04 June 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

امنیتی

-کابل/ دغبرګولې ١٤مه / باختر :
دکابل ولايت  دامنيې قوماندانۍ  پوليسو  نهه تنه  په کابل ښار کې  په جنايي جرمونوکې دلاس لرلو په تور  ونيول .
دکابل ولايت  دامنيې قوماندانۍ يو خبرځاى باختراژانس ته خبرورکړ ،  دغه کسان ددريمې ، څلورمې او داتمې  ناحيې او دکابل دبګراميو په ولسوالۍ کې دپوليسو  دعملياتوپه بهير کې ونيول شول .
دخبرځاى دڅرګندونوله مخې،  دغوکسانو دموبايلونو دغلا ، او د لوټمارى  دجرمونو  دترسره کولو په اړوند نيول شوي دي . چې ترپوښتنې لاندې دي .
  ختم _ ج _ اکرم

-کابل/ دغبرګولې ١٤مه / باختر :
ټاکل شوې ده  دکندز _ بغلان دلويې  لارې دامنيت دتامينولو لپاره  په دغه تګلوري کې  څو پوستې  جوړې شي .
دغه اقدام په دغه لويه لاره کې دناامنيو او دپيسو داخستلو له امله  دمسافرانو له شکايت وروسته ترسره کېږي .
د مرکزي بغلان  ولسوال  خانزاده مظلوميار  دباختراژانس سيمه ييز خبريال علي علمي ته وويل چې دغه پوستې  دخلکو او مسافرانو په غوښتنه  په راتلونکي  اوونيو کې دکندز – بغلان  دلويې لارې  په زيانمنونکوسيمو کې جوړېږي . او په دغو پوستو کې به  دملي اردو  اودملي پوليسو ځانګړي قطعات ځاى پرځاى شي .  هغه وويل  چې ددغو پوستو  په جوړولو سره دګرداب تر ساحې پورې  دمرکزي بغلان  دولسوالۍ دلويې لارې امنيت تامنېږي .
په کيله ګي کې د  ٢١٧ پامير قول اردو  دعامه نظم د دريمې لوا قوماندان  شهرياروويل:  دهغو پنځو پوستو له جملې څخه  چې ټاکل شوې ده دبغلان – کندز  په لويه لاره کې  جوړې شي  دوه پوستې  په پوليسو پورې  مربوطېږي  چې يو يې   په زاړه  بغلان اودويمه پوسته به يې په نوى بغلان کې جوړه شي .
هغه دغه راز وويل  چې درې نورې پوستې به په ملي  اردو پورې  اړوند وي چې له جرخشک څخه تر ګردابه پورې  جوړېږي .
ويل کېږي  چې پخوا هم  په دغوسيمو کې  ددغې لويې لارې دامنيت دتامينولولپاره  پوځي پوستې  موجودې وې .چې دوسله والو طالبانو له پرله پسې   بريدونووروسته  مقاماتو دغه پوستې  راټولې کړې . خو داځل پوځيان تصميم لري  چې په  قوت او زياتو تجهيزاتو سره به  ددغې لويې لارې  دامنيت دتامينولو لپاره اقدام وکړي .   ختم _ ج _ اکرم

-کابل/ دغبرګولې ١٤مه / باختر :
وسله والو طالبانو ته تېره شپه  داوبې ولسوالۍ – هرات ښار  دلويې لارې په اوږدو کې دپوځيانو پرپوستو دبريد په بهير کې  دسردروند زيان اوښتى دى.
دهرات دامنيې قوماندانۍ وياند باختراژانس ته وويل چې  وسله والو طالبانو داوبې  - هرات ښار په  تګلوري کې  دپوځي پوستو  دنيولو په مقصد بريد وکړ چې دپوځيانوله متقابل بريد سره مخ شول .
په دې جګړه کې يو  شمېر وسله والو طالبانو ته چې دقيق شمېر يې معلوم نه دى مرګ ژوبله اوښتې دى .
هغه وويل  په دې جګړه کې پوځيانو ته زيان نه دى اوښتى .
  ختم _ ج _ اکرم

کابل/ دغبرګولې ١٤مه / باختر :
دوه تنه پرون  دهرات ولايت  دانجيل ولسوالۍ په مربوطاتوکې دوسله والو غلاو په تور ونيول شول .
دانجيل ولسوالۍ  دامنيې قوماندانۍ يو خبرځاى باختراژانس ته وويل  چې دغه کسان  دانجيل ولسوالۍ درباط  نو په ساحه کې دغلا په وخت کې ونيول شول .
هغه وويل  چې  له دغوکسانوڅخه يوه تومانچه ترلاسه شوې ده  او دپوليسو  تر پوښتنې لاندې دي .   ختم _ ج _ اکرم

Page 2 of 5757