19 June 2019

RSS Facebook

سوداگریز


تازه خبرونه

په غورکې لسګونو کورنيو مرستې ترلاسه کړې

کابل باختر د غبرګولي ٢٩مه يونېسف پرون په فيروزکوه کې له...

د نهو ساختماني پروژو قراردادونه لاسليک شول

کابل باختر د غبرګولي ٢٩مه د کليو د بيا رغاونې او...

د لسو پروژو قراردادونه لاسليک شول

کابل باختر د غبرګولي ٢٩مه د کليو د بيارغاونې او پرمختيا...

Youtube Player

khantry design

سوداگریز

سوداگریز

امنیتی

متون باختر د غبرګولي ۲۷ مه
د خوست ولایت چارواکي وايي، چې په دغه ولایت کې دوه ماشومان له شپږو میاشتو بند څخه وروسته د وسله والو طالبانو له بند څخه ازاد کړی شول.
دوی وايي: دغه ماشومان د ځاخي میدان ولسوالۍ د مندتې د کلي اوسیدونکې دي، چې د څارويو د څرولو پرمهال د طالبانو له خوا د دې لپاره ونیول شول ، چې د دوی د کورنۍ غړي په دولت کې خپلې دندې پریږدي .
د خوست د والي مرستیال عبدالواحد پټان د باختر اژانس سیمه ېیز خبریال ته وویل، چې وسله والو طالبانو یاد ماشومان سخت شکنجه کړي او هڅه یې کړې څو دوی د ځانمرګو بریدونو لپاره چمتو کړي.
پټان وویل، چې دغه ماشومان د ژوند له لومړنیو اسانتیاوو څخه بې برخې او په ډیر بد حال کې ساتل کیدل ، چې د ملي امنیت ځواکونو له خوا د ځانګړو عملیاتو په پایله کې ازاد او خپلې کورنۍ ته وسپارل شول .
له بلې خوا ازاد کړل شوي ماشومان هم د طالبانو له شکنجې څخه سر ټکوي او زیاتوي چې وسله والو طالبانو به د جنت او حورو په کیسو ځانمرګو بریدونو ته هڅول.
په ورته وخت کې د دغو ماشومانو پلار وايي، چې وسله والو طالبانو به ورته ګواښونه کول چې له دولت سره دنده کول پرېږدي، که نه نو د نه پرېښودو په صورت کې به یې کورنۍ له زیان سره مخامخ شي.
سرچینه زیاتوي، له دې ګواښونو وروسته وسله والو طالبانو د ده د کورنۍ دوه ماشومان وتښتول او آن دا چې یو ځل یې د ده په کور وسله وال برید هم وکړ چې په دغه برید کې یې د کورنۍ یوه میرمن او یو همسایه هم ووژل شول.
دا لومړی ځل نه دی چې په خوست ولایت کې د دولت کارکوونکي له دولت سره د دندې په ترسره کولو ګواښل کېږي، بلکې له دې وړاندې هم په ډېرو لرې پرتو سیمو کې د افغان ځواکونو په لیکو کې دنده ترسره کوونکي سرتېري هم ګواښل شوي څو له دولت سره دنده کول پرېږدي .پای/وصال

کابل/ باختر/دغبرګولي ٢٦مه
د نيمروز ولايت امنيتي ځواکونو څلور تنه د غلا په اړوند ونيول .
د نيمروز د امنيې قوماندانۍ د مطبوعاتي دفتر مسوول ابراهيم اميني دباختر آژانس  خبريال ته وويل: دغه کسان ددغې قوماندانۍ  له جنايي جرمونو سره د مبارزې مديريت د منسوبینو له خوا له يوه غلا شوي موټر سره چې د زرنج ښار د هنديانو له کمپ څخه يې غلا کړى و، ونيول.
پېښه تر څيړنې لاندې ده. 
پاى\ج\ ذ

 

کابل/ باختر/دغبرګولي ٢٦مه
د غور ولايت پوځي مسوولين وايي چې د فراه ولايت مرکز ته څېرمه د غلمين په کلي  کې د وسله والو طالبانو پر يوه جيل د کوماندو ځواکونو د عملياتو په پايله کې د هېواد  درې تنه پوځيان چې د وسله والوطالبانو په بند کې وو، آزاد شول.
د باختر آژانس خبريال د خبرله مخې: د فراه ولايت يوه پوځي مسوول وويل چې ددغو عملياتو په پايله کې چې تېره شپه ترسره شول؛ د جېل ساتوونکي وتښتيدل او درې تنه پوځيان چې له څه مودې را په دېخوا په جېل کې بنديان وو، له يوشمېر ملکي وګړو سره چې وسله والو طالبانو په بېلابېلو پلمو هغوى نيولي وو، آزاد شول.
ويل کېږي، څه موده مخکې هم د پوځي عملياتو په بهيرکې په دغه ولايت کې يوشمېر پوځيان او ملکي وګړي د وسله والوطالبانو له بند څخه آزاد کړای شوي وو.
پاى \ج\ذ

اسعدآباد/ باختر/ د غبرګولي ۲۶مه
نهه تنه پاکستاني ډار اچوونګي د هېواد په ختیځ کې په هوایی برید کې ووژل شول.
پر دغو ډار اچوونکو تېره شپه د کونړ ولایت په اسمار ولسوالۍ کې د دوی په پټنځي برید وشو.
د هېواد په ختیځ کې د ملي اردو یوه جګپوړي قوماندان د باختر آژانس خبریال ته وویل چې دغو ډار اچوونکو هڅه کوله په کونړ ولایت کې یو لړ ډار اچوونکي بریدونه ترسره کړي چې برید پرې وشو.
هغه وویل: په دغه برید کې ۹ تنه پنجابي ډار اچوونکي ووژل شول.
په دغه برید کې د ډار اچوونکو پټنځای له ټولو جنګي وسایلو سره يې دړې وړې شو .
پای/سعیده

Page 8 of 5104