25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

کابل/ د کب ٤مه/ باختر
په تهران کې د افغانستان سفارت خپل قونسلي خدمتونه د څلورو ورځو لپاره وځنډول.
دغه تصميم له هغه وروسته ونيول شو چې د ايران په څو ولايتونوکې د کرونا ويروس تشخيص شو او پر دغه ويروس څلورو اخته کسانو مړه شول.
په تهران کې د افغانستان سفارت په يوه اعلاميه کې ويلي دي: " په تهران کې د افغانستان د اسلامي جمهوريت د سفارت قونسلي ټولو مراجعينو ته خبر ورکول کېږي چې د کب له ٤ مې تر ٧ مې د ايران په ځينو ولايتونوکې د کرونا ويرويس د ليدو او تشخيص په پام کې نيولو سره، د دغې نمايندګۍ په قونسلې برخه کې د مراجعينو د زياتې ګڼې ګوڼې او د دغې وژونکې ناروغۍ د مخنيوي لپاره چې زياتره په ګڼه ګوڼه کې په چټکۍ سره خپرېږي؛ په استثنايي ډول له قونسلي خدمتونو څخه معذرت غواړي."
دغه سفارت ويلي دي: قونسلي څانګه به يوازې د مړينې په برخه کې رسيدګي وکړي.
پاى \ ذ

کابل/ د کب ٤ مه/ باختر 
د سولې په چارو کې د دولت وزارت نن د طالبانو او امريکا ترمنځ د مرکز او ولايتونو         له بېلابېلو بنسټونو څخه د ښځو د استازو د نظريو د بيانولو لپاره د هغوى د غونډې کوربه و. 
د باختر آژانس دخبرله مخې؛ په دې غونډه کې د اطلاعاتو او فرهنګ وزارت سرپرستې حسينې ساپۍ د سولي ارزښت او هغه ته په رسېدو کې د ښځو شتون په اړه خبرې وکړې او ويې ويل: سږ کال ملي او نړيوالو بنسټونو د سولې په  بهيرکې د ښځو د موثره او دوامداره مشارکت او د حق غوښتنې زيات پروګرامونه په لاره اچولي دي؛ هغه پروګرامونه چې هر يو يې په خپل وار د ښځو د قدرت د شتون او د هغوى د ژوندانه لپاره د سولې د اهميت منعکس کوونکي دى . 
حسينې ساپۍ زياته کړه: که څه هم دغه غږونه له بېلابېلو حنجرو را ووتل، خو ټول د افغانستان د ښځو غږ و چې د ښځو له شتون پرته په يوه غږ، سوله يې رد کړه او اصلي پيغام يې دا و چې موږ په هېڅ وجه په شا نه ځو.
په غونډه کې ښځې په اقتصادي - سياسي، ټولنيز، فرهنګي، حقوقي او شرعي کمېټو  ووېشل شوې او د دغو موضوعګانو په اړه يې خپل ليدلوري مشخص کړ. 
په پاى کې کمېټو خپلې نظريې بيان کړې چې موظف مسوولان به يې په منسجم ډول ترتيب او ټاکل شوې ده د هېواد په رهبرۍ چې سبا به له دغو استازو سره غونډه ولري؛  وړاندې کړي. موخه دا ده سولې ته د رسېدو لپاره په اړوندو برخو کې د ښځو مهمې او اساسي غوښتنې په اساسي او تخصصي ډول د حکومت له رهبرۍ او نورو مذاکره کوونکو سره شريکي شي او متخاصمو ډلو ته لکه طالبان دغه پيغام ورکړل شي چې  د اسلام په مبين دين کې د ښځو مقام لوړ او خوندي دى او د دين په پلمه نه شو کولاى ښځې له خپلو حقوقو څخه محرومې کړو او د هغوى له حقوقو سره معامله وشي.
پاى \  ذ

کابل/ د کب ٤مه/ باختر
د افغانستان پخوانی جمهورريیس حامد کرزی د امریکا متحدو ایالاتو او د طالبانو اسلامي تحریک له خوا د سولې د موافقه ليک د لاسلیک کولو د نېټې د اعلام هرکلی کوي.
حامد کرزی هیله څرګندوي چې په ټاکل شوې نېټه موافقه ليک لاسلیک، بین الافغاني مذاکرات شروع او په هېواد کې د تلپاتې او سراسري سولې زمینه برابره شي.
پخوانی جمهورريیس همداراز هیله څرګندوي چی په روانو حساسو شرایطوکې د ګران هېواد ټول خلک په یوه غږ، اتحاد او اتفاق پر ملي ټغر راټول شي او په ګډه خپل ګران هېواد له روان کړکېچ څخه وژغوري چې زموږ خلک له بهرينو مداخلو پرته په یو آزاد او آباد افغانستان کې د یو بل ترڅنګ سوله يیز ژوند وکړي.
پاى/ ذ

 

-کابل/ د کب ٤مه/ باختر
په افغانستان کې د تاوتريخوالي په کمښت سره د دغه جګړه ځپلي هېواد هره کوڅه  تازه رنګ اخيستى دى.
د افغانستان خلک د تاوتريخوالي او ويني تويولو د کمښت هرکلى وکړ، خو وايي چې دايمي سوله او آرامي غواړي.
له ولايتونو څخه د باختر آژانس خبريالانو د خبرونو له مخې؛ د دغه هېواد خلک له دې امله چې ډېر لږ د جګړې شاهدان دي؛ خوشحاله بريښي.
د تاوتريخوالي د کمښت اوونۍ په پيل سره خلک له ډار پرته په لويو لارو او کوڅو کې  تګ راتګ کوي او دغه راز مخابراتي شبکې نورې د شپې له خوا نه بندېږي.
امريکا او د طالبانو ډله له اوږدو خبرو وروسته د سولې موافقې د لاسليک لپاره يوې پايلې ته ورسېدل.  
ټاکل شوې ده دغه موافقه ليک د کب په ١٠مه د امريکا او طالبانو د استازو ترمنځ لاسليک شي.
تراوسه د دغه موافقه ليک لاسليلک ته يوه اوونۍ پاتې ده او د افغانستان حکومت او د طالبانو ډله پر يو بل د بريدونو د کمښت لارښوونه کړې ده.
د جمهوررييس غني او د طالبانو ډلې د مشرانو د لارښونې پر نسټ، پوځيان او طالبان د سولې موافقه ليک ترلاسليک پورې بايد پر يو بل بريدونه ونه کړي.
په همدې حال کې په افغانستان کې د تاوتريخوالي د کمښت اوونۍ د پيل د٤٨ساعتو په بهيرکې د هېواد ځينې سيمې د طالبانو د بريدونو ډګر و.
د افغانستان د حکومت او د طالبانو ډلې ترمنځ له درې ورځني اوربند وروسته، دا دويم ځل دى چې د هېواد خلک لږ د تاوتريخوالي او ويني تويولو شاهدان دي. دوى  د افغانستان له حکومت او طالبانو څخه غوښتنه کوي چې په خپلوکې خبرې وکړې چې په هېواد کې د دايمي سولې لپاره يوه لاره ومومي.
پاى \ج\ ذ

Page 2 of 2232