18 February 2018

RSS Facebook

سوداگریز


تازه خبرونه

په سيمه ييزو ارګانونو کې نوې ټاکنه

په سيمه ييزو ارګانونو کې نوې ټاکنه

کابل \ باختر دسلواغې ٢٨ نيټه : د سيمه ييزو ارګانونو...

جمهور رئیس غني : ارګ د زغم او ملي بحثونو ځای دی

کابل \ باختر دسلواغې ٢٨ نيټه : د افغانستان د اسلامي...

Youtube Player

khantry design

سوداگریز

سوداگریز

امنیتی

کابل باختر دسلواغې پنځه ويشتمه :
په ننګرهار  ولايت کې له لسګونو اړو کورنيو سره  د خوراکي توکو مرسته وشوه.
دغه کورنۍ سيمه  ييزې جګړه ځپلې ، بې وزلې او له پاکستان څخه راستنې شوې دي .
د ننګرهار ولايت د مهاجرينو د راستنولو د چارو رييس غلام حيدر فقيرزي  د باختراژانس خبريال ته وويل  چې، په دې پړاو کې له شپږ سوه بې وزلو کورنيو سره  مرسته وشوه .
ده وويل: په دغو مرستو کې اوړه ، غوړي ، دال ، مالګه اوژمنۍ  جامې شاملې دي  چې د خوړو د نړيوال سازمان او دپناه غوښتونکو په چارو کې دملګروملتو د سازمان دکميشنرۍ له خوا برابرې شوې دي .
ويل کيږي  په ننګرهار کې له اړو کورنيو سره د مرستو بهير  دوام لري .
ختم_  عطاالله _ اکرم

کابل باختر دسلواغې پنځه ويشتمه :
د داعش ډلې اوولس تنه غړي په ننګرهار ولايت کې په ځمکنيو او هوايي بريدونو کې ووژل شول .
په دغو داعشيانو په تېرو ٢٤ ساعتو کې د در بابا ، هسکې مينې ، کوټ او اچين په ولسواليو کې بريدونه وشول .
د ننګرهار د والي وياند عطاالله خوږياڼي باختراژانس ته وويل چې، په دغو ځمکنيو او هوايي بريدونو کې د داعش د ډلې اوولس تنه غړي ووژل شول .
ده وويل: دغه داعشيان په ډار اچوونکو فعاليتونو بوخت وو چې بريدونه پرې وشول .
  د يوبل خبرله مخې  امنيتي مامورانو نن سهار د ننګرهار ولايت په گڼ ميشتو لارو کې څلور ماينونه  کشف او شنډ کړل .
ددغو ماينونو د ښخونې په تور څوک نه دي نيول شوي .
په يوبل خبر کې ويل شوي دي چې پوځيان په ننګرهار ولايت کې دجنګي وسايلو ددوو ډيپوګانو په کشفولو بريالي شوي دي .
دغه ډيپوګانې د اچين او روداتو په ولسواليو کې د ډار اچوونکو په پټنځيو کې ساتل کيدې .   ختم_ سعيده _ اکرم

 

کابل باختر دسلواغې پنځه ويشتمه :
په داسې حال کې چې په ننګرهار ولايت د طالبانو او داعشيانو نښتې دپخوا په شان دوام لري سيمه ييز مقامات په دې جګړه کې د ډار اچوونکو د سر درانده زيانونو  په باب خبرې کوي .
دغه جګړې له يوې اوونۍ  راپه  دې خوا دلعل پورې  ولسوالۍ په ځينو سيمو کې پيل شوې دي  او دپخوا په شان دوام لري .
د هېواد په  ختيځ کې د پوليسو يوه جګپوړي  قوماندان باختراژانس ته وويل  دغه جګړې چې تيره شپه  ونښتې د داعشيانو او د طالبانو  د ډلې  اوولس تنه غړي پکې  وژل شوي دي .
   ده وويل  نښتې،  د دغو دوو ډار اچوونکو ډلو ترمنځ  د واکمنۍ پرسر نښتې دي .
د تيرو څو کلونو په بهير کې  د هېواد ځينې سيمې د طالبانو او داعشيانو ترمنځ د ډيرو خونړيو  نښتو ډګر و .
دغه جګړې  ددې سبب شوې دي چې ملکي وګړو  ته د سر د زيانونو د اوښتو تر څنګ په سلګونو اوسيدونکي له خپلو کورونو څخه وتلو ته اړ شوي دي
  ختم_ سعيده _ اکرم

ښرنه باختر د سلواغې ۲۵ مه
د پکتیکا ولایت د امنیې قوماندانۍ مسوولین وايي چې پولیسو د دغه ولایت د تور مخو په سیمه کې یو تن غل له څو میله وسلو سره یوځای نیولی دی.
د پکتیکا د امنیې قوماندانۍ ویاند شاه محمد آرین د باختر اژانس سیمه ييز خبریال ته وویل چې، له نیول شوي غل څخه څلور تومانچې او یو کلاشینکوف هم د پولیسو لاس ته ورغلي دي.
د قوماندانۍ د ویاند په خبره نیول شوي سړى له یوشمېر نورو ملګرو سره د ښرنې ښار په وروستیو غلاوو کې لاس درلود.
دی وایې چې په وروستیو ورځو کې د مرکز اړوند ځینو سیمو کې یو شمېر عام کسان د وسله والو غلو له لورې لوټيږي.
د یادونې وړ ده چې په روانه میاشت کې د پکتیکا د ښرنې ښار په ځینو کلیو کې یو شمېر هټیوال او نور خلک د شپې له تیارې څخه په ګټې اخیستنې د غلو له لورې لوټ شوي دي.پای/وصال

Page 10 of 4023