23 July 2019

RSS Facebook

سوداگریز


تازه خبرونه

په لوګر کې  د ښځو د لاسي صنايعو د نندارتون پرانستل

په لوګر کې د ښځو د لاسي صنايعو د نندارتون پرانستل

کابل / باختر/ د زمري لومړۍ د هېواد د خپلواکۍ د...

د بغلان په مرکز کې چاودنې دوه کسان ټپیان کړل

د بغلان په مرکز کې چاودنې دوه کسان ټپیان کړل

کابل / باختر/ د زمري لومړۍ د بغلان په مرکز پلخمري...

 په بادغيس کې د طالبانو د يوه جګپوړي قوماندان وژل کېدل

په بادغيس کې د طالبانو د يوه جګپوړي قوماندان وژل کېدل

کابل / باختر/ د زمري لومړۍ د بادغيس سيمه ييز مسوولين...

Youtube Player

khantry design

سوداگریز

سوداگریز

سیاسی

کابل/باختر/ د چنګاښ٣١مه
د مشرانو جرګې رییس فضل هادي مسلم یار نن د ملي شورا په مقر کې د چین د ولسي جمهوریت له سفیر لیوجنسانګ سره د مخه ښې کتنه وکړه.
د مشرانو جرګې مطبوعاتي دفتر باختر آژانس ته خبر ورکړ:
په دې کتنه کې د مشرانو جرګې رییس ته د چین د ولسي جمهوریت رسمي بلنه ورکړ شوه او له افغانستان سره د دغه هېواد د لا زیاتو مرستو، د جمهوري رياست د ټاکنو ترسره کېدو، له ترهګرو ډلو سره د مبارزې، د سولې بهیر او له افغان دولت سره د خبرو لپاره د پاکستان او طالبانو د اړ ايستلو په اړه خبرې و شوې.
ښاغلي لیوجنسانګ وویل: چین په افغانستان او سیمه کې د سولې د ټینګښت غوښتونکی دی او پاکستان به دې ته اړ کړي چې د افغانستان سولې په برخه کې شته فرصت له لاسه ورنه کړي او د افغانستان له وسله والو مخالفینو سره د همکارۍ لاس واخلي.
د مشرانو جرګې رییس د لیو جنسانګ د هڅو مننه وکړه او ويې وویل: د چین د خلکو جمهوریت په زياترو مواردو کې د یوه ښه ګاونډي په توګه زموږ له خلکو سره مرستې کړې او هیله من یو چې چین د یوه لوی اقتصادي هېواد په توګه د سیمې او په ځانګړې توګه د افغانستان په سولې پورې اړوندو مسایلو کې مهم رول ولوبوي.
د مشرانو جرګې رییس زیاته کړه: ترهګر ښه او بد نه لري او دغه شومه پدیده چې د کلونو راهیسې له افغانانو څخه قربانۍ اخلي، باید د یوشمېرهېوادونو د ګټو د خوندیتوب لپاره وسیله و نه ګرځي.
مسلم یار د افغانستان په سولې بهیر کې خوشبینیو او اندېښنو ته په اشارې سره وویل چې د افغانستان نړیوال همکاران باید له هر ډول پټو معاملو څخه ډډه وکړي او د افغانستان حکومت او مخالفینو ترمنځ د ناستو زمینه برابره کړي.
دغه راز یې د رڼو، سراسري اوعادلانه ټاکنو جوړېدل د هېوادوالو غوښتنه وبلله او ټینګار یې وکړ چې حکومت او په تېره بيا د ټاکنو خپلواک کمېسیون په دې برخه کې خپل مکلفیتونه په ښه توګه ترسره کړي.#
پاى – ذ

 

کابل\باختر\د چنګاښ ٣٠ مه
د افغانستان د اسلامي جمهوریت جمهور ريیس محمداشرف غني د ملګرو ملتونو د سازمان د سکرترجنرال له مرستیالې امینې محمد سره چې کابل ته په سفر راغلې وه، په ارګ کې وکتل.
د جمهوررييس د وياند دفتر باختر اژانس ته خبر ورکړ:
په دې کتنه کې اغلې امینې د حکومت په بېلابېلو بنسټونو کې د اصلاحاتو په خاطر د جمهوررئیس غني د هڅو قدرداني وکړه او د افغانستان د حکومت په رهبرۍ او مالکیت یې د سولې او انتخاباتو پروسو څخه خپل ملاتړ اعلام کړ.
د ملګرو ملتونو د سازمان د سکرترجنرال مرستیالې  دغه راز  د حکومت په بېلابېلو په ځانګړي ډول د تصمیم  نیونې په کچو د ښځو د حضور پر زیاتوالي خوښي وښوده.
جمهوررئیس د ملګرو ملتونو سازمان د سکرترجنرال مرستیالې ته د ښه راغلاست ترڅنګ، له افغانستان سره د دغه سازمان د دوامدارو همکاریو مننه وکړه او په افغانستان کې د ملګرو ملتونو سازمان په بنسټونو کې د اصلاحاتو پر راوستو یې ټینګار وکړ.
پاى\جهان يار

کابل\باختر\د چنګاښ ٣٠ مه
د انتخاباتو او د انتخاباتي شکايتونو د خپلواکو کمېسيونونو مسوولان ټينګار کوي چې د انتخاباتو ترسره کول د خلکو غوښتنه او دانتخاباتي کمېسيونونو دنده ده .
د باختراژانس د خبريال د خبرله مخې، د انتخاباتود خپلواک کمېسيون رييسې حوا علم نورستاني نن په يوه ګډه خبري ناسته کې د رڼو اوعادلانه  انتخاباتو د ترسره کولولپاره د انتخاباتو کمېسيونونو په لازياتې همغږۍ باندې ټينګار وکړ او ويې ويل دواړه کمېسيونونه د انتخاباتو ترسره کوونکي دي .
ميرمن علم نورستاني څرګنده کړه، چې خلک دې اندېښنه  نه کوي، انتخابات په ټاکلي وخت کې ترسره کېږي او هغه نيمګړتياوې چې په دې برخه کې موجودې وې لرې شوي دي او دغه بنسټونه درڼو او عادلانه انتخاباتو لپاره ژمن دي.
د نورستانۍ د څرګندونوله مخې، د انتخاباتو خپلواک کمېسيون ژمن دى چې د ١٣٩٨ کال د تلې د مياشتې په شپږمه نيټه راڼه ،عادلانه اوسراسري  انتخابات ترسره کړي او هم يې له ملي او نړيوالو بنسټونو په تېره بيا د جمهوري رياست دانتخاباتو له نوماندانو ، سياسي ګوندونو او مدني ټولنې  څخه  وغوښتل چې د انتخاباتو په ترسره  کولو کې دې له انتخاباتي کمېسيونونو سره همکاري وکړي
په همدې حال کې د انتخاباتو په بهير څارونکي بنسټونه خبر دارى ورکوي که چيرې دانتخاباتو خپلواک کمېسيون د جمهوري رياست دانتخاباتو د ترسره کولو لپاره په سمه او جدي توګه تيارى ونه نيسي انتخابات به له زياتو ستونزو سره مخامخ شي .
خو د انتخاباتو خپلواک کمېسيون وايي چې د دغو انتخاباتو د ترسره کولو  لپاره چمتووالى لري .
د جمهوري رياست د انتخاباتو د ترسره کولو لپاره د اړتيا وړ بودجه  ١٤٩ مليونه ډالره اټکل شوې چې نوي مليونه دالره يې دافغانستان  دحکومت له خوا او  ٥٩ مليونه ډالره يې دمدني ټولنې له لوري تامينيږي .
  ختم_عطاالله _اکرم

 

کابل\باختر\د چنګاښ ٣٠ مه
د جمهوري ریاست د چارو د ادارې لوی رییس او د افغانستان د خپلواکۍ د بېرته ترلاسه کولو د سلمې کالیزې د جشن د نمانځنې دعالي کمېسیون د دارالانشاء رييس سید عبدالوحید قتالي د جشن د ښه لمانځلو په موخه د یاد کمېسیون د تیاریو څخه دمشرانو جرګې رئیس فضل هادي مسلم یار ته معلومات وړاندې کړل.
د مشرانو جرګې مطبوعاتي دفتر باختر اژانس ته خبر ورکړ:
دغه کتنه چې دملي شورا په مقر کې ترسره شوه، د جمهوري ریاست د چارو د ادارې لوی رییس سیدعبدالوحید قتالي وویل، دهېواد د خپلواکۍ د بېرته ترلاسه کولو د سلمې کالیزې د لا ښه نمانځلو په موخه د جشن دجوړېدو کمېسیون دشپاړسو کاري کمېټو لخوا دهېواد په ټولو ولایتونو کې ددیني، فرهنګي او تاریخي پروګرامونو تر څنګ یو لړ نور اقدامات تر لاس لاندې نیولي دي.
ښاغلي قتالي زیاته کړه، د دې لپاره چې دافغانستان ټول قومونه په دغه تاریخي جشن کې ځان شریک وګڼي، د هېواد له بېلا بېلو قشرونو سره پراخې اړیکې نیول شوي دي او له بلې خوا دهېواده بهر افغان کډوال هم د خپلواکۍ جشن نمانځي، نوموړي دمشرانو جرګې رئیس څخه د خپلو او دجرګې دغړو دسپارښتنو او نظریو غوښتونکی شو.
دمشرانو جرګې رییس فضل هادي مسلم یار د مجلس او د جمهوري ریاست د چارو ادارې تر منځ د کاري اړیکو په لا پیاوړتیا او پراخوالي دټینګار ترڅنګ وویل چې مشرانو جرګه د هېواد دټولو ملي ارزښتونو او پروګرامونو ملاتړې او مدافع ده او د اړتیا په صورت کې چمتو ده چې د دغه تاریخي او ملي لوی مناسبت څخه د لمانځلو په موخه خپله ونډه ترسره کړي.
مسلم یار هیله څرګنده کړه چې باید هرکال د غویې د اتمې د افغانستان د اسلامي انقلاب د بریالیتوب څخه چې د هېواد دتاریخې مهمو پېښو څخه ده، ښه نمانځنه وشي.
پاى\جهان يار

Page 2 of 2111