11 August 2020

RSS Facebook

سوداگریز


تازه خبرونه

په سرپل کې وسله والو طالبانویو ټپي ماشوم په ډزو سره وواژه

په سرپل کې وسله والو طالبانویو ټپي ماشوم په ډزو سره وواژه

سرپل د زمري ۲۱ باختر وسله والو طالبانو په سرپل کې...

کرنې وزارت په کونړ کې له نږدې ۳۰۰ بزګرانو سره مرسته وکړه

کرنې وزارت په کونړ کې له نږدې ۳۰۰ بزګرانو سره مرسته وکړه

-اسعد آباد/ د زمري ۲۱مه/باختر کرنې وزات د کونړ په دوو...

په خوست او پکتیا کې ۱۵ وسله وال طالبان ووژل شول

په خوست او پکتیا کې ۱۵ وسله وال طالبان ووژل شول

-کابل/ د زمري ۲۱ مه/باختر د ۲۰۳ تندر قول اردو مسوولین...

Youtube Player

khantry design

سوداگریز

سوداگریز

د سولې لپاره د اجماع پياوړتیا

Written by  manager
Rate this item
(0 votes)

-کابل / د چنګاښ ۱۷ مه / باختر
د سولې لپاره د اجماع پياوړتیا تر سرلیک لاندې پرون یوه انلاین مشورتي ناسته جوړه شوې وه.
د باختر آژانس مفسر د دغې ناستې تاریخي ارزښت ته کتنه کړېده او لیکي:
په دې غونډه کې د سیمې د شلو هېوادونواو ملګرو ملتونو استازیو او  د افغانستان ستراتېژیکو شریکانو  ګډون کړی و. جمهوررییس محمد اشرف غني غونډې ته پرانستونکې وینا وکړه او په خپلې وینا کې یې د سولې روانو کوښښونو، په دې اړه د افغانستان دولت نوښتونو او تر سره شویو کارونو ته کتنه وکړه او د سولې په اړه یې خپل لیدلوری تشریح کړ.
د سولې په اړه د افغان مشرتابه لیدلوری ښه روښانه دی: افغانستان باید یو خپلواک او یوموټی هېواد وي، ولسواکي په کې واکمنه وي، د ټولو خلکو په تېره بیا ښځوحقونه په کې خوندي وي او له ګاونډیو او نوروهېوادونو سره په سوله کې ژوند وکړي.
د سولې مانا یوازې د جګړې نشتوالی نه دی؛ منو چې د جګړې درول او تاوتریخوالي ته پای ورکول د سولې بنسټ دی او د جګړې په شتون او دوام کې د سولې په اړه خبرې کومه مانا نه لري؛ خو له دې سره جوخت سوله نور ګڼ اړخونه هم لري. د خلکو د خوښې او ارادې درناوی د سولې لپاره باید یو مهم شرط وي؛ پر بلې وینا د هېواد د سیاسي برخلیک د ټاکلو حق باید له خلکو سره وي او خلک باید لکه څنګه چې د افغانستان په اساسي قانون کې راغلي دي چې ملي حاکمیت په خلکو پورې اړه لري، خپل ملي زعامت وټاکي او د ټاکلو لاره یې هم انتخابات دي. کله چې موږ د سولې په اړه خبرې کوو، نو تر ټولو لومړی باید د خلکو دا حق یانی د انتخاباتو د ترسره کولو او په انتخاباتو کې د رای ورکوونکي او کاندید په توګه د ګډون حق خوندي وي. که دا نه وي او یو څوک یا کومه ډله او ګوند د زور له لارې، د ټوپک د شپېلې له لارې، د کودتا او بغاوت له لارې د واک د ترلاسه کولو کوښښ وکړي او د خلکو اراده له پامه وغورځوي او ارزښت ورنه کړي، نو طبیعي خبره ده چې دغه راز اقدام ښایي یوې جګړې ته په لنډ مهال کې پای ورکړي، خو دا به  د واک پر سر د یوې بلې خونړۍ او خورا خطرناکې جګړې پيلامه وي. له دې امله ولسواکۍ ته ژمنتیا باید د سولې لپاره تر ټولو مهم شرط وي.
همدارنګه سوله یانې د بشري حقونو خوندي کول. که بشري حقونه خوندي نه وي نو د سولې په اړه خبرې کوم ارزښت نه لري.  خلک باید د خپل نظر د څرګندولو آزادي ولري، رسنۍ باید د آزاد فعالیت حق ولري، هېڅوک باید د خپلو سیاسي نظریاتو له پلوه تر تعقیب او شکنجې لاندې ونه نیول شي. نجونې او هلکان باید ښوونځیو او پوهنتونونو ته د تګ حق او اجازه ولري، ښځې باید د کارکولو حق ولري، د کوچنیانو حقوق باید خوندي وي.همدارنګه سوله یانې له ګاونډیو او نورو هېوادونو سره په سوله کې ژوند کول، پربلې وینا ګډ سوله ییز ژوند او د اقتصادي پرمختګ لپاره په ګده کارکول.
ښه خبره دا ده چې د سولې د دغه راز لیدلوري په اړه سیمه ییزه او نړیواله اجماع شتون لري. په پرونۍ غونډه کې د سیمې استازیو په زغرده د دغه راز لیدلوري ملاتړ او ننګه وکړه او د جګړې پردرولو او تاوتریخوالي پر کمولو یې ټینګار وکړ.
پاى- ن.ش.

Leave a comment

Make sure you enter the (*) required information where indicated.
Basic HTML code is allowed.