29 May 2020

RSS Facebook

سوداگریز


تازه خبرونه

ګڼ پالنه، ولسواکي او سوله ییز ژوند

کابل / د غبرګولي ۹ مه / باختر په دغو ورځو...

يوولس تنه په هرات کې ونيول شول

يوولس تنه په هرات کې ونيول شول

کابل / د غبرګولي ٩ مه / باختر د هرات پوليسو...

طالبانو د٨٠ پوځيانو د خوشې کولو خبر ورکړ

طالبانو د٨٠ پوځيانو د خوشې کولو خبر ورکړ

کابل / د غبرګولي ٩ مه / باختر په دوحه کې...

Youtube Player

khantry design

سوداگریز

سوداگریز

سیاسی

-کابل / دثور ١٣مه / باختر:
په خواشینۍ سره مې اطلاع حاصله کړه چې څېړنوال مولانا زین الله منلی د ۹۶ کالو په عمر د ورپېښې ناروغۍ له امله وفات شو.
مرحوم مولوي زین الله منلی دیني عالم، محقق، شاعر او ژباړن و. ډېر اثار یې لیکلي، شاګردان یې روزلي او ډېر عمر یې د وطن، وطنوالو، ژبې او فرهنګ خدمت کړی دی. د ده مړینه د افغانستان فرهنګي ټولنې ته لویه ضایعه ده.
د مولانا زین الله منلي د وفات له امله د ده کورنۍ، دوستانو، ، همکارانو او د علم او فرهنګ مینه والو ته تسلیت وایم او مرحوم ته د خدای تعالی په دربار کې د فردوس جنت هيله کوم. ختم- ج

-کابل / دثور ١٣مه / باختر:
دافغانستان دبيارغاونې لپاره  دامريکا دمتحده ايالاتو ځانګړى څيړونکى وايي چې ناټو په افغانستان کې دطالبانو دبريدونودشمېر اعلام  بند کړى دى .
دباختراژانس دخبرله مخې،  دامريکا او  طالبانو دډلې ترمنځ  دسولې دموافقه ليک له لاسليک کولو وروسته  ناټو  نه غواړي په افغانستان کې دطالبانو دبريدونوشمېر اعلام کړي .
دناټو دمقاماتو دڅرګندونوله مخې ، دسولې دخبرو دبهير نه ګډوډيدل هغه اصلي  دليل دى  چې ناټو نه غواړي  دبريدونوشمېر  افشا کړي .
  د ناټو دخبرله مخې، په افغانستان کې  دناټو دعملياتو مسوولينو ويلي دي چې دغه شمېر  نه خپروي . ځکه چې دطالبانو  بريدونه اوس دامريکا اوطالبانو ترمنځ دسولې دخبرو له اصلي موضوعګانو څخه نه دي  .
دامريکا ددفاع وزارت وياند په دې باب وويل چې ددغوبريدونوشمېر يواځې  رسمي دي .خو ددې لپاره چې دطالبانو دبريدونوشمېر  دخبرو اصلي موضوع نه ده دغه شمېر به  په عمومي ډول  خپور نه شي .
  ختم _ ج_ اکرم

 کابل/ د غویي ١٢ مه / باختر
هېواد ته د هغو افغانانو د لېږد بهیر دوام لري چې د کرونا ویروس د خپريدو له امله یې د الوتکو الوتنې لغوه شوي اوبند پاتې وو.
دبهرنيوچارووزارت مطبوعاتي دفترباخترآژانس ته خبرورکړ.
تر دې دمه ۸۲۰۳ تنه افغانان چې په هند او متحده اماراتو کې بند پاته وو را انتقال شوي دي.
دغه هېوادوال د پنځلسو الوتنو په واسطه له هند او د اته ویشتو الوتنو په واسطه له متحده عرب اماراتو څخه وطن ته راستانه شوي دي.
د دغو الوتنو په پایله کې چې د کام ایر او آریانا افغان شرکتونو له لوري ترسره شوي دي له هند څخه ۴۵۰۰ او له متحده اماراتوڅخه ۳۷۰۳ تنه افغانان هېواد ته لېږدول شوي دي.
همدارنګه، د افغانستان د بهرنیو چارو وزارت اړیکې له سعودي عربستان سره هم دوام لري چې له عربستان څخه هغه افغان مسافر چې بند پاتې دي او افغان بندییان په نږدې راتلونکې کې را انتقال کړي.
ټاکل شوې ده چې د بهرنیو چارو وزارت له نورو هېوادونو سره په دوامدره توګه په اړیکه کې ووسي چې  د بند پاتې شویو هېوادوالو د لېږدولو زمینه برابره کړي.
ختم- ج

 کابل/ د غویي ١٣ مه / باختر
د افغانستان د بهرنیو چارو وزارت سرپرست محمد حنیف اتمر پرون سهار د ایران اسلامي جمهوریت د بهرنیو چارو وزیر محمد جواد ظریف سره ټیلفونې خبرې وکړې
دبهرنيوچارووزارت مطبوعاتي دفترباخترآژانس ته خبرورکړ.
په دې ټیلفوني خبرو کې د افغانستان د سولې پر بهیر، د اسلامي جمهوري نظام پر ټینګښت او د دوه اړخیزو اړیکو پر پراختیا خبرې وشوې.
ظریف په خپلو خبرو کې وویل چې د افغان دولت د دریځ په ملاتړ یې له یو شمېر هېوادونو سره ګډې هڅې کړي ترڅو د سولې بهیر، د جمهوری اسلامي نظام د ساتنې او په ځانګړي توګه په افغانستان کې د آوربند د ټینګښت او د بین الافغاني مذاکراتو بیړني پیل په موخه سیمه ییزه او نړۍواله اجماع لا پياوړي شي.
ظریف وویل چې د یادو مواردو په اړه اجماع شتون لري او په دې برخه کې یې د افغانستان له دولت سره د نورو ګډو اقدماتو له پاره چمتوالی وښود.
اتمر د ایران د بهرنیو چارو له وزیر څخه د پیل شوي لړۍ او همکاریو له امله مننه وکړه او د سیمه ییزې او نړۍوالې اجماع په رامنځته کېدو یې د ګاونډیو هېوادونو رول مهم وباله.
د خبرو په لړ کې پریکړه وشوه چې دواړه هېوادونه به په ګډه د اړوندو مواردو په اړه خپلو هڅو ته دوام ورکوي.
دواړو لورو د افغانستان او ایران په دوه اړخیزو اړیکو د مفصلو خبرو ترڅنګ د کرونا ويروس له ناروین سره پر ګډې مبارزې هم خبرې وکړې، اتمر د ایران له طبي همکاریو څخه مننه وکړه او د لا نورو همکاریو پر جذب او څرنګوالی هم خبرې وکړې.
ختم-ج