د بورکې ولسوالۍ د پوليسو مسوول شهيدشو

Written by  manager
Rate this item
(0 votes)

_ کابل \ باختر د چنګاښ ١٠ :
دبغلان ولايت د بورکې ولسوالۍ د پوليسومسوول نن د ماين دچاودنې له امله شهيد شو .
په دې پيښه کې چې د بغلان ولايت په نهرين ولسوالۍ کې وشوه؛ د پوليسو ددغه افسر درې تنه ساتوونکي هم شهيدان شول او دوه تنه نور ساتونکي يې ټپيان شوي دي.
پيښه  دنهرين ولسوالۍ په تاوه شخ کلي کې هغه وخت رامنځته شوه چې دبورکې ولسوالۍ د امنيه قوماندان سمونيارحبيب الرحمن د سپرلۍ موټر په سړک کې په ښخ کړى شوى ماين وخوت.
دنهريو ولسوال عبدالفتاح هاتف باخترآژانس ته وويل چې په دې چاودنه کې  د بورکې ولسوالۍ امنيه قوماندان سمونيار حبيب الرحمن له دريو تنو سرتيرو سره شهيد او دوه تنه نوريې تپيان شول .
ده طالبان ددغې پيښې مسوول وبلل او ويې ويل چې د دغې پيښې د عاملينو د پيژندلو او نيولو لپاره هڅې پيل شوې دي .
هاتف زياته کړه چې د ټپيانو روغتيايي حالت مخ په ښه والي بلل شوى دى .

back to top