16 August 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل باختر د  زمري  ٢٤:
دمسکراتو اودنشه يي توکو پرخلاف دمبارزې دعدلي اوقضايي مرکزابتداييه او استيناف  محکمو اوولس تنه دنشه يي توکو دقاچاقو دجرمونو په ارتګاب  له دووکلونو او شپږو مياشتو څخه تر پنځو کلونو پورې دبند په مجازاتو محکوم کړل .
دمسکراتو او دنشه يي توکو پرخلاف  دمبارزې دعدلي اوقضايي مرکز وياند خالد احمد موحد نن دباختراژانس له خبريال سره په خبرو کې وويل دغه کسان چې د ٦٥٤ کيلوګرامه هيروئين  ډوله نشه يي توکو ، سلو کيلوګرامو اپينو ، ٥٣٤ کيلوګرامو چرسو ،  شپږ سوه  ليترو اوبلن  کيمياوي توکو او ديوولسو  کيلوګرامو امفتامين  دديارلسو  قضيو قاچاقو په اړوند دهېواد په بېلابېلو سيمو کې نيول شوي او دعدلي اوقضايي  تعقيب  په مقصد  له دوسيو سره يې دغه مرکز ته استول شوي و چې دتيرې اوونۍ په بهير کې  له څيړنو او تحقيقاتو وروسته په  مجازاتو محکوم شول .
دده دڅرګندونوله مخې ، ددغې مودې په بهير کې دمسکراتو او نشه يي توکو پرخلاف  دمبارزې پوليسو دنورو امنيتي بڼستونو په همکارۍ  ديارلس تنه دقاچاقو دجرمونو په اړوند چې دوه تنه ښځې هم پکې شاملې دي دشپږو قضيو په اړوند دکابل ، ننګرهار او هرات په ولايتونوکې نيولي دي .
له نيول شويو کسانوڅخه  ټولټال  څه دپاسه اته ديرش کيلوګرامه هيروئين ،  ١٤٠  کيلوګرامه چرس ،  ١٦ کيلوګرامه ښيښه ،  ٦٣٨ ليتره الکولي مشروبات ،  ١٠ موبايل  تيلفونونه ، پنځه ليږدونکي وسايط او دغه راز ١٧٠٠٠ افغانۍ نغدې پيسې ددغه مرکز دپوليسو لاس ته ورغلي دي .
   ختم- ف _ اکرم
                                                 

کابل باختر د  زمري  ٢٤:
دهېواد په ځينو  سيموکې دتروريستانو دځپلو په موخه دملي دفاعي او امنيتي  ځواکونو چانيز عمليات په برياليتوب سره دوام لري .
دملي دفاع وزارت مطبوعاتي  دفتر باختراژانس ته خبرورکړ په تيرو  ٢٤ ساعتو کې ملي دفاعي او امنيتي ځواکونو دخلکو دسراو مال دساتنې او د ډار اچوونکو دځپلو په موخه  ١٤ پلان شوي ګډ يرغليز او چاڼيز عمليات ، ٩١ کوماندويي دندې او ١٢ هوايي بريد ددښمن په ځالو  دهېواد په بېلابېلو  سيموکې ترسره کړي هوايي ځواکونو ١١٠  الوتنې دملي اردو دځواکونو په ملاتړ ترسره کړي دي .
دغه عمليات دهوايي او توپچي قوتونو په ملاتړ دننګرهار ، غزني ، پکتيا  ، قندهار ،  روزګان ، زابل ، فراه ،بادغيس ، فارياب  ، بلخ ، کندزاو دهلمند په ولايتونوکې ترسره شوي دي دفارياب ولايت دګرزيوان او غورماچ  په ولسواليو کې  ١٨ تنه ډار اچوونکي  وژل شوي  او ددښمن يو موټرسايکل   له منځه تللى دى  ،   دپکتيا ولايت دجاني خيلو ولسوالۍ په لواري او پيرلکه ساحه کې  ١٧ تنه ډار اچونکي وژل  شوي اوشل تنه نور ټپيان شوي دي دروزګان ولايت دمرکز ترينکوت ښار په تالاني  ساحه کې   ١٣ تنه ډار اچوونکي وژل شوي او دفراه ولايت په خاک سفيد ولسوالۍ کې  درې تنه ډار اچوونکي وژل شوي دوه تنه ټپيان او اته موټرسايکلونه له منځه  تللي دي .
دغه راز دخوست ولايت دنادر شاه کوټ ولسوالۍ په سيوي  کلي کې دحقاني شبکې دډلې درې تنه غړي ووژل شول او يو موټر له منځه تللى دى او دننګرهار ولايت دهسکې مينې ولسوالۍ په اوغز کلي کې  درې تنه  ډار اچوونکي وژل  شوي دي . 
ختم- عطاالله_ اکرم

 

کابل باختر د  زمري  ٢٤:
دپروان دعامه کتابتون دودانۍ جوړولو کار  پرون ددغه ولايت د والي له خوا  پرانستل شو .
دباختراژانس دخبريال دخبرله مخې، ددغې ودانۍ دبنسټ د ډبرې  دايښودلو په مراسمو کې  دپروان ولايت داطلاعاتو اوفرهنګ  رييس عبدالواحد هاشمي  وويل چې دغه ودانۍ  ديوسلو اتيا مربع متره ځمکې ساحه کې په يوه پوړ کې  او په اساسي  ډول دهندوستان ددرې څلويښتو زرو ډالرو وړيا مرستې په لګښت  په څلورو مياشتو کې  جوړيږي  چې څلور خونې ،  پارکينک  او شنه ساحه پکې په پام کې  نيول شوې ده .
په دغو مراسمو  کې دپروان والي فضل الدين عيار ددغې پروژې او په دغه ولايت کې دجريان  په حال کې   دنورو ټولګټو پروژو دتطبيق  لپاره دهندوستان دمرستو له امله قدر داني وکړه .
  ختم_ عطاالله _ اکرم

 

کابل باختر د  زمري  ٢٤:
سياسي ګوندونو اوجريانونو دانتخاباتو له خپلواک کميسيون څخه غوښتي دي تر هغه وخته پورې چې دحکومت له خوا ددوى غوښتنې ته مثبت ځواب  ورنه کړى شي دراى ورکولو پاڼې چاپ نه کړي .
معترض   ګوندونه وايي که چيرې دانتخاباتو  خپلواک کميسيون د ګوندونو غوښتنې ته له پاملرنې پرته دراى ورکولودپاڼو  په چاپولو  اقدام وکړي له دې پلوه دخلکو دمليونونو ډالرو شتمنيو دبې ځايه  لګښت مسووليت به ددغه  کميسيون پرغاړه وي .
دانتخاباتو دخپلواک کميسيون مرستيال عبدالعزيزابراهيمي  وويل  دانتخاباتو دخپلواک کميسيون مجبور دى  چې له عملياتي پلان او دانتخاباتو له تقويم سره سم پرمخ لاړ شي او انتخابات دروان کال  دتلې دمياشتې په اته ويشتمه نيټه ترسره کړي .
ده وويل ټاکل شوې ده چې دراى ورکولو پاڼې دڅو راتلوونکو ورځو په  بهير کې  دچاپولو لپاره له هېواد څخه بهر ته وليږل شي  خو دايې مشخصه نه کړه چې دغه پاڼې   به څه وخت او کوم هېواد ته وليږلې شي .
  ختم- عطاالله _ اکرم

کابل باختر د  زمري  ٢٤:
د افغانستان د اسلامي جمهوریت جمهوررئیس محمداشرف غني نن له غرمې مخکې د سولې لپاره د ښځو ملي اجماع برنامه کې چې د اماني لېسې په تالار کې جوړه شوې وه، ګډون وکړ او د سولې لپاره یې له اوربند څخه د ښځو د ملي اجماع دملاتړله امله مننه وکړه.
دجمهوررييس دويانددفترباخترآژانس ته خبرورکړ
په دغه پروګرام کې د هېواد پر لومړۍ مېرمن سربېره یو شمېر لوړ پوړو حکومتي چارواکو هم حضور درلود، د هېواد جمهوررئیس په پيل کې د ټولو شهیدانو په ځانګړي ډول د وسله والو ځواکونو او د غزني، فاریاب او بغلان د وروستیو پېښو شهیدانو ته دعا وکړه.
محمد اشرف غني غزنی د اسلامي نړۍ پلازمینه وباله وې ویل:  په فرهنګي پلازمینه برید، د اسلامي هېوادونو په ارزښتونو برید دی، په عامه تاسیساتو او فرهنګي مرکزونو بریدستر جنایت او نه بښونکی عمل دی.
جمهوررئیس زیاته کړه، د غزني درد زما او د ټولو افغانانو درد دی، په دغه ولایت برید له اسلام او د دیني علماوو فتوا سره په تضاد کې دی. هغه څرګنده کړه، تېره اونۍ یې زیات وخت د غزني په مسئلې لګولی دی.
جمهوررئیس غني وویل، په غزني ولایت کې امنیتي پلان تطبیق شوی دی بیړنۍ مرستې او لازم اکمالات دغه ولایت ته رسېدلي دي چې ژر به د غزني خلکو ته د مرستې رسونې پلان عملي شي.
جمهوررئیس زیاته کړه: زموږ موخه پایداره سوله او د افغانستان د ۴۰کلن بحران ختمول دي. ناپایداره او هغه سوله چې ښځې په کې ونډه ونه لري او زموږ دیني او د اساسي قانون ارزښتونه په کې تعریف شوي نه وي، نه غواړو.
جمهوررئیس محمداشرف غني دې ته په اشارې چې د پایدارې سولې حدود باید روښانه وي، پر سراسري اجماع په ټینګار سره وویل، د سولې تړون به په رڼا ورځ او د ملت په پرېکړه ترسره شي، نه په توره شپه او د دروازو شاته.
جمهوررئیس وویل، د سولې د ټینګښت لپاره سرونه قربانوو، خو تر هغو چې ملت او د ټولنې ښځې يې تائید نه کړي، موږ د سولې د تړون د لاسلیک واک نلرو. سوله ملي پروسه ده او باید ټول په کې ونډه ولري، له خلکو او بېلابېلو اقشارو سره د پراخو مشورو پرته د سولې حدود نشو ټاکلی.
محمد اشرف غني څرګنده کړه چې ملت پر سولې اجماع لري او سوله هر افغان پورې اړه لري او د هر افغان غوښتنه ده. دغې پروسې ته سیاسي نوم ورکول د بي اتفاقۍ لامل کېږي، ځکه په دې لار کې د هېواد له هرې څنډې قرباني ورکوو او جنګ په ټولو افغانانو تحمیل شوی دی.
جمهوررئیس د سولې د ټینګښت په خاطر په واضح لار نقشې ټینګار وکړ وې ویل، د یوې سمې لارنقشې پرته مقصد ته نه رسېږو. هغه د لار نقشې د ټاکلو لپاره د سولې په خاطر مستقیم مذاکرات مهم وبلل. هغه وویل، بین الافغاني مذاکرات د دې په خاطر کېږي چې دا یوه افغاني پروسه ده او باید مخامخ خبرې وشي او غوښتنې طبقه بندي شي. جمهوررئیس ټینګار وکړ، پرته له یو ګاونډي هېواد څخه، په هر ځای کې مذاکراتو ته چمتو یوو. 
جمهوررئیس غني څرګنده کړه، اوسنی بحث د حکومت او طالبانو ترمنځ موضوع نه ده، بلکې دا د طالبانو او ملت ترمنځ ده او زه د طالبانو له مشرانو غواړم چې د غزني ولایت پېښه وغندي.
هغه زیاته کړه: بین المللي مذاکرات، د اسلامي هېوادونو ترمنځ مذاکرات، د ملت په تصمیم د سولې د تړون تصویب او د تطبیق مرحله یې د افغانستان د سولې د مذاکراتو مهم پړاو دی چې د تطبیق په مرحله کې یې باید له شپږو میاشتو نیولې تر یو کال پورې د باور بشپړه فضا رامنځته شي.
جمهوررئیس څرګنده کړه، د افغانستان د راتلونکي لپاره باید بنیادي کار وکړو او ستاسو اجماع ستاسو د راتلونکي انتخاب دی او د ښځو نقش یې د سولې په بهیر کې مهم وباله. هغه زیاته کړه، افغانو ښځو نن ثابته کړه چې په څنډه کې نه دي، بلکې د ټولو قضایاوو په متن کې شاملې شوي دي.
هغه څرګنده کړه، لا هم د ښځو د مشارکت او پرمختګ په لار کې خنډونه شته چې باید له مخې لیرې شي.
جمهوررئیس د وسله والو ځواکونو په لیکو کې د ښځو له حضور څخه په مننې وویل: افغانه ښځه نور نه غواړي شاته لاړه شي او همداسې به پر مخ درومي. هغه د دوی له کورنیو څخه مننه وکړه.
په دغو مراسمو کې هغه یولس ماده‌يي پرېکړه لیک چې د سولې لپاره د ښځو په ملي اجماع کې تصویب شوی و، د یوې ګډونوالې له خوا ولوستل شو.
هغوی په دغه پرېکړه لیک کې د سولې په اړه د دیني عالمانو او اسلامي نړۍ د عالمانو د متفقې فتوا او امنیتي او دفاعي ځواکونو د هڅو ملاتړ وکړ او د طالبانو د بریدونو د غندنې تر څنګ یې له هغوی وغوښتل چې انسان وژنه بنده کړي. همدارنګه یې له ګاونډیو هېوادونو وغوښتل چې د افغانستان په چارو کې مداخله ونه کړي. 
پاى- ع

کابل باختر د  زمري  ٢٤:
په غزني ښار کې د چاڼیزو عملیاتو له پیله تر اوسه پنځو امنیتي حوزو بېرته خپل فعالیت پیل کړی او په شپږمه امنیتي حوزه کې چاڼیز عملیات دوام لري. دغه راز د هیواد ملي امنیتي او دفاعي ځواکونه د غزني ښار په لویديځو او شمالي سیمو په ځانګړې ټوګه په حیدرآباد سیمه کې د چاڼیزو عملیاتو په حال کې دي.
د اور وژنې ډله د غزني ښار ته رسېدلې او روشن مخابراتي کمپنۍ بیا خپل فعالیت پیل کړی دی.
د ملي دفاع وزارت ویاند، سید غفور احمد جاوید د غزني ولایت اوسېدونکو ته وویل:" د هیواد امنیتي او دفاعي ځواکونه له هغوی سره دي او له هغوی څخه د دفاع په لار کې به له هېڅ ډول مرستې ډډه ونه کړي، دښمن د غزني له ښار څخه شړل شوی او په دغه ښار کې ژوند بېرته عادي حالت ته ګرځېدلی دی"
پاى- ع

کابل باختر د  زمري  ٢٤:
د افغانستان ملي دفاعي اوامنیتي ځواکونو په تیرو۲۴ساعتونو کې۱۴ ګډ تعرضي او چاڼیزعمليات ،۹۱ځانګړي کوماندویي دندې او ۱۲ګوزارونه یې د جګړه مارانو او ترهګرو  په ځالو او مرکزونو، د خلکو د ځان او مال د ساتلو او د ترهګرو د له منځه وړلو په موخه د هیواد په بیلابیلو سیمو کې په لاره ترسره کړي دي، د افغانستان  دهوایي پوځ الوتکو ۱۱۰الوتنې د ملي اردو  د ځواکونو  د ملاتړ په موخه تر سره کړي دي.
دغه ګډ عملیات چې د توپچي اوهوایي قوتونو په ملاتړد ننګرهار، غزني، پکتیا، قندهار، ارزګان، زابل، فراه، بادغیس، فاریاب، بلخ، کندز او هلمند په ولایتونو کې تر سره شوي په پایله کې د فاریاب ولایت دګرزیوان او  غورماچ  په ولسوالۍ کې ۱۸ تنه ترهګر وژل شوي او یو موټر له منځه وړل شوی، د پکتیا ولایت د جاني خیلو ولسوالۍ د لوارو او پیرلکه په سیمو کې ۱۷ تنه ترهګر وژل شوي، ۲۰ تنه ټپيان، د ارزګان ولایت مرکز  اړوند تالاني په سیمه کې ۱۳ تنه ترهګر له منځه وړل شوي او د فراه ولایت د خاک سفید په  ولسوالۍ کې ۳ تنه ترهګر وژل شوي، ۲ تنه ټپيان او ۸ موټر سایکلونه له منځه وړل شوي دي.
همدا راز د خوست ولایت د نادر شاه کوټ په ولسوالۍ کې د حقاني شبکې ۳ تنه غړي وژل شوي او یو موټر له منځه وړل شوی، او د ننګرهار ولایت د هسکې مینې په ولسوالۍ کې ۳ تنه ترهګر له منځه وړل شوي دي .ملي اردو د هیواد د دفاعي ځواک په توګه، په ټول قوت سره حاضر دی چې د خلکو د امنیت او هوساينې لپاره هر ډول قربانې ورکړي. ملي اردو د تروریستانو د ځپلو لپاره قوي هوډ او اراده لري.پاى- ع

 

کابل باختر د  زمري  ٢٤:
د هوایي ځواکونو د بریدونو پر مهال د غزني ښار اړوند قلعه قاضي،توحید آباد او د حاجې مسجد شا او خوا سیمو کې لسګونو تنو ترهګرو ته مرګ ژوبله اوښتې ده.
د دغو عملیاتو په بهير کې  چې د غزني ښار او د میدان وردګو ولایت د سالارو په سیمو کې تر سره شوي، د ۳۰ نه زیات کسان وژل شوي او ۲ تنه نور نیول شوي دي .
د دغو عملیات په ترڅ کې  د غزني ښار اړوند حیدر آباد،حسن آباد، مغلان او نوآباد سیمې د دښمن له شټون څخه پاکې شوي د پولیسو ۵ حوزو خپل کار له سره پیل کړی، همدا راز د روشن مخابراتي شرکت بیرته فعال شوی او د غزني  ښار اوسیدونکو بیرته خپل عادي ژوند ته لاره کړې ده. 
د یادونې وړ ده د هیواد دښمنانو د خپلو بردیدونو پر مهال له هیڅ ډوله جنایاتو نه  ډډه نه ده کړۍاو ډیری ټولګټې تاسیسات یې سوځولي دي. د دې اندیښنو په پام کې نیولو سره  د ملي ادو اتل ځواکونه د غزني ولایت خلکو ته ډاډ ورکوي چې  دښمن له دی  وروسته د دوې عادي ژوند ته هیڅ ډول ګواښ نشي  را منځته کولاي . پاى- ع

 

کابل باختر د  زمري  ٢٤:
فرهنګي ميراثونه (  ملموس او ناملموس  )  دولسونو  هويت دى. هغه هيوادونه او ولسونه ژوندي او تلپاتې ګڼل کېږي چې دخپلو فرهنګي ميراثونو شواهد او لاسوندونه  يې ساتلي وي ،  دهويت او پيژند پاڼو پرته دهېواد پيژندنه شونې نه ده همدا لاميل دى چې پرمختللي  هېوادونه دخپلو فرهنګي ميراثونو ساتلو او پاللو ته ژمن دي .
دفرهنګي ميراثونو دساتلو او پاللو بېلابېلې لارې  چارې شته چې ولسونه او  هېوادونه يې دخپلو  فرهنګي ميراثونو دبقا او پايښت لپاره کاروي ،تر ټولو عمده اوبنسټيز عامل دهېواد دميشتو وګړو  هغه  مينه او ليوالتيا ده چې دخپل هويت سره يې لري او دا مينه يوه نسله بل ته ليږي دهمدې روحيې دليږدترټولو اغيزمنه لار،  دفرهنګي ميراثونو ساتنه او پالنه ده . دهمدې اصل له مخې په  کارده چې په ټول توان او ځواک دفرهنګي ميراثونو لپاره  دولسونو ملاتړ وګتل شي او خلک  وڅول شي چې دخپلو وياړونو دساتنې چوپړ ته ودانګي او خپله  هيوادنى دنده ترسره کړي .
دولسونو ملاتړ لپاره په کار ده چې ولسي  ذهنيتونه روښانه کړو او دروڼتيا  لپاره يې پرله پسې هڅه وکړو  درسنيو مسوولين ، دعلم او پوهنې  دخپرولو ادارې ، فرهنګي نهادونه ، مدني ټولنې او ټول هغه  کورنى او نړيوال سازمانونه چې په فرهنګي برخه کې دنده لري او فعال دي ټول بايد يوځاى دعامه ذهنيت  دروښانولو په لاره کې يوله بل سره مرستندوى شي
داطلاعاتو اوفرهنګ وزارت له لوري ددې سيمينار جوړيدل همدې اصل ته پاملرنه ګڼم چې دولسونو دذهنيت په روښانولو  او دولسي ملاتړ دخپلولو  لپاره يې جوړ کړي دي 
له همدې فرصته تاسو ددې علمي سمينيارټولو برخه والو او دسيمينار جوړونکو ته دبري هيله کوم .
     ختم_  ف _  اکرم

 

کابل\باختر\ د زمري د مياشتې٢٤
په نړيوالو بازارونوکې نن يو انس سره زرپه ۱١٩٥ډالرو وړاندې کيږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام مصري سره زر په٢٩٠٠ افغانيو، کويټي په٢٧٥٠ افغانيو،سنګاپوري په٢٨٠٠ افغانيو،  بحريني په٢٣٠٠ افغانيو، عربي په٢٣٥٠ افغانيو، ايراني په٢١٥٠ افغانيو او يو ګرام روسي په ١٨٥٠افغانيو پلورل کېږي.     
پاى / سعيده


 

Page 1 of 6762