19 August 2018

RSS Facebook

سوداگریز


تازه خبرونه

په کابل کې  د نيلاب  رحيمي  کتابتون پرانستل شو

په کابل کې د نيلاب رحيمي کتابتون پرانستل شو

-کابل باختر د زمري اته ويشتمه : داطلاعاتو اوفرهنګ وزارت دخپرونو...

دافغاني سرې مياشتې عالي ټولنې  دخپلو بشر دوستانه مرستو دويم کاروان غزني ته وليږه .

دافغاني سرې مياشتې عالي ټولنې دخپلو بشر دوستانه مرستو دويم کاروان غزني ته وليږه .

٢٥-کابل باختر د زمري اته ويشتمه : دافغاني سرې مياشتې عالي...

جمهوررئیس غني په کابل کې د بېلابېلو هېوادونو استوګنو سفیرانو سره وکتل

جمهوررئیس غني په کابل کې د بېلابېلو هېوادونو استوګنو سفیرانو سره وکتل

-کابل باختر د زمري اته ويشتمه : د افغانستان د اسلامي...

Youtube Player

khantry design

سوداگریز

سوداگریز

امنیتی

کابل\  باخترد وري دمياشتې  ٣ :
دفراه ولايت امنيه قوماندان دطالبانو په ډلې پورې اړوند ددوو تنو دنيولو خبرورکړ  چې غوښتل يې  دسيمه ييزو پوليسو په جامو کې دپوليسو په منسوبينو بريد وکړي .
دفراه ولايت دغه امنيتي مقام وايي  چې دغه دوه تنه ددغه ولايت په بالابلوک ولسوالۍ کې ونيول شول .
دفراه ولايت امنيه قوماندان  اقانور کين توز باختراژانس ته وويل،  دغو دوو تنو غوښتل   دفراه ولايت په بالابلوک ولسوالۍ کې  دسيمه ييزو پوليسو په يوه پوسته کې په خپلو ملګرو بريد وکړي  اوپوسته ددولت  وسله والو مخالفينو ته تسليم کړي چې پروګرام  يې دپوليسو له خوا کشف اوشنډ کړى شو.

کابل\  باخترد وري  دمياشتې  ٣ :
دکابل امنيتي ځواکونودتورو ښيښو دپاکولو اوپه کابل ښارکې  دغيرمسوولو افرادو  دتګ راتګ  دمخنيوي پروګرام پيل کړ.
دکابل دساحوي زون دامنيه  قوماندانۍ  دجنايي  جرمونو دکشف اوتحقيق رييس  جنرال  محمدظاهر باختراژانس  ته وويل، ددغه پروګرام  دترسرکولو هدف په ښارونو کې دغيرمسوولو افرادو  دتګ راتګ  مخنيوي ، دموجودو وسلو ثبتول   په ښارونو کې  له غيرمسولو کسانو څخه دوسلو  ټولول ،   له تورو ښيښو څخه دوسايط پاکول  له  ټولو شخصي او دولتي وسايطو څخه د غير معياري  لمبر
پليټونو  راټولول   او په واټونو کې دلارې دبې مورده بنديدو مخنيوي وباله ،
پوليس  هوډمن  دى چې دغه پروګرام له استثنا  پرته په   جدي ډول تعقيب کړي
ده  خبرداري ورکړ که چيري سبا افراد اويا اشخاص  ددغو عملياتو په  وړاندې  چې د وزيرانوشورا دپريکړې  له مخې ترسره شوې  ، مقاومت وکړي وبه نيول شي .
په  همدې  حال کې دکورنيو چارو وزارت ويندوى  صديق صديقي وويل چې دپاکولو عمليات به له استثنا پرته په مرکز او ولايتونو کې  اجرا شي  .
ده له مقاماتو څخه وغوښتل چې دښه امنيت  او نظم دتامينولو په لاره کې  دوزيرانو شورا دوروستي مصوبې په تطبيق کې له پوليسو اودهيواد له نورو امنيتي    ځواکونوسره همکاري وکړي.
دغه پروګرام  په مرکز کې  دکابل د  ١١١ فرقي  ، ترافيکو، دامن اوعامه نظم  دقوماندانۍ  ،  دپوليسو  دځانګړو قطعاتو  دعمومي رياست  ، دتروريزم پرخلاف   دمبارزې  دلوى رياست  په ګډو هلوځلو سره د ١٠١  اسمايي  زون له  خوا  اودهيواد دولايتونو دامنيه قوماندانيو  له  خوا دملي اردو  دقول اردوګانو اودولايتونو دملي امنيت درياستونو په  همغږۍ  نن پيل  شو او په جديت سره به دوام وکړي .

کابل\  باخترد وري  دمياشتې  ٣ :
دافغانستان داسلامي  جمهوريت  جمهوررييس  حامدکرزي  دقندهار ولايت  په ميانشين ولسوالۍ کې   دماين ايښودنه   چې دڅلورو تنو ماشومانو  دشهادت  اود دوو تنو نورو  دټپي کيدو سبب شو په کلکه وغانده.
دجمهور ي رياست مطبوعاتي دفتر دخپرې شوې  اعلاميې له  مخې باختراژانس    ته خبر راکړ.
دقندهار دوالي  ددفتر دمعلوماتوله مخې،  نن غرمه   دقندهار ولايت  دميانشين ولسوالۍ   په زنتو  سيمه کې  دافغانستان دخلکو ددښمنانوله خوا دايښودل شوي ماين  دچاودنې له امله  څلور تنه  ماشومان شهيدان او دوه تنه نور چې ټول ديوې کورني غړي وو  ټپيان شول.
دافغانستان داسلامي جمهوريت  جمهوررييس  حامدکرزي ددغه تروريستي  اوانساني ضد عمل  په کلکې غندنې سره  دبيګناه  ماشومانو وژل  يو ډارن  او داسلامي او افغاني فرهنګ  پرخلاف عمل  وباله او عاملين يې  دپرديو مزدوران وبلل.
جمهوررييس دخپلې  ژورې  خواشينۍ  اوډاډګيرنې مراتب دشهيدانو کورنيو
ته څرگندوي . او دلوى  خداى ( ج)  له دربار څخه  هغوى ته دجميل صبر اوټپيانو ته دسملاسي روغتيا هيله کوي.

کابل\  باخترد وري  دمياشتې  ٣ :
دافغانستان داسلامي جمهوريت  جمهوررييس  حامدکرزي دهلمندولايت  دموسي قلعه ولسوالۍ د ١٣٩١ کال دکب دمياشتې داته  ويشتمې نيټې دپيښې  دڅيړنې لپاره  ديوهيئت دموظف کولو په باب يو حکم صادرکړ.
دچارو دادارې او دوزيرانوشورا  ددارلانشالوى رياست باختراژانس ته خبرورکړ.
دافغانستان داسلامي جمهوريت جمهوررييس  حامدکرزي دهلمند  ولايت دموسي قلعه ولسوالۍ د  ١٣٩١ کال دکب دمياشتې  داته  ويشتمې نيټې دپيښې دهر اړخيزې څيړنې اودحقيقت موندلو په مقصد دجمهوري رياست دسلاکار محمدصديق عزيزاودافغانستان دعالمانو دسراسري شورا دغړي مولوي  عبدالرحمن  هوتک  ، دچارو دادارې  او دوزيرانو شورا ددارلانشا  دلوى  رياست   داستازي  ډګروال  عبدالله احمدزي  ، دملي دفاع وزارت  داستازي  ډگروال نوروز علي سليمي  ، دکورنيو چارو وزارت   داستازي سمونوال  محمدشريف  ، دملي امنيت دلوى رياست  ډگروال محراب ، دلوى څارنوالي  داستازي ډگروال  جانخان  اودسيمه ييزو ارګانونو دخپلواکي ادارې داستازي محمدناصر روښان  په غړيتوب  يو هيئت موظف کړ.
هيئت موظف دى چې دهلمندله والي  اودامنيې، عدلي  اوقضايي مرکزونوسره په تفاهم کې  موضوغ په هر اړخيزه توګه وڅيړي   او دڅيړنې نتيجې دې په يوه اوونۍ کې د جمهوري رياست ته وړاندى کړي.