27 May 2020

RSS Facebook

سوداگریز


تازه خبرونه

  جمهورريیس غني د ترکمنستان له جمهورريیس سره ټلیفوني خبرې وکړې

جمهورريیس غني د ترکمنستان له جمهورريیس سره ټلیفوني خبرې وکړې

کابل / د غبرګولي ۷ مه/ باختر د افغانستان د اسلامي...

مطبوعاتي اعلامیه

مطبوعاتي اعلامیه

کابل / د غبرګولي ۷ مه/ باختر د افغانستان پخوانی جمهورريیس...

د طالبانو شپږ بنديان په جوزجان کې آزاد شول

د طالبانو شپږ بنديان په جوزجان کې آزاد شول

کابل / د غبرګولي ۷ مه/ باختر د جوزجان له جېل...

Youtube Player

khantry design

سوداگریز

سوداگریز

امنیتی

کابل باختر دوږي  لومړي

 په کندز ولايت کې پرون ديوي ترافيکې پيښې له امله پنځه تنه ښځې ووژل شوي .

 دغه پيښه دکندز ښار په مربوطاتوکې دسپين زر چمن په ساحه کې هغه وخت رامنځته شوه چې يو کرولا ډوله موټر دزيات ګړنديتوب له امله شپږ تنه ښځې چې په پلي لاره کې ولاړي وي لاندي کړي .

 دکندز ولايت  دترافيکو يو مسوول باختر اژانس ته وويل چې په دي ترافيکې پيښه  کې پنځه تنه ښځې ووژل شوي او يوه بله ښځه ټپي شوه .

 ده داندازي  زيات ګړندي تګ او دموټرچلوونکې بي احتياطي  ددغي خونړي ترافيکې  پيښې اصلي عامل وباله .

 ويل کېږي هغه چلوونکې ددغي خونړي ترافيکې پيښې سبب شوي دي له ساحي څخه په تيښتي بريالي شوي دي .

  په همدي حال کې دکندز ښار دروغتون ډاکتران په دې ترافيکې پيښه کې يواځي دتپي شوي ښځې  روغتيايي حالت خراب بولي .

کابل باختر دوږي  لومړي

 دازبکستان  داسلامي تحريک يو مشهور قوماندان نن دافغانستان په شمال کې ونيول شو .

 دغه قوماندان چې هويت يې  نه دې په ډاګه شوي نن سهار د امام صاحب ولسوالۍ په مربوطاتو کې دافغان ځواکونو او د ناټو دقوتونو  په عملياتو کې نيول شوي دي

 ناټو باختر اژانس ته ديوي خبرپاڼې په ليږلو سره وايي چې د ازبکستان داسلامي  تحريک دغه قوماندان په کندز کې دافغان ځواکونو اودناټو دقوتونو پرخلاف دبريدونو درهبري مسووليت په غاړه درلود او هم يې ياغيانو ته مالي او پوځي امکانات برابرول .

 دناتو دخبرپاڼي دمعلوماتو له مخي دازبکستان داسلامي تحريک دغه قوماندان دغه راز ياغيانو ته دتروريستي بريدونو لاري چاري ورزده کولي .

 دازبکستان داسلامي تحريک تروريستي سازمان په افغانستان کې دطالبانو د رژيم له لاپرځيدو وروسته له نورو ياغي ډلو سره يوځاي  په افغانستان  کې تروريستي فعاليتونه پيل کړي دي

کابل باختر دوږي  لومړي

  دنورستان ولايت لپاره دطالبانو د ډلې تش په نامه قوماندان دناتو دجنګي الوتکو په بريد کې ووژل شو .

  په ملا متقي تيره شپه  دناټو د جنګي الوتکو له خوا دوايګل ولسوالۍ په کلاي ګل  سيمه کې بريد وشو اوووژل شو .

  دنورستان ولايت امنيه قوماندان غلام الله نورستاني باختر اژانس ته وويل چې دناتو په دې هوايي بريد کې په ملا متقي پوري څو تنه اړوند کسان هم وژل شوي دي .

 ده ملا متقي په نورستان کې دغير پوځيانو لومړي درجه قاتل وباله او وي ويل چې دده وژل کېدل به په دغه سرحدي ولايت کې په امنيت باندې مثبته اغيزه ولري .

  دنورستان دپوليسو  مسوول  وايي چې دناټو دجنګي الوتکو په دغو بريدونوکې ملکې وګړو ته زيان نه دي اوښتي .

کابل باختر دوږي  لومړي

  دکورنيو چارو وزارت دجيلونو او توقيف خونو لوي رييس دکابل له  پلچرخي  جيل څخه دبندي طالبانو د تيښتي خبر  رد کړ .

  ځينو رسنيو دطالبانو د ډلې دويندوى له خولې دکابل له پلچرخي  جيل څخه  په اعدام محکوم د پنځلسو تنو طالبانو د تيښتې خبر  خپور کړ .

 خوجنرال امير محمد جمشيد وويل يو شمير بنديانو غوښتل چې دپلچرخي  له جيل   څخه  وتښتي  ددوي هلې ځلې  شنډي شوي  اوپه دي بريالي نه شول چې په دي کار لاس پوري کړي .

 جنرال جمشيد چې نن يي دطالبانو د ډلې دويندوي ددغي ادعا په اړوند دباختر اژانس له خبريال سره خبري کولي وويل ديو شمير بنديانو په غوښتنه او دافغاني او اسلامي  دودونو له  مخې  دجيل له خونوڅخه بهر مو د نيکمرغه کوچني اختر په ورځو کې بنديانو ته ځيني اسانتياوي برابري کړي  چې دوي له يوبل سره ليده کاته وکړي خو ځينو يي له دغه  فرصت څخه په استفادي سره له جيل  څخه دتيښتي نيت  درلود چې دجيل د موظفينو له خوا يې  مخه ونيول شوه او بيا د دجيل   په خونو کې واچول شول .

 جنرال جمشيد دطالبانو دويندوى ادعا رد کړه او ويې ويل هيڅ يو بندي په دي نه دي بريالي شوي چې له جيل څخه وتښتي او دجيل ساتونکې دجيل په کلکې ساتنې هوډمن دي او هغه څه چې دبنديانو د تيښتي په اړوند دځينو رسنيوله لاري  خپاره شوي دي اويا طالبانو يي ادعا کړې ده په بشپړه توګه  درواغ دي .