جمهور رئیس غني د نیوزلېنډ، یمن او هسپانیا هېوادونو د سفیرانو باورلیکونه ومنل

Written by  manager
Rate this item
(0 votes)

کابل \ باختر/ دتلې د مياشتې ٢٣مه :
جمهور رئیس غني پرون ماسپښین په ارګ کې د نیوزلېنډ د نا استوګن سفیر همېش مک مسټر، د یمن د نا استوګن سفیر محمد مطهرالعشبي او د هسپانیا د استوګن سفیرګبرل فیرن کارین باورلیکونه په جلا تشریفاتي مراسمو کې ومنل.
د جمهور رييس د وياند دفتر باختر آژانس ته خبر ورکړ:
جمهور رئیس غني او یادو سفیرانو د دوه اړخیزو مناسباتو او له افغانستان سره د یادو هېوادونو د همکاریو په هکله بحث او خبرې وکړې.
جمهور رئیس غني یادو سفیرانو ته د ښه راغلاست پرمهال له افغانستان سره په بېلابېلو برخوکې د یادو هېوادونو د مرستو مننه وکړه او دغو سفیرانو ته یې په نویو دندو کې د بریالیتوب هیله وکړه.
د نیوزلېنډ، یمن او هسپانیا سفیرانو په افغانستان کې په خپل نوي ماموریت خوښي وښوده او له افغانستان سره یې د خپلو هېوادونو د مناسباتو د لا پراختیا ډاډ ورکړ.#
پاى – ذ

back to top