23 September 2019

RSS Facebook

سوداگریز


تازه خبرونه

په بغلان کې ٢٥٠ کورنيو مرسته ترلاسه کړه

په بغلان کې ٢٥٠ کورنيو مرسته ترلاسه کړه

پلخمري/ د وږي٣١ مه/ باختر په بغلان کې د وروستيوجګړو له...

چاودنې په پروان کې يوه ښځه ووژله

چاودنې په پروان کې يوه ښځه ووژله

کابل/ د وږي٣١ مه/ باختر د پروان په مرکز ملتان سيمه...

انتخاباتي کمېسيونونو د همکارۍ هوکړه ليک لاسليک کړ

انتخاباتي کمېسيونونو د همکارۍ هوکړه ليک لاسليک کړ

کابل/ د وږي٣١ مه/ باختر د انتخاباتوخپلواک کمېسيون او د انتخاباتي...

Youtube Player

khantry design

سوداگریز

سوداگریز

سیاسی

کابل/باختر/ د وږي ۱٨مه
د افغانستان د اسلامي جمهوریت جمهورريیس محمداشرف غني پرون  ماسپښین       د ارشاد، حج او اوقافو وزارت سرپرست مولوي عبدالحکیم منیب سره وکتل.
د جمهوررييس د وياند دفتر باخترآژانس ته خبر ورکړ ؛ په دغه کتنه کې مولوي عبدالحکیم منیب د تېرې جمعې په ورځ د جمهوري ریاست جومات کې د ملاتره خېل او د هغه د ورونو له لوري پر نوموړي د فزیکي برید او سپکاوي جریان د هیواد جمهورريیس ته بیان او رسماً یې د دغې پېښې د تعقیب غوښتنه وکړه.
د جمهورريیس دلارښونې پر بنسټ د جمهوري ریاست عالي مقام دفترعمومي ریاست له لوري د نوموړي غوښتنه د یوه مکتوب په ذریعه رسماً لوی څارنوالۍ ته راجع او ټینګار وشو چې لوی څارنوالي دې په دې اړه په صراحت د اساسي قانون د ۱۳۴ مادې پر بنسټ خپل اجراات وکړي.
دغه راز په یاد مکتوب کې له کورنیو چارو وزارت غوښتل شوي چې د یوې اوونې په لړ کې دې د مولوي عبدالحکیم منیب ادعاو ته رسیدګي وکړي، د پولیسو اړوند حوزه دې په هراړخیزه توګه و ارزوي او د یادو ادعاو د اثبات په صورت کې دې د یادې حوزې په مسلکي او کادري برخه کې بدلون راولي.                                      پاى \ ذ

کابل/باختر/ د وږي١٧مه
د باختر آژانس سیاسي مفسر لیکي:
دا خبره آن له باخبرو کړیو هم پټه ساتل شوې وه چې جمهوررییس ټرامپ په کمپ ډېوېډ کې د طالبانو له پلاوي سره ګوري. هم د افغانستان جمهوررییس محمد اشرف غني او هم طالبان کمپ ډېوېډ ته بلل شوي وو. لکه څنګه چې ټرامپ په خپل تازه ټویټ کې لیکلي دي؛ ټاکل شوې وه دی هلته له دواړو لوریو سره جلاجلا وګوري.
په یو شمېر رسنیو کې امریکا ته د جمهوررییس د سفر رپوټونه خپاره شول، خو دولت په دې اړه کومه رسمي اعلامیه خپره نه کړه او دا جوته نه شوه چې جمهوررییس کمپ ډېوېډ ته د تګ پرېکړه کړې وه او که نه.
په هرحال ټرامپ دواړه لیدنې لغوه کړې او همدارنګه له طالبانو سره یې د سولې خبرې هم وځنډولې. دا د سولې په اوږدو خبرو کې چې نهه پړاوونه یې ووهل او هر پړاو یې له ګڼو ستونزو سره مخ و، یو نوی پرمختګ دی، خو دا کوم عادي پرمختګ نه دی، بلکې داسې پرمختګ دی چې کولای شي د سولې او جګړې برخلیک اغېزمن کړي. دا لا جوته نه ده چې د سولې خبرې به تر کومه ځنډېدلې وي. ټرامپ د دغو خبرو د ځنډولو لامل په کابل ښار کې وروستی برید ښودلی دی چې ګڼه مرګ ژوبله یې واړوله.
له بده مرغه په وروستیو اوونیوکې تاوتریخوالي هم په کابل او هم په نورو سیمو کې زښت زور اخیستی دی. که د ټرامپ دغه ګواښ او اقدام د تاوتریخوالي په کمولو کې مرسته وکړي، دا اقدام د افغانانو په ګټه دی، خو که تاوتریخوالی کم نه شي او نور هم زیات شي او د سولې د خبرو په اړه یو ډول ناهیلي رامنځ ته شي، نو دا به زموږ د جګړه ځپلي ولس په ګټه نه وي.
څه چې د سولې په خبرو کې ستر ارزښت لري، هغه دا دي چې افغانان باید د خپلو ستونزو د حل لپاره خپلې حل لارې ولټوي. که څوک فکر کوي چې دغه یا هغه بهرنی هېواد، دغه یا هغه بهرنی مشر به موږ ته سوله راولي او موږ په دغه بهیرکې هېڅ ډول مسوولیت نه لرو، نو دغه راز فکر له پيله تر پایه ناسم دی. له بده مرغه یوشمېر شنونکي په رسنیو کې تل ټینګار کوي چې امریکا باید په افغانستان کې د سولې بسیا کول خپل تر ټولو ستر لومړیتوب وګڼي. منو چې سوله باید د هغوی لپاره او د ټولو لپاره لومړیتوب وي، خو دا افغانان دي چې باید سوله تر ټولو ستر لومړیتوب وګڼي او د رښتینې سولې لپاره مټې را بډوهي. په هره بڼه چې ممکنه وي او په هره بیه چې ممکنه وي، باید افغانان د خپلمنځي خبرو لپاره لاره پرانیزي او مخامخ سره کېني او د ټولو موضوعاتو په اړه سپینې خبرې وکړي. ټول لوري باید د لوړو ملی ګټو لپاره هر راز انعطاف او سازش ته خپل بشپړ چمتووالی څرګند کړي.
که افغانان وکولای شي ځانونه د بهرنیو مغرضو کړیو له نفوذ او اغېزو راوباسي او د یو غیرتي ملت د غړیو په توګه خپل ملي مسوولیت او رسالت درک کړي، خپله اراده غښتلې کړي، نو پوره باور دی چې د جګړې او سولې په ګډون ټولو راولاړو ستونزو ته د حل لارې موندلی شي.
زموږ اصلي ټینګار باید د سولې د افغاني لارو پر موندلو وي. یوازې هغه سوله به ټینګه او دوامداره وي چې له افغاني لارو، د افغانانو په نوښت، مالکیت او مشرۍ رامنځ ته شي.
پاى/ ن.ش

کابل/باختر/ د وږي ۱۷ مه
د سولې خبرو اترو په اړه د افغانستان اسلامي جمهوري دولت مطبوعاتي اعلامیه
د افغانستان خلک او دولت د باعزته او تلپاتې سولې غوښتونکي او د سولې په تړاو ټولو هلوځلو ته ژمن دي او د سولې په روانه پروسه کې د رامنځته شوي خنډ لامل د افغانانو پر وړاندې د طالبانو روانه جګړه او تاوتریخوالی ګڼي. موږ تل ټينګار کړی چې واقعي سوله هله راتلی شي چې طالبان افغان وژنه بس کړي، اوربند ته غاړه کېږدي او له افغان دولت سره مخامخ خبرو ته حاضر شي.
د افغانستان دولت د سولې د طراح، مدافع او تطبیقوونکي په توګه د سولې مشورتي لویې جرګې پرېکړو ته درناوی کوي او د دې جرګې له خوا د سولې لپاره د افغانستان د خلکو پر محوریت او د افغان دولت پر مالکیت، د وړاندې شوې کړنلارې تعقیب خپل مسوولیت ګڼي.
د افغانستان دولت د سولې په تړاو د خپلو متحدینو صادقانه هڅې ستايي او ژمن دی چې په راتلونکي کې د امریکا له متحده ایالاتو او نورو متحدینو سره د تلپاتې او باعزته سولې په راوستو کې په ګډه کار وکړي.
افغان دولت د روان کال د تلې په ۶مه د جمهوري ریاست پر ټاکنو او له دې لارې د یوه قوي، قانوني او مشروع حکومت په رامنځته کېدو ټینګار کوي، ترڅو د سولې روانه پروسه په بشپړ دقت او تدبیر مخ ته یوسي.
پاى – ذ

کابل / باختر/ د وږي١٧مه
په افغانستان کې د ناټو ملکي استازي د امنيتي حالت، سولې او د انتخاباتو د څېړنې او په دې اړوند د خلکو د نظر د اخيستلو په موخه نن غزني ته سفر وکړ.
د باختر آژانس د خبرله مخې: په هغې غونډه کې چې په همدې موخه په جنوب ختيځ کې د غوڅ ملاتړ د قوماندان، د غزني د والي، امنيه قوماندان او د ملي امنيت د رييس  او د نورو مسوولينو په شتون جوړه شوې وه؛ د ناټو ملکي سفير نيوکولاس کي د امنيتي او دفاعي منسوبينو د اړتياوو د څېړنې په اړوند د ډاډ په څرګندولو سره د دغه ولايت د امنيت د تامين په برخه کې د پوځيانو ښه پرمختګونه او لاسته راوړنې وستايلې.
په غونډه کې د غزني والي وحيدالله کليمزي د روان امنيتي حالت، پرمختګونو او د امنيتي او دفاعي ځواکونو د اړتياوو په باب معلومات وړاندې کړل او په دغه ولايت کې يې د پوځيانو د اړتياوو د څېړنې غوښتنه وکړه.
پاى \ ذ

Page 9 of 2142