14 November 2018

RSS Facebook

سوداگریز


تازه خبرونه

د دايکنډي ولايت دښار او کورجوړولو رياست دودانۍ دجوړولو کار پيل شو .

کابل باختر د لړم دوه ويشتمه : ددايکنډي ولايت دښار او...

اووه سوه کورنيو په درز اب کې مرستې ترلاسه کړې .

کابل باختر د لړم دوه ويشتمه : دجوزجان ولايت په درز...

يوې ځوانې ميرمنې په جوزجان کې ځان وواژه .

کابل باختر د لړم دوه ويشتمه : يوې ځوانې ميرمنې دجوزجان...

Youtube Player

khantry design

سوداگریز

سوداگریز

دملي امنيت شورا ديوې اعلاميې په خپرولوسره دافغانستان په اړوند داسوشيتدپرس دخبري اژانس له خوا خپور شوى خبر بې بنسته وباله .

Written by  manager
Rate this item
(0 votes)

کابل باختر دسلواغې پنځه ويشتمه :
داسوشيتد پرس  خبري اژانس پرون افغان مقاماتو او طالبانو دتاوتريخوالي له څپو سره سره  خبرې وکړې تر عنوان لاندې  يو مطلب خپور کړى دى .
ددغه مطلب په  محتوا کې ليکل شوي دي چې ګڼې افغان مقاماتو په افغانستان کې  له خونړيو بريدونو او په تيره بيا  له هغو بريدونو وروسته چې په کابل کې وشول  څه ناڅه دوه  ځلې له طالبانو سره خبرې کړې دي .
داسوشيتد پرس  خبري اژانس دغه  څرګندونې  دنامعلومې  سرچينې پربنسټ کړې دي او ويلي يې دي پرته له دې چې دسولې له عالي شورا سره همغږي وشي ، دافغانستان دملي امنيت سلاکار محمد حنيف اتمر او ددغه هېواد دملي امنيت لوى رييس معصوم ستانکزي  په جلا جلا ډول له طالبانو سره ليده کاته او خبرې اترې کړې دي .
د زيات وضاحت لپاره دملي امنيت سلاکار محمد حنيف اتمر  په رسمي غونډو او له رسنيو سره په خبرو کې تل ويلي دي چې دافغانستان داسلامي  جمهوريت حکومت له طالبانو  سره دهدفمندو  خبرو په ترسره کولو ژمن  دى  او تل به دخبرو دروازې دهغو وسله والو مخالفانو پرمخ چې  له تاوتريخوالي څخه  لاس اخلي  پرانستى  وي دسولې عالي شورا هغه يوازنى مرجع ده چې دسولې دخبرو مشرتوب په غاړه لري او دملي امنيت دشورا دفتر دجمهوري رياست  دعالي مقام په مشرۍ ددغه بنسټ دهڅو او فعاليتونو ملاتړ کوي .
دملي امنيت دشورا دفتر له ټولو رسنيو په تيره بيا داسوشيتد پرس  له خبري اژانس څخه غواړي چې دبې بنسټو  خبرونو له خپرولو مخکې دى  لازم دقت وکړي .
  ختم_ ف _ اکرم                                            

Leave a comment

Make sure you enter the (*) required information where indicated.
Basic HTML code is allowed.