28 April 2017

RSS Facebook

سوداگریز


تازه خبرونه

د سعودي عربستان له خوا په شاهين قول اردو د تروريستي بريد غندنه

د سعودي عربستان له خوا په شاهين قول اردو د تروريستي بريد غندنه

د سعودي عربستان د شاهي هېواد دولت په بلخ ولايت...

مدني ټولنې په ٢٠٩ شاهين قول اردو بريد وغانده

د بلخ د مدني ټولنې فعالانو په ٢٠٩ شاهين...

Youtube Player

khantry design

سوداگریز

سوداگریز

امنیتی

  کابل \ باختر دغويي دمياشتې ٥ :
د افغانستان  په ختيځو سيمو د پاکستاني پوځيانو راکټي او توپچي بريدونه دغه راز دوام لري . دغه بريدونه په وروستيو دوو اوونيوکې زور اخيستى دى.
د را رسيدلو خبرونو له مخې:
په وروستيو دوو ورځوکې پنحوس توغندي د افغانستان په ځينوختيځو سيمو لګيدلي دي.
د ننګرهار او کونړ ولايتونه په دې وروستيو وختوکې د پاکستاني پوځيانو له خوا د راکټي او توپچي بريدونو ډګر دى.
د کونړ ولايت د پوليسو يو مقام باختر آژانس ته وويل: د پاکستاني پوځيانو په  نوي راکټي او توپچي بريدونوکې د استوګنې څو کورونه يو څه ويجاړ شوي دي.
ده وويل: په وروستيو دوو ورځوکې څه ناڅه  ديرش توغندي د دغه ولايت په ځينو سيمو لګيدلي دي.
له بله پلوه د ننګرهار ولايت ځينې سيمې هم د لسګونو توغنديو د لګيدو ډګر و.
د افغانستان په ختيځ کې د پوليسو يو قوماندان وايي چې په وروستيو  دوو شپو او ورځوکې څه ناڅه پنځلس توغندي د پاکستاني پوځيانو له خوا ددغه ولايت په ځينو سيمو توغول شوي دي.
د دغو راکټي بريدونو له امله د سر زيان نه دى اوښتى.
خو يوه مياشت مخکې په کونړ ولايت کې د پاکستاني پوځيانو په راکټي بريدکې څلور تنه ملکي وګړي شهيدان شوي وو.
د ننګرهار او کونړ د ولايتونو د خاص کونړ، ګوشتې، لعل پورې، نازيانو، سرکاڼو او د دانګام ولسوالۍ په دې وروستيو وختوکې د پاکستاني پوځيانو د راکټي او توپچي بريدونو ډګر و.
دغه راز ويل کيږي، د وروستيو لسو ورځو په بهيرکې چې دغو بريدونو يو ځل بيا زور اخيستى دى، د هېواد په ځينو ختيځو سيمو څه ناڅه پنځه سوه توغندي لګيدلي دي.
د افغانستان په ختيځ کې پوځي مقامات وايي چې دوى د مرکزي مقاماتو لارښوونې ته په تمه دي چې د پاکستاني پوځيانو دغو بريدونو ته ځواب ورکړي.
د افغانستان په ځينو ختيځو سيمو د پاکستاني پوځيانو راکټي او توپچي بريدونه پنځه کاله مخکې د نوي لمريزکال په لومړيو ورځوکې پيل شول او تر اوسه پورې دوام لري.
د هېواد په ختيځ  کې پوځي مقامات وايي چې د دغو پنځو کلونو په بهيرکې څه ناڅه پنځلس زره توغندي د پاکستاني پوځيانو له خوا په افغانستان توغول شوي دي.
د دغو بريدونو له امله تر اوسه پورې دوه سوه تنو ته مرګ ژوبله اوښتې ده او دغه راز په زرګونوکورنۍ د خپلو کورونو پريښودو ته اړې شوې دي.

د تخار والي د وسله والو طالبانو له خوا د څو تنو پوځيانو له وژل کيدو وروسته په خپله د ډار اچوونکو پرخلاف جګړه کې ګډون وکړ.

نهه تنه پوځيان تېره شپه د درقد او خواجه بهاوالدين په ولسواليوکې د دوى پر پوستو د طالبانو له خوا د بريد له امله شهيدان او يوشمېر نوريې ټپيان شول.

د تخار والي محمدياسين ضيا د دغې پيښې او د ډار اچوونکو فعاليتونو له زياتوالي وروسته له ډار اچوونکو سره د جګړې رهبري په غاړه واخيسته.

د تخار ولايت يوه امنيتي خبرځاى باختر آژانس ته وويل: نن سهار د دغه ولايت  د والي په مشرۍ د تخار ولايت په بيېلابېلو سيموکې په تخارکې عمليات پيل شول.

ده وويل: د دغو عملياتو د پيلولو موخه په تخارکې د ډار اچوونکو د ټغر را ټولول دي.

له بلې خوا هم د تخار والي ډار اچوونکو ته خبردارى ورکړچې ډير ژر به وځپل شي.

د تخار ولايت ځينې سيمې په وروستيو دوو مياشتوکې بيا د ډار اچوونکو د شتون او فعاليت ډګر دى.

که څه هم په څو وروستيوکلونوکې څو ځلې د تخار ولايت په بېلابېلوسيموکې د ډار اچوونې ضد عمليات ترسره شول او ډار اچوونکو ته د سر درانده زيانونه  واوښتل؛ خو د څو ورځو په تيريدو سره تخار بيا د ډار اچوونکو د فعاليت په ډګر بدل شوى دى.

د تخار اوسيدونکي وايي: تر هغه وخته پورې چې حکومت د ډار اچوونکو ډلو پرخلاف پراخ عمليات پيل نه کړي؛ خلک به بشپړ مصوونيت ترلاسه نه کړي.

څلور ډار اچوونکي پرون د سرپل ولايت د کوهستاناتو په واټ کې ووژل شول.

د سيمه ييزو پوليسو يوه قوماندان وويل: وسله والو طالبانو چې غوښتل يې د مسافرانو په هغه کاروان چې د سرپل ولايت د کوهستاناتو ولسوالۍ په لور روان  وو، بريد وکړي، د افغان امنيتي ځواکونو په رسيدو سره د ډار اچوونکو د بريد مخه ونيول شوه.

د هغې جګړې له امله چې د ډار اچوونکو او ا منيتي ځواکونو ترمنځ ونښته؛ څلور تنه ډار اچوونکي ووژل شول.

د وسله والوطالبانو له خوا دوه ځاى پرځاى شوي ماينونه نن د سرپل ولايت  د صياد په ولسوالۍ کې کشف شول.

د سيمه ييزو پوليسو يو قوماندان باخترآژانس ته خبر ورکړ چې دغه ماينونه د سيمې د خلکو په همکارۍ د امنيتي ځواکونو له خوا کشف او د تخنيکي ټيم له  خوا شنډ کړاى شول.

Page 1 of 3431