاباتو په څېر برخلیک ولري.
په مطبوعاتې ناسته کې ټینګار وشو چې د انتخاباتو پایلې دې د سولې په پلمه له ځنډ او خنډ سره نه مخ کېږي.
دوی وویل: سوله د ټولو هېوادوالو هیله او آرمان ده او ولسونه یوه ریښتینې او تلپاتې سوله غواړي.
ولایتي شورا د لویې پکتیا د ولسونو په استازیتوب د انتخاباتو پر کمېسیون غږ وکړ: که د ولس ارادې(رایې) ته درناوی ونشي او یو وار بیا سهمي شرکت رامنځ ته کېږي، نه یوازې دا چې هرکلی یې نه کوي، بلکې د سهمي شرکت په څېر له حکومت سره به پرېکون اعلام کړي.
پای/وصال

 

کابل/ د لړم ٧مه/باختر
د افغانستان د اسلامي جمهوریت د جمهورريیس محمد اشرف غني د تسلیت پیغام
په خواشینۍ سره مې اطلاع حاصله کړه چې د مهاجرو لپاره د ملګرو ملتو د عالي کمشنرۍ پخوانۍ مشره مېرمن ساداکو اوګاتا د ٩٢ کلونو په عمر وفات شو.
مېرمن اوګاتا د شلمې پیړۍ په وروستۍ لسیزه کې چې افغانستان په میلیونونو مهاجر لرل، د «یو.ان.اچ.سي.آر» یا د مهاجرو لپاره د ملګرو ملتو د عالي کمشنرۍ مشره وه او نه یوازې یې د افغان مهاجرو ته بلکې په ټوله نړۍ کې له خپلو وطنونو ایستل شویو خلکو ته ډېر خدمت وکړ.
د افغانستان خلک او دولت به د مېرمن اوګاتا د خدمتونو قدرداني کوي او د هغې مړینه یوه لویه ضایعه ګڼي.
پاى/ف

کابل/دلړم۷مه/باختر
د هېواد د بهرنيو چارو وزارت سياسي معين ادريس زمان په کابل کې د چين د ولسي جمهوريت د سفارت له شارژدافير وانګ داکسو سره وکتل.
د بهرنيو چارو وزارت د وياند دفتر باختر آژانس ته  خبر ورکړ:
دغه چينايي ديپلومات په يوه اوونۍ کې دويم ځل د بهرنيو چارو وزارت د سياسي معين کتنې ته راغى چې د بين الافغاني خبرو اترو په ګډون چې ټاکل شوې ده په بيجينګ کې ترسره شي؛ د دوه اړخيزو موضوعاتو په اړوند خبرې وکړي.
دواړو لورو د علاقې وړ موضوعاتو او همدارنګه د بين الافغاني خبرو اترو په اړوند چې د چين د ولسي جمهوريت په کوربه توب د دغه هېواد په پايتخت کې ترسره کېږي؛ هر اړخيزې خبرې وکړې.
ختم- ج - اکرم

Page 8 of 2177