17 November 2019

RSS Facebook

سوداگریز


تازه خبرونه

 محمد اجمل شاهپور  دمشرقي دحوزې دځوانانو حالت وڅيړه .

محمد اجمل شاهپور دمشرقي دحوزې دځوانانو حالت وڅيړه .

کابل /دلړم ٢٥مه / باختر : داطلاعاتواوفرهنګ وزارت دځوانانو دچارومعين محمد...

 په سرپل کې  د صداقت دفوټبال ټيم  اتل شو .

په سرپل کې د صداقت دفوټبال ټيم اتل شو .

کابل /دلړم ٢٥مه / باختر : په سرپل کې دسولې اودوستۍ...

Youtube Player

khantry design

سوداگریز

سوداگریز

امنیتی

کابل /دلړم ٢١مه / باختر:
١٥ ملکي وګړي  نن سهار په بغلان کې په يوه ترافيکي پېښه کې ووژل شول .
  دبغلان  دخوست اوفرنګ ولسوال لطف الله عاطفي باختراژانس ته وويل چې  ددغې پېښې  ټول قربانيان ملکي وګړي دي . چې ددوى دسپرلۍ موټر دبغلان ولايت  د خوست  اوفرنګ ولسوالۍ د شخ سفيد دساحې  په پلفي غاښې کې له واټ څخه ووت  او په دره کې وغورځېد .
ويل کېږي چې دغه کسان  دواده مراسمو ته  روان و .چې په قربانيانو کې ښځې او ماشومان هم شامل دي .
دخوست اوفرنګ ولسوال زياته کړه چې دتلفاتو دقيق شمېر تراوسه پورې معلوم نه دى ، او له درې څخه  دمړو  راايستل  زيات وخت ته اړتيا لري او ښايي  دتلفاتو شمېر  له دې  څخه زيات وي .
  ختم_ ج _ اکرم

کابل /دلړم ٢١مه / باختر:
٩ وسله وال طالبان په کونړ ولايت کې  له پوځيانوسره په جګړه کې ووژل شول .
دغه جګړه تېره شپه هغه وخت ونښته  چې يوې ډلې وسله والو طالبانو دغازي اباد  ولسوالۍ  بازار ته څېرمه دسرتېرو په ګزمې ډزې وکړې .
دهېواد په ختيځ کې  دملي اردو  يوجکپوړي قوماندان باختراژانس ته وويل چې په دې جګړه کې نهه وسله وال طالبان ووژل شول  او د هغوى  يوشمېر جنګي وسايل  ترلاسه شول .
په يوبل خبر کې ويل شوي دي چې په کونړ کې  ديولړ چاودنو مخه ونيول شو .
امنيتي ځواکونو نن سهار  دکونړ له ګڼ مېشتو لارو څخه  اته ماينونه کشف او شنډ کړل .
دکونړ پوليس وايي  چې  ددغو ماينونو  دښخولو دعاملينو دنيولو لپاره  هلې ځلې پيل شوي دي .
  ختم_ ج – اکرم

کابل /دلړم ٢١مه / باختر:
په افغانستان کې دملي اردو له ليکو سره  دځوانانو دپيوستون بهير  زيات شوى دى .
دنه تاييد شويو شمېرنو له مخې ،  هره ورځ په زرګونو ځوانان  دهېواد په ګوټ ګوټ کې دملي اردو په ليکو کې دپيوستون لپاره دجلب او جذب  دمرکزونو په وړاندې ليکي جوړوي .
دغه ځوانان له پوځي  زده کړو وروسته د  سرتيري  اوافسر په توګه  دملي اردو په ليکو کې دهېواد ددفاع او له ډار اچوونکو سره دمبارزې لپاره ځاى پرځاى کېږي. .
  ننګرهار له هغو ولايتونو څخه دى چې ملي اردو په ليکو کې دپيوستون لپاره زيات شمېر ځوانان  لري .
دغه ولايت  دپوځي اکاډمۍ  په لرلو سره  دسلګونو  داوطلبو ځوانانو دپيوستون  ډګر دى .
دننګرهار دوالي وياند عطاالله خوږياڼي باختراژانس ته وويل  چې اووه سوه تنه ځوانان  دکونړ . نورستان . لغمان او دننګرهار له ولايتونو څخه  دملي اردو په ليکو کې دغړيتوب لپاره  په جلال اباد ښار کې  راټول شوي دي .  دغه ځوانان  دپوځي زده کړو ديوې نيم کلنې دورې له تېرولو وروسته  دسرتيري  اوافسر په توګه به  دهېواد په ختيځ کې په پوځي قطعاتو کې وګومارل شي چې د ډار اچوونکودګواښونوپه وړاندې  دخپل هېواد دفاع وکړي .
نعمت  چې له کونړ ولايت څخه دملي اردو په ليکوکې  دغړيتوب لپاره ننګرهار ته راغلى دى  وايي  وياړي چې  دخپل هېواد دفاع وکړي او دخپلو ځورېدلو خلکوته  دخدمت جوګه شي .
هغه خپله ميرمن او دوه  کوچيان پرېښي دي  چې  دننګرهار په پوځي اکاډمۍ کې له زده کړې وروسته پوځي افسر شي .
دملي دفاع وزارت مقامات وايي  چې دملي اردو په ليکو کې دځوانانو پيوستون  اودهغوى  دهېوادپالنه  روحيه مخ په زياتيدو ده .
ختم_ ج _اکرم

کابل /دلړم ٢١مه / باختر:
په داسې حال کې چې دننګرهار په شيرزادو ولسوالۍ کې دډار اچونې ضد عمليات  دوام لري ،  پوځي مقاماتو دطالبانو دډلې ديو جېل او ديو روغتون دکشفولو  خبره کوي .
ددغو عملياتوپه دوام دغه راز  دشيرزاد ولسوالۍ په لسګونو کلي  دوسله والو طالبانو له شتون څخه پاک شوي دي .
  دغه عمليات شل ورځې مخکې  دسلګونو تنو  ځواکونو په ګډون دهېواد د هوايي ځواکونوپه ملاتړ دننګرهار ولايت دشيرزادو ولسوالۍ  په ځينو سيمو کې  پيل شوي دي  او تراوسه پورې دوام لري .
  دهېواد په ختيځ کې دسېلاب قول اردو يو جګپوړي قوماندان باختراژانس ته وويل چې ددغو عملياتو په دوام تېره شپه  دطالبانو دډلې يو جېل  او يو روغتون کشف شو.
ويل کېږي  له دغه جيل څخه  څو تنه  ملکيان او پوځيان  ازاد شول .
دملي اردو دغه قوماندان وايي طالبانو په دغه روغتون کې  دخپلو ټپيانو درملنه کوله .
هغه دغه راز  دډار اچونې ضد په دغو عمليا تو کې دشيرزادوولسوالۍ دلسګونوکليو دپاکولو يادونه کوي .
زموږ خبريالان له ننګرهار څخه  خبرارکړ  چې دطالبانو او داعشيانو له شتون څخه دشيرزادو دځينوسيمو پاکول ددې سبب شوي دي  چې په سلګونو کورنۍ  بېرته خپلو کورونوته ستانه شي  .
  ختم_ ج _ اکرم

Page 8 of 5451