23 October 2019

RSS Facebook

سوداگریز


تازه خبرونه

د استوګنې کورونو پر بام د لمریزې برښنا انرژۍ کاروني لومړنۍ ملي برنامه

کابل /دلړم لومړى / باختر د دوامدارې برښنا لرلو لپاره د...

کابل ته څېرمه دطالبانو دمهماتو زيرمه کشف شوه .

کابل /دلړم لومړى / باختر : دکابل په موسهي ولسوالۍ کې...

صلاح الدين رباني استعفا وکړه .

کابل /دلړم لومړى / باختر : دبهرنيو چارو وزير صلاح الدين...

Youtube Player

khantry design

سوداگریز

سوداگریز

امنیتی

کابل/ د لړم لومړۍ/باختر
د لوګر د امنیې قوماندانۍ مسوولین وايي چې د دغه ولایت د بره کي برک ولسوالۍ په ده دوشنبه کلي کې څلور وسله وال طالبان وژل شوي دي.
د امنیې قوماندانۍ ویاند شاهپور احمدزي د باختر آژانس سیمه ييز خبریال ته وویل چې ځانګړو ځواکونو تېره شپه په بره کي برک ولسوالۍ کې عملیات ترسره کړل.
سرچینه زیاتوي چې په عملیاتوکې څلور وسله وال طالبان وژل شوي او افغان ځواکونو ته پکې زیان نه دی اوښتی.
پای/وصال

 

کابل/ د لړم لومړۍ/باختر
د بغلان په مرکز پلخمري کې پرون څو کلي د طالبانو له شتون څخه پاک شول.
د ځانګړو عملياتو قول اردو مطبوعاتي مسوول عبدالغفار نورستاني باختر آژانس ته وويل: د کومانډو ځواکونو په هغوعملياتو کې چې د بغلان د مرکز په شاوخوا کې ترسره کړل؛ د قاضي، احمدزي، لوګري ها، مهاجرها او عيسى خېلو کلي د طالبانو له شتون څخه پاک کړل. 
نورستاني زياته کړه چې په عملياتوکې څلور وسله وال طالبان ووژل شول او شپږ نور يې ټپيان شول او د دښمن درې ښخ کړاى شوي ماينونه کشف او شنډ شول.
هغه زياته کړه چې په عملياتو کې د معلم رحمان کور چې د طالبانو يو مهم مرکز و، هم ويجاړ شو.
ختم- شکريه - اکرم


 

کابل/ د تلې٣٠مه / باختر     
د هرات په انجيل، ګذرې، کرخ، زنده جان او غوريانو په ولسواليوکې د سبو          پر ١٥٠ کروندګرو زراعتي وسايل ووېشل شول.
د باختر آژانس خبريال د خبرله مخې: په دغو وسايلوکې لاسي کراچۍ، پلاستيکي کرېټونه، د بزګرانو لپاره دستکشې، موزې، پلاستيکي بورۍ او د درملو شيندلو ماشينونه شته چې په کرنې او ابولګولو وزارت پورې اړوند د دويم ملي لومړيتوب  ملاتړ له لارې وېشل شوي دي.
پر دغو بزګرانو پخوا اصلاح شوي تخمونه او کيمياوي سره وېشل شوې وه او هغوى ته تخنيکي سلامشورې ورکړ شوې وې.
پاى \ذ

 

کابل/دتلې۳۰مه/باختر
د کونړ د امنیې قوماندانۍ مسوولین وايي چې د دغه ولایت د نورګل ولسوالۍ په مربوطاتوکې یې د انسان تښتوونکو له منګولو څخه یو پنځه کلن ماشوم ژغورلی دی.
د کونړ امنيه قوماندان شفيق الله سهار د باختر آژانس سیمه ييز خبریال ته وويل: انسان تښتوونکو پرون د اسعداباد ښار د کړمار له سيمې څخه يو ماشوم وتښتاوه، خو دوی پر وخت اقدام وکړ او د ده په وينا، د شپې پرمهال یې د نورګل ولسوالۍ په مربوطاتوکې د انسان تښتوونکو له منګولو آزاد کړ.
په همدې حال کې انسان تښتوونکی ادعا کوي چې د ماشوم پر پلار يې يو اندازه پېسې دي، دا چې خپلې پېسې يې نه ورکولې؛ نو دی اړ شو چې دغه کار ترسره کړي.
خو د ماشوم د کورنۍ غړي دغه خبره نه مني او وايي: زموږ ماشوم يوازې د ناوړه ګټې اخيستنې او نورو موخو لپاره تښتول شوی و.
پای/وصال

Page 3 of 5402