په ننګرهارکې د سولې له بهير سره د لسګونو تنو وسله والو طالبانو يوځاى کيدل

Written by  manager
Rate this item
(0 votes)

 کابل \باختردتلې دمياشتې ١٩نيټه :
په ننګرهار ولايت کې پرون د وسله والو طالبانو د پنځو تنو قوماندانانو په ګډون ٧٥ تنه وسله وال طالبان د سولې له بهيرسره يوځاى شول.
د٢٠١ سيلاب قول اردو وياند جګړن محمد هارون  يوسفزي د باختر آژانس خبريال  ته وويل: دغه وسله وال طالبان له دې مخکې د دغه ولايت په بټي کوټ ولسوالۍ کې  له افغان پوځيانو سره په جګړو لاس پورې کاوه چې وروسته د حقيقت په درک کولو سره يې له جګړي څخه لاس واخيست او د سولې له بهير سره يوځاى شول.
يوسفزي زياته کړه چې دغو وسله والو طالبانو خپلې وسلې هم افغان پوځيانو ته وسپارلې او ژمنه يې وکړه چې له دې وروسته به د هېواد په آبادۍ کې ونډه واخلي.
پاى  \ ذکرالله

back to top