10 August 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

کابل باختر  دزمري  ديرشمه :
دجوماتونو ملا امامانو او دتکيه خانو واعظانو نن دجمعې  دلمانځه له اداکولو مخکې دځانمرګو بريدونو او چاودنو په غندلو سره چې دمليشه طالبانو له خوا ترسره کيږي وويل:  دځانمرګو بريدونو او دچاودنو دعاملينو او سازمان ورکوونکو  ځاى دتل لپاره  ددوزخ  مقر دى او له الهي  رحمت څخه بيخې بې برخې دي 
واعظانو  او ملا امامانو  له خلکو څخه وغوښتل چې دامنيتي ځواکونو په ملاتړ په هرې وسيلې سره چې کولاى شي  هلې ځلې وکړي او په دې لاره کې خپل مسووليت او رسالت اداکړي  او واعظانو  دغه راز دبيت الله شريف دحج فضيلتونو ته اشاره وکړه او ويې ويل چې بډاي کسان دې دبيت الله شريف دحج دفريضې  داداکولو تر څنګ له اړوکسانو سره مرستې اوهمکارۍ ته هم جدي پاملرنه وکړي .
دهيواد دمرکز او ولايتونو له جامع جوماتونو څخه دباختراژانس دخبريالانو دخبر له مخې ددين عالمانو دغه رازدلمانځه او دقران عظيم الشان دتلاوت دفضيلت په اړوند خبرې وکړې او ويې ويل چې لمونځ لوى خداى( ج)  ته د رسيدو ډيره ستره وسيله ده اولمونځ  انسانان له تيروتنو اوګناهونو څخه لرې ساتي .
دوى څرګنده کړه چې ټول ناروا عملونه او منکرات له ناپوهۍ او جهل څخه سرچينه اخلي او په همدې دليل داسلام مبين دين هر مسلمان ته دعلم په زده کړې ټينګار کړى دى .  دجوماتونو ملا امامانو زياته کړه ښه انسانان هغه کسان دي چې خير يې نورو ته ورسيږي . او له بد رد له ويلو اودناروا عملونو او منکراتو څخه چې داسلام دمبين دين دارزښتونو او اصولو پرخلاف دي، ډډه وکړي .
دغه راز ديني عالمانو ددولت له مخالفينو څخه وغوښتل چې دجګړې ،ورور وژنې ، وينې تويولو او دبيګناه  اوبې دفاع خلکو په وړاندې له هر راز تاوتريخوالي څخه ډډه وکړي او دلوى خداى ( ج )  او اسلام دمبين دين امر چې هماغه سوله ، پخلاينه ، ورورولى او اخوت دى ، پرځاى کړي .
ديني عالمانو له سوداګرو ، پانګوالو او له بدايو کسانو څخه هم وغوښتل چې له بې وزلو او اړو کورنيو او دپيښو له زيانمنو شويو کسانو سره مرسته او همکاري وکړي .

کابل باختردزمري دمياشتې ٢٩ :

د افغانستان د اسلامي جمهوریت جمهور رئیس محمد اشرف غني، بیت الله شریف ته      د افغان حاجیانو د لېږدونې د بهیر د پیلولو هرکلی وکړ.
د جمهوري رياست مطبوعاتي دفتر باخترآژانس ته خبر ورکړ :
د جمهور رئیس غني په لارښوونه  د حاجیانو د لېږدونې  کمیسیون او  د حج او اوقافــو وزارت مسوولینو ته دنده سپارل شوې، چې حاجیانو ته داسې تدابیر ونیسي، چې له امله یې ټول افغان حاجیان په  ډاډ او آرامه روحیه انتقال شي او په پوره آرامۍ د  حج سپېڅلې فریضه ادا  کړي.
جمهوررئيس هیله څرګنده کړه، چې د حاجیانو د لېږدونې  پروسه دې  د دوی تر بېرته راستنېدو پورې په بریالیتوب ترسره شي.
د حاجیانو د لېږدونې  د عملیاتي پلاوي د راپور پر بنسټ سږ کال افغان حاجیانو ته د تېرو کلــــونو په پرتله ډېرې آسانتیاوې لکه د ټکټونو د بیې ټیټوالی، په سعودي عربستان  کې د استوګنې او خوړو زیاتې اسانتیاوې برابرې شوې دي.
نن پنجشنبه د زمري په ۲۹ د حاجیانو د لېږدونې د عملیاتي پلاوي او د حج او اوقافو وزارت د مسوولینو په حضور کې د افغان حاجیانو لومړنۍ الوتنه  د حامد کرزي  له  نړیوال هوایي ډګر څخه د بیت الله شریف په لور والوته .
په پام کې ده چې سږکال څلرویشت زره  دوه سوه اووه  پنځوس تنه حاجیان  له کابل ، هرات، کندهار او مزارشریف څخه په څلورو اوونیو کې د یوې شفافې پروسې له لارې    د الهي فریضې د ادا کولو په  مقصد بیت الله  شریف ته ولېږدول شي.
 

کابل – باختر د زمري دمياشتې ٢٩
د افغانستان د اسلامي جمهوريت د جمهور رييس محمد اشرف غني د ډاډګېرنې او خواشينۍ پيغام
په ژورې خواشينۍ سره مو خبر ترلاسه کړ چې ډګرجنرال پيلوټ مير انجام الدين خان د هغې ناروغۍ له امله چې ورپيښه شوې وه؛ په حق رسيدلى دى.
اروښاد ډګرجنرال پيلوټ مير انجام الدين خان د زده کړې خاوند او مسلکي پيلوټ و، زيات کلونه يې د هوايي قوا او هوايي مدافعې ځواکونو د قوماندانۍ په مربوطاتوکې او دغه راز د هوايي پوهنتون د قوماندان او د جمهوري رياست د چارو د ادارې د لوى رياست د ملي دفاع او امنيت د ادارې د رييس په توګه يې خدمت وکړ. خدمتونه يې د قدر وړ او مړينه يې يوه ضايعه ده.
د خپلې ژورې خواشينۍ او ډاډګيرنې مراتب د اروښاد د کورنۍ، دوستانو، د دفاع او امنيت منسوبينو او د پروان ولايت خلکو ته وړاندې کوم او د الله (ج) له دربار څخه ارواښاد ته د فردوس جنت او پاتې کسانو ته يې د جميل صبر هيله کوم.

کابل باختر د  زمري  اته ويشتمه :

دکابل _ قندهار دلويې لارې په اوږدو کې دميدان وردګو ولايت په مربوطاتو کې په يوه ترافيکي پيښه کې څلور تنه ووژل شول .

دغه پيښه پرون دميدان ښار په مربوطاتو کې  هغه وخت رامنځته شوه چې يو کرولا موټر په داسې حال کې چې سپرلۍ پکې وې دپوليسو له يوه باروړونکي موټر سره له ټکر وروسته چپه شو .

دميدان وردګو ولايت درسنيو دفتر ديوې خبرپاڼې په خپرولو سره وايي چې په دې پيښه کې څلور تنه ووژل شول .

په همدې حال کې دميدان وردګو ولايت دترافيکو پوليسو ددغو دوو موټرونو دچلوونکو ګړندى تګ اوبې احتياطي  ددغې مرګانۍ ترافيکي پيښې اصلي انګيزه وبلله .