22 July 2019

RSS Facebook

سوداگریز


تازه خبرونه

په پکتيا کې چاودنې دوه سيمه ييز پوليسان ټپيان کړل

ګرديز\باختر\د چنګاښ ٣٠ مه څو شېبې وړاندې د پکتيا د مرکز...

د فوټبال  د نړيوال جام مقدماتي پړاو پچه اچونه وشوه

د فوټبال د نړيوال جام مقدماتي پړاو پچه اچونه وشوه

کابل / باختر/ دچنګاښ٣٠مه د هېواد د فوټبال ملي ټيم د...

په هلمند کې ١٤وسله وال طالبان ووژل شول

په هلمند کې ١٤وسله وال طالبان ووژل شول

کابل / باختر/ دچنګاښ٣٠مه په هلمند کې ١٤ وسله وال...

Youtube Player

khantry design

سوداگریز

سوداگریز

اجتماعی

کابل – باختر دسلواغې دمياشتې ١٥
په پکتيکا ولايت يوې محکمې دوه ورونه چې ويل کيږي په زور سره يې خپلې څلور وريرې خپلو زامنوته نکاح کړى وى؛ په اوږدمهالې بندمحکوم کړل.
په آدم خان او عبدالرحيم تورلګول شوى دى چې څه موده مخکې يې په زور او جبر سره خپل څلور وريرې خپلو زامنو ته په نکاح کړي دي او په دې کار نه ده او نه نجونو رضايت درلود. ددغو څلورو نجونو پلار محکمې ته حاضر شو او ويې ويل چې ورونو يې په زور د ده لوڼې خپلو زامنوته نکاح کړى دى او له دې کارسره نه ده او نه هم د ده لوڼې رضايت درلود.
له بله پلوه ددغو نجونو مور وايي چې دې دخپلو ليورونو زامنوته شيدې ورکړې دي نو د دى لوڼې او د ده د ليورونو زامن وړونه او خونيدې دي او دغه ودونه په جبر او د اسلامي اساساتو پرخلاف ترسره شوي دي. د زور ددغه اقدام په غبرګون کې يوې ځوانې نجلۍ رقيې په ځان وژنې لاس پورې کړ؛ ځکه هغې له دغې واده سره رضايت نه وښودلې.
رقيې ويلې و چې موريې دې او د دې د کاکا زامنو ته شيدې ورکړې دې او په دې اساس د دې وروڼه بلل کيږي.
د رقيې مور باختر آژانس ته وويل: لور يې خپل کاکا ته عذر او زاري وکړه چې ستا زوى زما د مور شيدې خوړلې ده او هغه زما ورور دى. خو هغه دغو ژړاګانوته پاملرنه ونه کړه.
رقيې هم دخپلې واده په شپه ځان وواژه او خپل ژونديې پاى ته ورساوه .
په همدې حال کې په پکتيکا کې د استيناف محکمې د دليلونو او شواهدو له اوريدو او د وړاندې شويو سندونو له څيړنې وروسته دغه دوه ورور ته آدام خان او عبدالرحيم د تاوتريخوالى او د زور د نکاح په تور هريو په شپږ او اته کاله بند محکوم کړ.
دپکتيکا د ايستيناف محکې رييس سيد علم نيکوزى وايي: وړاندې شوي دليلونه او سندونه د دې حقيقت ښکارندوى دي چې محکمې سم حکم کړى دى.
په همدې حال کې دوو ورونو اعتراف کړى دى خو د محکمې په حکم کې يې د نوى نظر غوښتنه کړې ده .
په همدې حال کې د دغو نجونو دکورنۍ يوه غړى د محکمې حکم عادلانه ونه باله او دغو دوو ورونو يې د اعدام د سزا غوښتنه وکړه .
دپکتيکا والي محب الله صميم هم ددغو ورونو د محاکمې په بهير کې په محکمه کې حاضرو.
صميم له باختر آژانس سره په خبروکې ددغو دوو ورونو پرخلاف د محکمې د پريکړې هرکلى وکړ او ويې ويل: دمجرمينو مجازات کولاى شي د ټولنيزې عدالت د تامينولو لپاره زمينه برابره کړي.

کابل – باختر دسلواغې دمياشتې ١٥
په بلخ ولايت کې د ملي سوداګرو له خوا له زرو بې وزلو کورنيو سره د خوړو او د سون د توکو مرسته وشوه.
ددغې مرستې له مخې: په هرې کورنۍ يوه پنځوس کيلوګرامه بوري اوړه، لس کيلوګرامه وريجې، پنځه کيلوګرامه غوړي او لس کيلوګرامه سکاره وويشل شول.
د بلخ د ولايتي شورا رييس ډاکتر محمد افضل حديدباختر آژانس ته وويل چې دغه مرستې په نورو ولسواليوکې هم تر دريو نورو ورځو پورې ويشل کيږي.

کابل – باختر دسلواغې دمياشتې ١٥
سره له دې چې د سالنګونو لويه لاره نن له غرمې وروسته دترافيکو پرمخ پرانستل شوه؛ خو د سالنګونو د ساتنې او څارنې آمرې وايي: د واورې بيا اورښت د سالنګونو د بياتړلو احتمال زيات کړى دى.
د سالنګونو د ساتنې او څارنې آمر جنرال محمد رجب د باختر آژانس خبريال ته وويل: له هغه وروسته چې د دوشنبې په شپه د واورې اورښت د لويې لارې د تړل کيدو سبب شو؛ دغه لويه لاره د واورې ښويدنې دنهه څلويښتو طبيعي او د څلورو جبري واورې ښويدنې شاهده وه. د لارې خدماتي کارکوونکي وکولاى شول نن له غرمې وروسته واټ پاک کړي او د وسايطو د تګ راتګ لپاره دوه کرښې پرانيستې او په دې ډول په لاره کې دترافيکو دبهير دبېلابېلو زمينه برابره شوه، خو نن مازيګر په سالنګونوکې د واورې اورښت بيا پيل شو او اټکل کيږي چې د واورې اورښت د پنجشنبې تر ورځې پورې دوام ومومي.
جنرال رجب وويل: د سالنګونو د لويې لارې د ساتنې او څارنې کارکوونکي له ټولو امکاناتو سره هلې ځلې کوي چې لاره د ترافيکو پرمخ پرانستې وساتل شي، خو دخلکو سر او مال زيات ارزښت لري.
ده له موټر چلوونکو او مسافرينو څخه چې د سالنګو په لويه لاره تګ راتګ کوي؛ وغوښتل چې د سالنګونو د ساتنې او څارنې د موظفينو لارښوونو او خبرتياوته متوجه واوسي او په دې برخه کې د سالنګونو له موظفينو سره دې همکاري وکړي.

کابل باختر د سلواغي څوارلسمه :
په سمنګانو ولايت کې يو تن د واورې دسخت اورښت له امله  ووژل شو .
دسمنګانو ولايت دفيروز نخچير ولسوال فضل الدين جسور خرمي باختراژانس ته وويل  :  دغه سړى اويا کلن و د فيروز نخچير ولسوالۍ دجنوب په پنځه کيلومترۍ واټن کې په  توپان کې بند شو او  ووژل   شو.