اته تنه طالبان په قندهار کې ووژل شول

Written by  manager
Rate this item
(0 votes)

کابل – باختر دتلې دمياشتې ٣
اته تنه طالبان قندهار ولايت په پنجوايي ولسوالۍ کې تيره شپه دافغان امنيتي ځواکونو په ګډو عملياتو کې ووژل شول .
د قندهار دوالي ويندوي جاويد فيصل باختر آژانس ته وويل :  ددغو عملياتو په بهير کې چې ددغې ولسوالۍ دموشان په  لوړو کې تر سره شول اته تنه وسله وال طالبان ووژل شول .
دفيصل دڅرګندونو له مخې :  دعملياتو په بهير کې دطالبانو يوه اندازه جنګي وسايل هم دامنيتي ځواکونو لاسته ورغلي دي .
په همدې حال کې دپنجوايي ولسوال فضل محمد اسحاق زي د دې خبر په تاييدولو سره باختر آژانس ته وويل :  د دغو عملياتو په بهير کې د ملي اردو دوه تنه  سرتيري او دعامه نظم يو سرتيرى هم شهيدان شول .
دغه عمليات دطالبانو له شتون څخه تر پشپړ  پاکولو پورې دوام لري.

back to top