10 December 2018

RSS Facebook

سوداگریز


تازه خبرونه

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

کابل \ باختردليندۍ دمياشتې١٩نيټه : په جوزجان کې يوشمېر...

 اته تنه پوځيانو په فارياب کې شهيدان شول

اته تنه پوځيانو په فارياب کې شهيدان شول

کابل \ باختردليندۍ دمياشتې١٩نيټه اته تنه پوځيانو تېره شپه...

د نشه يي توکو د توليد درې کارخانې ويجاړې شوې

د نشه يي توکو د توليد درې کارخانې ويجاړې شوې

کابل \ باختردليندۍ دمياشتې١٩نيټه : د نشه يي توکو د...

Youtube Player

khantry design

سوداگریز

سوداگریز

سیاسی
کابل \باختر\ د ليندۍ د مياشتې ۷مه د افغانستان د اسلامي جمهوریت جمهور رئیس محمد اشرف غني جنیوا ته د لوړ پوړي دولتي پلاوي د رسمي سفر په څنډه کې پرون مازدیګر د سره صلیب نړیوالې کمېټې له رئیس پیټر مورر سره وکتل. د جمهور رييس د وياند دفتر باختر آژانس ته خبر ورکړ: په دې کتنه کې چې د جمهور رئیس په استوګنځي کې ترسره شوه، دواړو لورو په افغانستان کې د سره صلیب نړیوال بنسټ د فعالیتونو په اړه خبرې وکړې. د هېواد جمهور رئیس د سره صلیب نړیوالې کمېټې له رئیس څخه په سختو شرایطوکې له افغانستان سره په بېلابېلو برخوکې د یاد سازمان د بشردوستانه همکاریو قدرداني وکړه او همدارنګه یې د یاد بنسټ د راتلوونکو پلانونو او فعالیتونو د لا ښه والي په موخه ورته لازمې لارښوونې وکړې. د سره صلیب نړیوالې کمېټې رییس په افغانستان کې د یاد بنسټ د راتلوونکو فعالیتونو او پلانونو په اړه د جمهور رئیس د لارښوونو قدرداني وکړه او وې ویل، په خپلو راتلوونکو پلانونو کې به ورته لومړیتوب ورکړي. د هېواد جمهور رئیس وویل، د افغانستان حکومت د بشردوستانه فعالیتونو لپاره لازمه فضا د دې سازمان په اختیار کې ورکړې او د دې لپاره د سره صلیب نړیواله کمېټه د حکومت همېشنی ملاتړ له ځانه سره لري. # پای – ذ
کابل \باختر\ د ليندۍ د مياشتې ۷مه د افغانستان د اسلامي جمهوریت جمهوررئیس محمداشرف غني پرون له غرمې مخکې په جنیوا کې د ملګرو ملتونو سازمان په دفتر کې د خصوصي سکتور له استازو سره په جوړه شوې غونډه کې ګډون او وینا وکړه. د جمهور رييس د وياند دفتر باختر آژانس ته خبر ورکړ: جمهور رئیس غني د خپلې وینا پرمهال په افغانستان کې د کانونو، برېښنا، کرنې او نورو برخو کې شته ظرفیتونو ته په اشارې افغان او نړیوال پانګه وال په بېلابېلو برخوکې پانګونې ته وهڅول. محمد اشرف غني خصوصي سکتور د افغانستان د دولت هم شریکباڼی وباله او زیاته یې کړه، حکومت د مشارکت، پانګونې او فعالیت په موخه خصوصي سکتور ته د لازمو اسانتیاوو برابرولو ته ژمن دی. جمهور رئیس همدارنګه د خصوصي سکتور ستونزو ته په اشارې په تېرو څلورو کالو کې د خصوصي سکتورد پرمختګونو، اصلاحاتو، اسانتیاوو او لاسته راوړنو یادونه هم وکړه. محمد اشرف غني څرګنده کړه، افغانستان په بېلابېلو برخوکې ګڼ پرمختګونه او ظرفیتونه لري. د بېلګې په توګه یې د ښځو او ځوانانو یادونه وکړه چې په بېلابېلو کچو په مهمو ځایونوکې د کار او خدمت زمینې ورته برابرې او مسوولیتونه ورسپارل شوي دي. جمهور رئیس غني کرنه د هېواد د ثبات کیلي وبلله او د کرنې د ودې لپاره یې بزګرو ته د عصري کرنې په اړه د معلوماتو او روزنې ورکولو ترڅنګ له بزګرو سره د لازمو مرستو په کولو هم ټینګار وکړ. جمهور رئیس وویل، حکومت به د افغان بزګرو کرنیزو محصولاتو ته د بازارموندنې او نړیوالو مارکېټونو ته د لېږلو د اسانتیاوو د برابرولو ترڅنګ له افغاني کرنیزو محصولاتو څخه ګټه اخېستنې پام لا ډېر کړي. هغه زیاته کړه، حکومت د صادراتو او وارداتو ترمنځ د بیلانس د رامنځته کولو او د افغاني کرنیزو محصولاتو د بازار موندې په موخه په دې هڅه کې دی چې افغاني محصولات د نړۍ بېلابېلو هیوادونو ته صادر کړي. محمد اشرف غني هند، چین، سعودي او یو شمېر نورو هېوادونو ته د افغانستان د کرنیزو تولیداتو او مېوو د صادرولو په موخه له څو هېوادونو سره د بېلابېلو هوایي دهلېزونو یادونه وکړه او وې ویل، په دې وروستیو کې د افغانستان جلغوزي چین ته صادر شول چې له دې سره به د هغو سیمو د خلکو په ژوند کې چې جلغوزي په کې تولیدېږي بدلون راشي. د هېواد جمهور رئیس افغان او نړیوال پانګه وال په افغانستان کې ګڼو فرصتونو ته په کتو په بېلابېلو برخو کې پانګونې ته وهڅول او هغوی ته یې ډاډ ورکړ چې حکومت به د دوی د پانګونو د خوندیتوب په ګډون ټولې لازمې اسانتیاوې ورته برابرې کړي.# پای – ذ

کابل باختر د ليندى شپږمه :
دهېواد دبهرنيو چارو وزير په ژينوا کې  دپرسونل ضد ماين دکنوانسيون اوولسمه  غونډه کې ګډون او وينا وکړه .
دبهرنيو چارو وزارت مطبوعاتي دفتر باختراژانس ته خبرورکړ ، دهېواد دبهرنيو چارو وزير په خپله پرانستونکي وينا کې دماين پاکولو په برخه او ددغه کنوانسيون دغړيتوب دترلاسه کولو په لاره کې  هېوادونو ته دبلنې په برخه کې چې افغانستان تيرکال داتاوا کنوانسيون رياست په غاړه درلود دافغانستان دهلوځلو يادونه وکړه او  څرګنده کړه چې افغانستان دهغو هېوادونو له جملې څخه دى  چې دپرسونل ضد ماينونو له پلوه  دزياتو زيانونو ډګر و . او هرکال  دهېواد  زيات خلک ددغو ماينونو قرباني شوي دي .
له همدې امله افغانستان داتاوا دکنوانسيون غړيتوب ترلاسه کړ او ددغه کنوانسيون له نورو غړو سره  له ماين پرته نړۍ ته  درسيدو په لاره کې هلې ځلې کوي .
  افغانستان په   ٢٠١٨ کال کې داتاوا دکنوانسيون رياست په غاړه درلود او له دغه کنوانسيون سره د هېوادونو دالحاق او له ماين سره دمبارزې په لاره  کې په ژينف کې دافغانستان دسفارت له لارې  زياتې هلې ځلې کړي دي .
  ختم_ج _ اکرم

کابل باختر د ليندى شپږمه :
دافغانستان په باره کې  دژينو دغونډې کار نن دافغانستان داسلامي جمهوريت دجمهور رييس محمد اشرف غني  په وينا سره پيل شو .
دباختراژانس دخبرله مخې، دافغانستان داسلامي جمهوريت جمهور رييس په دې غونډه کې په هېواد کې  په بېلابېلو اقتصادي  او ټولنيزو برخو کې په رامنځته شويو اصلاحاتو تمرکز وکړ او دپخوانيو ژمنو په وړاندې يې دافغانستان داقداماتو په باب هراړخيز رپوټ وړاندې کړ
دجمهور رييس دوياند  دڅرګندونوله مخې، له نړيوالې ټولنې سره دافغانستان دحکومت پخوانى ژمنې  له شپيتو څخه تراويا سلنې پورې عملي شوي دي
  ويل کېږي چې په دې غونډه کې ددوه شپيتو هېوادونو او دپنځه ديرشو نړيوالو بنسټونو استازي ګډون لري .
په دې هکله مفصل رپوټ وروسته خپرېږي .
  ختم_ عطاالله _ اکرم

 

Page 10 of 1983