19 September 2018

RSS Facebook

سوداگریز


تازه خبرونه

يو انس سره زر په ۱۱۵۵ډالرو وړاندې کيږي

کابل\باختر\ د وږي د مياشتې۲۶ په نړيوالو بازارونوکې نن يو انس...

Youtube Player

khantry design

سوداگریز

سوداگریز

امنیتی

دملي دفاع وزارت مقامات وايي  په افغانستان کې دکوماندو ځواکونو دزيات سمبالولو په مقصد  پروګرامونه ترلاس لاندې دي دا کارکولاي شي  ملي اردو اوپه تيره بيا دکوماندو ځواکونه زيات په خپلو پښو ودروي .

مقامات په  داسې حال کې په افغانستان کې دکوماندو دځواکونو دزياتو سمبالولو خبري کوي چې په افغانستان کې  نړيوال ځواکونه  دشپې دعملياتو په ترسره کولو سره دافغانستان دملي اردو په نسبت دبي باوري سبب شوي دي  اوپه ځينو برخو کې ددغه شان عملياتو ترسره کول له دولت څخه د خلکو دنارضايتي سبب شوي دي .

ددغه شان عملياتوله امله  رامنځته شوي ستونزې دولتي مقامات دې ته اړکړي دي  داکار تائيدکړي چي نړيوال  ځواکونه دشپې عمليات  بند کړي او دغه  دنده افغان امنيتي ځواکونو ته وسپار ل شي اودملي اردو اوپه مشخصه توګه دکوماندو دځواکونو زيات سمبالول کولاي شي  دغه ستونزه کمه کړي.

دملي اردو دکوماندو دلوا قوماندان جنرال سيدعبدالکريم  وايي چې دکوماند ځواکونه به ډير ژر په پرمختللو هليکوپترونو چې دشپې دعملياتو دترسره کولو وړتيالري سمبال شي .

دملي اردو دغه  جګپوړي افسر چې ديوشمير کوماندو عسکرو  دفراغت په مراسمو کې يې خبري کولي  څرگنده  کړه  اوس کوماندو عسکر په پرمختللو وسلو او وسايلو لکه دماينونو دشنډولو  په پرمختللو وسايلو  ، سپکو اودرندو وسلو او زغره والو وسايطو  سمبال دي  اوپه نږدي راتلوونکي کې به څراغ لرونکي  هليکوپترونه ترلاس کړي  سره له دې چې جنرال سيدعبدالکريم څرگنده کړه چې دغه هليکو پترونه له کومي لاري  دملي اردو دکوماندو ځواکونو په واک کې ورکول کيږي چې پخوا دامريکا متحده ايالاتو اومتحده عربي امارات په همدې حال کې دملي اردو دکوماندو لوا دمطبوعاتي برخې مسوول  اسدالله باختراژانس ته وويل، دکوماندو دبرخې دپرمختيا  مقصد پروګرامونه ترلاس لاندې دي همدا اوس زموږ افراد ددغه ټولګي معياري وسله کاروي  هغه وسله  چې زموږ افراد يې کاروي  هغه وسله ده  چې  دامريکا کوماندو  او اردو يې لري او زموږ کوماندو ګان  دشپې زياتره عمليات په مستقل ډول  ترسره کوي اويا مشارکت پکې لري .

له بلې خوا دکوناندو دښوونځي  قوماندان وايي هغوى ددغه ښوونځي  برخه والو ته داسې لوست ورکوي چې  کولاي شي  دهيواد په ډيرو لرو پرتو اوغرنيو سيمو کې خپلې دندې په ښه ډول ترسره کړي   .ده زياته کړه ، پخوا دکوماندو دافرادو کړو  وړو ښودلې ده چې هغوى دستونزمنو دندو دترسره کولو توان لري دکوماندو دافرادو په کاري وړتيا اوغبرگون  له نورو څخه دنظام وسله وال مخالفين ښه پوهيږي  دپوځي چارو پوهان په دې باور دي  چې دملي اردو لازيات سمبالولو اودهغه دمنسوبينو دکاري مهارتونو پرمختيا  ته پاملرنه کولاي شي  په هيواد کې امنيتي حالت ښه کړي له بلې خوا دافغاني مرکزونو له خوا په خپلواک ډول دعملياتو ترسره کول کولاي شي  ملي اردو اوپوليسو تمويلونکو ته به لږ لګښت ولري  ځکه دافغان امنيتي منسوبينو مياشتني عايد  له بهرنيو عسکرو څخه څو برابره کم دي  دغه کار له يوې خوا  په هيواد کې پوځي لګښتونه کموي  اوله بلې خوا زموږ دخلکو دودونو او رواجونو درناوي کيږي .

په کندهارولايت کې  تيره شپه  دماين دچاودنې له امله اووه تنه سرتيري اودوه تنه ملکي وګړي ووژل شول او دايساف يو عسکرټپي شو.

دکندهار ولايت  دمطبوعاتي دفتر مسوول زلمي ايوبي باختراژانس ته وويل ، دغه پيښه  هغه وخت رامنځته شوه چې افغان اوبهرني ځواکونه دارغنداب ولسوالۍ دکوهک دکلي په سړک کې دايښودل شوي ماينونو په پاکولو بوخت  و.

خبرځاى وويل ، په سيمه کې دماين  دشنډولو په وخت کې ديوماين  چاودنې له امله  اووه تنه افغان سرتيري  او دوه تنه افغان ژباړونکي چې له نړيوالو ځواکونو سره يې همکاري درلوده ووژل شول او دايساف يو عسکرټپي شو.

دلوګرولايت  امنيتي ځواکونو تيره شپه ددولت يو وسله وال مخالف ونيوه.

دلوګرولايت يو تن چارواکي ډګروال محمدجان باختراژانس ته وويل  : په لوګر ولايت کې  د ٢٠٣ تندر قول اردو دقوماندانۍ ميشتو منسوبينو دغه سړي  تيره شپه دايتلاف دځواکونو دگډو عملياتو په بهيرکې   دخروار په ولسوالۍ کې ونيو.

خبرځاى زياته کړه، له دغه سړي څخه يو کلاشنيکوف  ، دپرسونل ضد درې ماينونه ، شپيته  لاسي بمونه اوشل کيلوګرامه چاوديدونکي توکي هم ترلاسه شوي دي اوڅيړنې دوام لري .

دکورنيو چارو وزارت خبرځايونه وايي چې دهغو پوليسودعملياتو په بهيرکې چې دهيوادپه ځينو  سيمو کې ترسره شول يو وسله وال مخالف ووژل شو او اووه تنه نور يې ونيول شول.

دباختراژانس دخبرله مخې  دکورنيو چارو وزارت نن ديوې خبرپاڼې په ليږلوسره  ويلي دي  امنيتي ځواکونو په تيرو ٢٤ ساعتونو کې دکابل _ کندز،. کندهار ،هلمند او دزابل دولايتونو په مربوطاتو کې  يولړ تصفيوي  علميات ترسره کړل   .

په دغو عملياتو کې يوتن وسله وال مخالف  وژل شوى  او اووه تنه نور وسله وال مخالفين نيول شوي دي .

دغه راز ددغو عملياتو په بهيرکې  يوه زياته  اندازه  امونيم نايتريت  سره چې دبمونو په جوړولو کې کارول کيږي  له يوشمير ډول ډول ماينونوسره دعملياتو  دبرخه والو لاسته ورغلي دي .

له بله پلوه دبغلان دپوليسو مقاماتو ويلي دي يو ماين ايښودونکي پرون دمرکزي بغلان په پښتونستان څلور لاري کې هغه وخت ووژل شو چې غوښتل يې يو ماين په سړک کې ځاى پرځاى کړي خو دماين دچاودنې له امله ووژل شو .

په همدې حال کې   دکابل پوليسو يوولس تنه چې دغلا   وژنې او دنشه يي توکو دقاچاقو  تور ورباندي لګول شوي دي  دکابل ښار دپنځمې  اويوولسمې ناحيې په مربوطاتو کې ونيول شول.