04 June 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

امنیتی

کابل/ د غبرګولي ١٣ مه / باختر
په بلخ کې څلور غير مسوول وسله وال کسان تېره شپه ونيول شول.
د بلخ د امنيې قوماندانۍ وياند عادل شاه عادل باختر آژانس ته وويل چې د دغه ولايت د دهدادي ولسوالۍ د امنيې قوماندانۍ پوليسو دغه غيرمسوول وسله وال کسان د دهدادي په مرکزکې د استوګنې په يوه کورکې له نښتې وروسته ونيول.
هغه زياته کړه چې دغه کسان د سيمې د اوسېدونکو له لوري پر يوې ښځې په جنسي تېري تورن دي. 
له نيول شويو کسانو څخه دوه کلاشينکوفونه هم ترلاسه شوي دي.
پآى \ ذ

کابل/ د غبرګولي ١٣ مه / باختر
پولیسو نن په جوزجان کې درې تنه د نشه یي توکو د قاچاقو په تړاو ونیول.
د جوزجان د امنیې قوماندانۍ ویاند باختر آژانس ته وویل چې دغه کسان د آقچې ولسوالۍ په بازارکې د پولیسو په عملیاتو کې له سلو ټابلېتونو او دوه کیلوګرامه هیرونیو سره ونیول شول.
خبرځای زیاته کړه چې له دغو کسانو څخه په نشه یي توکو سربېره، یو کرولا موټر هم ترلاسه شوى دى.
پاى/ سعیده

کابل/ د غبرګولي ١٣ مه / باختر
د ننګرهار د مرکز جلال آباد ښار په اوومه ناحیه کې دوه تنه د نغدو پیسو او مبایلونو د غلا په تړاو ونیول شول.
د پولیسو د معلوماتو له مخې؛ نيول شوي کسان عبدالکبير او عارف نومېږي او په اوومه ناحيه کې يې له درېيو کسانو څخه په بېلابېلو وختونو کې شاوخوا ٨٤ زره افغانۍ او درې مبايلونه غلا کړي دي.
پای/وصال

کابل/ د غبرګولي ١٣ مه / باختر
د ننګرهار په سره رود ولسوالۍ کې دوه تنه له یوه کور څخه د غلا په اړوند ونیول شول.
د ننګرهار د امنیې قوماندانۍ مسوولین وایي چې پر نیول شویو کسانو
د ٧٠٠ امريکايي ډالرو او ٢٠٠ زره افغانيو د غلا تور لګول شوی دی.
پای/وصال


 

Page 4 of 5757