15 December 2019

RSS Facebook

سوداگریز


تازه خبرونه

په غزني کې په پنځلسو پوځيانو  دډزو دلامل  وژل کېدل

په غزني کې په پنځلسو پوځيانو دډزو دلامل وژل کېدل

کابل /دليندۍ ٢٣مه باختر په غزني کې په پنځلسو پوځيانو...

په ننګرهارکې  يوسړى  له نشه يي توکوسره  ونيول شو .

په ننګرهارکې يوسړى له نشه يي توکوسره ونيول شو .

کابل /دليندۍ ٢٣مه باختر په ننګرهار کې يوسړى تېرماښام...

شپږ طالبان په کندز کې ووژل شول .

شپږ طالبان په کندز کې ووژل شول .

کابل /دليندۍ ٢٣مه باختر شپږ طالبان تېره شپه په...

Youtube Player

khantry design

سوداگریز

سوداگریز

اجتماعی

کابل باخترد وږي دمياشتې  ١٨  :
دحج او اوقافو  وزارت خبرتيا
دکابل ښار دناحيو هغو  حاجيانو ته چې  شميرې يې  له يوې څخه تر  ٢٠٠٨ پورې دي مرکز ته  د ولايتونو د تبديلانو  په ګډون   چې تراوسه پورې  الوتنې  ته نه دي  حاضر شوي  خبر ورکول کيږي چې سبا  دچهارشنبې دورځې له  غرمې وروسته په يوه بجه  دعيدګاه په  جامع   جومات کې  حاضر شي او دغه راز دخوست ولايت هغو  حاجيانو ته  چې شميرې  يې له يوې څخه تر ٤٦٥ پورې  دي  خبر ورکول کيږي  چې سبا  دروان  کال د وږي دمياشتې په  ١٩ نيټه دچهارشنبې دورځې په ماريګر په څلورو بجو دعيدګاه په جامع  جومات  کې  حاضر وي  چې واکسين يې تطبيق او دحرمين شريفين په  لور په ټاکلو الوتنو کې تنظيم شي .
دغه راز له حاجيانو څخه غوښتنه کيږي چې خپل نوبت رعايت کړي اوپه  الوتنو کې دبيظمۍ سبب  نه شي  له دې پرته مسووليت به  ددوى په  غاړه وي.
دشيعه حاجيانواودکابل ولايت داړوندو ولسواليو د حاجيانو دسپرلۍ  دالوتکو الوتنې وروسته اعلاميږي .
ديادونې وړ  ده  چې دبدرګه  کوونکي په نامه  دعيدګاه جامع  جومات ته  داشخاصو ننوتل منع دى او دولايتونو حاجيان دې بايد دخپلې پيژندنې کارتونه له  ځان سره ولري او دغه راز  دکابل ښار دناحيو  حاجيان دې له خپلو بانکي آويزونو سره  حاضر شي .

کابل باخترد وږي دمياشتې  ١٨  :
تر اوسه پورې  څه دپاسه  يوولس  زره تنه  افغان حاجيان سعودي عربستان ته ليږدول شوي دي .
له مکې  مکرمې څخه دباختر آژانس  دخبريال  سيدحبيب سادات دخبرله مخې:
دغه  حاجيان دافغان هوايي  شرکتونو  دالوتکو په واسطه  سعودي عربستان ته  ليږدول شوي دي  اوپه هغو  عمارو کې ځاى پرځاى شوي  دي  چې پخوا دافغاني حاجيانو دبعثه له خوا په مکه مکرمه اومدينه منوره کې چمتوشوي دي .
دغه راز تر اوسه پورې په مدينه منوره او مکه مکرمه کې دافغان  حاجيانو دبعثې په  روغتيايي مرکزونو کې نږدې دوه زره تنه افغان  حاجيان معاينه او لازم درمل ورته  ورکړ شوى دى .
له افغانستان  څخه  سعودي عربستان ته دافغان حاجيانو  دليږدونې بهير دوام لري او ټاکل شوې ده  د روان کال دفرضي حج  په مراسمو کې  څلرويشت زره تنه افغان  حاجيان  ګډون وکړي .

کابل باخترد وږي دمياشتې  ١٨  :
دافغانستان دعالمانو دسراسري شورا  نوبتي غونډه نن   دقضاوتپوه مولوي قيام الدين کشاف په مشرۍ دعالمانو دشورا په تالار کې  جوړه شوه.
دباخترآژانس  د خبرله مخې :غونډه دکلام الله مجيد دڅو مبارکو آيتونو په لوستلو سره پيل شوه او وروسته   دعالمانو دسراسري شورا رييس خبرې وکړې  او دافغانستان  دشهيدانو پاک روح  ته يې دعا وکړه .
شورا دشهيد داوونۍ  ددرناوي په ترڅ کې   دشهيدانو د آرمان په تحقق باندې ټينګار وکړ  او د افغانستان له مسلمان  ملت څخه يې وغوښتل چې دخپلو درنو شهيدانو سرښندنې  او ځان تيريدنې هيرې نه کړي اودهغوى دلوړ مقام  درناوى وکړي .
په شورا  کې څرګنده   شوه چې د  شهيدانو  د  مقام ډير   ښه درناوى  به   دهغوى 
د آرمانونو د  تحقق لپاره   هڅه او هاند  وي  چې   هماغه  دمحمدي (ص ) د غرا
شريعت  حاکميت اوپه هېواد کې دسولې ، ثبات ، آرامۍ  او ترقۍ تامينول دي.
په شورا کې  دانتخاباتو قضيې ته اشاره وشوه او دجمهوري رياست له دواړو  نوماندانو څخه و غوښتل شول چې په دغه  ځوريدلي ملت دې له ترحم  او عاطفې څخه کار واخلي  ، خپل اختلافونه دې  دخبرو اومفاهمې له لارې  حل اوفصل کړي  او ډير ژر دې  دملي و حدت   دحکومت په  جوړولو لاس پورې کړي  او له دې زيات دې  زموږ اتل  اومسلمان ملت  ددوى دبرخليک  دټاکنې   په انتظار کې پرې نږدي .
دغه راز شورا دپغمان  دشرمونکې  او زړه بوږنونکې پيښې عاملين په کلکه وغندل   او هغو جنايتکارانو  ته  چې  دابتدائيه  محکمې له خوا په تعزيري ډول  په  سختو مجازاتو محکوم شوي دي .
له پورتنيو محکمو او له  جمهور  رييس  څخه  غوښتنه کوي  چې دابتدائيه محکمې  حکم  تائيد  او دهغه په توشيح او تطبيق کې  دزيانمنو شويو کسانو دزړونو  د رغولو  او دنورو دعبرت سبب شي .
ديوبل  خبرله مخې :دملګرو ملتو دسازمان دسرمنشي ځانګړي استازي يان کوبيش نن دافغانستان دعالمانو دسراسري شورا  له رييس  او ددغې  شورا  له غړو سره  ددغې شورا  دغونډو په تالار کې وکتل .
په پيل کې  دافغانستان دعالمانو دسراسري شورا رييس   دانتخاباتو دنتيجو په باب خپل دريځ  څرګند کړ او ويې ويل ، چې داوسني ډب  او ستونزې دحل کولو يوازينۍ لاره  دملي  وحدت  دحکومت دجوړولو  په باب له ډيل  او ځنډ پرته د دواړو  نوماندانو موافقه ده چې دملت انتظار پاى ته  ورسول شي  او دبحران او ستونزو دپراختيا  مخه ونيول شي .
وروسته  يان  کوبيش   دافغانستان دعالمانو دسراسري شورا غونډې ته  دده  دمنل کيدو له امله قدر داني وکړه  او زياته يې کړه چې ماته  دستر وياړ ځاى  دى چې د درنو عالمانو په خدمت کې يم . زه  له تاسو څخه د لارښونې او سلا مشورو دترلاسه کولو په   خاطر   راغلى  يم .
دغه راز کوبيش دانتخاباتو په موضوع کې دملګروملتو دسازمان دفعاليتونو په   باب  اوږدې  خبرې   وکـــــړې او څرګنده يې کړه   کله  چې  دملګرو ملتوله سازمان څخه  د  انتخاباتو د  ستونزې  د  حل کولو  په باب  غوښتنه وشوه   ما دانتخاباتو د  رايو پاڼو  د  بيا شميرنې  او پلټنې  دبهېر د  کتوونکي په   توګـه تخنيکي همکاري وکـــــړه  او د  جمهوري   رياست   د  دواړو  نوماندانو ترمنځ دسياسي خبرو دپرمخ بيولو په لاره کې مې پر له پسې   او هر اړخيزې هلې ځلې وکړې   چې له  امله يې دواړه  نوماندان دخپلو  اختلافونو حل کولو ته  ډير نږدې شوي دي  او هيله   لرو  چې  ډير  ژر  وروستۍ  موافقې  ته   ورسيږي او   د  ملي  وحدت دحکومت په  جوړولو  بريالي  شي  چې   دغه  حکومت به   د افغانستان دخلکو په خير او مصلحت او د نړيوالې ټولنې  د تائيد او مرستو وړ وي.

کابل باخترد وږي  د مياشتې  ١٨  :
ځينې کابل ښاريان د شهيدانو   دخاطرو درناوى کوي  خو وايي بايد دشهيد په نامه  نورو  ته مزاحمت پيدا نه شي .
خلک وايي ماتم لرونکو دخپلو موټرو دتيلو لګښت دې دشهيدانو له کورنيو  او پالنځيو سره مرسته وکړي  نه په اسراف ډول .
يو تن کابل ښاري ضياوالدين   په آسمايي واټ کې له دغې موضوع سره اړيکې ونيولې او ويې ويل :  خوښ يو چې دشهيدانو او دهغوى دکارنامو يادونه کيږي  خو په واټونو کې   موټر ځغلونه   او نارې سورې  دشهيدانو له درناوي سره اړخ نه لګوي .  ده  له هغو کسانو څخه چې په موټرو سره يې په واټ کې کاروانونه  جوړکړي دي وغوښتل  هغه پيسې چې  دوى  په تيلو لګوي دشهيدانوله  کورنيو سره دې مرسته وکړي. 
خو دپوليسو افسر شکرالله ملي اتل په ټول هېواد پورې اړوند وباله او  ويې ويل  چې احمدشاه مسعود په يو قوم يا يوه ملت پورې  اړه نلري بلکې دافغانستان ملي اتل دى.
ده وويل :  ځينې کسان په موټرو سره   په واټونو کې تګ راتګ   کوي نارې سورې  پورته کوي   که چيرې دوى  غواړي دشهيدانو روح آرامه او ښاده وي   جوماتونو ته دې لاړ  شي او دقرآن  عظيم الشان ختم دې وکړي.
په همدې ترتيب دکابل ښار دده افغانانو  اوسيدونکي  محمد امير ددغې مسلې  له بلې   څنډې سره اړيکې ونيولې او ويې ويل  چې نن سهار دکاکا زوى يې اپندکس شوى و  هغه يې دواټونو دتړلتيا له امله دپوليتخنيک له لارې  دجمهوريت روغتون ته ليږدولى دى .
ده وويل    خلک زياتې ستونزې لري اوبايد دهغوى ستونزې زياتې نه شي .