05 December 2019

RSS Facebook

سوداگریز


تازه خبرونه

څوارلس تنه دجنايي جرمونوپه تور ونيول شول

څوارلس تنه دجنايي جرمونوپه تور ونيول شول

کابل / د ليندۍ دمياشتې ١٤ مه / باختر...

دجوزجان بڼوالو دکار وسايل ترلاسه کړل

دجوزجان بڼوالو دکار وسايل ترلاسه کړل

کابل / د ليندۍ دمياشتې ١٤ مه / باختر...

يو قاتل ونيول شو

يو قاتل ونيول شو

کابل / د ليندۍ دمياشتې ١٤ مه / باختر : دکابل...

Youtube Player

khantry design

سوداگریز

سوداگریز

سیاسی

کابل/ د ليندۍ ٤مه/باختر
په کابل کې يوناما د افغانستان له حکومت او خلکو څخه غوښتي دي چې د جنسي  تاوتريخوالي د پاى رسولو لپاره هلې ځلې وکړي.
د باختر آژانس د خبرله مخې: په افغانستان کې د ملګرو ملتو سازمان د معاونت سازمان (يوناما) د افغانستان له حکومت او خلکو څخه غوښتي دي چې د جنسي تاوتريخوالي د پاى ته رسولو لپاره خپلو هڅو ته دوام ورکړي او په دغه شان  تاوتريخوالي کې د تورنو کسانو معافيت پاى ته ورسوي.
يوناما نن (د ليندۍ په ٤مه) د يوې اعلاميې په خپرولو سره ويلي دي: سږ کال د جنسيت پربنسټ د تاوتريخوالي د له منځه وړلو له ورځې څخه د ( نړۍ نارنجي کړٍئ؛ د جنسي تېري په وړاندې د نسل په برابرۍ سره مبارزه کوي) ترشعار لاندې نمانځل کېږي.
يوناما ويلي دي چې د تاوتريخوالي د پاتې کسانو د غږ د ملاتړ او پياوړي کولو  او تاوتريخوالي او د جنسي تېري د پاى ته رسولو لپاره د عدالت غوښتنې غږ د پياوړي کولو لپاره تمرکز او ټينګار کوي.
د افغانستان لپاره د ملګرو ملتو سازمان ځانګړي استازي  تاداميچي ياماماتو وايي: "موږ د افغان ښځو پياوړى غږ چې دغه شان تاوتريخوالي تجربه کړي دي، اورو. له هغو خطرونو او  چلنجونو سره سره چې د دوى د خونديتوب په برخه کې شته؛ د هغې ټولنې په ګډون چې پکې ژوند کوي؛ هغوى د جنسيت پر بنسټ او د جنسي تاوتريخوالي د پاى ته رسولو لپاره د عدالت غوښتنې په لاره کې ولاړ دي، موږ بايد د هغوى ترڅنګ ودرېږو."
هغه دغه راز ويلي دي چې له مجازاتو معافيت او د جنسي تاوتريخوالي او د جنسيت پربنسټ د پراختيا عادي کېدل بايد پاى ته ورسېږي.
پاى\ج\ذ

 

کابل / دليندې ٣مه / باختر :
قاضي القضات اودتسرې محکمې رييس قانونپوه  سيد يوسف حليم نن په کابل کې  دهند جمهوريت له سفير ويني کومار سره وکتل .
باختراژانس  ته دسترې محکمې دخپرونو رياست دمعلوماتو له مخې ، په دې کتنه کې دهندجمهوريت سفير څرګنده کړه چې ددواړودوستو هېوادونو  خلک له يوبل سره ژورې فرهنګي اړيکې اومشترکات لري اودهندوستان دولت ليوال دى چې له افغانستان سره په ټولو  برخوکې دپخوا په شان همکاري وکړي .
هغه زياته کړه چې ددواړو هېوادونو دقضايه قوو  په تېره بيا ددوه اړخيزو همکاريو په ساحه کې اودقضايي تحصيلي  بورسونو په برابرولو کې اړيکو ټينګښت دلومړيتوبونو  له جملې څخه دى او سفارت به په دې برخه کې  اسانوونکى رول ولوبوي .
دهند سفير  دغه راز په هغه قضايي بين المللي  کنفرانس کې چې ټاکل شوې ده د ٢٠٠٢ميلادي کال  په فبروري  کې په ډيلي  کې جوړ شي دافغانستان داسلامي جمهوريت  دقاضي القضات اودسترې محکمې درييس  دګډون په منظور  دهند جمهوريت دقاضي القضات بلنليک، وسپاره وروسته دسترې محکمې  رييس دبلنليک  دلېږلو لپاره دهند جمهوريت له قاضي القضات  څخه په مننې سره زياته کړه چې فرهنګي اوتاريخي مشترکاتو دواړه دوست هېوادونه له اړيکو څخه ښه پړاو ته رسولي دي اوستره محکمه ليواله ده  چې ددواړو هېوادونودقضايه  قوو په کچه  دغه اړيکې زياته  پراختيا ومومي او افغان قاضيان  وکولاى شي دماسترى په کچه  دقضايي بورسونو  او دتجربو دتبادلې  له فرصتونو اوزمينو څخه چې پخوا پرې خبرې شوې دي ګټۀ واخلي
  قاضي القضات دغه راز دنړۍ دقاضي القضاتانو په شلم بين المللي  کنفرانس کې دګډون په وخت کې دهندجمهوريت دمقاماتو له تاوده هرکلي څخه مننه وکړه
دواړو لورو په دې کتنه کې  دعلاقې وړ نورو مسئلو په باب هم خبرې وکړې
ختم-ف_اکرم

 

کابل / دليندې ٣مه / باختر :
دملي دفاع وزارت سرپرست وايي دسولې په هر پروګرام کې د دوو وروستيو لسيزو دلاس ته راوړنو ساتنه يو اصل دى او له دې پرته بل څه دمنلووړنه دي .
دملي دفاع وزارت سرپرست اسد الله خالد چې  نن يې دملي دفاع په وزارت کې  دښځينه پوځيانو دامنيت اوسولې په غونډه کې  خبرې کولې څرګنده کړه حکومت په هېواد کې دسولې په تامينولوژمن دى .  خو دسولې ممکنې شرط دادى چې دوروستيو دوو لسيزو لاس ته راوړنې په هغې کې وساتلې  شي.
هغه دسولې داعاده کولو او دسولې دپروګرامونو دتطبيق په کار کې ددفاعي ځواکونو رول ارزښتناک او پريکنده وباله او ويې ويل  چې دسولې دبهير تطبيق ، مالکيت اوساتنه  په امنيتي او دفاعي ځواکونو  په تېره بيادهېواد په اردو پورې اړه پيداکوي  اوهيڅ قوت نه شي کولاى  چې دخلکو دغوښتنې پرخلاف سوله په هېواد کې وتپي .
هغه په ټينګار سره وويل: په نظامي او غير نظامي برخو کې دافغانستان دخلکو ټولې لاس ته راوړنې بايد دسولې په بهيرکې وساتل شي .
يوه بله مسئله چې اسد الله خالد ورسره اړيکې  ونيولې  دانتخاباتو اودانتخاباتو په کاري  بهير کې داردو دلاسوهنې  دادعامسئله وه .
خالد وويل : امنيتي اودفاعي ځواکونودانتخاباتو په ټول  بهير کې  په بې پريتوب سره عمل کړى دى او له دې وروسته هم  دبشپړ بې پريتوب  په ساتنې سره هيڅ داسې تاوتريخوالي  ته  چې دخلکو ژوند ګډوډ کړي اجازه نه ورکوي.
دهېواد دملي دفاع وزارت سرپرست يادونه وکړه په ټولنه کې داسې اندېښنې شتون لري  چې ګنې  انتخابات به په تاوتريخوالي واوړي  خو هغه ډاډمن دى چې بادرايته سياستوال اجازه نه ورکوي چې هېواد دبحران په لور لاړ شي .
هغه دغه راز وويل چې امنيتي اودفاعي ځواکونه ددښمنانو دهر راز توطيو دمخنيوي ځواکمني  لري او دافغانستان خلک دې بايدخپل مدني حقوق له قانوني  لارې وغواړي .
دغه راز په دې غونډه کې دښځو دچارو وزيرې دلبر نظري وينا وکړه او ويې ويل چې په سياسي  ټولنيزواو فرهنګي بدلونونو کې دښځو رول ارزښتناک دى او موږ اوس هم په امنيتي اودفاعي برخو کې دهغوى دپياوړي لور شاهدان يو .
هغې يادونه وکړه :دهېواد دامنيتي اودفاعي بنسټونو په ليکوکې  دښځو شتون دسختودندو دترسره کولو لپاره دهغوى دزړه ورتيا څرګندوى دي خو ددغوستونزو پاى زموږ دخلکو برياليتوب دى
په دفاعي او امنيتي بنسټونو کې دښځو شتون يو تعريف  شوى شتون دى هغوى دخلکو دارامۍ او دجګړې  او جنايت له بلا څخه دهغوى دژغورنې  لپاره مبارزه کوي اوموږ دهغوى ملاتړ کوو .
داطلاعاتواوفرهنګ وزارت سرپرستې حسينې ساپۍ په دې غونډه کې ددې تر څنګ چې په امنيتي اودفاعي بنسټونو کې  دښځو دشتون قدرداني وکړه او ويې ويل: ښځو په لوړ ظرفيت او ودې سره په امنيتي اودفاعي  بنسټونو کې شتون پيداکړى دى زه ډادمنه  يم چې هغوى له خاصو ستونزو سره مخامخې نه دي
هغې ټينګار وکړ چې په هېواد کې دښځو دودې لپاره نوښتونه  بايد خواره واره نه وي بلکې بايد ټولې هڅې  په يوه جوړښت اوچلند کې ځاى ونيسي او منظمې او منسجمې وي .
  ختم_عطاالله_ اکرم

کابل / دليندۍ ٣مه / باختر
د افغانستان د اسلامي جمهوریت د جمهورريیس محمد اشرف غني په مشرۍ غونډې نن غرمه په ارګ کې د نورم او ستندردد ملي ادارې کړنې وارزولې.
دجمهوررييس دوياند دفترباخترآژانس ته خبرورکړ.
په پیل کې د نورم او ستندردد ملي ادارې مسوولینو د یادې ادارې د کړنو او د صادراتو د کمیت او کیفیت د زیاتوالي او ښه والي لپاره د خپلو کړنو راپور او معلومات له جمهورريیس محمداشرف غني سره شریک کړل.
جمهورريیس غني د یاد راپور او معلوماتو له اورېدو وروسته د یادې ادارې له مسوولینو څخه په مننې وویل، دنورم او ستندرد ملي اداره د صادراتو دروازه ده، نو د دې لپاره باید هر هېواد ته په معیار  برابر افغاني محصولات صادرکړو.
جمهورريیس د نورم او ستندرد دملي ادارې مسوولینو ته لارښوونه وکړه چې دکرنې اوبولګولواو مالدارۍاود صنعت او سوداګرۍ وزارتونو او د سوداګرۍ خونې سره په ګډه همکارۍ د هغو هېوادونو چې موږ ورته صادرات کوو معیارونه تشخیص او په هماغو معیارونو برابر  توکي ور صادر کړو.
جمهورريیس غني د یادې ادارې له مسوولینو څخه د صادراتي توکو د کمیت او کیفیت د چک کولو او لوړولو لپاره په پوهنتونونو، شرکتونو او نورو ادارو کې له شته لابراتوارونو څخه د ګټې اخیستنې په موخه جامع طرحه وغوښته.#  پاى-فضل واحد

Page 9 of 2190