شپږ غير مسوول وسله وال کسان په بغلان کې ووژل شول

Written by  manager
Rate this item
(0 votes)

 کابل / د غبرګولي ۴ مه / باختر
شپږ غير مسوول وسله وال کسان نن سهار دبغلان په بنو اندراب ولسوالۍ کې ووژل شول.
د دغو کسانو ترمنځ جګړه د دغې ولسوالۍ په شاه کش کلي کې داختر دلمانځه له اداکولو وروسته ونښته.
د بغلان دامنيې قوماندانۍ دامنيت آمر سمونيار يوسفي دباختر آژانس سيمه یيز خبريال علي علمي ته وويل چې  د پوليسو ځواکونه دغير مسوولو وسله والو کسانو  د نيولو لپاره ساحې ته تللي دي او اوس په سيمه کې حالت ښه دى او د نورو وسله والو کسانو د نيولو لپاره  دپوليسو هلې ځلې په جدي ډول دوام لري .
اوس دبغلان  دپل حصار او ده صلاح په ولسواليو کې دغير مسوولو وسله والو ډلو دبې وسلې کولو او نيولو لپاره دپوحيانو عمليات دوام لري او ددغو ولسواليو زياتې سيمې امنې شوې دي او ټاکل شوې ده دغه عمليات ددغه ولايت په ټولو هغو ولسواليو کې چې غير مسوولې وسله والې ډلې پکې فعاليت کوي؛ هم ترسره شي.
ختم -ج - اکرم

back to top