22 May 2019

RSS Facebook

سوداگریز


تازه خبرونه

خلک : خداى دې هغو کسانو ته چې دلارو دبندښت سبب کېږي سزا ورکړي .

کابل باختر د غبرګولي لومړي : دغبرګولى دمياشتې لومړى نيټه...

اته کسيزه ډله شوکماران په کابل کې ونيول شول

کابل باختر د غبرګولي لومړي : دملي امنيت موظفينو په رييس...

دکابل واټونه بيا پرانستل شول

کابل باختر د غبرګولي لومړي : دکابل ښار هغه واټونه...

Youtube Player

khantry design

سوداگریز

سوداگریز

حامدکرزي د ملګرو ملتونو په عمومي اسمبله کې د فلسطین د غړیتوب له امله محمود عباس ته مبارکي وویله

Written by  manager
Rate this item
(0 votes)

کابل- باختر دليندي دولسمه:
د افغانستان د اسلامي جمهوریت جمهوررئیس حامدکرزي د ملګرو ملتونو په عمومي اسمبله کې د څارونکي په توګه د فلسطین غړیتوب له امله خوښي څرګنده کړه او محمود عباس ته  یې مبارکي وویله.
د جمهوري رياست مطبوعاتي دفترباخترآژانس ته خبر ورکړ:
حامدکرزي د فلسطین د خپلواکې ادارې رئیس محمود عباس ته یو لیک استولی او په هغه کې یې ویلي دي: په خوښۍ سره مې خبر ترلاسه کړ چې غړو هېوادونو د ملګرو ملتونو په اسمبله کې په څرګند اکثریت، د فلسطین دوست دولت ته په دغه سازمان کې د څارونکي په توګه مثبته رایه ورکړه چې له شکه پرته دغه ستره بریا د فلسطین د خلکو او حکومت د پرله پسې او ګټورو هلو ځلو نتیجه ده.
حامدکرزي په دغه لیک کې ویلي دي: اجازه راکړی له دې لارې د افغانستان د خلکو په استازیتوب د فلسطین د خلکو د دغې سترې بریا له امله د خپلې مبارکۍ مراتب تاسو او ستاسو له لارې د فلسطین ورور ولس ته وړاندې کړم.
د هېواد جمهوررئیس هیله کړې چې دغه بریا د فلسطین د ځوریدلي او مقاوم ملت لپاره د خپلې خاورې د ګټلو او بشپړې خپلواکۍ پیلامه وي.#
 

Leave a comment

Make sure you enter the (*) required information where indicated.
Basic HTML code is allowed.