23 May 2019

RSS Facebook

سوداگریز


تازه خبرونه

خلک : خداى دې هغو کسانو ته چې دلارو دبندښت سبب کېږي سزا ورکړي .

کابل باختر د غبرګولي لومړي : دغبرګولى دمياشتې لومړى نيټه...

اته کسيزه ډله شوکماران په کابل کې ونيول شول

کابل باختر د غبرګولي لومړي : دملي امنيت موظفينو په رييس...

دکابل واټونه بيا پرانستل شول

کابل باختر د غبرګولي لومړي : دکابل ښار هغه واټونه...

Youtube Player

khantry design

سوداگریز

سوداگریز

امنیتی

کابل – باختر دسلواغى نهه ويشتمه :
دملي دفاع وزارت خبرځايونه وايي هغه چاڼيز عمليات چې دکاپيسا ولايت په تګاب ولسوالۍ کې پيل شوى و دڅلوروتنو وسله والو طالبانو په وژل کېدو او دشپاړلسو کليو په تصفيه کولو سره پاى ته ورسيدل.
دسيلاب قول اردو دعامه اړيکو مسول لقمان عاطفي باختر آژانس ته وويل دکاپيسا ولايت په تګاب ولسوالۍ کې دملي اردو دځواکونو چاڼيز عمليات دسلواغې دمياشتې په ٢٥ نيټه د وسله والو مخالفينو له شتون څخه دتګاب ولسوالۍ دځينو سيمو دپاکولو په مقصد پيل شوي و چې نن ټاکلې هدف ته په رسيدو سره پاى ته ورسيدل.
دڅلورو ورځو عملياتو په بهير کې دتګاب ولسوالۍ شپاړلس کلي دوسله والو مخالفينو له شتون پاک شوي دي ،څلور تنه وسله وال مخالفين وژل شوى او درې تنه نوريې له وسلو سره نيول شوي دي .
ديوبل خبرله مخې : وسله والو مخالفينو دموزاييل دراډيواکتيف ګولۍ په ايښودلو سره وغوښتل دتګاب ولسوالۍ په بازار بريد وکړى چې دغه ګولۍ دملي اردو دځواکونو له خوا کشف او ديوې ترورستي پيښې مخه ونيول شوه.
 

کابل – باختر دسلواغى نهه ويشتمه :
يوسلو ديارلس تنه سيمه ييز پوليس دلوګر په ولايت کې له زده کړې وروسته دامنيت د تامينولو په دندو وګومارل شول.
دغه کسان دلوګر دوالي ،امنيه قوماندان او دملي امنيت درييس په وړاندې ددغه ولايت بيلابيلو سيمو کې وويشل شول دلوګر والي محمد اقبال عزيزي باختر آژانس ته وويل دغه سرتيري چې پخوا ددغه ولايت په تعليمي کنډک کې درې اوونۍ مسلکې زده کړې کړى دي په خپلو دندو وګومارل شول.
عزيزي  زياته کړه دغه سرتيري د کلنګار په مربوطاتو کې دامنيت په تامينولو بوخت شول.
 

کابل\  باختردسلواغې دمياشتې  ٢٩ :
دملي امنيت  دوه تنه کارکوونکې  پرون په  جوزجان ولايت کې دماين دچاودنې له امله شهيدان شول او ددغه رياست څلور تنه نور کارکوونکې ټپيان شول.
دجوزجان ولايت  امنيه قوماندان  مل  پاسوال عبدالعزيز غيرت باختراژانس  ته  وويل دغه پيښه له شبرغان ښار پوري اړوند دخواجه برهان په ساحه کې  هغه وخت رامنځته شوه  چې دملي امنيت درياست   دکارکوونکو دسپرلۍ موټر په ماين وخوت . دخبرځاي  دڅرګندونوله مخې دچاودنې له امله دملي امنيت دوه تنه کارکوونکې  شهيدان اوڅلور تنه نوريې ټپيان شول.
غيرت زياته کړه ټپيان روغتون ته ليږدول شوي دي او روغتيايي مسوولينو ددوو تنو ټپيانو روغتيايي حالت خراب بللي دي.
 

کابل\  باختردسلواغې دمياشتې  ٢٩ :
په قندهار ولايت کې دماين دچاودنې له امله دملي اردو درې تنه منسوبين ټپيان شول .
دملي دفاع  وزارت مطبوعاتي دفتر باختر اژانس ته خبرورکړ  دغه کسان دقندهار ولايت دپنجوايي ولسوالۍ په مربوطاتو کې  دماين دچاودنې له امله  ټپيان شول .  دغه راز دملي اردو يو منسوب دکاپيساولايت دتګاب ولسوالۍ په مربوطاتو کې دماين دچاودنې له امله ټپي شوي دي.