ډاډګيرنې پيغام .

Written by  Administrator
Rate this item
(0 votes)

دارواښاد پوهاند سيد عمر منيب  دمړينې  له امله داساسي قانون پرتطبيق  دڅارنې  دخپلواک کميسيون د ډاډګيرنې پيغام .

ارواښاد پوهاند سيد عمر منيب  يو مشهور عالم  ، پوه ، مبارز اومجاهد في سبيل الله  و چې دخپل ګران هيواد دازادي لپاره دمقدس جهاد په  ليکوکې شامل شو او ددښمن تر ماتې پورې يې په ميړانې او زړورتيا  سره عمل وکړ . ارواښاد پوهاند سيد عمر منيب  دافغانستان يو پيژندل شوي  او مشهور شخصيت و چې دخپلو خلکو يو والي او يو موټي والي ياپه بل عبارت دخلکو اتفاق يې دبرياليتوب لاره بلله .

  اوله  بي اتفاقي څخه يې کرکه درلوده  . دى يو ستر شخصيت و چې  دوستي ،محبت ، ورين تندي او موسکايې عادت و .

 داساسي  قانون پر تطبيق دڅارنې دخپلواک کميسيون رييس مشرتابه هيئت او نور منسوبين په داسې حال کې چې ځان په دغه ستر  ناورين کې شريک بولي او دده مړينه  يوه ستره  ضايعه بولى  ، دلوى خداى ( ج )   له دربار څخه ده ته دفردوس جنت او پاتې کسانو ته يې دجميل صبر هيله کوي .

back to top