04 June 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

امنیتی

کابل / دغبرګولي ٨مه / باختر :
١٨ وسله وال طالبان پرون په زابل کې  دپوځيانو دسپرلۍ په کاروان دبريد په بهير کې ووژل شول .
باختراژانس دزابل دامنيې قوماندانۍ دوياند محمد لعل اميري  دڅرګندونوله مخې خبرراکړ چې وسله والو طالبانو د شاه جوي ولسوالۍ دقلعه جعفر او قيوم په سيمو کې دپوځيانو دسپرلۍ په کاروان  بريد وکړ چې  دپوځي شورا دپريکړې له مخې  دگډو هوايي ځواکونو  له خوا  پر دغوطالبانو بريدوشو . چې له امله يې   ١٨ وسله وال طالبان ووژل شول .
اميري وويل چې په دې بريدونوکې  دوه تنه ماشومان هم ټپيان شوي دي .
خو دطالبانو وياند په يو پيغام کې  رسنيو ته ويلي دي چې حکومتي ځواکونو په دې پېښه کې دڅلورو ماشومانو په ګډون شپږو ملکي وګړو ته مرګ ژوبله اړولې ده .
  ختم _ ج _ اکرم

 

کابل / دغبرګولي ٨مه / باختر :
دفراه نوى امنيه قوماندان پرون ددغه ولايت دپوليسو افسرانو اومنسوبينو ته معرفي شو او په کار يې پيل وکړ.
دباختراژانس دخبرله مخې، په هغې غونډه کې چې په همدې مناسبت دفراه ولايت دملکي او پوځي مسوولينو ، دولايتي شورا دغړو او دنورومسوولينو په ګډون ددغه ولايت په مرکز کې جوړه شوې وه ، سمونوال غلام درويش احمدزي دفراه افسرانو اومنسوبينو ته معرفي شو .
  دفراه والي  محمد شعيب ثابت وويل چې دپوځي مسوولينو او دسيمه ييزې ادارې په همغږى او ګډو هلوځلو سره به دامنيت په تامينولو کې دبدلونونو شاهدان واوسو .
دفراه نوى امنيه قوماندان سمونوال غلام درويش احمدزي ډاډ ورکړ چې ددغه ولايت دامنيت په تامينولو او خلکو ته دخدمت کولو په لاره کې به  له هيڅ راز هلوځلو څخه ډډه ونه کړم .
ختم _ ج _ اکرم

 

کابل / دغبرګولي ٨مه / باختر :
په بادغيس ولايت کې په واټ کې  دماين دچاودنې له امله درې تنه ماشومان ووژل شول .
باختراژانس دبادغيس دامنيې قوماندانۍ  درسنيوددفتر دمعلوماتوله مخې، خبرراکړ ، چې دغه ماشومان داختر په دويمه ورځ دبادغيس ولايت دمقر ولسوالۍ  په مربوطاتو کې  په لوبو بوخت و  چې ماين وچاوديد او دوى ووژل شول.
ويل کېږي دغه ماين له پخوا څخه په سيمه کې پاتې و . 
دبادغيس دامنيې قوماندانۍ په خبرپاڼه کې ويل شوي دي ،  چې دغه پېښه دطالبانو له خوا داختر  له درې ورځنى اوربند سره اړيکه نه لري .
ختم _ ج _ اکرم
  

کابل / دغبرګولي ٨مه / باختر :
دپروان په سياه ګرد ولسوالۍ کې  دپوځيانو پرپوستې دوسله والو طالبانوپه بريد کې تېره شپه ٧ تنه سرتيري شهيدان شول .
باختراژانس  دپروان دوالي دوياندې وحيدې شهکار له خولې خبرراکړ چې وسله والو طالبانو تېره شپه  ددغه ولايت دسياه ګرد ولسوالۍ پر يوې امنيتي پوستې بريد وکړ چې په پايله کې يې  ٧ سرتيري شهيدان شول .
دپروان دوالي دوياندې دڅرګندونوله مخې، په دې جګړه کې طالبانو ته هم دسرزيان اوښتى دى .  خو دقيق شمېر يې معلوم نه دى .   ختم _ ج _ اکرم

Page 8 of 5757