30 May 2020

RSS Facebook

سوداگریز


تازه خبرونه

ګڼ پالنه، ولسواکي او سوله ییز ژوند

کابل / د غبرګولي ۹ مه / باختر په دغو ورځو...

يوولس تنه په هرات کې ونيول شول

يوولس تنه په هرات کې ونيول شول

کابل / د غبرګولي ٩ مه / باختر د هرات پوليسو...

طالبانو د٨٠ پوځيانو د خوشې کولو خبر ورکړ

طالبانو د٨٠ پوځيانو د خوشې کولو خبر ورکړ

کابل / د غبرګولي ٩ مه / باختر په دوحه کې...

Youtube Player

khantry design

سوداگریز

سوداگریز

جمهورريیس غني دمالیې وزارت نوماند او سرپرست وزیر په رسمي توګه معرفي کړ

Written by  manager
Rate this item
(0 votes)

کابل / د وري ۱۵ مه / باختر
د افغانستان د اسلامي جمهوریت جمهورريیس محمد اشرف غني پرون له غرمې مخکې عبدالهادي ارغنديوال د مالیې وزارت د نوماند او سرپرست وزیر په توګه، معرفي کړ.
د جمهوررييس د وياند دفتر باختر آژانس ته خبر ورکړ؛ د دې غونډې په پیل کې د جمهوري ریاست د چارو ادارې لوی ریاست سرپرست انجنیر الهام عمر هوتکي د مالیې وزارت نوماند او سرپرست وزیر په توګه د عبدالهادي ارغنديوال د مقررېدو په اړه، د افغانستان د اسلامي جمهوریت د جمهورريیس حکمونه ولوستل.
د مالیې وزارت سرپرست عبدالهاي ارغنديوال وویل: د جمهورريیس د باور مننه چې په دې حساسو شېبو کې یې مهم مسوولیت راته وسپاره.
هغه زیاته کړه: د مالیې وزارت تر ټولو زیات تمرکز به پر فساد ضد مبارزې، اصلاحاتو، شفافیت، خصوصي سکتور سره په همکارۍ او همغږۍ او د بین المللي مرستو په راجلبولو وي.
وروسته د جمهوري ریاست لومړي مرستیال امرالله صالح د مالیې وزارت سرپرست ته د نوي مسوولیت مبارکي وویله او زیاته یې کړه: «تاسې په داسې وخت کې د یوه مهم وزارت په راس کې راځئ چې موږ په ریاضتي اقتصاد اتکا کړې او د ریاضتي بودجې په منطق مخته ځو. ستاسې رهبري او له دې وضعیت څخه تېرېدل نهایت مهم دي.»
د هېواد جمهورريیس د دغه مسوولیت د منلو په خاطر له عبدالهادي ارغندیوال څخه د مننې پر مهال وویل: غواړم داسې څېرې کابینې ته معرفي کړم چې ولسي ریښې، سیاسي وزن، تعهد او سیاسي مدیریت ولري.
جمهورريیس غني د مالیې وزارت د مخکېني سرپرست ډاکټر محمدهمایون قیومي څخه د هغه د بنیادي هڅو او طرحو په خاطر مننه وکړه او دغه راز یې د ۱۳۹۸ کال موخو د بشپړولو په خاطر د دغه وزارت د رهبرۍ قدرداني وکړه.
د هېواد جمهورريیس له کرونا ویروس سره د مبارزې په برخه کې د حکومت هڅو ته په اشارې وویل: افغانستان له کرونا ویروس سره د مبارزې رهبري او مدیریتي رول لري او ملي او بین المللي بنسټونه اماده دي چې له افغان دولت سره همکاري وکړي. هغه زیاته کړه: «موږ په ځانګړو شرایطو کې قرار لرو او باید په لنډمهاله، منځ مهاله او اوږد مهاله موده کې د کرونا ویروس خپرېدو تاثیرات او پایلې مدیریت شي.»
جمهورريیس غني په ټینګار وویل: زیانمن شویو اقشارو ته رسیدګي په ځانګړي ډول په اوسني وخت کې دغه قشر ته رسېدنه د برنامو مهمه برخه ده او دغه کار له خصوصي سکتور سره د همغږۍ له لارې دې قشر ته د کار پر ایجادولو کېږي.
هغه سیمه ییزو تعاملاتو ته اشاره وکړه ويې ویل: باید د افغانستان ترانزیټ او سوداګرۍ ته ځانګړې پاملرنه وشي.
د هېواد جمهوررييس د خپلو خبرو په پای کې وویل: «زه باور لرم چې د طبیعي او بشري سرچینو او همدا راز د واحدې رهبرۍ په لرلو سره پر ټولو ستونزو بریالي کېږو.»#
پاى/ ذ

 

Last modified on Friday, 03 April 2020 11:45

Leave a comment

Make sure you enter the (*) required information where indicated.
Basic HTML code is allowed.