22 September 2018

RSS Facebook

سوداگریز


تازه خبرونه

 په افعانستان کې د نيوزيلند د ځواکونو د خدمت د موده تمديدول

په افعانستان کې د نيوزيلند د ځواکونو د خدمت د موده تمديدول

نړيوالې خبري منابع \باختردوږي دمياشتې٣٠نيټه : د نيوزيلند حکومت په...

د هېواد په بېلابېلو سیموکې ۱۶۱ تنه ترهګر وژل شوي دي

د هېواد په بېلابېلو سیموکې ۱۶۱ تنه ترهګر وژل شوي دي

نړيوالې خبري منابع \باختردوږي دمياشتې٣٠نيټه : د افغانستان ملي دفاعي...

د افغانستان د کرکټ ملي لوبډله له پاکستان سره ډګر ته وځي

د افغانستان د کرکټ ملي لوبډله له پاکستان سره ډګر ته وځي

نړيوالې خبري منابع \باختردوږي دمياشتې٣٠نيټه : د افغانستان د کرکټ...

Youtube Player

khantry design

سوداگریز

سوداگریز

امنیتی

کابل\  باختردسلواغې دمياشتې  ٩ :
دنشه يي توکو شپږ تنه قاچاق وړونکي دبغلان ولايت دپوليسو له خوا په پلخمري ښارکې ونيول شول.
دنشه يي توکو دغه قاچاق وړونکي له نشه يي توکوسره دمبارزې د پوليسو له خوا دڅو عملياتو په بهيرکې نيول شوي دي.
دبغلان ولايت د امنيې قوماندانۍ له نشه يي توکوسره د مبارزې لوى مدير سمونوال نظام الدين نظام باختراژانس ته وويل چې ددغه ولايت له نشه يي توکوسره د مبارزې د ادارې منسوبينو وکولاى شول په يوه اوونۍ کې شپږتنه قاچاق وړونکي ونيسي چې له دوى څخه لس کيلوګرامه اپين ، څلويښت کيلوګرامه چرس  او دوه کرولا موټرونه ترلاسه شوي دي.
ده زياته کړه چې ددغې ادارې منسوبين په روان کال کې په دې بريالي شوي دي چې دبغلان ولايت په مربوطاتو کې دنشه يي توکو پنځه اويا تنه قاچاق وړونکي ونيسي  چې له هغوى څخه زرکيلوګرامه نشه يي توکي، دولس موټرونه او درې کلاشينکوفونه ترلاسه شوي دي .
 

کابل باختر دسلواغي اتمه
دکندز ولايت پوليسو پرون نهه تنه په دغه ولايت کې دتروريستي او جنايي جرمونو دترسره کولو په تور ونيول .
  دکندز ولايت دامنيې  قوماندانۍ ويندوى سيدسرور حسيني  باختر اژانس ته وويل دغه کسان دامام صاحب او خان اباد په ولسواليو کې او په کندز ښار کې ونيول شول .
حسيني زياته کړه  په نيول شويو کسانو ، دوژنې  ، وسله والو، غلاو دسيمي داوسيدونکو په ځوړولواو په ماين ښخولو تور لګول شوي دي چې ددغې قوماندانۍ دپوليسو له خوا په بيلابيلوعملياتو کې ونيول شول .
  ده وويل  له نيول شويو کسانو څخه وسلې او چاوديدونکې توکې هم ترلاسه شوي دي .
 

کابل باختر د سلواغي اتمه
په ننګرهار ولايت کې امنيتي مسوولين وايي چې ددغه ولايت څوارلسو ولسواليو ته دسيمه ئيزو پوليسو تشکېلات منظور شول .
دننګرهار دوالي ويندوى احمد ضيا عبدالزي  باختر اژانس ته وويل په همدي مقصد دننګرهار دوالي ، دامريکا دمتحده ايالاتو دځانګړو ځواکونو دقوماندان جنرال بوک داک ، دسيمه ئيزو پوليسو درييس مل پاسوال عليشاه احمدزي  او  ديو شمير نورو مقاماتو په ګډون په دغه ولايت کې يوه غونډه جوړه شوې وه .
په دې غونډه کې پريکړه وشوه  چې دامنيتي حالت دښه والې په مقصد دې ٢٢٥٠تنه سيمه ئيز پوليس دننګرهار ولايت په څوارلسو ولسواليو کې موظف شي
ده زياته کړه دسيمه ئيزو پوليسو په موظُف کولو سره په ننګرهارولايت په  نسبي ډول  په نا امنو ولسواليو کې امنيت ښه  شي اوخلکو ته به دکار زمينه هم برابره شي
ده وويل دغه پوليس دننګرهار دوالي په غوښتنه منظور  شوي دي چې په نږدي  وختونوکې به موظف شي .
ده  زياته کړه دامريکا دخاصو ځواکونو قوماندان جنرال بوک داک له ده سره  ژمنه کړې ده چې ددغو څوارلسو ولسواليو دسيمه ئيزو پوليسو هراړخيزبشپړول په غاړه واخلي .
ديادونې وړ ده چې په دې وروستيو وختو کې دبټي کوټ ، کوز کونړ ، شيرزاد، چپرهار او دځينو نورو ناامنوولسواليو اوسيدونکو په خپلو سيمو کې دسيمه ئيزوپوليسو دجوړولو غوښتنه  کړې وه .
 

کابل باختر دسلواغي اتمه
طالبانو دوه تنه قومي مخور دکونړ ولايت  دماڼوګي ولسوالۍ له مربوطاتو څخه وتښتول .
  دکونړ ولايت امنيه قوماندان مل پاسوال عوض نذيري باختر اژانس  ته وويل دچپې دري  ولسوالۍ دوه تنه قومي مخور حاجي علي رحمن او حاجي مير احمد خان پرون کله چې له ولسوالۍ څخه مرکز ته روان وو دماڼوګي ولسوالۍ په مربوطاتو کې  دطالبانو له خوا له دولت سره دهمکاري په تور وتښتول شول .
  نذيري زياته کړه دسيمي قومي مشران هلې ځلې  کوي چې په دې اړوند منځګړيتوب  وکړي چې دغه دوه تنه قومي مخور دطالبانو له منګولو څخه ازاد کړي .