05 July 2020

RSS Facebook

سوداگریز


تازه خبرونه

دکرونا ويروس  ٢٧٩نوى پېښې ثبتې شوې دي .

دکرونا ويروس ٢٧٩نوى پېښې ثبتې شوې دي .

-کابل / دچنګاښ ١٥مه / باختر : دعامې روغتيا وزارت نن...

يو امريکايي عسکر په فراه کې ووژل شو .

يو امريکايي عسکر په فراه کې ووژل شو .

-کابل / دچنګاښ ١٥مه / باختر : د امريکا د...

Youtube Player

khantry design

سوداگریز

سوداگریز

حامدکرزي د پکتیا د وروستۍ پیښې د څیړنې لپاره د استول شوي پلاوي رپوټ واورید

Written by  Administrator
Rate this item
(1 Vote)

کابل باخترد جوزا دمياشتي١٤ نيټه

د افغانستان د اسلامي جمهوریت جمهوررئیس حامدکرزي، د پکتیا ولایت دګردې څیړۍ ولسوالۍ دسوري خيلو په کلي دایتلافي ځواکونو دهوایي بمبارۍ د وروستۍ پیښې د څیړنې لپاره د استول شوي دولتي  پلاوي رپوټ واورید.

باختراژانس ته دجمهوري رياست دمطبوعاتي دفتردمعلوماتوله مخې

د جمهوري ریاست د سلاکار وزیر طاهر صافي په مشرۍ لیږل شوي پلاوي، نن د هېواد جمهورریس ته د خپلو موندنو رپوټ وړاندې کړ، وې ویل: دغه پلاوی د ګردې څیړۍ ولسوالۍ د سوري خیلو کلي ته لاړ او د دغې غمجنې پیښې له امله یې ستاسو د خواخوږۍ او ډاډګیرنې مراتب د سیمې خلکو ته وړاندې کړل.

پلاوي وویل: د امنیتي ځواکونو درپوټونو، د ځایي خلکو د معلوماتو او زموږ د موندنو له مخې دا څرګنده شوه چې د غبرګولي په شپږمه نېټه له سهار څخه د مازیګر ترشپږو بجو پورې د دولت د وسله والو مخالفینو او د امنیتي ځواکونو ترمنځ د سوري خیلو له کلي څخه څلور کیلو متره لرې جګړه شوې وه چې بیا د همدغې ورځې پر ماښام شاوخوا ۷ بجې د ایتلافي ځواکونو الوتکې راځی او د سوري خیلو په کلي درې بمونه غورځوي چې له امله یې دشفیع کور په بشپړه توګه له منځه ځي او دکورنۍ اوه تنه یې شهیدان کیږي.

پلاوي وویل چې له دغې کورنۍ څخه یوازې یوه اته کلنه ماشومه نجلۍ او یو درې نیم کلن ماشوم هلک پاتې شوی دی.

 

پلاوي زیاته کړه: له دې سره سره چې په سیمه کې د مخالفینو شتون او د ورځې په جریان کې د جګړې دوام حقیقت لري خو په مشخصه توګه په دغه بمبار شوي کورکې د مخالفینو شتون او یا د دغه کور له داخل څخه د ډزو کول د پلاوي له نظره واقعیت نه لري، ځکه هغه میرمنې او ماشومان چې په دغه کورکې موجود و پر وسلې باندې د ډزو کولو توان یې نه درلود.

پلاوي وویل چې د دغې ولسوالۍ خلک هیله لري او له تاسو جلالتمآب جمهورریس څخه غواړي چې دولت دې د دغو ماشومانو د ژوند د دوام لپاره مالي لګښت برابر او دهغوی وران شوی کور دې بیرته ودان کړي.

حامدکرزي د شهیدانو کورنۍ ته چې نن یې ورسره وکتل، وویل که څه هم هر ډول مرستې ستاسو درد او غم نه شي کمولي، خو زه  اړوندو چارواکو ته لارښوونه کوم چې ستاسو کورنۍ ته په پکتیا او کابل کې د داستوګنځې په موخه  ځمکه درکړي او وران شوی کور بیرته درته ودان کړي.

جمهورریس همدا راز د دغې کورنۍ د پاتې دوه تنو ماشومانو د تعلیم او د ژوندانه د دوام لپاره د مالي لګښتونو د برابرولو لپاره هم اړوندو چارواکوته لارښوونه وکړه.#ختم- فضل واحد

 

 

 

Leave a comment

Make sure you enter the (*) required information where indicated.
Basic HTML code is allowed.