24 May 2019

RSS Facebook

سوداگریز


تازه خبرونه

اووه تنه داعشيان په کونړکې ووژل شول

اووه تنه داعشيان په کونړکې ووژل شول

کابل/باختر/ د غبرګولي د مياشتې ۲مه د داعش دډلې اووه...

پنځه تنه غله ونيول شول

پنځه تنه غله ونيول شول

کابل/باختر/ د غبرګولي د مياشتې ۲مه دهرات، تخار او بغلان...

شپږ تنه وسله وال طالبان د کابل په سروبي کې ونيول شول

شپږ تنه وسله وال طالبان د کابل په سروبي کې ونيول شول

کابل/باختر/ د غبرګولي د مياشتې ۲مه دکورنيو چارو وزارت دپوليسو...

Youtube Player

khantry design

سوداگریز

سوداگریز

 کابل/باختر/ د غبرګولي د مياشتې ۲مه
د داعش دډلې اووه غړي تېره شپه په کونړ ولايت کې د پوليسو د ځانګړو قطعاتو  د ځواکونو په عملياتوکې ووژل شولو د کورنيو چارو وزارت د وياند دفتر سرپرست نصرت رحيمي باختر آژانس ته وويل: د داعش ډلې د يوه تن سرپرست مخلص په ګډون اووه تنه داعشيان د کونړ ولايت په مربوطاتو کې دپوليسو د ځانګړو قطعاتو د ځواکونو په هدفمندوعملياتو کې ووژل شول .
د داعشیانو څو سپکې او درندې وسلې، پوځي يونيفورم، پاکستان پيژندپاڼې او د داعش بيرغ په عملياتو کې د شاملو ځواکونو لاسته ورغلي دي .
پاى \ذکرالله

Thursday, 23 May 2019 11:04

پنځه تنه غله ونيول شول

 کابل/باختر/ د غبرګولي د مياشتې ۲مه
دهرات، تخار او بغلان د ولايتونو پوليسو د جلاجلا عملياتو په بهيرکې پنځه تنه        غله ونيول .
د کورنيو چارو وزارت مطبوعاتي دفتر باختر آژانس ته خبر ورکړ:
پر نيول شويو کسانو د موټرو او د څارويو دغلا تور لګول شوى دى.
دغه راز دخوست ولايت پوليسو پنځه تنه  دڅوکمپيوټرونو دغلام په تور ونيول.
ديوبل خبرله مخې د حامد کرزي دهوايي ډګر سرحدي پوليسو د نشه يي توکو درې تنه قاچاق وړونکي چې دهيروئينو ۳۰۸ کپسلونه يې خوړي و اوهندوستان يې لېږدول، ونيول.                                                                                                                   پاى \ذکرالله

 کابل/باختر/ د غبرګولي د مياشتې ۲مه
دکورنيو چارو وزارت دپوليسو دځانګړو قطعاتو ځواکونو شپږ تنه وسله وال طالبان دعمالياتو په بهيرکې ونيول شول .
دکورنيو چارو وزارت مطبوعاتي دفتر باختر آژانس ته خبر ورکړ:
دپوليسو دځانګړو قطعاتو ځواکونو تېره شپه دکابل ولايت دسروبي ولسوالۍ په اوزبين کلي عمليات ترسره کړل چې په نتيجه کې شپږ تنه وسله وال طالبان ونيول شول.
پاى \ج\ذ

 کابل/باختر/ د غبرګولي د مياشتې ۲مه
د موټرو د تورو ښيښو د پاکولو او د بې سندو موټرسايکلونو د راټولولو پروګرام پرون        په جوزجان ولايت کې پيل شو .
د جوزجان والي لطف الله عزيزي باختر آژانس ته وويل چې له دې وروسته دتورو ښيښو لرونکې موټرونه او له درېيو سپرليو سره د بې سنده موټرسايکلونه په شبرغان ښارکې د ګرځيدو را ګرځيدوا جازه نلري او له سرغړونکو سره قانوني چلند کېږي.
ده زياته کړه: ګډ امنيتي ځواکونه تر اوسه پورې په دې بریالي شوي دي چې د ۳۰۰ وسايطو تورې ښيښې پاکې کړي او په لسګونو موټرسايکلونه چې سندونه نلري، راټول کړي.
ده زياته کړه چې دغه پروګرام د شبرغان ښار او د هغه د شاوخوا سيمو د امنيت د تامينولو لپاره دوام لري او په شبرغان ښارکې دجرمونو په کچه کې هم کمښت راغلى دی .
مخکې له دې د جوزجان ولايت خلکو په شبرغان ښارکې د وسله والو بريدونو، انسان تښتونکو او غلاوو د زياتوالي له امله انديښنه څرګنده کړې وه او په سيمه ييزو مسوولينو يې د بې پروايی تور لګولى و.
پاى  \ج\ذ

 کابل/باختر/ د غبرګولي د مياشتې ۲مه
د ملي امنيت د ادارې مسوولين وايي چې په پکتيکا ولايت کې د وسله والو ډار اچوونکو يوه شپږ کسيزه شبکه يې دړې وړې کړې ده.
د ملي امنيت د ځانګړو قطعاتو ځواکونو په خپلو عملياتو کې د وسله والو طالبانو د تروريستي ډلو يوه شپږ کسيزه شبکه له دوو تومانچو سره د پکتيکا ولايت د مرکز ښرنې له ښار څخه ونيوله.
د ملي امنيت د لوى رياست مطبوعاتي دفتر باختر آژانس ته د يوې خبرپاڼې په لېږلو سره ليکلي دي: په کاروان مشهور قيام الدين، په عدالت مشهورمحمد جميل، آدام خان، په حيران مشهور جمرات، عصمت الله او سيد بلال چې د دغې شبکې غړي اعتراف کړى دى چې د وسله والو طالبانو د ډلې د مشرتابه په لارښونه د ښرنې ښار په مربوطاتوکې د دولتي کسانو او د مخورو کسانو په پېژندنې، وژلو او ترور بوخت وو.
پاى \ج\ ذ

- کابل/باختر/ د غبرګولي د مياشتې ۲مه
يوه نوې امنيتي قرارګاه پرون د بغلان – کندز په لويه لاره کې جوړه شوه.
دغه قرارګاه د وسله والو طالبانو د تحرکاتو د مخنيوي او د دغې لويې لارې د امنيت  د تامينولو لپاره مهمه ده.
د مرکزي بغلان ولسوال خانزاده مظلوميار د باختر آژانس سيمه ييز خبريال ته وويل         چې دغه قرارګاه د ٢١٧ پاميرقول اردو له خوا د دغې ولسوالۍ د جرخشک په ساحه کې د وسله والو طالبانو د تحرکاتو د بندولو او د دغې لويې لارې د امنيت دتامينولو لپاره جوړه شوې ده.
ده زياته کړه چې مخکې له دې وسله والو طالبانو په دې سيمه کې د پوځيانو او ملکي وګړو د سپرلۍ پر کاروانونو بريدونه کول.

 کابل/باختر/ د غبرګولي د مياشتې ۲مه
د افغان – ترک د ښوونځيو رياست نن په کابل کې له درې زره مستحقو کورنيو سره  د خوراکي توکو مرسته وکړه.
د افغان – ترک ښوونځيو د رياست مطبوعاتي مسوول عبدالفتاح صبار د دغو مرستو په باب د باختر آژانس خبريال ته وويل چې پر هرې کورنۍ لس کيلو وريجې، درې ليتره غوړي او درې پاکټه مکروني وويشل شول.
په همدې حال کې د افغان – ترک د ښوونځي يوه زده کوونکي احمد اميد وويل: هغه زده کوونکي چې له اقتصادي پلوه د مرستې وړتيا يې لرله، هم په دې برخه کې خپله ونډه ترسره کړه.
ده وويل: زما په شان زيات زده کوونکي حاضر شوي چې د خوراکي توکو د بسته بندۍ په برخه کې مرسته وکړي.
د ده د څرګندونو له مخې: د دغه بنسټ مسوولين د روژې په مبارکه مياشت کې د کابل، بلخ، هرات، قندهار او جوزجان په ولايتونو کې له ۵ زره کورنيو سره مرسته کوي.
پاى \ج\ ذ

- کابل/باختر/ د غبرګولي د مياشتې ۲مه
وسله والو طالبانو په غور ولايت کې يو قصاب او څلور تنه دُکانداران وتښتول .
د غور د والي وياند عبدالحى خطيبي باختر آژانس ته وويل چې تښتوونکو دُکانداران دولتي ځواکونو ته د خوراکي توکو د برابرولو او پلورنې په تور له کورونو څخه یې وتښتول.
ده وويل چې د تښتول شويو کسانو د خلاصون لپاره د پوليسوهلې ځلې پيل شوې دي.
د يو بل خبر له مخې:
د غور ولايت د پسابند په ولسوالۍ کې د پوليسو پر يوې پوستې د وسله والو طالبانو د بريد په نتيجه کې يو وسله وال طالب ووژل شو.
پاى \ ج\ذ

- کابل/ باختر/ د غبرګولي د مياشتې ۲مه
د اطلاعاتو او فرهنګ وزارت سرپرستې حسينې ساپۍ نن په کابل کې د يونسکو له رئيس سره په کتنه کې، د غور ولايت د جام څلي د استحکام او ټينګښت په خاطر پرعملي اقداماتو ټينګار وکړ.
د باختر آژانس د خبريال د خبرله مخې: په دې کتنه کې د اطلاعاتو او فرهنګ وزارت سرپرستې د غور ولايت د جام څلي په اړوند خپله انديښنه څرګنده کړه او ويې ويل چې د جام څلي له تګلوري څخه د سيلاوونو ګواښ بايد لرې کړای شي.
دغه راز حسينې ساپۍ وويل چې د اطلاعاتو او فرهنګ وزارت د سيلاوونو د ګواښ
د مخنيوي په خاطر، د کارګرانو او د سيمې د خلکو د استخدامولو له لارې لاس په
کار شوى دى.
هغې د دې ترڅنګ چې د سيمې د خلکو د همکاريو له امله مننه وکړه، د سيلاوونو
د ګواښ د مخنيوي او د جام څلي پر استحکام او ټینګښت يې هم ټينګار وکړ.
دغه راز په کابل کې د يونسکو رئيس د اطلاعاتو او فرهنګ له وزارت سره خپله همکاري څرګنده کړه او ويې ويل چې ټاکل شوې ده د روان کال د زمري په مياشت کې يو ايتالوی متخصص افغانستان ته سفر وکړي او د غور ولايت د «جام څلى» له نږدې وګوري او د هغه د څيړنو په نتيجه کې به د جام څلي د استحکام او ټينګښت په خاطر اقدام وشي.
په همدې حال کې د غور د اطلاعاتو او فرهنګ رئيس فخرالدين آرياپور چې د جام څلي په ساحه کې دى؛ د باختر آژانس له خبريال سره په اړيکه کې وويل چې پرون له غرمې وروسته له درې نيمو بجو څخه د جام څلي په ساحه کې سيلاوونه راوتلي دي.
ده وويل چې دغه سيلاوونه د جام له درې او د جام له سيند څخه يوځاى راوتلي دي او د جام څلى يې له ګواښ سره مخامخ کړى دى.
د غور د اطلاعاتو او فرهنګ رئيس وويل چې اوس ۲۰۰ تنه کارګران او د سيمې خلکو د جام څلي له شاوخوا څخه د اوبو د تګلوري د بدلون په خاطر په کار لاس پوری کړى او تر يوې اندازې پورې د ګواښ مخه هم نيول شوې ده.
د هغه د څرګندونو له مخې، په سيمه کې په جدي ډول کار دوام لري، ترڅو د جام څلي له شاوخوا څخه د سيلاوونو د ګواښ مخه ونيول شي.
پاى \ج\ ذ

  اسعد باد/ باختر/ د غبرګولي د میاشتې ۲ مه
د پوهنې وزارت په اډانه کې د دوست هېواد هندوستان په مالي مرسته د (۲۷٬۵) میلیونو افغانیو په لګښت د کونړ په شیګل ولسوالۍ کې د هلکانو او نجونو د دوه منځنیو ښوونځيو د ودانۍ دجوړولوچارې بشپړې اوګټې اخیستنې ته وسپارل شوې.
د کونړ والي عبدالستار میرزکوال دباختر آژانس سیمه يیز خبریال ته وویل چې د (۴٬۶) میلیونو افغانیو په لګښت د کربوړۍ کلي د منځني ښوونځي ودانۍ او (۲۲٬۹) میلیونو افغانیو په لګښت د ملاعلم کلي د نجونو د منځني ښوونځي ودانۍ جوړې شوې دي.
دی وایي: د ملاعلم کلي د ښوونځي کیفیت په اړه ورته شکایتونه رسېدلي او د شرکت مسوولین یې مکلف کړي څو اړوند ستونزې اوارې او د خلکو اندېښنې ځواب کړي .
میرزکوال د دوست هېواد هندوستان له وړيا مرستو څخه د مننې ترڅنګ د اقتصاد وزارت له راغلي پلاوي څخه وغوښتل چې په کونړکې ورته نورې ټولګټې پروژې هم پلي کړي .
پای/وصال

Page 1 of 7698