05 December 2019

RSS Facebook

سوداگریز


تازه خبرونه

څوارلس تنه دجنايي جرمونوپه تور ونيول شول

څوارلس تنه دجنايي جرمونوپه تور ونيول شول

کابل / د ليندۍ دمياشتې ١٤ مه / باختر...

دجوزجان بڼوالو دکار وسايل ترلاسه کړل

دجوزجان بڼوالو دکار وسايل ترلاسه کړل

کابل / د ليندۍ دمياشتې ١٤ مه / باختر...

يو قاتل ونيول شو

يو قاتل ونيول شو

کابل / د ليندۍ دمياشتې ١٤ مه / باختر : دکابل...

Youtube Player

khantry design

سوداگریز

سوداگریز

امنیتی

کابل/ دليندې ١١مه / باختر :
وسله والو طالبانودسرپل ولايت دصياد دولسوال  دکورنۍ دوه غړي تېره شپه ددوي په کور کې  شهيدان کړل .
دسرپل دپوليسو وياند باختراژانس ته وويل چې وسله والو طالبانو دصياد دولسوال حيات الله حيات په کور بريد وکړ اودهغه زوى او کاکايې شهيدان کړل او دوه تنه نور خپلوان يې ټپيان کړل .
خبرځاى زياته کړه چې په دې پېښه کې حيات الله حيات ته زيان نه دى اوښتى .
  ختم_ ج –اکرم

 

کابل/ دليندې ١١مه / باختر :
دسرپل ولايت کې ديوماشوم  په ګډون  دکوهستاناتو ولسوالۍ دوه تنه اوسيدونکي پرون مازيګر  دوسله  والو طالبانو په ډزو کې شهيدان شول .
دباختراژانس دسيمه ييز خبريال دخبرله مخې ، دغه ډزې په داسې حال کې دوسله والو طالبانو له خوا وشوې چې ددغې ولسوالۍ دجرغانو دکلي  يوشمېراوسيدونکي دطالبانو دظلمونو پرخلاف په اعتراف لاس پورې کړل اودکوهستاناتو دولسوالۍ لپاره دطالبانو دنومول شوي ولسوال امان الله منصور دموټر په ګډون دهغوى په وسايطو  دډبرو برېدونه وکړل او په هغوى يې دلرګيو او ډبرو بريدهم وکړچې دوسله والو طالبانو دډزو په نتيجه کې  ديوماشوم په ګډون دوه تنه شهيدان شول اوشپږ  تنه نور ټپيان شول .
ويل کيږي طالبانودسيمې دخلکو دوکانونه تړلې دي او له هغوى  څخه يې وغوښتل چې دخپلو دوکانونو مالونه ولېږدوي
ويل کېږي   اعتراض تراوسه پورې دوام لري .
په همدې حال کې دسرپل ولايت دامنيې قوماندانۍ  دمطبوعاتو آمر نور اقا حنيفي  وايي دغه ساحه دطالبانو ترواکمنۍ لاندې ده او زياته موده  کېږي چې خلک ځوروي .  دى له حکومت څخه غوښتنه کوي چې ددغې ولسوالۍ دامنيت دتامينولو په خاطر عمليات ترسره  کړي .
ختم_ ج _اکرم

 

کابل/ دليندې ١١مه / باختر :
دوسله والو طالبانو دسرې قطعې پنځه غړي په کندز کې  په هوايي بريد کې  ووژل شول .
دځانګړو عملياتو دقول اردودمطبوعاتو مسوول  عبدالغفار نورستاني باختر اژانس  ته وويل چې دغه وسله وال طالبان دهېواد دهوايي ځواکونو په بريد کې  چې دکندز دچهاردرې  ولسوالۍ پر  مربوطاتو کې ترسره شول ، وووژل شول .
وژل شوي کسان په کندز کې  دوسله والو طالبانو دسرې قطعې دمسوول  قاري شفيق  دډلې غړى و .
نورستاني زياته کړه چې په دې بريد کې دطالبانو يوموټر او يوه داشکه ويجاړه شوې ده .
ديوبل خبرله مخې، دکندز ښار په شاوخوا سيمو کې  دامنيتي اودفاعي  ځواکونو په ګډو عملياتو کې تراوسه پورې دتلوکه ، دم شاخ ، قندهاري ، قشلاق  او دازبکانو کلي دطالبانو له شتون څخه پاک شوې دي .
دځانګړوعملياتو قول اردودمطبوعاتو مسوول وويل: په دغو عملياتو کې  طالبانوته دسردزيان په اوښتو برسيره په لسګونو سنګرونه او پټنځي يې هم ويجاړ شوې دي اوعمليات دوام لري .  ختم_ ج _اکرم

 

ترینکوټ/دلیندۍ۱۱مه/باختر
د روزګان د امنیې قوماندانۍ مسوولین وايي چې وسله والو طالبانو د دغه ولایت په دهراود ولسوالۍ کې د ښوونځي دوه زده کوونکي او یو ملکي وګړی وژلي دي.
ځايي سرچینې وايي چې وسله والو طالبانو یاد کسان تېره شپه له دولت سره د اړیکو په تور وژلي دي.
د دهراود ولسوال عبدالمنان علیزي هم پېښه تاییدوي او زیاتوي چې په سیمه کې یې د پېښې پلټنې پیل کړي دي.
ویل کېږي وژل شوي کسان ملکي دي، خو یو ورور یې د پولیسو په لیکو کې دنده ترسره کوله له همدې امله وسله والو طالبانو له دولت سره د اړیکو په تور وژلي دي.
پای/وصال

 

Page 10 of 5496