12 November 2019

RSS Facebook

سوداگریز


تازه خبرونه

د جوزجان مدني فعالانو د سولې ملاتړ وکړ

د جوزجان مدني فعالانو د سولې ملاتړ وکړ

کابل/ دلړم٢٠مه/باختر د جوزجان د مدني ټولنې يو شمېرفعالانو نن په...

يو ښوونځى په تخارکې جوړېږي

يو ښوونځى په تخارکې جوړېږي

کابل/ دلړم٢٠مه/باختر د تخار په ينګي قلعه ولسوالۍ کې د شهيد...

طالبانو په غورکې دوه ملکي وګړي په ډزو سره ووژل

طالبانو په غورکې دوه ملکي وګړي په ډزو سره ووژل

کابل/ دلړم٢٠مه/باختر وسله والو طالبانو په غورکې دوه ملکي وګړي د...

Youtube Player

khantry design

سوداگریز

سوداگریز

کابل – باختر دسلواغې دمياشتې ٢١
فرانسه په کاپيسا ولايت کې داقتصادي او ټولنيزو پروګرامونو دتطبيق په خاطر
د پنځلس اعشاريه  شپږديرشو ميلونو يورو مرسته کوي.
ددغې مرستې سند نن دماليې وزير ډاکتر عمر زاخيلوال په کابل کې دفرانسې له سفير سره لاسليک کړ .
دباختر آژانس دخبريال دخبرله مخې  :  دغه مرستې دبريښنا رسولو ، کرنې ،دکليو دبياجوړولو او پراختيا او دعامې روغتيا په  برخو کې لګول کيږي  .
له کاپيسا سره دفرانسې مالي مرسته به دفرانسې او افغانستان ترمنځ د  دوستۍ
او   همکاريو د ژمنې  په چوکات کې دسيمه ييز اقتصاد او ترقۍ د  پياوړتيا  او  بنسټيزو خدمتونو ته دلاس رسي په لاره دافغاسنتان له خلکو سره   دوا م وکړي.

کابل باختر دسلواغې  دمياشتې ٢١ :
د اطلاعاتو او فرهنګ وزارت ابلاغيه !
د اطلاعاتو او فرهنګ وزارت د جمهوري رياست د نوماندانو د انتخاباتي مبارزو د پياوړتيا او نوماندانو ته د آسانتياوو د برابرولو او د هغوى د پروګرامونو د منعکس کولو په مقصد ابلاغوي چې د مطبوعاتو نړيوال مرکز د جمهوري رياست   د محترمو  نوماندانو د غونډو، ويناوو او د خبري  پروګرامونو منلوته چمتو  دى.
دغه راز په دغه مرکزکې اورول شوې ويناوې په يوه دولتي ورځپاڼه کې چاپيږي او د ملي ټلويزيون له لارې خپريږي.
دجمهوري رياست محترم نوماندان کولاى شي د وخت په ريزرف سره د مطبوعاتو په نړيوال مرکزکې له  برابرو شويو آسانتياوو  څخه استفاده   وکړي.
د زياتومعلوماتو د ترلاسه کولو په مقصد دې د٫٠٧٩٩٣٣٩٥٥٣او ٢١٠٣٢٨٤ لمبر ټيلفونونو له لارې  اړيکې ونيول شي.
يادونه :  دوزيرصاحب  له لارښوونې سره سم دغه ابلاغيه دې  ملي راډيو ټلويزيون هره شپه دشپې  داتو بجو په خبري سرويس کې خپره کړي.

کابل – باختر دسلواغې دمياشتې ٢١
په  داسې حال کې چې په هيواد کې انتخاباتي مبارزې خپلې نهمې  ورځې ته ورسيدې د کورنيو چارو په  وزارت کې مقامات يوځل بيا  دجمهوري رياست نوماندانو څخه غواړي چې خپل پروګرامونه له پوليسو سره همغږي کړي  چې
کومه امنيتي ستونزه  رامنځته نه شي.
دباختر آژانس دخبرله مخې : 
دکورنيو چارو وزارت ويندوى  صديق صديقي چې نن يې په کابل کې په يوه خبري ناسته کې خبرې کولې  يوځل بيا دانتخاباتو دبهير دامنيت دتامينولو په برخه کې  د ځانګړو امنيتي تدبيرونو يادونه  وکړه او د جمهوري رياست له نوماندانو څخه يې وغوښتل چې د امنيت دتامينولو په مقصد دې خپل پروګرامونه دپوليسو سره همغږي کړي .
دغه بلنه په داسې حال تکراريږي چې دوه ورځې مخکې دجمهوري رياست دنوماند ډاکتر عبدالله عبدالله دانتخاباتي کماپين په يوه غړي په سرپل ولايت کې بريد وشو او ووژل شو .
د صديقى دڅرګندونوله مخې  :  حاجي ياسين چې ويل کيږي په  سرپل ولايت کې  د دډاکتر دانتخاباتي کمپاين غړى دى ،له پوليسوسره له همغږۍ پرته ، ده غوښتل چې له سرپل څخه دبلخ ولايت ته سفروکړي چې دسرپل ولايت کوهستاناتو ولسوالۍ  په مربوطاتو کې د وسله والو کسانو له خوا  پرې بريد وشو.
صديقي وويل :   ددغې قضيې په اړوند دقاري سميع په نامه يو تن چې تکراري مجرم دى  او طالبانو سره اړيکې لري ، دپوليسو له خوا نيول شوى دى .
ديادونې وړ ده چې دحاجي ياسين په خپل پلرني ټاټوبې کې دسميه ييزو پوليسو په ليکو کې خدمت کوي .
دکورنيو چارو وزارت ويندوى  دجمهوري رياست له نوماندانو څخه وغوښتل چې
دخپلو انتخاباتي کمپاينونو دغړو دنومونو فهرست په مرکز او ولايتونو کې دپوليسو په واک کې ورکړي  چې پوليسو دهغو دامنيت دتامينولو په لاره کې
اقدام وکړي .
ده  دغه راز  يادونه   وکړه چې په تيرو دريو اوونيو کې دانتخاباتو دکميسيون له خوا ٣٢٣ نوې مرکزونه دغه وزارت ته معرفي شوي دي  چې په امنيتي بهير کې شامل شي  له دې جملې څخه يوازې شپږ مرکزونه يې غيرفعال دي  خو پوليس د ٦٧٨٤ نورو مرکزونو دامنيت دتامينولو لپاره تيارى لري .
په همدې حال کې دکابل ولايت امنيه قوماندان جنرال محمدظاهر د انتخاباتي مبارزو دامنيت دتامينولو دڅرنګوالي  په اړوند دباختر آژانس خبريال ته  وويل : دهيواد پايتخت هغه ځاى چې انتخاباتي کمپاينونه پکې مرکز لري ، له بل هرځاى څخه  زيات داستخباراتي  شبکو د پاملرنې وړ دي خو پوليس په بشپړ جديت سره دانتخاباتو دبهير امنيت  ساتي .
په  هغو دوو وروستيو ځانمرګو  بريدونو کې چې  يوې دلبنانيانو د رستورانت په وړاندې او بل يې دملي اردو دعملي دموټر په وړاندې وشول ، دهغو پروګرامونو يوه برخه وه   چې په کابل کې د حالاتو د ګډودولو او بې  ثباته   کولو لپاره   طرحه     شوي وو.
جنرال ظاهر وايي پوليس په جديت سره کار کوي چې ورته  پيښې تکرار نه شي .
دى  په سروبي کې د ځينو امنيتي ستونزو يادونه کوي خو ټينګار کوي چې دکابل په نورو ادارې واحدونو کې ستونزې شته او په کابل کې به   د رايي ورکولو هيڅ مرکزونه   ونه تړل شي.

کابل باختر دسلواغې دمياشتې ٢١ :
په ارزګان ولايت کې دنوپوښتنو په بهيرکې شپږ تنه وسله وال طالبان ووژل شول.
دغه  جګړه نن سهار ددهراود ولسوالۍ بازار ته څيرمه هغه وخت ونښته چې طالبانو دپوځيانو په کاروان بريد وکړ.
دارزگان ولايت ددهراودد ولسوالۍ دپوليسو مرستيال باخترآژانس ته وويل :
په دې نښته کې  شپږ تنه وسله وال طالبان ووژل شول.
ده وويل :  په دې جګړه کې پوځيانو  اودسيمې خلکو ته زيان نه دى اوښتى.
ويل کيږي ددغې نښتې په بهيرکې دطالبانو څو سپکې او درندې وسلې هم دپوځيانو لاسته ورغلي دي.

کابل – باختر دسلواغې دمياشتې ٢١
د کورنيو چارو وزارت  ويندوى  وايي د تيرولسو ورځو په بهير کې پوليسو دانتخاباتو د امنيت دتامينولو په مقصدشپيته چاڼيز عمليات ترسره کړي دي
چې د ٧٩  تنو وسله والو مخالفينو دوژل کيدو سبب شوي دي .
دباختر آژانس دخبريال دخبرله مخې  :
دکورنيو چارو وزارت ويندوى صديقي وويل ،  دانتخاباتو د امنيتي پروګرام په چوکاټ کې په  وروستيو لسو ورځو کې چې انتخاباتي مبارزې پيل شوې   دپوليسو ځواکونو هم په مستقلانه  ډول او هم د نورو امنيتي ځواکونو په مشارکت په څو ولايتونو کې شپيته  چاڼيز عمليات ترسره کړي دي چې ددغو عملياتو په بهير کې ٧٩  تنه وسله وال مخالف وژل شوى دى ، ٤٧ تنه يې نيول شوي دي او دغه راز په سلګونو ماينونه او څه دپاسه شپږ زره کيلوګرامه چاوديدونکي توکي کشف او ضبط شوي دي .
دغه راز د کورنيو چارو وزارت  ويندوى  وويل چې دغه وزارت د بګرام دجيل
د ادارې دمسووليت منلو ته چمتو دى .
په هغې غونډه کې چې  پرون  د جمهوري رياست په ارګ کې وشوه  پريکړه وشوه  چې دبګرام جيل د ساتنې مسووليت دې  دکورنيو چارو وزارت ته وسپارل شي.

کابل باختر دسلواغې دمياشتې ٢١ :
د افغانستان د وزیرانو شورا د پاکستان د طالبانو د تحریک او د پاکستان د حکومت تر منځ د سولې د مذاکراتو د شروع کېدو استقبال وکړ او  سوله یې د سیمې د خلکو د بنیادي حقوقو د ساتنې او د دوی د پرمختګ لپاره اساسي شرط وباله.
په هغې مطبوعاتي اعلاميه کې چې په دې اړوند دجمهوري رياست دمطبوعاتي دفتر له لارې باخترآژانس ته رسيدلې ده ويل شوي دي .
د وزیرانو شورا څرګنده کړه چې سوله او جګړه افغانستان او پاکستان دواړه هېوادونه په یو ډول متأثر کوي.
د افغانستان د وزیرانو شورا پر افغاني طالبانو هم غږ وکړ چې د خپل وطن او ټولې سیمې د آرامۍ، ښېرازۍ او د خلکو د ژوندانه د خوندیتوب لپاره د اسلام د مقدس دین له ارشاداتو سره سم مذاکرات شروع کړي او د سولې له عالي شورا سره خبرې پیل کړي.

دتونس ښار باختر دمرغومي  شپږمه
دتونس صدراعظم مهدي جمعه پرون دخپلې کابينې د ځينو غړو د انتخاب په باره کې دنظر د اختلاف له پيداکيدو وروسته د استعفا ګواښ وکړ .
باخترآژانس د ايران د دولتي خبري آژانس له خولې وويل: مهدي جمعه ګواښ وکړ که چيرې ددفاع ، کورنيو چارو او دبهرنيوچارو د وزيرانو په باره کې موافقه ونه شي؛ د صدارت له مقام څخه به ګوښه شي.
دا په داسې حال کې ده چې د تونس د النهضه غورځنګ دکورنيوچارو د وزير په توګه له لطفې بن جدو سره په خپل ملاتړ باندې ټينګار وکړ .
ټاکل شوې وه د تونس صدراعظم دخپلې کابينې غړي پرون ددغه هيواد جمهور رييس منصف المرزوقي ته  معرفي کړي؛ خو د نه اعلام شويو دلايلو له مخې دکابينې د معرفي کولو کار ځنډيدلى دى.

ژينو باختر د سلواغې شپږمه
د ملګرو ملتو د سازمان  ځانګړى استازى اخضر ابراهيمي د سوريې د حکومت  او د سوريې د جمهور رييس بشار اسد د مخالفو ډلو له استازو سره له ګډې غونډې وروسته پرون په يو مطبوعاتي کنفرانس کې وويل چې د حمص ولايت له اوسيدونکو سره  د انسان دوستانه مرستو موضوع يې څيړلې ده.
ابراهيمي د پرونيو خبرو نتيجې په باره کې وويل چې خبرو دومره برياليتوب نه درلود.
د ملګروملتو د سازمان ځانګړي استازي وويل: ټاکل شوې ده نن د بنديانو د تبادلې په باره کې خبرې  وشي.
د ژينو _ ٢ د کنفرانس  د پرونيو خبرو په بهيرکې د دواړو لورو استازي په يوه خونه کې  حاضر وو؛ خو يو بل ته يې خطاب نه کاوه او د ملګروملتو د سازمان د ځانګړى استازى اخضر ابراهيمي ته په خطاب کې يې خبرې کولې.
د تيرې جمعې په ورځ د ژينو _٢ د کنفرانس د غونډې لومړۍ ورځ د دواړو لوروله مخامخې کتنې پرته  پاى ته ورسيده .
پخوا د سوريې دولتي ټلويزيون ددغه هيواد دبهرنيو چارو د وزير او د ژينو _ ٢ په غونډه کې ددغه هيواد داستازى وليد المعلم له خولې اعلام کړى و: په هغه صورت کې چې  د شنبې تر ورځې پورې جدي خبرې  پيل نشي؛ ښايي د سوريې حکومت  له دغو خبرو څخه ووځي .
د سوريې د جمهور رييس بشاراسد ځواکونو څه دپاسه يو کال مخکې په حمص کې د مخالفينو تر کنترول لاندې سيمې کلابندې کړې وې .
  له ٢٠١١  ميلادي کال راپديخوا  چې دسوريې کورنى جګړه پيل شوې ده؛ په دغه هيواد کې څه دپاسه سل زره تنه وژل شوي دي.
د سوريې په ګورنى جګړه کې څه دپاسه نهه مليونه تنه مهاجر شوي دي او دغې جګړې سوريې او ګاونډيانو ته يې  ستر انساني بحران پيدا کړى دى.

Sunday, 26 January 2014 11:03

د اسعارو بيه:

کابل\باختر\د سلواغې دمياشتې ٦ مه: 
دکابل د شهزاده سراى د صرافانو د رييس دمعلوماتو له مخې :
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په 57/35 افغانيو پلورل په 57/40افغانيو
يوانګليسى پونډ پيرودل په 93/80افغانيو پلورل په  93\ 90افغانيو
يوه يورو پيرودل په 20 78/ افغانيو پلورل په 78 /10  افغانيو
يوسعودي ريال پيرودل په 25 15/پلورل 15/30 افغانيو
د اماراتو يو درهم پيرودل په 55/ 15 افغانيو پلورپه 60 / 15 افغانيو
زرپاکستانى کلدارې پيرودل په  523افغانيو پلورل په  524افغانيو
زرهندى کلدارې پيرودل په 920 افغانيو پلورل په 930 افغانيو
او زر ايرانى تو مان پيرودل په 19/50  افغانيو پلورل په 19/60 افغانيو

قاهره \ دي نيوز انترنشنل \باختردسلواغې دمياشتې ٦  :
دمصرپه سينا ټاپو کې ديوه هليکوپتر دراغورځيدو له  امله پنځه تنه مصري سرتيري ووژل شول.
دباخترآژانس دخبرله مخې : دمصر اردو دهليکوپتر دراغورځيدو په تائيدولوسره وويل : چې دوى دبيدرکه شويوسپرليو دموندلو په لټه کې دي .
تراوسه پورې څرګنده شوې نه ده چې دغه هليکوپتر څنګه دمليشو دفعاليت په سيمه کې له دغې پيښې سره مخامخ شوى دى .

Page 8 of 767