10 December 2019

RSS Facebook

سوداگریز


تازه خبرونه

فضل هادي مسلم یارپه کابل کې  دچګ جمهوريت  له سفير سره وکتل

فضل هادي مسلم یارپه کابل کې دچګ جمهوريت له سفير سره وکتل

کابل /دليندې ١٩مه /باختر : د مشرانوجرګې رئیس فضل هادي مسلم...

د( ګنج  قناعت)  دښکلې ليکنې داثارو نندارتون پرانستل شو .

د( ګنج قناعت) دښکلې ليکنې داثارو نندارتون پرانستل شو .

کابل /دليندې ١٩مه /باختر : داطلاعاتواوفرهنګ وزارت دفرهنګ او هنر معين...

Youtube Player

khantry design

سوداگریز

سوداگریز

ليلما احمدي: د سولې مشورتي جرګه کولاى شي د افغانانو ترمنځ د خبرو اترو زمينه برابره کړي خلک: د سولې مشورتي جرګه به د خلکو د ارادې تمثيلوونکې وي

Written by  manager
Rate this item
(0 votes)

کابل/ باختر/ دسلواغې دمياشتې ٢٣نيټه :
د هېواد يوشمېر خلکو په افغانستان کې د سولې په اړوند د سولې دمشورتي جرګې جوړول د خلکو ترمنځ د بشپړې اجماع لپاره مهم بولي.
د هېواد جمهور رئيس محمد اشرف غني پرون ماښام  دسولې دمشورتي لومړنۍ ملي غونډې په پاى ته رسيدونکې غونډه کې د سولې د مشورتې ملي جرګې د جوړولو خبر ورکړ .
دهېواد جمهوررئيس په دې غونډه کې وويل: دغه هېواد د جرګو او سلامشورو هېواد دى او موږ په سلامشورې سره پرمخ ځو چې د سولې په اړوند مشورتي ملي اجماع ته ورسيږو.
دکابل ښار اوسيدونکی رحمت الله کمال په دې نظر دى: تر هغه وخته پورې چې په افغانستان کې د سولې او جګړې په اړوند کلي اجماع رامنځته نه شي، د سولې په باب هيڅ يوه غونډه نتيجه نه ورکوي.
ده د سولې مشورتي جرګې جوړولو ته په اشارې سره چې ټاکل شوې ده ترسره شي، وويل: دغه جرګه کولاى شي په هېواد کې د سولې په اړوند د بشپړې موافقې زيرى ورکړي.
په همدې ترتيب د ملي شورا د مشرانوجرګې غړې ليلما احمدي دباختر آژانس له خبريال سره په خبرو کې وويل چې د افغانستان خلک د افغانانو ترمنځ د خبرو اترو غوښتنه کوي .
د دې دڅرګندونو له مخې: دسولې مشورتي جرګه کولاى شي چې د افغانانو ترمنځ د خبرو اترو زمينه برابره کړي، خو ټينګار يې وکړ: په هغه صورت کې چې د حکومت د مخالفينو او اپوزيسيون په ګډون دخلکو ټولې غوښتنې په پام کې ونه نيول شي، دغه جرګه به مطلوبه نتيجه ورنکړي.
په همدې حال کې په هېواد کې د سياسي مسئلو کارپوه احمد شاهين په اساسي قانون کې د جرګو غړو ته په پاملرنې سره چې ويل شوي دي دغې موضوع ته دومره خوشبين نه دی، خو وايي چې په افغانستان کې د شخصيتونو او په شخړه کې د شاملو لورو ګډون په سترو ملي غونډو کې اساسي رول لري.
پاى \ج\ ذ

Leave a comment

Make sure you enter the (*) required information where indicated.
Basic HTML code is allowed.