12 December 2019

RSS Facebook

سوداگریز


تازه خبرونه

کولمبيا له افغانستان سره همکاري کوي

کابل/ د ليندۍ٢٠مه/ باختر کولمبيا له افغانستان سره د کانونو...

د کورنیو چارو وزارت: د نشه يي توکو یوه ډله قاچاق وړونکي په غورکې ووژل شول

د کورنیو چارو وزارت: د نشه يي توکو یوه ډله قاچاق وړونکي په غورکې ووژل شول

کابل/ د ليندۍ٢٠مه/باختر د نشه يي توکو څلور قاچاق وړونکي چې...

اته وسله وال طالبان په روزګان کې ووژل شول

اته وسله وال طالبان په روزګان کې ووژل شول

کابل/ د ليندۍ٢٠مه/باختر اته وسله وال طالبان په ارزګان کې له...

Youtube Player

khantry design

سوداگریز

سوداگریز

اجتماعی

کابل باختر دوږي اتلسمه :
دشهيد داوونۍ او دهيواد دملي اتل احمد شاه مسعود دشهادت دديارلسم تلين په مناسبت  باختراژانس ته  پيغامونه رارسيدلي دي .
په دغو پيغامونوکې  ددې تر څنګ چې شهيدانو او دهيواد دخپلواکۍ دمقدسې لارې  لارويانو ته  دلوى خداى ( ج )  له دربار څخه  دفردوس جنت  هيله شوې ده  ويل شوي دي  چې دافغانستان  تاريخ له داسې  زرينو پاڼو څخه  ډک دى چې هره پاڼه يې  دهغو ميړنيو دحماسو او اتلوليو څرګندوى دي چې په لوږې او بربنډوپښوسره دزمانې دسترو قدرتونو په وړاندې  دريدلي دي اوپه ميړانې اوزړه ورتيا سره يې  دافغانستان دخپلواکيۍ  اوځمکنۍ بشپړتيا دفاع کړې ده.
  دغه راز په پيغامونوکې ويل شوي دي هغه کسان چې  دخلکو دازادي اوسوکالي په مقدسه لاره کې  شهيدان شوي دي اووينه يې تويه کړې ده  خو دازاد ژوند شرايط يې  برابر کړي دي  له اوسني نسل  څخه غواړي چې په سرښندنې اوځان تيرېدنې  سره  دغه امانت وساتي  او د ځوريدلي ملت  د  نيکمرغۍ اوسوکالۍ  او ديووالې او پيوستون په لاره کې  ګام واخلي ، فساد له منځه يوسي  اوپه اقتصادي  او ټولنيزو  ناخوالو بريالي شي . او هيواد اوخلک  دثبات  ترقي اوسولې  کاروان ته  رهبري کړي .
دغه پيغامونه  د ځينووزارتونو دولتي ادارو ،ټولنيزو سازمانونو تحصيلي او تعليمي  مرکزونو او ښوونځيو څخه رارسيدلي دي .

کابل – باختر د وږي دمياشتې ١٧
د جمهوري رياست لومړي مرستيال محمد يونس قانوني نن له غرمې مخکې د پنجشير ولايت د رخې ولسوالۍ د قابضانو په جومات کې د افغانستان دخلکو د جهاد او مقاومت د يوه سابقه لرونکي ارواښاد جنرال محمد سالم جليلي دفاتحې په مراسموکې ګډون وکړ.
د جمهوري رياست له لومړي مرستيال سره په دې سفرکې د لومړي معاونيت د دفتر رييس محمد يوسف اعتبار او د پنجشير ولايت د جهاد يو شمېر سابقه لرونکي شخصيتونه ملګري وو .
د جمهوري رياست لومړي مرستيال په دغو مراسموکې د باختر آژانس له خبريال سره د خبرو په ترڅ کې ارواښاد بريد جنرال محمد سالم جليلي د هغو مجاهدينو له جملې څخه وباله، کله چې تنکى ځوان و؛ د مجاهدينو له ليکو سره يوځاى شو او د د سره پوځ له يرغلګرو سره د مبارزې په لاره کې درې ځلې ټپي شو .
بريد جنرال محمد سالم جليلي دوه شپې مخکې په کابل ښارکې د زړه د دريدو له وفات او جنازه يې پرون سهار د يولړ مراسمو په ترڅ کې د پنجشير ولايت په رخې ولسوالۍ کې د دوى په پلرنى اديره کې خاوروته سپارل شوې ده.

کابل – باختر د وږي دمياشتې ١٧
له شکاري درې څخه تر باميانو پورې د يوسلو څلور شپيتوکيلومترو په اوږدوالى د سړک پخولو تړون نن د بغلان د والي او د نړيوال بانک د استازي شلابي ترمنح په داسې حال کې چې د فوايد عامې وزارت استازى حاضر و؛ لاسليک شو.
د بغلان د والي ويندوى محمودحقمل د باختر آژانس خبريال ته وويل: د دغه تفاهم ليک له مخې، نړيوال بانک مکلف دى د واټ د دواړو غاړو د ځمکو د استملاک په ګډون د ادارې پړاونو له بشپړولو وروسته د دوشي له ولسوالۍ څخه تر باميانو پورې له مقدماتي سروې وروسته پوخ کړي.
حقمل زياته کړه: يو وخت له دغې درې څخه د لويې لارې په توګه استفاده کيده او اوس د دوه سوه پنځه اتيا مليونو ډالرو په لګښت ١٦٤ کيلومتره پخيږي.
ده زياته کړه: نړيوال بانک د دغه تفاهم ليک له مخې ژمنه کړې ده چې ددغه سړک په پخولو سربيره کان ته ټول غځيديلي سړکونه هم پاخه کړي.
دغه راز هغه جوماتونه او ښوونځي به چې د واټ په دواړو غاړو کې شته او بيارغاونې ته اړتيا ولري؛ هم جوړشي.
ويل کيږي ددغه تړون له مخې: د بغلان ولايت مقام مکلف دى تطبيقوونکې کميټې ته د دغې پروژې د امنيت د تامينولو او د شرايطو د برابرولو په لاره کې لازمې اسانتياوې برابرې کړي.

کابل – باختر د وږي دمياشتې ١٧
د جوزجان ولايت په سلګونو تنو ځوانانو او د مدني ټولنې غړو نن د يوې غونډې په ترڅ کې په پغمان کې د ډله ييز تيري غير اسلامي او غير انساني عملونه وغندل.
د جوزجان له ولايت څخه د باختر آژانس د خبريال دخبرله مخې: اعتراض کوونکي په دغې ډلې پورې اړوند د ټولو جنايتکارانو د نيولو او نيول شويوکسانو ته يې د سختې سزا غوښتنه وکړه.
دوى له عدلي او قضايي ارګانونوڅخه وغوښتل چې د دغې پيښې عاملين دې په عام محضرکې اعدام شي.
د جوزجان ولايت يوه روحاني شخصيت مولانا اخوند زاده د خبرو په ترڅ کې ددغو جنايتکارانو عملونه د اسلامي شريعت او د بشر د حقوقو پرخلاف وبلل او د شرعي حکمونو له مخې يې د دغې پيښې د عاملينو دمجازاتو غوښتنه وکړه.