23 July 2019

RSS Facebook

سوداگریز


تازه خبرونه

په باميانوکې د ځوانانو د ملاتړ کمپاين پيل شو

په باميانوکې د ځوانانو د ملاتړ کمپاين پيل شو

کابل/ باختر/ د چنګاښ٣١مه په باميانوکې د ځوانانو...

د باميانو د هوايي ډګر د سوق او ادارې نوې ودانۍ جوړېږي

د باميانو د هوايي ډګر د سوق او ادارې نوې ودانۍ جوړېږي

کابل/ باختر/ د چنګاښ٣١مه د باميانو د هوايي ډګر د سوق...

Youtube Player

khantry design

سوداگریز

سوداگریز

جمهور رئیس غني د شهید عبیدالله بارکزي جنازې ته درناوی وکړ

Written by  manager
Rate this item
(0 votes)

کابل/ باختر/ د وري دمیاشتې ۴مه
د افغانستان د اسلامي جمهوریت جمهوررئیس محمد اشرف غني نن له غرمې مخکې د یو لړ مراسمو په ترڅ کې په ولسي جرګه کې د ارزګان د خلکو استازي شهید عبیدالله بارکزي جنازې ته چې پرون په کندهار کې د تروریستي برید په پایله کې شهید شو، درناوی وکړ.
د جمهور رییس د ویاند دفتر باختر آژانس ته خبر ورکړ:
جمهوررئیس په شهید محمد داوود خان روغتون کې د شهید بارکزي اروا ته د دعا پرمهال د لوی کندهار ولسونو، ملي شورا او ټولو افغانانو ته د عبیدالله بارکزي د شهادت له امله تسلیت ووایه.
هغه زیاته کړه، شهید عبیدالله بارکزی غښتلی انسان و، د هغه د ځوانیمرګ زوی د غمشریکۍ لپاره مې چې ټلیفوني خبرې ورسره کولې، نو ماته یې ډاډ راکاوه.
جمهوررئیس د وطن د دفاع په برخه کې د شهید بارکزي د کورنۍ سرښندنو ته په اشارې وویل، دوی په دې لاره کې ډېره قرباني ورکړې او یو زوی یې اوس هم د ملي اردو په لیکو کې د هېواد دفاع او خدمت کوي. هغه د اتلانو له خټې جوړ و او نن ټول ورباندې غمجن یوو.
محمد اشرف غني یو ځل بیا شهید بارکزي ته د فردوس جنت دعا وکړه او د هغه د کورنۍ غړو ته یې ډاډ ورکړ چې د یادې پېښې دقیقه او هر اړخیزه څېړنه به ترسره او پایلې به یې له دوی سره شریکې شي. 
ورپسې د شهید عبیدالله بارکزي د کورنۍ په استازیتوب د نوموړي زوی حضرت شاه بارکزي د جمهور رئیس غني او ټولو هېوادوالو له خواخوږۍ او غمشریکۍ څخه په مننې وویل، شهید عبیدالله بارکزي د نظام د بقا او د وطن د سرلوړۍ لپاره هلې ځلې کولې او موږ به په ټول قوت د دوی لاره تعقیب کړو.
وروسته جمهور رئیس غني د شهید عبیدالله بارکزي د جنازې د لېږد مراسمو کې چې د هېواد په درې رنګه بیرغ پوښلې وه او د تشریفاتو قطعې منسوبینو په خپلو اوږو لېږدوله، ملتیا وکړه. 
پای – ذ

Last modified on Sunday, 24 March 2019 11:56

Leave a comment

Make sure you enter the (*) required information where indicated.
Basic HTML code is allowed.