11 December 2019

RSS Facebook

سوداگریز


تازه خبرونه

فضل هادي مسلم یارپه کابل کې  دچګ جمهوريت  له سفير سره وکتل

فضل هادي مسلم یارپه کابل کې دچګ جمهوريت له سفير سره وکتل

کابل /دليندې ١٩مه /باختر : د مشرانوجرګې رئیس فضل هادي مسلم...

د( ګنج  قناعت)  دښکلې ليکنې داثارو نندارتون پرانستل شو .

د( ګنج قناعت) دښکلې ليکنې داثارو نندارتون پرانستل شو .

کابل /دليندې ١٩مه /باختر : داطلاعاتواوفرهنګ وزارت دفرهنګ او هنر معين...

Youtube Player

khantry design

سوداگریز

سوداگریز

د مشرانو جرګې رييس د افغانستان لپاره د ناټو له ملکي سفیر نیکولاس کي سره وکتل

Written by  manager
Rate this item
(0 votes)

کابل/باختر/ د چنګاښ ٢٤ مه
د مشرانوجرګې رییس فضل هادي مسلم یار نن د خپل کار په دفتر کې د افغانستان لپاره د ناټو له ملکي سفیر نیکولاس کي سره وکتل.
د مشرانو جرګې مطبوعاتي دفتر باختر اژانس ته خبر ورکړ:
په دې کتنه کې دواړو لورو د افغانستان د روان وضعیت، د سولې د ټینګښت لپاره د روانو هڅو او په خپل وخت سره د ولسمشریزو ټاکنو د جوړېدو په اړه خبرې وکړې.
د ناټو ملکي استازي د مشرانو جرګې د کړنو څخه د مننې تر څنګ وویل، د تلپاتې سولې ټینګښت چې د وروستیو کلونو لاسته راوړنې او ملي بنسټونه په کې خوندي پاتې شي، د ناټو سازمان د ملاتړ وړ ده او همدا راز ناټو د افغانستان د امنیتی او دفاعي ځواکونو سمبالولو ته ژمنه ده.
هغه د سولې بهیر کې د ډاکټر زلمي خلیلزاد او افغان حکومت له هڅو قدرداني وکړه او د یادو هڅو ګټورو پایلو ته یې هیله مندي وښوده او د راتلونکو ټاکنو د جوړېدو په موخه یې ټاکنیزو کمېسیونونو سره د ناټو له مرستو څخه ډاډ ورکړ.
د مشرانو جرګې ريیس فضل هادي مسلم یار په خپلو خبرو کې وویل: د افغانستان خلک د خپلو متحدینو او په ځانګړې توګه د ناټو سازمان له مرستو څخه قدرداني کوي او هیله ده چې يادې مرستې په بېلا بېلو برخو کې پراختیا ومومي.
مسلم یار زیاته کړه، د سولې په لاره کې هر ډول حرکت د مشرانو جرګې د هرکلي وړ دی، خو دغه مجلس د افغانانو او حکومت په مشرۍ د سولې بهیر څخه چې پکې ملي ارزښتونه او د هېوادوالو حقونه خوندي پاتې شي، پرېکنده ملاتړ کوي.
د مشرانو جرګې رئیس د طالبانو سره د زلمي خلیلزاد څو پړاو خبرو ته په اشارې سره وویل، د یادو ناستو له امله شکونه او تشویشونه رامنځته شوي، ځکه د افغانستان خلک نه پوهیږي چې خبرو اترو کې څه تېرېږي او په کومو مواردو ژمنې ترسره شوي دي؟ او دا د افغانانو حق دی چې په هغه څه پوه شي چې د برخلیک په اړه یې ترسره کېږي.
فضل هادي مسلم یار زیاته کړه، زموږ دښمن ګډ دی او ټول باید د ګډو موخو د ترلاسه کولو لپاره کار او فکر وکړو، هیله ده چې نړیوال ملګري مو په ټول جدیت سره کار وکړي، تر څو د افغان حکومت او طالبانوتر منځ د مخامخ خبرو زمینه برابره شي، له دې پرته خپل سري اقدامات به مطلوبې پایلې له ځانه سره ونلري.
ښاغلي نیکولاس کي په دې اړه وویل، د ډاکټر زلمي خلیلزاد له خوا ډاډ ورکړل شوی دی، هرکله چې خبرې اترې پاى ته ورسېدې، وروستۍ هوکړې ته د رسېدو د مخه به ټول جزئیات د افغاستان دولت او ناټو سازمان سره شریک کړاى شي.
هغه وويل: بلې مهمه ده چې پوه شو د امریکا د متحده ایالاتو او طالبانو په څو پړاونو خبرو اترو کې څه ډول ژمنې  یوبل ته ورکړل شوې دي.
د مشرانو جرګې رئيس د رڼو، عادلانه او سرتاسري ټاکنو جوړېدل د خلکو مهمه غوښتنه وګڼله او ویې ویل، باید ټاکنې په خپل وخت سره د ټولټاکنو د خپلواک کمېسیون له خوا په لاره واچول شي او د افغانستان حکومت دې له همکارانو سره یو ځای د ټاکنیزو کمېسیونونو د اړتیا وړ بودجه د دوی په واک کې ورکړي.پاى\جهان يار

Last modified on Monday, 15 July 2019 13:22

Leave a comment

Make sure you enter the (*) required information where indicated.
Basic HTML code is allowed.