20 August 2019

RSS Facebook

سوداگریز


تازه خبرونه

په پکتيا کې نږدې سل کيلوګرامه چرس ضبط شول

په پکتيا کې نږدې سل کيلوګرامه چرس ضبط شول

ګرديز / باختر\ د زمري٢٨مه نږدې سل کيلوګرامه چرس په پکتيا...

  بغلانيانو د کابل وروستى ځانمرګى بريد وغانده

بغلانيانو د کابل وروستى ځانمرګى بريد وغانده

پلخمري / باختر\ د زمري٢٨مه بغلانيانو په کابل ښار کې وروستى...

په بغلان کې شپږسوه کورنيو ته اوبه برابرې شوې

په بغلان کې شپږسوه کورنيو ته اوبه برابرې شوې

پلخمري / باختر د زمري٢٨مه : په بغلان کې د...

Youtube Player

khantry design

سوداگریز

سوداگریز

ګرديز / باختر\ د زمري٢٨مه
نږدې سل کيلوګرامه چرس په پکتيا کې کشف اوضبط شول.
د پکتيا امنيه  قوماندان محمدعثمان جانباز باختر اژانس ته وويل چې  له نشه يي توکو سره د مبارزې پوليسو سل کيلوګرامه چرس د دغه ولايت د ګرديز ښارپه مربوطاتو کې کشف اوضبط  کړل.
ده زياته کړه د پيښې په اړوند يو تن نيول شوى دى.                                        پاى \ ذ \

پلخمري / باختر\ د زمري٢٨مه
بغلانيانو په کابل ښار کې وروستى ځانمرګى بريد نن د قران عظيم الشان د ختم په کولو سره وغانده.
د باخترآژانس د سيمه ييز خبريال د خبرله مخې، د بغلان ملکي او پوځي مسوولانو، عالمانو، قومي مشرانو، مدني فعالانو او د پلخمري ښاريو شمېراوسيدونکو د ختم په کولو سره د کابل ښار د شهر دوبۍ په هوټل کې د تروريستي  بريد د شهيدانو پاک روح ته دعا  وکړه او د پېښې د قربانيانو پاتې  کورنيو  ته يې د خداى (ج ) له دربارڅخه صبر او ټپيانو ته يې د عاجلې روغتيا هيله وکړه.
په مراسمو کې وينا والو دغه راز د هېواد د دښمنانو دغه غيرانساني اوغيراسلامي عمل په  وړاندې خپله  کرکه اونفرت څرګند کړ .                                             پاى \ ذ \

 

پلخمري / باختر د زمري٢٨مه : 
په بغلان کې د دوو پروژو کاربشپړ او پرون د هېواد د خپلواکۍ د سلمې کاليزې په وياړ پرانېستل شوې.
د بغلان د کليو د بيا رغاونې او پراختيا رياست د ولسي تړون پروګرام مسوول احمد ضيا رحيمي باخترآژانس ته وويل، يادې پروژې  د څه دپاسه درېيو ميليونو افغانيو په لګښت د کليو د بيا رغاونې او پراختيا وزارت له بودجې او په سلو کې لس سلنه د خلکو په ونډې سره په شپږو مياشتو کې جوړې شوې دي.
د کليود بيارغاونې او پراختيا رييس انجينر اول خان احمدزي وويل، په لومړۍ پروژه  کې د دوه سوه پنځوسومترو په اوږدوالي دکانالونو  او درې اوويا متره د استنادي ديوال جوړول شامل دي چې سر بېره پردې  دوه سوه کورنيو ته د څښاک اوبه او د صنعتي بغلان په پنځم سړک کې  اته سوه جريبه کرنيزو ځمکو ته هم اوبه  برابرې شوې دي.
دويمه پروژه چې د بغلان د قرمقول د کلي د اوبو رسولو شبکه پکې شامله ده له چينې څخه د څښاک اوبه د درېيو کيلومترو په اوږدوالي درېيو زېرمو ته لېږدوي چې وروسته په څه ناڅه څلور سوه کورنيو وېشل  کېږي.
پاى \ ذ

 

غزني / باختر د زمري٢٨مه : 
ناپيژاندو وسله والو کسانو  پرون په غزني کې د يو موټر  درې سپرلۍ په  ډزو سره ووژلې .
د باخترآژانس د خبرله مخې، د غزني امنيتې مسوولين وايي  ناپيژاندو وسله والو کسانو دغه مسافران د قره باغ ولسوالۍ د لويې لارې په تګلوري کې  له موټر څخه ښکته  او وروسته  يې په ډزو سره ووژلې  او درې نورې يې ټپيانې کړې.
د پيښې قربانيان د غزني د قره باغ ولسوالۍ د نيخته کلي اوسيدونکي وو چې غزني ښار ته تللي وو.
په تېرو مياشتو کې هم  ورته پېښه د دغه ولايت د قره باغ ولسوالۍ په  لويه لاره کې رامنځته شوې وه.
پاى \ ذ \

 

کابل / باختر\ د زمري٢٨مه
بسم الله الرحمن الرحیم
د افغانستان عظیم ولسه!
نن د افغانستان د ویاړلي استقلال د بېرته ترلاسه کولو سلمه کالیزه ده، دا له افتخاره       ډکه ورځ دې ټول افغان ولس او ټولو مشرانو ته چې دلته تشریف لري، مبارک وي.
بد بختانه که صدمین سال‌روز استرداد استقلال کشور تحت شعاع یک  فاجعه قرار گرفت، من امروز در رابطه به استقلال و اهمیت غازی امان‌الله خان در راه بدست ‌آوردن استقلال کشور، حرف نمی ‌زنم. در این رابطه با  تلویزیون ملی  مصاحبۀ    تفصیلی داشتم و به آن اکتفا می‌کنم.
د شانداره نمانځلو څخه هدف دا وو چې ملت او ځوان نسل ته د هیواد پخوانی عظمت تداعي شي او په خپله خاوره او تاریخ افتخار وکړي او د استقلال قدر وکړي، د وطن پرستۍ احساس یې لا پياوړی شي.
خو زموږ د آزادۍ او خپلواکۍ دښمن، زموږ د خلکو دښمن او د دې خاورې دښمن         دا جشن او دا خوشالي نه شوای لیدلای، دا  دښمن زموږ د زړورو وسله والو ځواکونو سره مقابله نه شي کولای، دوی زموږ د امنیتي او دفاعي ځواکونو له برکته په هیڅ ډول زموږ د دغې خوشالۍ مخه نه شي نیولای.
خو، له بده مرغه زموږ د وطن دښمن دومره نامرده، دومره بې غیرته او دومره ذلیل  او پرېوتی دی چې د واده په مراسمو یې تروریستي برید وکړ.  یو کاملا ملکي ځای یې په نښه کړ، ماشومان او ښځې یې په نښه کړې او په ډېر وحشیانه ډول یې زموږ ښاریان په وینو ولمبول.
طالبان با انکار از دست‌داشتن در این حمله از بارملامتی شانه خالی کرده نمی‌توانند، تهداب این چنین کشتار و قتل‌های بیرحمانه را آنان نهاده اند.  طالبان بارها این چنین حملات ظالمانه، وحشیانه و بیرحمانه را در مساجد، مکاتب و اماکن عامه انجام داده اند و مسوولیت آن را نیز به دوش گرفته اند.
د طالبانو او نورو تروریستانو وحشتونه د ټول ولس په حافظه کې ثبت دي، د بې دفاع وګړو د تلفاتو اصلي مسوولین طالبان دي او نورو تروریستي ډلو ته هم طالبانو د فعالیت بستر او زمینه برابره کړې ده.
خواهران و برادران عزیز!
ما بخاطر احترام قایل‌ شدن به قربانی‌های حملۀ تروریستی کابل، بزرگداشت از صدمین سالروزاسترداد استقلال کشوررا به تعویق انداختیم. دشمن با ریختاندن خون افراد ملکی ، این مراسم را به تعویق انداخت.
اما! ما انتقام این حمله و حملات دیگر را حتماً می‌گیریم. ما انتقام قتل عام شهروندان و هر قطره خون مردم بیگناه خود را می‌گیریم.
موږ به دا غچ په دوه ډوله اخلو.
اول، موږ به خپل امنیتي او دفاعي ځواکونه  نمانځو او نن دا  ټول دحربي  اکاډمۍ محصلین چې دلته ولاړ دي د افغانستان د ساتونکو په حیث باندې ورته احترام کوو         او مننه ورنه کوو. د هغوی قدرداني به کوو،  چې د خپلو وینو په  بدل کې زموږ له استقلال او ملي بیرغ څخه دفاع کوي.
له امنیتي او دفاعي ځواکونو څخه ملاتړ زما په ګډون د هر افغان ملي فریضه ده.
د افغانستان دښمنانو او تروریستانو ته به زموږ د ولس تر ټولو مناسب ځواب او غچ             دا وي چې، د خپلو امنیتي او دفاعي ځواکونو قدر وکړو.
موږ  به خپل ملي امنیتي ځواکونه چې د وحشي تروریستانو په ضد مبارزه کوي  او زموږ ویاړلی بیرغ یې رپانده ساتلی دی، په سرلوړۍ سره نمانځو.
دوم، تعهد ما این ‌است که لانه‌های داعش را چه در شرق باشد، چه در شمال و یا در مرکز، ریشه‌کن و نابود می‌سازیم.
درست همانطوری که در ننگرهار نشان دادیم ، آنان مورد هیچ‌گونه ترحم قرار نمی‌گیرند و مبارزۀ ما با شدت در مقابل داعش دوام خواهد داشت.
غچ به خامخا اخلو، او د دوی رېښې به باسو.
تاسې ولیدل چې عام ولس طالبانو ته په رسنیو کې پېغور ورکاوه، زه هم عامو افغانانو سره ځان شریک بولم او طالبانو ته وایم که د بهرنیو عسکرو د وتلو په هکله ستاسو ادعا رېښتیا وي، نو بیا ولي د استقلال ورځ ردوئ ؟ کوم افغان د افغانستان استقلال ردوي؟ کوم افغان د افغانستان په استقلال باندې ویاړ نه کوي ؟
طالبه! که افغان یې د افغان په وینه ودرېږه ، کنه موږ سره په دې خاوره کې شریک          نه یې. موږ منلی یې چې باید سیاسي لارې د حل ته ورسېږو او سولې ته ورسېږو.           اما ته انتخاب وکړه چې افغان یې یا د پردي د لاس وسیله.
د غچ اخیستو له ارادې سره په ولس کې خوځښت او حرکت راځي، موږ ټول په قوت سره کار کوو، موږ ټول بشپړ تعهد لرو او اراده لرو او تصمیم نیسو چې د ولسواکۍ دغه حرکت به د تروریزم په ضد، په یو ملي خوځښت بدلېږي.
له ټول ولس څخه غواړم که ستاسو په کور، کلي، ناحیه، ګذر د کار په محیط او  اداره کې د داعشي افکارو عناصر موجود وي، نو افشا یې کړئ.  د افشا کولو یوه ملي پروسه باید پيل شي او په دغه پروسه کې د امنیتي او کشفي ارګانونو تعلل اوغفلت د منلونه دی. د افشاګرۍ هره قضیه باید جدي تعقیب او عاجل اقدام وشي.
همان‌طوری که غازی امان‌الله خان در روز اعلان استقلال کشور، شمشیرش را از نیام بیرون کرد و نیام را بشکست، حالا زمان آن رسیده است تا درصدمین سال‌روز استرداد استقلال کشور، ملت شمشیرش را علیه هیولای تروریزم بیرون کند و علیه آن مبارزه نماید.
ګورئ!
دښمن غواړي زموږ ملي بیرغ تور کړي، موږ د خپل درې رنګه بیرغ او ملي سمبول  د استحکام څخه په پوره قوت دفاع کوو.
من امروز یکجا با ملت به گلیم غم نشسته‌ ایم، با جدیت تعهد می‌کنم که داعش و تروریستان را ریشه‌کن می‌نماییم و حامیان آنان را همین‌گونه به گلیم غم می‌نشانیم.
د افغانستان قهرمان ولسه!
تېرو کلونو کې د طالبانو او د مختلفو تروریستي ډلو اکثریت مشران د ډيورنډ کرښې     په ختيځې او جنوبي څنډو کې وژل شوي دي. دا زموږ ادعا  ثابتوي چې د جنګ منشا او ځالې د ډیورنډ کرښې هاغه خو اته دي.
زه د ډيورنډ کرښې د هاغه غاړې ولسونه چې ډېر بشرپاله او سوله غوښتونکي انسانان دي، خو په عین زمان کې د جنګ او تروریزم قربانیان او یرغمل دي، په دوی غږکوم!
په دوی غږ کوم چې، د هر میکانیزم له لارې چې دوی  کولای شي په سیمه کې د تاوتریخوالي د تولید مرکزونه ، ادرسونه او د روزنې مرکزونه په نښه کړي او ټولې نړۍ ته یې افشا کړي، ترڅو زمونږ له دغې برحقه  داعېی ټوله نړۍ خبره شي.
جامعه جهانی نباید در مقابل این‌گونه اعمال وحشیانه و ضد بشریت خاموشی اختیار کند، بلکه آنان باید بخاطر ردیابی لانه‌های تروریستان و محکوم‌‌کردن اعمال آنان، در کنار افغان‌ها بایستند.
زمونږ جنګ د بشریت د دښمنانو سره جنګ دی، دا باید ټولې نړۍ ته واضح شي چې، افغان ولس یوازې د خپل استقلال څخه دفاع نه کوي، بلکې د ټول بشریت  له بقا څخه دفاع کوي.
د نړۍ هیڅ قوت افغان ولس نشي محوه کولی!
څو چې دا ځمکه آسمان وي
څو چې ژوند په دې جهان وي
تل به دا افغانستان وي
تل به دا افغانستان وي
یشه سن افغانستان
زنده باد افغانستان
پاینده باد قوای امنیتی و دفاعی ما
پاى \ ذ \

 

کابل\باختر\ د زمري ٢٨ مه
د افغانستان د اسلامي جمهوریت جمهور ريیس محمد اشرف غني نن له غرمې مخکې د هېواد د خپلواکۍ د بېرته ترلاسه کولو سلمې کالیزې د نمانځنې په مراسمو کې چې په دارالامان ماڼۍ کې جوړ شوي وو، ګډون او وینا وکړه.
د جمهور رييس د وياند دفتر باختر اژانس ته خبر ورکړ:
په دې مراسمو کې، جمهور ريیس غني د هېواد د خپلواکۍ د مبارکۍ ترڅنګ وویل: بدبختانه د افغانستان د خپلواکۍ سلمه کالیزه د یوې فاجعې تر شعاع لاندې راغله.
د شانداره نمانځنې هدف دا و چې د افغانستان ځوان نسل ته وښودل شي چې دغه نسل پخپلې خاورې او تاریخ ویاړ وکړي، د خپلواکۍ په قدر وپوهېږي او د هېوادپالنې احساس یې نور هم غښتلی شي.
جمهور ريیس زیاته کړه: زموږ د خپلواکۍ دښمن، زموږ د خلکو او خاورې دښمن، د افغانستان د خپلواکۍ جشن ونشو زغملی.
دښمن باید پوه شي چې له زړورو امنیتي ځواکونو سره د مقابلې وړتیا نه لري او هیڅکله زموږ د خوشالۍ مخه نشي نیولی.
جمهور ريیس غني د کابل ښار په شپږمه ناحیه کې د واده پر مراسمو وحشتاک برید ته په اشارې وویل، طالبان په دې برید کې له لاس لرلو په انکار ځان له ملامتۍ نشي خلاصولی، د دې ډول بې رحمانه وژنو او قتلونو بنسټ هغوی ایښی دی.
طالبانو په ځلونو په جوماتونو، ښوونځیو او عامه ځایونو کې دغه ډول ظالمانه، وحشیانه او بې رحمانه بریدونه کړي او مسوولیت یې هم اخیستی دی.
د هېواد جمهور ريیس وویل، موږ د کابل تروریستي برید قربانیانو ته په احترام، د هېواد د خپلواکۍ سلمې کالیزې د نمانځنې مراسم وځنډول او دښمن د ملکي افرادو د وینې په تویولو سره، زموږ شانداره مراسم وځنډول.
جمهور ريیس په ټینګار سره وویل: موږ د دې او نورو بریدونو غچ اخلو. موږ به د خپلو خلکو د قتل عام او د وینې د هر څاڅکي غچ اخلو.
هغه زیاته کړه، دغه غچ په دوه ډوله اخلو: لومړی، موږ د خپلو امنیتي او دفاعي ځواکونو احترام کوو او موږ پخپلو ځواکونو ویاړو چې د وحشي تروریستانو پر ضد جګړه کوي او د هېواد درې رنګه بیرغ لوړ ساتي.
جمهور ريیس همداراز وویل: دویم دا چې د داعش ریښې که په ختیځ، شمال یا مرکز کې وي، له بیخه باسو او له منځه یې وړو.
جمهور ريیس څرګنده کړه، د غچ اخیستو په اراده په خلکو کې تحرک رامنځته کېږي، موږ ټول په قوت کار کوو، موږ ټول ژمنتیا او بشپړه اراده لرو او تصمیم نیسو چې د ترهګرۍ پر ضد دغه ولسواک حرکت په یوه ملي خوځښت بدلوو.
جمهور ريیس له ټول ملت څخه وغوښتل چې د داعشي افکارو او عناصرو د افشا کولو په برخه کې همکاري وکړي.
هغه زیاته کړه: هماغسې چې غازي امان الله خان د هېواد د خپلواکۍ اعلامولو په ورځ خپله توره له تیکي واېسته، نور د دې وخت را رسېدلی چې د هېواد د خپلواکۍ د بېرته ترلاسه کولو سلمې کالیزې په مناسبت ملت خپله توره د ترورېزم پر ضد وباسي او د هغوی پر ضد مبارزه وکړي.
جمهور ريیس وویل: نن زه له ملت سره یو ځای د غم پر ټغر ناست یم، په جدیت ژمنه کوم چې د داعش او تروریستانو ریښې به وباسو او د هغوی ملاتړي به هم همداسې د غم پر ټغر کېنوو.
جمهور ريیس دې ته په اشارې چې د طالبانو او نورو تروریستي ډلو سرچینه او پټنځایونه د ډیورنډ کرښې بله غاړه دي وویل، زه د ډیورنډ کرښې د هغې غاړې په خلکو غږ کوم چې په هر میکانیزم کولای شي، د تاوتریخوالي د تولید مرکزونه، ادرسونه او د هغوی د روزنې مرکزونه په نښه کړي او ټولې نړۍ ته یې افشا کړي، ترڅو زموږ له دې برحقې داعیې ټوله نړۍ خبره شي.
جمهور ريیس وویل، نړیواله ټولنه باید د دې ډول وحشیانه او بشریت ضد اعمالو پر وړاندې غلې پاتې نشي، بلکې هغوی باید د تروریستانو د ځالو په تعقیب او د هغوی د اعمالو په محکومولو کې، د افغانانو ترڅنګ ودرېږي.
د افغانستان د اسلامي جمهوریت جمهور ريیس د خپلو خبرو په پای کې وویل: زموږ جګړه د بشریت له دښمنانو سره ده او باید ټولې نړۍ ته څرګنده شي چې افغان ملت یوازې له خپلې خپلواکۍ دفاع نه کوي، بلکې د بشریت د دفاع لپاره راپورته شوی دی.
پاى\ذ

 

کابل\باختر\ د زمري ٢٨ مه
د ننګرهار چارواکي وايي چې نن سهار د جلال اباد ښار په بېلابېلو سیمو کې ځای پر ځای شوي ۶ ماینونه شنډ کړى شوي، خو ۶ نورو يې چاودونې کړې دي.
ځايي چارواکي وايي چې په چاودنو کې اوولس ملکي وګړي ټپيان شوي چې لس يې له درملنې وروسته رخصت شوي، خو پاتې ټپيان لا هم تر درملنې لاندې دي.
د ننګرهار د والي وياند عطاءالله خوږياڼي د باختر اژانس سيمه ييز خبريال  ته وويل چې د هېواد د خپلواکۍ د سلمې کالیزې د نمانځنې په درشل کې د وطن دښمنانو له لورې د جلال اباد ښار په بېلابېلو سیمو کې چاودیدونکي توکي ځای پر ځای شوي وو چې شپږ یې شنډ شوي، خو شپږ نور يې چاوديدلي دي.
سرچينه زياتوي چې په چاودنو کې اوولس ملکي وګړي ټپيان شوي چې لس يې له لومړنۍ درملنې څخه وروسته رخصت شوي او پاتې نور يې لا هم تر درملنې لاندې دي.
د ننګرهار د عامې روغتيا روغتياپالانو د پېښې د درېيو ټپيانو حالت نازک ښودلى دى.
دا په داسې حال کې ده چې په ننګرهار کې د ولسي خلکو له لورې په بي ساري ډول سږ کال د خپلواکۍ سلمې کلیزې نمانځنې مراسم ترسره شول .
پاى\وصال

ښرنه\باختر\ د زمري ٢٨ مه
د پکتیکا د امنیې قوماندانۍ مسوولین وايي چې له تېرې یوې اوونۍ را پدېخوا د مرکز ښرنې په ګډون په یو شمېر ولسوالیو کې په بېلابېلو عملیاتو کې اته وسله وال طالبان نيول شوي دي.
د امنیې قوماندانۍ د امنیت امر مسعود بابکر خېل د باختر اژانس سيمه ييز خبريال ته ويلي چې دغه کسان یې په بېلابېلو عملیاتو کې په تېره یوه اوونۍ کې نیولي دي.
هغه زیاته کړه چې د عملیاتو پرمهال یې یو تن غل هم له یوه موټرسایکل سره یو ځای نیولی دی.
په ورته مهال د پکتیکا د امنیې قومندانۍ ویاند شاه محمد ارین وايي چې په نیول شویو کسانو یو کس چې مخکې یې په سيمه ييزو پولیسو کې دنده لرله او وروسته طالبانو ته تسلیم شوی و او د دولت پر ضد یې کړنې ترسره کولې، هم نیول شوی دی.
له نیول شويو کسانو څخه یو تن له رسنیو سره په خبرو کې وویل، چې له وسله والو طالبانو سره یې اړیکه لرله او د هغوی له خوا ورته یو چسپکي ماین ورکړل شوی و، تر څو نظامي کسان پرې په نښه کړي.
هغه وایي چې دی د پاکستان هېواد په کوټه ښار کې روزل شوی دی.
پاى\وصال  

کابل\باختر\ د زمري ٢٨ مه
د هېواد په ختيځو ولايتونو ننګرهار او لغمان کې د چاودنو مخه نيول شوې.
د ٢٠١ سيلاب قول اردو وياند محمد هارون يوسفزي باختر اژانس ته وويل چې، افغان ځواکونو د لغمان په عمرزيو او د ننګرهار د بټي کوټ ولسوالۍ په جاني خېلو سيمه کې دوه ماينونه کشف او شنډ کړي دي.
پاى\وصال

کندز / باختر\ د زمري٢٨مه
په کندز کې د هېواد د خپلواکۍ د سلمې کاليزې په  وياړ پرون د لاسي صنايعو او کرنيزو محصولاتو نندارتون پرانيستل شو.
د کندز د کرنې، اوبو لګولو او مالدارۍ رييس عبدالهادي قرلق د باخترآژانس سيمه  ييز خبريال ته وويل، دغه نندارتون چې د صنعت او سوداګرۍ رياست په همکارۍ د کندز ښاروالۍ په  چمن کې جوړ شوى دى، پکې کرنيز محصولات، وطني غالۍ،لاسي صنايع، تازه او وچه مېوه په دېرشو غرفو کې نندارې ته وړاندې شوي دي.
د کندز ښاروالۍ سرپرست نجيب الله عمرخېل وايي د دغه شان نندارتونونو جوړول ښه بازارموندنه ده او زياته يې کړه چې کندز د کرنې او مالدارۍ په برخه کې يو له مخکښو ولايتونو څخه دى.
دغه نندارتون نن هم  د مينه والو پرمخ پرانيستى دى.
پاى \ ذ  \

 

Page 1 of 7970