19 March 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

امنیتی

کابل باختر دکب شپږ ويشتمه
دتخار ولايت ددرقد ولسوالۍ دامنيې قوماندانۍ دمخابرې آمر تيره شپه شهيد شو .
دتخار ولايت دامنيې قوماندانۍ وياند خليل اسير باختراژانس ته وويل چې  د درقد ولسوالۍ دامنيې قوماندانۍ دمخابرې آمر عزيز الرحمن  دملي اردو له يو  سرتيري سره له ناندرې وروسته ووژل شو  او ددغې ولسوالۍ دامنيې قوماندانۍ دتخنيک آمر ټپي شو .
اسير زياته کړه چې ددغې پيښې علت او انګيزه تراوسه پورې روښانه نه ده
ديو بل خبرله مخې ، يو ډاکتر تيره شپه دتخار ولايت په بهارک ولسوالۍ کې دناپيژاندو وسله والو کسانو له خوا شهيد کړى شو .
دتخار پوليس وايي چې ددغې پيښې  علت اوڅرنګوالي تراوسه پورې معلوم نه دى .
  ختم_ ج _ اکرم

 

کابل باختر د کب د میاشتې ۲۶ مه
د غزني ولایت د اندړو ولسوالۍ په ناني سیمه کې اووه تنه وسله وال طالبان نیول شوي دي.
له ۲۰۳ تندر قول اردو څخه باختر اژانس ته په استول شوې خبرپاڼه کې ویل شوي چې، دغه وسله وال طالبان پرون د ګډو افغان ځواکونو له لوري د ترسره شویو عملیاتو په ترڅ کې نیول شوي دي.
سرچینه زیاتوي چې په ترسره شویو عملیاتو کې شپږ تنه نور هم د وسله والو طالبانو د اړیکو په تور نیول شوي دي.پای/وصال

جلال اباد باختر د کب د میاشتې ۲۶ مه
نن سهار د ننګرهار ولایت د خوږیاڼیو د کاکا کلا په سیمه کې د میلې پر مهال چاودنه شوې چې له امله یې یو اته کلن ماشوم وژل شوی او پنځه تنه نور ټپيان شوي دي.
ځايي چارواکي وايي چې په ټپيانو کې څلور تنه ولسي پاڅون کوونکي او یو ولسي وګړی شامل دي.
د ننګرهار د والي ویاند عطاء الله خوږیاڼي د باختر اژانس سیمه ېیز خبریال ته وویل چې، ټپيان په خپل وخت سره روغتون ته لېږدول شوي او روغتیايي وضعیت یې د ډاډ وړ دی.پای/وصال

 

کابل باختر دکب شپږويشتمه :
١٣ تنه وسله وال طالبان  په روزګان ولايت کې د پوځيانو په هوايي  بريدونوکې ووژل شول .
په دغو وسله والو طالبانو دوروستيو ٢٤ ساعتونو په بهير کې ددهراود ولسوالۍ او په ترينکوټ ښار کې بريدونه وشول .
  د هېواد په جنوب کې د ملي اردو يوه جګپوړي قوماندان باختر اژانس ته وويل  چې په دې  هوايي بريدونوکې  ١٣تنه وسله وال طالبان ووژل شول
ده وويل په دې بريدونوکې چې دسوپرټوکانو الوتکو په واسطه وشول ددهراود ولسوالۍ کې له ټولو جنګي وسايلو سره يې  دوسله والو طالبانو ٦  مرکزونه  هم دړې وړې شول
ويل کېږي چې په زياترو طالبانو د ډار اچوونکو بريدونو دپلان جوړولو په  وخت کې بريدونه شوي دي .
په يو بل خبر کې ويل شوي دي چې په روزګان  ولايت کې د يولړ چاودنو مخه ونيول شوه .
امنيتي ځواکونو نن سهار د روزګان  ولايت له ګڼ مېشتو لارو څخه شپږماينونه کشف او شنډ کړل.   ختم- _ج_ اکرم                              

Page 3 of 4923