11 December 2019

RSS Facebook

سوداگریز


تازه خبرونه

فضل هادي مسلم یارپه کابل کې  دچګ جمهوريت  له سفير سره وکتل

فضل هادي مسلم یارپه کابل کې دچګ جمهوريت له سفير سره وکتل

کابل /دليندې ١٩مه /باختر : د مشرانوجرګې رئیس فضل هادي مسلم...

د( ګنج  قناعت)  دښکلې ليکنې داثارو نندارتون پرانستل شو .

د( ګنج قناعت) دښکلې ليکنې داثارو نندارتون پرانستل شو .

کابل /دليندې ١٩مه /باختر : داطلاعاتواوفرهنګ وزارت دفرهنګ او هنر معين...

Youtube Player

khantry design

سوداگریز

سوداگریز

جمهورريیس غني او مېرمن موګریني ټلیفوني خبرې وکړې

Written by  manager
Rate this item
(0 votes)

کابل/باختر/ د وږي ۲۸مه
د افغانستان د اسلامي جمهوریت جمهورريیس محمد اشرف غني پرون د اروپایي ټولنې د بهرنیو اړیکو له مسوولې او ځانګړې استازې مېرمن فدریکا موګریني سره ټلیفوني خبرې وکړې.
د جمهوررييس د وياند دفتر باختر آژانس ته خبر ورکړ:
په دغو ټلیفوني خبرو کې دواړو لوریو د جمهوري ریاست د ټاکنو، سولې پروسې او له افغانستان څخه د اروپایي ټولنې د ملاتړ په اړه بحث او خبرې وکړې.
مېرمن موګریني په کابل او پروان ولایتونو کې د وروستيو تروریستي بریدونو په خاطر د تسلیت ترڅنګ وویل: له افغان ولس څخه خپل ملاتړ ته دوام ورکوو.
نوموړې د افغانستان د خلکو او دولت په رهبرۍ او مالکیت د ټول شموله سولې پر ارزښت چې تلپاتې سولې او هوساینې ته لار برابروي، ټینګار وکړ.
د اروپایي ټولنې د بهرنیو اړیکو مسوولې او ځانګړې استازې د امریکا متحدو ایالاتو او طالبانو ترمنځ د سولې مذاکراتو شاتګ ته په پام وویل: د بل هر وخت په پرتله د جمهوري ریاست د ټاکنو ترسره کول څرګنده اړتیا ده.
نوموړې هیله څرګنده کړه چې  د تلې د شپږمې ټاکنې په آرامه فضا کې په شفاف او عادلانه توګه ترسره شي.
مېرمن موګریني څرګنده کړه: د افغانستان حکومت او طالبانو ترمنځ د سولې مستقیمې خبرې د پایداره سولې د تامین لپاره د پرمختګ یواځینۍ لار ده او د سولې د مذاکراتو د پرمخ بیولو لپاره اوربند د افغان ولس غوښتنه ده چې اروپايي ټولنه ترې ملاتړ کوي.
جمهورريیس غني په دغو ټلیفوني خبروکې وویل: سوله زموږ لومړیتوب دی، د افغانستان حکومت د تلپاتې سولې د ټینګښت لپاره کار کوي او د شفافو او سراسري ټاکنو ترسره کول زموږ لپاره ځانګړی ارزښت لري.#
پاى – ذ

 

Leave a comment

Make sure you enter the (*) required information where indicated.
Basic HTML code is allowed.