19 July 2018

RSS Facebook

سوداگریز


تازه خبرونه

نهه تنه پاکستاني طالبان ووژل شول .

کابل باختر د چنګاښ ٢٧ نيټه : نهه تنه پاکستاني طالبان...

دطالبانو او داعشيانو ترمنځ خونړى جګړې دوام لري .

کابل باختر د چنګاښ ٢٧ نيټه : دداعشيانو او طالبانو په...

Youtube Player

khantry design

سوداگریز

سوداگریز

امنیتی

ترینکوټ  باختر د چنګاښ ۲۶ مه
په روزګان کې د افغان او بهرنیو ځواکونو د عملیاتو په ترڅ کې د مولوي مزمل  او مولوي سلیم په نامه د دوو مهم طالب قومندانانو په ګډون ۸ تنه وسله وال طالبان وژل شوي او پنځه تنه نور ټپيان شول.
ځايي چارواکي وايي چې دغه وسله وال طالبان په تېرو  ۲۴ ساعتونوکې د افغان ځواکونو د ځمکنیو او هوايي بریدونو په ترڅ کې وژل شول.
د ۲۰۵ اتل قول اردو ویاند جان خان نصرتي د  باختر اژانس سیمه یېز خبریال ته وویل چې دغه عملیات د مرکز ترینکوټ او دهراوود ولسوالۍ د لارې په
اوږدو کې تر سره شوي چې د اتو تنو وسله والو طالبانو د وژل کېدو سربېره ۱۵۰ بېلابېل ماینونه هم په کې کشف او شنډ شوي دي.
پای/وصال

لښکرګاه باختر ۲۶ مه
تېره شپه افغان ځواکونو د هلمند ولایت په موسی کلا ولسوالۍ کې د  وسله والو طالبانو په يو پټنځی حمله کړې چې په ترڅ کې يې ۵۸ تنه د طالبانو له بند څخه ازاد کړي  دي.
د ۲۱۵ میوند قول له اردو څخه باختر اژانس ته په رالېږدول شوې خبر پاڼه  کې ویل شوي دي چې د ازاد کړی شویو کسانو په ډله کې ۴ تنه د ملي اردو سرتیري، ۱۵ تنه پولیس، ۴ تنه روغتیاپال او پاتې کسان یې ملکي وګړي دي.
سرچینه زیاتوي چې په ترسره شویوعملیاتوکې څلور تنه طالبان هم نیول شوي دي چې  دا مهال تر پوښتنو لاندې دي.
په هلمند ولايت کې تر دې مخکې هم د وسله والو طالبانو پر زندانونو دې ته وَرته عملیات ترسره شوي دي چې په ترڅ  کې  يې زیات شمير بنديان د  طالبانو له بند څخه آزاد کړای شوي دي.
پای/وصال

کابل باختر د چنګاښ  ٢٦
  د ولسي تړون د ملي پروګرام د اته ديرشو پرمختيايي پروژو کار پرون په نيمروز ولايت کې پيل شو .
د باختر آژانس د سيمه ييز خبريال د خبرله مخې: په دغو پروژوکې د لمريزې بريښنا  او د اوبو زيرمې شته چې ددغه ولايت په کچه عملي کيږي .
د دغو پروژو  د کار په پرانستلوکې د نيمروز والي انجنير محمد سميع  وويل چې پرمختيايي پروژې د پلان له مخې به د نيمروز  ولايت په ګوټګوټ کې تطبيقې شي او دغه پروژې يې ځوانانو ته د کارموندنې په  لاره کې ګټورې وبللې .
  د نيمروز والي د بنسټيزو پروژو د ساتنې او څارنې په لاره کې د خلکو رول مهم وباله او له هغوی څخه يې وغوښتل چې دسيمه ئيز حکومت په همکارۍ د نيمروز ولايت په بيا رغاونه کې ونډه واخلي .
د نيمروز ولايت د کليو د بيا جوړولو او پراختيا رييس  انجنير فريد عظيم  وويل:  دغه پروژې د کليو د بيا جوړولو او پراختيا وزارت  له بودجې څخه د  څه د پاسه ۵۰ ميليونو افغانيو په لګښت تر شپږو مياشتو پورې عملي شي .
  انجنير عظيم زياته کړه چې په دغو پروژوکې ۹۱۰ تنه  په کار ګومارل کيږي او له دغو پروژو څخه به دوه زره  ۶۸۲ کورنۍ ګټه واخلي .
  ختم- ج _ اکرم

کابل باختر د چنګاښ  ٢٦
څوارلس تنه ډار اچوونکي په پکتيکا ولايت کې له پوځيانو سره په نښته کې ووژل شول .
په  دغو ډار اچوونکو په تېرو  ٢٤ ساعتونوکې د دغه ولايت په بېلابېلو برخو کې په تېره بيا د ډيورنډ کرښې ته څېرمه بريدونه شول.
دهېواد په ختيځ کې د پوليسو يو جګپوړي قوماندان باختر آژانس ته وويل چې په دغو نښتوکې څوارلس تنه  ډار اچوونکي ووژل شول .
ويل کيږي پوځيانو له دغو جګړو وروسته د ډار اچوونکو  يوشمېر وسلې او څو موټرسايکلونه ترلاسه کړي دي .
په دغو جګړوکې  ځواکونو او د سيمې اوسيدونکو ته زيان نه دى اوښتى .
  ختم_ ج _ اکرم

Page 4 of 4381