22 October 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

امنیتی

کابل / دتلې ٢٩مه / باختر :
دطالبانو په وروستيو بريدونوکې دروزګان دګېزاب ولسوالۍ زياتې ساحې ددولت له ادارې څخه وتلې دي .
په دغو نښتو کې دکوماندو اته پوځيان ، پنځه پوليسان او دملي اردو دوه سرتيري  وژل شوي او شپاړلس تنه نورپوځيان طالبانو نيولي دي .
دګېزاب سيمه ييز مسوولين خبر دارى ورکوي که چېرې  دولت کومکي ځواکونه وانه ستوي او هوايي پوځ  لاس په کار نه شي دغه ولسوالۍ به په بشپړه  توګه دطالبانو لاس ته ورشي .
دګېزاب  په ځينوسيمو  دطالبانو بريدونو دتيرې  يوې مياشتې په بهير کې دوام درلود  چې په پاى کې زياتې برخې يې ددولت له ادارې څخه ووتلې .
دروزګان دګېزاب ولسوالۍ يوې امنيتي سرچينې باختراژانس ته وويل چې داردو ، پوليسو اودګوماندو پنځلس پوځيان  له يرغلګرو سره په نويو نښتو کې وژل شوي اوشپاړلس  نور پوځيان وسله والو طالبانو نيولي دي او دهغوى برخليک لاتراوسه پورې معلوم نه دى .
درارسېدلو خبرونوله مخې، په لسګونو پوځيان په ګېزاب کې په خپلو څلورو قرارګاو  او پوستو کې دوسله والو طالبانو په کلابندى کې دي
دکېزاب  امنيه قوماندان او ولسوال له رسنيو سره په خبرو کې دکومکي ځواکونو داستولوغوښتنه کړې ده.
هغوى ويلي دي که چېرې  کومکي پوځيان ګېزاب ته ونه رسېږي او هوايي پوځ لاس په کار نه شي دغه ولسوالۍ به په بشپړه توګه دطالبانو لاس ته ورشي او دپوځيانو دسردزيان  شمېر به لوړ شي .
  ختم_ عطاالله _ اکرم

کابل / دتلې ٢٩مه / باختر :
په ننګرهار کې دکامې _ ګوشتې  دلويې لارې د ترميم او پخولو کار پيل شو
دغه واټ ددوه دېرشو  کيلومترو په اوږدوالي او داوو مترو په سور دسختو لارو په تېريدو سره دکامې ولسوالۍ دګوشتې  دولسوالۍ له بازار سره دډيورنډ  له کرښې  سره نښلوي .
دننګرهار درسنيو  دفتر ديوې خبرپاڼې په خپرولو سره وايي چې ددغه واټ دترميمولو  تر څنګ دترافيکي اشارو  نصبول او علامه اېښودل  هم شامل دي .
ددغه واټ ترميم او دپخولو لګښت دحکومت له خوا ورکول کېږي .
ددغه واټ په ترميم  او پخولو سره به دزرګونو کليوالو تګ راتګ بازار ته اسان شي . او  په اسانه توګه ناروغان روغتون ته لېږدول کېږي او هم دبزګرانو حاصلات به په کم وخت کې بازار ته ورسيږي . ختم_ سعيده_ اکرم

کابل / دتلې ٢٩مه / باختر :
شپږ وسله وال طالبان په زابل کې  له پوځيانو سره په نښته کې ووژل شول .
  دغه وسله وال طالبان تېره شپه دشاه جوي په ولسوالۍ کې  هغه وخت  ونښتل چې غوښتل يې  په يو واټ ماينونه ښخ کړي .
دهېواد په جنوب کې  داتل قول اردويوه جګپوړي قوماندان دباختراژانس  خبريال ته وويل چې په نښته کې  شپږ وسله وال طالبان ووژل شول .
هغه وويل : په نښته کې  پوځيانو اوملکي وګړو ته زيان نه دى اوښتى .
دغه راز څلور وسله وال طالبان  دزابل په شينکي کې په هوايي بريد کې ټپيان شول .
په دغه هوايي بريد کې  دطالبانويوه قرارګاه له ټولو جنګي وسايلو سره له منځه لاړه .
  ختم_ سعيده _ اکرم

غزني/دتلې۲۹مه/باختر
د غزني د ولایتي ادارې چارواکي وايي چې نن د دغه ولایت د زنخان ولسوالۍ په مموش کلي کې شپږ وسله وال طالبان وژل شوي دي.
د والي ویاند عارف نوري د باختر اژانس سیمه ييز خبریال ته وویل چې هوايي ځواکونو د زنخان ولسوالۍ په مموش کلي کې د وسله والو طالبان یوه سراچه موټر په نښه کړ.
سرچینه زیاتوي چې په برید کې شپږ وسله وال طالبان وژل شوي دي.
پای/وصال

 

Page 1 of 5396