23 July 2019

RSS Facebook

سوداگریز


تازه خبرونه

په لوګر کې  د ښځو د لاسي صنايعو د نندارتون پرانستل

په لوګر کې د ښځو د لاسي صنايعو د نندارتون پرانستل

کابل / باختر/ د زمري لومړۍ د هېواد د خپلواکۍ د...

د بغلان په مرکز کې چاودنې دوه کسان ټپیان کړل

د بغلان په مرکز کې چاودنې دوه کسان ټپیان کړل

کابل / باختر/ د زمري لومړۍ د بغلان په مرکز پلخمري...

 په بادغيس کې د طالبانو د يوه جګپوړي قوماندان وژل کېدل

په بادغيس کې د طالبانو د يوه جګپوړي قوماندان وژل کېدل

کابل / باختر/ د زمري لومړۍ د بادغيس سيمه ييز مسوولين...

Youtube Player

khantry design

سوداگریز

سوداگریز

د جمهوررئیس غني په مشرۍ د کابینې فوق العاده غونډه جوړه شوه

Written by  manager
Rate this item
(0 votes)

کابل/ باختر/ د غويي د میاشتې ۱نېټه
د افغانستان د اسلامي جمهوریت د جمهوررئیس محمد اشرف غني په مشرۍ د کابینې فوق العاده غونډه پرون له غرمې مخکې په چهارچنار ماڼۍ کې جوړه شوه.
د جمهور رییس د ویاند دفتر باختر آژانس ته خبر ورکړ:
په پیل کې جمهوررئیس غني د وروستیو طبیعي پېښو په ځانګړي ډول په مرکز او ولایتونو کې د وروستیو سېلاوونو د راوتلو له امله زیانمنو شویو ته د مرستې رسولو په برخه کې د هېواد د امنیتي او دفاعي ځواکونو، د کابل ښاروالۍ مسوولینو او نورو اړوندو ارګانونو د همکاريو مننه وکړه او اړوند ارګانونه یې موظف کړل چې د سېلاوونو د مدیریت په موخه د کابل سیند د بستر پاکولو په اړه عاجل اقدام وکړي.
د اجنډا مطابق د سولې عالي شورا د دارالانشا او د سولې مشورتي لویې جرګې د جوړولو کمېسیون رئیس محمدعمر داوودزي د سولې مشورتي لویې جرګې د جوړولو په اړه د شویو اجرااتو راپور او منظم مهالوېش ته په پام د دغې جرګې د جوړېدو په ورځو کې د کمېسیون د راتلوونکو تیاریو په اړه غونډې ته معلومات ورکړل.
وروسته د سولې مشورتي لویې جرګې د جوړولو کمېسیون مرستیالانو په دې جرګه کې د ولایتي شوراګانو له لوري د مشورتي لویې جرګې د ګډون کوونکو غړو د ټاکنو د څرنګوالي او د والیانو د څارنې، د ټولنې بېلابېلو کټګوریو ته په پام د ګډون کوونکو غړو د سهمیه بندۍ، د ګډون کوونکو د عمومي شمېر او د ښځو د مشارکت د سلنې، د ټاکنو د بودجې او نورو اړوندو موضوعاتو په اړه د کابینې غړو ته معلومات ورکړل او د دې پروسې پر وړاندې پرتې ستونزې یې مشخصې او د حل په موخه یې د کمېسیون پرېکړې غونډې ته وړاندې کړې.
د کابینې غړو د مشورتي لویې جرګې د جوړولو کمېسیون  د کړنو د قدردانۍ ترڅنګ، د مشورتي لویې جرګې د ښه ترسره کېدو، د ملي او مهمو مسایلو په تصمیم نیولو کې د لویې جرګې ارزښتناک رول او د هېواد په عنعناتو کې د جرګو مقام ته په پام د مشورتي لویې جرګې د لا ښه جوړولو په اړه خپل نظریات او وړاندیزونه مطرح کړل. د سولې مشورتي لویې جرګې د جوړولو کمېسیون صلاحیتونو ته په اشارې یې دولتي ارګانونه موظف کړل چې د سولې مشورتي لویې جرګې د لاښه جوړولو په موخه له یاد کمېسیون سره هراړخیزه همکاري وکړي، دغه راز له دې فرصت څخه په استفادې له ګډون کوونکو غړو سره د دوی سیمه ییزو ستونزو ته د رسېدنې په موخه په زون وار ډول لیدنه وکړي.
وروسته کابل ښاروال او طبیعي پېښو ته د رسېدو په چارو کې د دولت د وزیر مالي او اداري معین په هېواد په ځانګړي ډول کابل ښار کې د وروستیو سېلاوونو د مدیریت، وروستیواقداماتو، پلانونو او اجرااتو د څرنګوالي راپور غونډې ته وړاندې کړ او وې ویل، په تېرو څو ورځو کې سختو بارانونو کابل ښاریانو او د ولایتونو خلکو ته مالي او ځاني زیانونه اړولي چې د اوبو د نفوذ د مخنیوي او احتمالي ګواښونو په خاطر هڅې شوي، دغه راز له سېلاب ځپلو سره لومړنۍ مرستې هم شوې دي.
دوی دې ډول پېښو ته د رسېدنې او مخنیوي په خاطر لنډمهاله او اوږدمهاله وړاندیزونه هم غونډې ته وړاندې کړل.
کابینې له هراړخیزو بحثونو وروسته اړوند بنسټونه موظف کړل چې په مرکز او ولایتونو کې د سېلاوونو د مخنیوي او مدیریت په خاطر واضح میکانیزم او د سطحي اوبو د مدیریت طرحه ترتیب کړي، دغه راز یې کابل ښاروالۍ ته دنده وسپارله چې په کابل ښار کې د وروستیو سېلاوونو زیانمنوشویو ته د موقتې استوګنې د ځایونو د برابرولو او رسېدنې په موخه ژر اقدام وکړي او د غونډې د یادونې مطابق دې له اړوندو ادارو سره په همغږۍ په راتلوونکي کې بنیادي اقدامات ترسره کړي.
دغه راز د نوښت په چارو کې د جمهوري ریاست ستر سلاکار دې د سیمې د نورو هېوادونو تجربوته په پام سېلاوونو څخه د مخنیوي او زیانونو د راکمولو په موخه هر اړخیزه طرحه ترتیب او د اوبو او ځمکو عالي شورا ته دې وړاندې کړي.#
پای – ذ

 

Leave a comment

Make sure you enter the (*) required information where indicated.
Basic HTML code is allowed.