20 August 2019

RSS Facebook

سوداگریز


تازه خبرونه

د طالبانو د سرې قطعې يو قوماندان ووژل شو

کابل/ باختر/ د زمري ۲۹ مه د طالبانو د سرې قطعې...

په ننګرهارکې د نشه يي توکو د يوه پلورونکي نيول کېدل

کابل/ باختر/ د زمري ۲۹ مه يو سړى له لسګونو انډيو...

په غورکې طالبانو درې ملکي وګړي وتښتول

کابل/ باختر/ د زمري ۲۹ مه طالبانو په غورکې درې ملکي...

Youtube Player

khantry design

سوداگریز

سوداگریز

اجتماعی

کابل باختر د وري  دريمه :
دفاتحې  اعلان .
دفرانسپرس  دخبريال شهيد سرداراحمد اودهغه دکورني  د غړو دفاتحې اخستلو مراسم سبا  پرځاى کيږي .
دباختراژانس دخبريال دخبر له مخې دغه مراسم داطلاعاتو اوفرهنګ وزارت دمشرتابه هئيت او دارواښاد دکورنۍ  دغړو له خوا سبا ددوشنبې دورځې له غرمې وروسته له يوې نيمې بجې  څخه تر درې نيمو بجو پورې  دکابل ښار دعيدګاه په جامع جومات کې او دارواښاد دښځو فاتحه هم سبا له غرمې وروسته له يوې نيمې بجې  څخه  تر درې نيمو بجو پورې دکابل په نوي ښار کې دپوليسو دلسمې حوزې په کوڅه کې دارواښاد په کور کې اخستل کيږي .
دارواښاد دوستان ، خپلوان اومينه وال دې خبر وي .

کابل باختر د وري  دريمه :
دافغانستان داسلامي جمهوريت دجمهور رييس حامدکرزي په نامه دهيواد دعدليې دوزير څارنپوه حبيب الله غالب دمړينې په خاطر د ډاډګيرنې اوخواخوږۍ پيغامونه رارسيدلي دي .
دباختراژانس دخبريال دخبر له مخې په پيغامونو کې ددې تر څنګ چې دارواښاد حبيب الله غالب دژوندانه له بيلابيلو اړخونواو صادقانه کار سره اړيکې نيول شوي دي دلوى خداى ( ج )  له دربار څخه  ارواښاد ته دفردوسجنت هيله شوې  ده .
دغه پيغامونه دکاراوټولنيزو چاروشهيدانو اومعلولينو ، لوړو زده کړو او له نشه يي توکو سره دمبارزې دچارودوزارتونو اودځينو نورو بنسټنو دمشرتابه هئيتونو له خوا رارسيدلي دي.

کابل باختر دکب دمياشتې ٢٨ :
د ١٣٩٣هجري لمريزکال په لومړيوشپږومياشتوکې د دولتي کارکوونکو د کار د پيل او پاى په باب دکار، ټولنيزو چارو، شهيدانو او معلولينو وزارت خبرتيا!
په کابل ښارکې په اوونۍ کې د پنځو ورځو کار او د دوو ورځو رخصتۍ ( پنجشنبه او جمعه  ) له مخې دکار د پيل اوپاى رژيم:
دکال په لومړيو شپږو مياشتوکې:
د وري د مياشتې له لومړۍ نيټې څخه د وږي د مياشتې تر پاى پورې دکار پيل د سهار په  اوو بجو او ديرشو دقيقو(٧:٣٠ ) او دکار پاى په اوونۍ کې د ٤٠ ساعته له مخې د ماسپښين د لمانځه د ادا کولو او د ډوډۍ خوړلو لپاره دغرمې له دولسو بجو(١٢:٠٠) څخه له غرمې وروسته تر يوې بجې (١:٠٠) پورې د يوساعت ځنډ په پام کې نيولو سره له غرمې وروسته په څلورو بجو او ديرشو دقيقو(٤:٣٠) .
_   د روژې په مبارکه مياشت کې دکار وختونه :
دکارپيل د سهار په اوو بجو(٧:٠٠) او دکار پاى له غرمې وروسته په يوه بجه (١:٠٠) .
په اوونۍ کې د شپږو ورځوکار له مخې په بانکونو او د هيواد په ولايتونوکې دکار د پيل او پاى رژيم :
_  دکال په لومړيو شپږو مياشتوکې:
د وري د مياشتې له لومړۍ نيټې څخه د وږي د مياشتې ترپاى پورې دکارپيل د سهار په اتو بجو(٨:٠٠) او دکار پاى په اوونۍ کې د ٤٠ ساعتونو کار له مخې د ماسپښين د لمانځه د ادا کولو او د غرمې ډوډۍ د خوړلو لپاره د غرمې له دولسو بجو(١٢:٠٠) څخه له غرمې وروسته تريوې بجې (١:٠٠) پورې د يو ساعت ځنډ په پام کې نيولوسره له غرمې وروسته په څلورو بجو (٤:٠٠) او د پنجشنبې په ورځو دکار پيل د سهار په اتو بجو(٨:٠٠) او د کارپاى له غرمې وروسته په يوه بجه (١:٠٠) .
_  د روژې په مبارکه مياشت کې د کار وختونه :
دکار پيل د سهار په اتو بجو (٨:٠٠) او دکار پاى د پنجشنبې د ورځو په ګډون له غرمې وروسته په يوه بجه (١:٠٠).
په توليدي ، خدماتي موسسو، په دايمي توګه فعالو برخو ( دکار د شفتونو تنظيم ) نشراتي،  روغتيايي، پوهنې او د لوړو زده کړو په موسسوکې د کار وختونه دکار  د خصوصيتونو، اړوندو لايحو او مقرراتو او د اقليمي شرايطو په پام کې نيولو سره دکال په لومړيو شپږو مياشتوکې په اوونۍ کې د٤٠ ساعتونو دکار له مخې خپل کاري رژيم تنظيم او عيارکړي.

کابل باختر دکب دمياشتې ٢٧ :
په ننګرهار ولايت کې پرون  دتندر دلګيدوله امله  يوه ځوانه ښځه ووژل شوه او دوه ماشومان يې ټپيان شول.
دغه پيښه دننګرهار ولايت دخوږياڼيو ولسوالۍ دآسمان په نامه  دسيمې داستوګنې په يو کور کې هغه وخت رامنځته شوه چې په دغې ځوانې ښځې تندر ولګيد.
په همدې حال کې دخوږياڼيوولسوالۍ ديو ر وغتيايي مرکز ډاکترانو  ديو ټپي ماشوم روغتيايي حالت خراب وباله .