20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

اجتماعی

کابل – باختر د ليندۍ دمياشتې ٤
د جمهوري رياست سرپرست او لومړي مرستيال ستر جنرال عبدالرشيد دوستم نن سهار د کابل ښاريو بازارته لاړ او د پکتيکا د خونړۍ پيښې ټپيانو ته يې چې د سردارمحمد داوود خان په روغتون کې تر درملنې لاندې دي؛ خوراکي توکي او د اړتيا وړ نور لوازم وپيرل.
د جمهوري رياست مطبوعاتي دفتر باختر آژانس ته خبر ورکړ:
دجمهوري رياست سرپرست او لومړي مرستيال چې د لومړي معاونيت د محافظت کنډک له امنيتي ځواکونو سره يې ورزشي پروګرام پاى ته ورساوه او په ورزشي جامو سمبال و؛ د پکتيکا ولايت د پيښې ټپيانو ته د سوغاتونو له پيرودنې وروسته د خپل دفتر اړوندو مسوولينو ته يې لارښوونه وکړه چې ټپيانو ته د ده د ډاډګيرنې او خواخوږۍ د مراتبو د رسولو او د هغوى د سلامتيا د هيلې په ترڅ کې دغه توکي هغوى ته ورکړي.
د جمهوري رياست سرپرست او لومړي مرستيال خپله د هيواد د يو عادي وګړى په توګه له پلورونکو څخه د مالونو د بيې په پوښتنې سره يوه زياته اندازه شيدې، مربا، شات، پنير، نوشابې، ميوې، د غاښونو برسونه او کريم وپيرل او ټپيانو ته يې د سوغات په ډول وليږل.
بايد وويل شي چې محمد اشرف غني نن سهار د سارک سازمان د غړو هيوادونو د مشرانو په غونډه کې د ګډون په مقصد د يو هيئت په مشرۍ له هيواد څخه بهرته سفر وکړ.

کابل\باختر\ د ليندى د مياشتې ٤
د هوا پوهنې ادارې په راتلوونکوڅلور ويشتو ساعتوکې د هيواد د ځينو سيمو د
هوا حالات د سانتي ګراد په حساب په دې ډول اټکل کړي دي :
کابل- آسمان وريځ ، د تودوخې لوړه درجه ١٦ ، ټيټه ٢=
شمالي سالنګ- آسمان وريځ ، د تودوخې لوړه درجه ١،  ټيټه ٥=
جنوبي سالنګ- آسمان وريځ ، د تودوخې لوړه درجه ٢، ټيټه ٥=
قندهار- آسمان وريځ، د تودوخې لوړه ٢٢، ټيټه ٧
باميان- آسمان وريځ، د اورښت امکان شته، دتودوخې لوړه درجه ١٢، ټيټه ٢=
هرات- آسمان وريځ، د اورښت امکان شته، د تودوخې لوړه درجه ١٨، ټيټه ٧
فراه- آسمان وريځ،د اورښت امکان شته، د تودوخې لوړه درجه ١٩، ټيټه ٧
مزارشريف- آسمان وريځ، د تودوخې لوړه درجه  ١٧، ټيټه ٢
کندز- آسمان وريځ ، د تودوخې  لوړه درجه ٨، ټيټه ٢
جلال آباد- آسمان ځاى ځاى وريځ، د تودوخې لوړه درجه ٢٤، ټيټه ٦
غزني- آسمان وريځ،د اورښت امکان شته، د تودوخې لوړه درجه ١٣، ټيټه ٢=
لښکرګاه- آسمان وريځ ، د تودوخې لوړه درجه ٢٢، ټيټه ٩
خوست- آسمان وريځ ، د تودوخې لوړه درجه ٢٠، ټيټه ٢
جبل سراج- آسمان وريځ، د تودوخې لوړه درجه ١٧ ټيټه ٢
ميمنه- آسمان وريځ، د اورښت امکان شته،  د تودوخې لوړه درجه  ٢٥، ټيټه ٥
شبرغان –  آسمان وريځ، د اورښت امکان شته،  د تودوخې لوړه درجه ١٩، ټيټه٩
فيض آباد- آسمان وريځ، د اورښت امکان شته، د تودوخې لوړه درجه ١٥، ټيټه ٢
په کابل کې به سبا لمر په ٦ بجو او ٣٦دقيقو  وخيژي او د مازيګر په ٤ بجو او ٤٤
دقيقو ولويږي . 

کابل – باختر د ليندۍ د مياشتې ٤
په دې وروستیوکې له بده مرغه بې امنیو او د ملکي کسانو وژلو زور اخستی دى.
پخوا به شکایت دا و چی بهرني پوځیان بمبارونه کوي او خلک په ډله ییزه توګه وژني، خو دا ځل هغوی نه بلکې وسله وال مخالفین تورن دي چی په ډله ییزو وژنو لاس پورې کوي. چې یوه بېلګه یې د لېندۍ دمېاشتې په دويمه نېټه د پکتیکا ولایت د یحیی خیلوپه ولسوالۍ کې هغه ځانمرګی تروریستي برید دى چې په ترڅ کې یې شاوخوا ۴۵ تنه ملکي وګړي شهیدان او نږدې۶۰ تنه نورټپیان شوي دي.
دا غمجنه پیښه داسې مهال رامنځته شوه چې د دغه ولایت د یحیی خیلو، خیرکوټ او یوسف خیلو ولسوالیوځوانانوپه خپل منځ کې د والیبال سیالي ترسره کوله.
د افغانستان جمهور رئیس محمد اشرف غنی د دغه تروریستي برید د غندلو په ترڅ کې دا کرکجن عمل د افغانستان د دښمنانوکاربللی دی او اړوندو چارواکو ته یې په دې اړوند لازمې لارښوونې کړې دي.
د یحیی خيلو پېښه څو مېاشتې وروسته د پکتیکا ولایت د ارګون ولسوالۍ له پېښې رامنځته کېږي چې په هغه  پېښه کې هم تر یو سلو پنځوسو تنو پوری زموږ ملکي هیوادوالو ته مرګ ژوبله  اوښتې وه.
د افغان دولت وسله وال مخالفین په خپلو ادعاو کې وایی چې موږ د افغاانستان د خپلواکۍ لپاره ملا تړلې او غواړو چې له بهرنیانو څخه خپل وطن وساتو خو بیا په عمل کې خپل هغه هیوادوال وژني چې خپل عادي ژوند پرمخ بیایی .
د ملکي کسانو وژل او دهغو کسانو وژل چې  ورزشي لوبې ترسره کوي یا هغه ګوري؛ ستر جنایت دی او عاملین یې د نه بښونکې عمل مرتکب دي.
دغه تروریستی بریدونه هیڅکله هم د توجیه وړ نه دي. د داسې کړونو عاملین د بهرنیو دښمنانو په واک دي او د هغوی پلانونه عملي کوي ، ریښتیني افغانان هيڅکله هم  خپل هیوادوال نه وژني .
دغه ډول بریدونه که هرلوری ترسره کوي او په هرنامه یې چې ترسره کوي؛ دملت او خلکو له خوا محکوم دي او عاملین به یې کله هم دملت له پلوی نه برخمن نه وي . عام ولس په داسې حال کې چې د داسې پېښو عاملین غندي؛ له دولتي چارواکو او څانګو هم پوره پوره ګیله لري چې د دوی د امنیت غم ورسره نشته.
شنوونکي او عام ولس وایی چې چارواکو یواځې خپل امنیت نېولی ، هغوی څو څو ساتوونکي لري او له ځان څخه یې کانکریتی دیوالونه چاپیر کړي، نوځکه یواځې ملکي خلک او عام افغانان د بریدونو موخه ګرځي.
که چېرې دغه ټول امکانات چې لوړ پوړو چارواکو د خپل امنیت ساتنې لپاره کارولي؛ د ولس په ګټه وکارول شي؛ په ډاډمنه توګه به د عامو خلکو  او د ملکي کسانو امنیت هم تامین شي او دا د پېښو د آني او د سملاسي  مخنیوي لامل کېدای شي. خو اصلی خبر د جګړې د ټولو عواملو دله منځه وړلو مسئله ده .
که چېرې زموږ په هیواد کې سوله وي؛ نو بیا به نه دا ډول بریدونه وي او نه به هم خلک ناکراره وي. جګړه نه یواځې دخلکو په روان او ژوند اغیزه لري؛ بلکې دهیواد په اقتصادي او امنیتي حالت هم اغیزه لري چې له همدې کبله یې عوامل باید له منځه یووړل شي.
څومره چې وخت تیریږی او په هیواد کې د بې امنې بهیر دوام مومي؛ هومره د افغانستان خلکو او په ټوله کې زموږ د هېواد هریو بنسټ  ته کلک زیانونه رسېږی چې جبران یې ورځ تربلې ستونزمن او ناشونی کېږی.
ترهغو چې افغانان په خپله خپل هیواد جوړ نه کړي او د ښکیلاک اوتیریو نه دخلاصون لپاره ځان ته لاره ونه لټوي؛ بل څه کې چاره نشته او د خلاصون عوامل هم یواځې په یووالی ، د پوهې په لاسته راوړو، د خپلو بنسټونو په بیا آبادولو  زیار او کوښښ کې نغښتي.
د ملکي کسانو وژل ستر جنایت دی او په هېڅ ډول توجیه کېدلای نه شي او عاملین یې باید ډير ژر له داسې کرغېړنو عملونو لاس واخلي، که نه د ملت له کلک غبرګون سره به مخامخ شي او هم به د الله (ج) د جزا وړ وګرځي.

کابل – باختر د ليندۍ دمياشتې ٤
يوې ځوانې نجلۍ چې د ښوونځي د دولسم ټولګي زده کوونکې وه؛ ځان په هرات ښارکې زندي کړ.
د هرات د مرکزي روغتون مسوولين د دغې پيښې د تاييدولو په ترڅ کې وايي: ددغې نجلۍ مړى تېر ماښام  روغتون ته ليږدول شوى دى .
داسې ويل کيږي چې دغه نجلۍ چې٢٠ کلنه وه؛ په آزموينه کې د مشروطيدو له امله يې ځان زندي کړى دى .
د هرات د روغتون وياند محمد رفيق شيرزى وايي: دغه ځوانه نجلۍ د هرات ښار د اتمې ناحيې د امير علي شير نوايي د ليسې د دولستم ټولګي زده کوونکې وه .
د ده دڅرګندونو له مخې: د دغې زده کوونکې په غاړه کې د زندي کيدو نښې نښانې ليدل کيږي او د عدلي طب تحقيقات هم دغه اقدام د هغې د وژل کيدو علت بللى دى .
له بله پلوه د هرات ولايت د امنيې قوماندانۍ د امنيت آمر مل پاسوال امين الله آزاد هم دغه پيښه تاييدکړه او په دې باب يې د جدي تحقيقاتو د پيل کيدو خبر ورکړ.
ويل شوي دي چې د دغې نجلۍ مړى نن سهار کورنۍ ته يې سپارل شوى دى.