25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

کابل /دسلواغې ١٥مه / باختر:
د جمهور ريیس ځانګړي استازي او د سولې په چارو کې د دولت وزیر عبدالسلام رحیمي د افغانستان لپاره د بلجیم له ځانګړي استازي آرنوت پاولس سره وکتل.
د سولې په چارو کې د دولت وزارت باخترآژانس ته خبرورکړ.
په دې کتنه کې دواړو لورو د سولې پر بهیر او د سولې بهیر د ملاتړې ډلې له لارې د نړیوالې اجماع پر رامنځته کېدو بحث او خبرې وکړې.
د افغانستان لپاره د بلجیم ځانګړي استازي وویل چې بلجیم د افغانستان د سولې د بهیر ملاتړ کوي.
همدارنګه د سولې په چارو کې د دولت وزیر د افغانستان د دوامدار ملاتړ له امله د بلجیم له هيئت څخه مننه وکړه.
پاى- ع

کابل /دسلواغې ١٥مه / باختر:
د جمهور ريیس ځانګړي استازي او د سولې په چارو کې د دولت وزیر عبدالسلام رحیمي له وتلي جهادي او سیاسي شخصیت حاجي دین‌محمد سره وکتل.
د سولې په چارو کې د دولت وزارت دفترباختراژانس ته خبرورکړ
په دې کتنه کې د سولې پر اړوندو موضوعاتو خبرې وشوې.
دغه کتنه د سولې لپاره د ملي اجماع د جوړېدو په موخه د سیاسي فعالانو د لیدلورو او نظرونو د راټولولو لپاره د سولې په چارو کې د دولت د وزیر د کتنو په لړ کې وشوه.
پاى- ع

 

کابل /دسلواغې ١٥مه / باختر:
د جمهور ريیس ځانګړي استازي او د سولې په چارو کې د دولت وزیر عبدالسلام رحیمي د افغانستان د اسلامي یووالي ګوند له رهبر استاد محمد کریم خلیلي سره وکتل.
د سولې په چارو کې د دولت وزارت دفترباختراژانس ته خبرورکړ
په دې کتنه کې دواړو لورو پر وروستیو بدلونونو او د سولې پر اړوندو موضوعاتو خبرې وکړې.
دغه کتنه د سولې لپاره د ملي اجماع د جوړېدو په موخه د سولې په چارو کې د دولت د وزیر د ناستو په لړ کې وشوه.
پاى- ع

 

کابل/ د سلواغې ١٥ مه/ باختر
په خواشینۍ سره مې اطلاع حاصله کړه چې د هېواد فرهنګي او سیاسي شخصیت عبدالحمید یقین یوسفزی د ورپېښې ناروغۍ له کبله وفات شو.
ارواښاد یقین یوسفزی د یوه منور او فرهنګي شخصیت په توګه او د سولې، ولسواکي او مدني مبارزې د یو مخکښ په حیث ټول عمر د هېواد خدمت وکړ. د ده مړینه یوه ضایعه ده.
د ارواښاد یقین یوسفزي د مړينې په مناسبت د هغه کورنۍ، دوستانو او د ننګرهار خلکو ته تسلیت وایم. الله تعالی دې یې وبخښي او جنتونه دې یې په نصیب شي.
پاى- ع

Page 10 of 2232