15 December 2018

RSS Facebook

سوداگریز


تازه خبرونه

پنځه پنځوس تنو وسله والو ډاراچوونکو ته مرګ ژوبله واوښته

نړيوالې خبري منابع \باختر\ دليندۍ دمياشتې٢٣نيټه : په تيرو ٢٤...

دکابل - جلال اباد د لويې لارې په تګلوري کې دعملياتو په بهيرکې دڅوکليو پاکول

دمهترلام ښار \باختر\ دليندۍ دمياشتې٢٣نيټه : په داسې حال کې دکابل...

په ننګرهار کې د اووه تنو داعشيانو وژل کيدل

دجلال اباد ښار \باختر\ دليندۍ دمياشتې٢٣نيټه : اووه ...

Youtube Player

khantry design

سوداگریز

سوداگریز

امنیتی

کابل باختردچنګاښ دمياشتې ١٥ :

دملي اردو منسوبينو په تيرو ٢٤ ساعتو کې  دهيواد په ځينو ولايتونو کې دجلاجلا عملياتو په بهيرکې  څوتنه ياغيان وژلي او يوشمير جنګي وسايل يې  ترلاسه کړي دي .

 دملي دفاع وزارت  مطبوعاتي دفترنن باختراژانس ته خبرورکړ چې په  تيرو ٢٤ ساعتو کې دغزني ولايت  داندړو په ولسوالۍ کې  دملي اردو دمنسوبينو په  عملياتو کې څلور تنه ډار اچوونکي ووژل شول او دوه تنه نور ياغيان ونيول شول او ددښمن دوه کلاشينکوفونه ، پنځه موټرسايکلونه ، دپيکاڅلور صندوقه ګولۍ اوشپاړلس ماينونه ترلاسه شوي دي.

دملي اردو ځواکونو دغه راز  دقندهار ولايت په ژيړي ولسوالۍ کې په جلاجلا عملياتو کې دوه کلاشينکوفونه او يو ديرش ماينونه اودکاپيسا ولايت په مربوطاتوکې اتيا ماينونه کشف اوضبط کړي دي .

ديوبل خبرله مخې :  اووه تنه مشکوک کسان دملي اردو دځواکونو له خوا دبغلان ولايت په ډنډ غوري ولسوالۍ کې ونيول شول چې له هغوى څخه پنځه ماينونه او دهاوان پنځلس ماينونه ترلاسه شوي دي  اودفراه ولايت په ګلستان ولسوالۍ کې  درې تنه ماين ايښودونکي له ديارلسو ماينونو، يوې بطري اويوسلو پنځوسو مترو  لينونوسره نيول شوي دي .

دغه راز پنځه تنه ډار اچوونکي دقندهار ولايت په ميوندولسوالۍ کې دملي اردوله ځواکونوسره په نښته کې وژل شوي دي .

دغه راز په هغې خبرپاڼه کې  چې دملي دفاع وزارت له لارې باختراژانس ته ليږل شوې  ده دکابل ولايت دسروبي ولسوالۍ  په مربوطاتو او دلغمان ، ميدان وردګو، لوګر ، غزني ، زابل ،قندهار ، فراه ، هلمند اودبادغيس دولايتونو په اړوندو ساحو کې دڅو ماينونو دچاودنو او  ددښمن دبريدونوله  امله دملي اردو دڅلورو تنو منسوبينو دشهادت خبرورکړشوى دى.

په دې خبرپاڼه کې ددغو ساحو په پيښو کې دملي اردو دڅو تنو نورو منسوبينو دټپي کيدو يادونه هم شوې ده

کابل باختردچنګاښ دمياشتې ١٥ :

په پکتياولايت کې د ( اژدها) دپوځي عملياتو په بهيرکې په لسګونو تنه وسله وال طالبان وژل شوي دي .

دغه عمليات دجګړه مارانو دپټنځايونو ددړې وړې کولو په مقصد دسه شنبې په ورځ دملي اردو ، ملي پوليسو اودملي امنيت دځواکونوله خوا دسره ميدان  او دارګون په ولسواليو کې پيل شوي دي اوتراوسه پورې دوام لري .

دپکتيکا دوالي ويندوى مخلص افغان باختراژانس ته وويل  چې تراوسه پورې  نږدي اتيا تنه وسله وال طالبان  چې زياتره يې پاکستانيان دي ددغو عملياتو په بهيرکې وژل شوي دي .

ويل کيږي چې زياتره دغه  جګړه ماران کله چې په افغان ځواکونو او دناټو په قوتونو دترورستي بريدونو دپروګرامونوپه  جوړولو بوخت و بريد وشو او ووژل شول.

دپکتيکا دوالي ويندوى وايي  چې  دغه جګړه ماران دپراخو ترورستي بريدونو دترسره کولو لپاره دډيورند له کرښي اخوا څخه دغه ولايت ته راغلي و.

تراوسه پورې په دغو عملياتو کې دافغان پوځيانو دسردزيان دقيق شمير معلوم نه دى .

افغان وويل  چې دغه عمليات به دوسله والو طالبانو دپټنځايونو دبشپړ له منځه وړلو پورې دوام ومومي .

کابل باختردچنګاښ دمياشتې ١٥ :

په غزني ولايت کې له افغان ځواکونوسره دنښتې په بهيرکې دوه تنه وسله وال طالبان ونيول شول.

په دې يوساعته نښته کې دوه تنه نور جګړه ماران ووژل  شول.

جګړه پرون هغه وخت  ونښته چې يوې ډلې وسله والو طالبانو داندړو ولسوالۍ په مربوطاتو کې دافغان ځواکونو دګزمې په ټيم بريدوکړ.

د ٢٠٣ تندر قول اردو يوخبرځاى باختراژانس ته وويل چې په دې نښته کې دوه تنه وسله وال طالبان ووژل  شول  او دوه تنه نوريې  ونيول شول .

ده وويل چې په دې نښته کې دجګړه مارانو يوشمير جنګي وسايل  هم دافغان ځواکونولاسته ورغلي دي .

ويل کيږي  چې په دې جګړه کې افغان ځواکونو ته زيا ن نه دى رسيدلى .

کابل باختردچنګاښ دمياشتې ١٥ :

دفراه ولايت  په ګلستان ولسوالۍ کې دافغان ځواکونو پوځي عمليات هماغه شان دوام لري .

دنويو رارسيدلو خبرونو له مخې،  پرون او نن سهار لس تنه وسله وال طالبان په دغو عملياتو کې نيول شوي دي.

په ګلستان کې پوځي عمليات دياغيانو دپټنځايونو دله منځه وړلو اوخلکو ته دژوندانه دمناسبې فضا دبرابرولو په مقصد دملي اردو اوپوليسو دځواکونوله خواپيل شوي دي.

دفراه ولايت دملي امنيت يو خبرځاى باختراژانس ته وويل چې پرون ددغو پوځي عملياتوپه بهيرکې شپږتنه وسله وال طالبان له يوې اندازې جنګي وسايلو اونشه يي توکوسره  دګلستان ولسوالۍ په مربوطاتو کې نيول شوي دي.

ده تائيد  کړه چې نن سهار هم دپوځي عملياتو په بهيرکې دوسله والو طالبانو يوه څلور کسيزه ډله نيول شوې ده .

ويل  کيږي چې تراوسه پورې  ددغو عملياتو په بهيرکې په لسګونو تنه وسله وال طالبان وژل شوي او  يا نيول شوي دي .

دفراه ولايت دملي امنيت دغه خبرځاى وويل  چې دګلستان ولسوالۍ زياتره سيمې دوسله والو طالبانو اوددوى دپټنځايونو له شتون څخه پاکې شوي دي او ددغو سيمو خلکو له يوې اوږدي مودې وروسته خپل عادي ژوند له سره پيل کړي دي .

دسيمه ييزو مقاماتو دڅرگندونوله مخې،  ددغو عملياتو له پيل څخه تراوسه پورې  درې تنه افغان پوځيان وژل شوي اوشپږتنه نور يې ټپيان شوي دي.

په همدې حال کې دفراه ولايت دامنيې قوماندانۍ دامنيت آمر محمدغوث مليار باختراژانس ته وويل چې دغه عمليات به دوسله والو طالبانو له پټنځايونو څخه ددوى ترپاکولو پورې دوام ومومي . درارسيدلو خبرونو له مخې،  له دغو پوځي عملياتو سره دناټو جنګي الوتکو ملاتړ کاوه .