16 February 2019

RSS Facebook

سوداگریز


تازه خبرونه

اووه تنه وسله وال طالبان په فارياب کې دسولې له بهيرسره  يوځاى شول .

اووه تنه وسله وال طالبان په فارياب کې دسولې له بهيرسره يوځاى شول .

کابل باختر دسلواغې شپږ ويشتمه : اووه تنه وسله و ال...

استاد دانش :  امارتي، عبوري اولنډ مهال حکومتونه  صفر نفطې  ته ستنيدل دي .

استاد دانش : امارتي، عبوري اولنډ مهال حکومتونه صفر نفطې ته ستنيدل دي .

کابل باختر دسلواغې شپږ ويشتمه : دافغانستان داسلامي جمهوريت دويم مرستيال...

جمهوررئیس غني د ترکیې د دفاع وزیر خپل حضور ته ومانه

جمهوررئیس غني د ترکیې د دفاع وزیر خپل حضور ته ومانه

کابل باختر دسلواغې شپږ ويشتمه : د افغانستان د اسلامي جمهوریت...

Youtube Player

khantry design

سوداگریز

سوداگریز

امنیتی

کابل باختردتلي دمياشتې  ٣ :
دکابل د ١٠١ اسمايي  زون دامنيه قوماندانى اعلاميه:
په وروستيو ورځوکې دکابل ښار د دويمې ، څلورمې اوپنځمې حوزې په ګډون دکابل ښار په بيلابيلو سيمو کې  د کابل ښاريانو له خوا له سپکاوي ډک امريکايي فلم دغندلو لپاره مظاهرې وشوې چې دخلکو په همکارى اودغه راز دکابل دپوليسو دهلوځلو له امله دغه مظاهرې په سوله ييز ډول پاى ته ورسيدې.
دکابل پوليس په کابل ولايت کې د امنيت اوعامه نظم دتامينولو مسووليت لري اوتل يې هلې ځلې کړي دي  چې دقانون په رڼاکې له خلکوسره چلند وکړي، ترڅو وکولاى شي په کابل کې ښه امنيت تامين کړي.
له نيکه مرغه څومظاهرې چې په کابل کې وشوې په سوله ييز ډول پاى ته ورسيدې.
مظاهره دټولنې دهر وګړى مسلم حق دى، خوپه هغې کې بايد قانون ترپښو لاندې نه شي  اومظاهره کوونکي دې بايد خلک ونه ځوروي اوپرې نږدي چې استفاده غوښتوونکي کسان له دغه فرصت څخه استفاده وکړي او دقانون پرخلاف عملونو لاس پورې کړي. له دې امله يوځل بيا دکابل پوليسو له خپلوخلکوسره ژمنه کړى ده چې تل د هغوى په خدمت کې  اوسي اوپه هره برخه کې کله چې  کومه ډله او ځينې کسان يې په مظاهرې لاس پورې کوي، پوليس ته دې خبر ورکړي چې هغوى وکولاى شي  دمظاهرې د برخه والو امنيت تامين کړي او دعامه نظم دګډوډيدو مخه ونيسي .
هغه کسان چې دقانون پرخلاف عملونو لاس پورې کړي اودعامه نظم دګډوډيدو سبب شي د پوليسو له خوا نيول کيږي اوترقانوني څيړنو لاندې نيول کيږي.
 

کابل باختردتلي دمياشتې  ٣ :
دغور ولايت د دولاينه ولسوالۍ په بندباين سيمه کې د دوو پرله پسې چاودنوله امله يو پوليس ووژل شو اويوبل پوليس ټپي شو.
دغورولايت دامنيې قوماندانى د امنيت آمرمل پاسوال حسين صفوي باختراژانس ته وويل چې دغه چاودنې پرون هغه وخت وشوې چې  دپوليسو ځواکونو دوه تنه وسله وال کسان ونيول او دوه لاينه ولسوالۍ ته يې ليږدول.
ده زياته کړه: لومړۍ چاودنه په هغه موټر سايکل کې وشوه چې له نيول شويو کسانو څخه  ترلاسه شوى و چې له امله يې يو پوليس ووژل شو.
دده دڅرگندونوله مخې، دويمه چاودنه له هغه وروسته وشوه چې دپوليسو ځواکونه دپيښې په ځاى کې راټول شوى و اويوبل پوليس يې ټپي  کړ.
 

کابل باختردتلي دمياشتې  ٣ :
په غور ولايت کې دبهرنيو وځواکونوپه کتار د وسله والو طالبانو په بريدکې دليتوانيا يو تبعه ټپي شو.
دغور ولايت دامنيې قوماندانى د امنيت آمرمل پاسوال سيدحسين صفوي باختراژانس ته وويل: دريو تنو موټرسايکل سپرو وسله والو کسانو د دولت يار ولسوالۍ  دکورک اوشينې ترمنځ سيمه کې  دبهرنيو ځواکونو په کتار بريدوکړ.
يوه اړونده خبرځاى وويل: په دې بريد کې يو ليتوانيايي تبعه چې ددغه کتار ديوې واسطې چلوونکى و، ټپي  شو.
 

کابل- باختردتلې دمياشتې  ٣ :
د وسله والو مخالفينو ديو فعال قوماندان په ګډون اته تنه وسله وال مخالفين په هلمند کې دامنيتي ځواکونو دعملياتو په بهيرکې ووژل  شول.
دملي د فاع وزارت مطبوعاتي دفتر باختراژانس ته خبرورکړ:
دغه عمليات چې دمخالفينو له شتون څخه دسيمودپاکولو په مقصد د هلمندولايت دناوې ولسوالۍ په مربوطاتو کې دملي اردو دځواکونو له خوا پيل شوى و، دطالبانو ديوفعال قوماندان ملامحمدپه گډون اته تنه وسله وال مخالفين ووژل شول.
خبرځاى دڅرگندونوله مخې: دطالبانو اته تنه نور غړي هم د دغو عملياتو په بهيرکې ونيول شول  چې له دوى څخه دوه پيکا، درې ميله ډول ډول  نورې وسلې  او  اووه کيلوګرامه اپين هم ترلاسه شوى دى.
ديوبل خبرله مخې: دقندهار، خوست اوميدان وردګو ولايتونو په مربوطاتو کې دملي اردو دځواکونو دتصفيوي عملياتو په بهيرکې درې تنه ياغيان ووژل شول  اولس تنه مشکوک کسان له دريو کلاشينکوفونو، يوه پيکا، يوتوغندي ويشتوونکى ، يوې تومانچې ، نور پوځي وسايلو او يو موټر سايکل سره ترلاسه شول.