05 July 2020

RSS Facebook

سوداگریز


تازه خبرونه

 ده دانا نجونو لېسه پرانيستل شوه

ده دانا نجونو لېسه پرانيستل شوه

کابل / د چنګاښ ۱۴ مه/ باختر د کابل ښار په...

لوړ پوړو امنیتي چارواکو  د هیواد پر امنیتي وضعیت خبرې وکړې

لوړ پوړو امنیتي چارواکو د هیواد پر امنیتي وضعیت خبرې وکړې

لوړ پوړو امنیتي چارواکو د هیواد پر امنیتي وضعیت...

Youtube Player

khantry design

سوداگریز

سوداگریز

اجتماعی

کابل \ باختر دچنګاښ دمياشتې ٢٠ :
د کرنې او اوبولګولو وزارت د روژې په مبارکه مياشت کې له اړوکسانو سره د ملاتړ په مقصد په ټول هېوادکې په نږدې ٣٥٠ زرو کورنيو غنم يا پيسې ويشي .
دباخترآژانس د خبرله مخې:
همدا اوس د هېواد په پنځو سيلوګانو او څلورو ولايتونوکې د غنمو سترې زيرمې  او ګودامونه شته چې په ټوليزه توګه ٣٤ زره ٦٨٦ ټنه غنم پکې زيرمه شوي دي. 
د دغه پروګرام له مخې، هره کورنۍ به ١٠٠ کيلوګرامه غنم او يا معادلې پيسې  ترلاسه کړي.
د کرنې او اوبولګولو وزير اسدالله ضمير نن په کابل کې په يوه خبري غونډه کې وويل: د پروګرام په ګټې اخيستوونکوکې دکابل ښار داخلي بېځايه شوي کسان او د روان کال راستانه شوي کسان، بيوزلي ښوونکي، معيوبين، معلولين   او د کورنيو متکفلې کونډې ښځې، د دولتي ادارو د اووم او اتم بستونو مامورين، د کابل ښاروالۍ کارګران، د طبيعي پيښو زيانمن شوي کسان او د حج او اوقافو وزارت بيوزلي کارکوونکي شامل دي او د کابل ښار سوالګر به هم له د غو مرستو څخه ګټه واخلي .
د غنمو د ويش بهير په دوو ډولونو ترسره کيږي.
لومړۍ: څه دپاسه ١٩ زره ټنه غنم په کابل او په هغو نهو ولايتونوکې  په اړو کسانو ويشل کيږي چې د غنمو زيرمې پکې شته.
دويم:  ١٥ زره ټنه نور غنم په آزاد بازارکې د نږې ٢٨٥ مليونو افغانيو په بيه پلورل کيږي او پيسې به يې په هغو ٢٥ نورو ولايتونوکې وويشل شي چې د غنمو زيرمې پکې نشته .
د شفافيت او عدالت د تامينولو په مقصد پيسې به د اړوکسانو په بانکي  حساب تحويلې شي .
په اړو کسانو د غنمو او پيسو د ويش بهير سره له نن څخه پيل شو.

کابل_باختر د چنګاښ د مياشتې ٢٠مه
د افغانستان د اسلامي جمهوریت د جمهور رئیس محمد اشرف غني د خواشینۍ پیغام
د افغانستان د لوی څارنوالۍ د پخواني مرستیال، د اساسي قانون د شورا د غړي او د جمهوري ریاست د پخواني کاندید، عالم، سیاستوال او قومي مشر عبدالهادي خلیلزي په وفات خواشینی شوم.
ارواښاد خلیلزی عالم او حلیم انسان و. له افغانستان او خپلو هېوادوالو سره یې رښتینې مینه او خواخوږي لرله. د خپل ژوند ډېر کلونه یې د افغانانو سوکالۍ او نېکمرغۍ ته ځانګړي کړل. خلک یې تل یو والي او سوله ییز ژوند ته بلل. مړینه یې د هېواد او هېوادوالو لپاره یوه ضایعه ده.
د ارواښاد خلیلزي کورنۍ، خواخوږو او ټولوهېوادوالو ته د ده د مړینې تسلیت وایم، خدای تعالی دې پرې ورحمېږي.#

کابل \ باختر دچنګاښ دمياشتې ٢٠ :
د لوى څارنوالى ادارې د دغې ادارې د پخواني مرستيال د مړينې له امله خواشيني څرګنده کړه.
د لوى څارنوالۍ يوه خبرځاى باختر آژانس ته خبر ورکړ چې ددغې ادارې پخوانى مرستيال حاجي عبدالهادي خليل زى د هغې ناروغۍ له امله چې ور پيښه شوې وه؛ پرون وفات شو  .
ارواښاد خليل زي يوه حقوق پوه او ليکوال شخص بلل کيده.
د لوى څارنوالى مشرتابه هيئت د خپلې خواخوږۍ او ډاډګيرانې مراتب د متوفى کورنۍ، دوستانو او د دغې ادارې کارکوونکو ته څرګند کړي دي او ارواښاد خليل زي ته يې د لوى خداى (ج) له دربارڅخه د فردوس جنت هيله کړې ده.

کابل\باختر\ د چنګاښ د مياشتې٢٠
د هوا پوهنې ادارې په راتلوونکوڅلور ويشتو ساعتوکې د هيواد د ځينو سيمو د
هوا حالات د سانتي ګراد په حساب په دې ډول اټکل کړي دي :
کابل- آسمان وريځ، د تودوخې لوړه درجه ٣٥، ټيټه٢٠
شمالي سالنګ- آسمان شين ، د تودوخې لوړه درجه١٤، ټيټه ٤
جنوبي سالنګ- آسمان شين ، دتودوخې لوړه درجه١٨،ټيټه ١٠
قندهار- آسمان شين، د تودوخې لوړه درجه ٤٠، ټيټه ٢٤
باميان- آسمان وريځ اواورښت، دتودوخې لوړه درجه ٢٨، ټيټه ١١
هرات- آسمان شين، د تودوخې لوړه درجه ٤٠، ټيټه ٢٥
فراه- آسمان شين، د تودوخې لوړه درجه ٤٠، ټيټه ٢٧
مزارشريف- آسمان شين ، د تودوخې لوړه درجه  ٣٩، ټيټه ٢٥
کندز- آسمان شين ، د تودوخې  لوړه درجه ٤٢، ټيټه ٢٥
جلال آباد- آسمان وريځ او اورښت، د تودوخې لوړه درجه ٤٠، ټيټه٣٠
غزني- آسمان وريځ او اورښت ، د تودوخې لوړه درجه ٣١، ټيټه ١٥
لښکرګاه- آسمان شين ، د تودوخې لوړه درجه ٣٨، ټيټه ٢٦
خوست- آسمان وريځ او اورښت، د تودوخې لوړه درجه، ٣٦ ټيټه ٢٦
جبل سراج- آسمان شين، د تودوخې لوړه درجه ٢٦ ، ټيټه ٢٠
ميمنه- آسمان شين ، د تودوخې لوړه درجه ٣٧، ټيټه٢١
شبرغان –  آسمان شين ، د تودوخې لوړه درجه ٣٩، ټيټه ٢٤
فيض آباد- آسمان شين، د تودوخې لوړه درجه ٣٥، ټيټه ١٨
په کابل کې به سبا لمر په ٤ بجواو٤٩ دقيقو وخيږي او د مازيګر په ٧ بجو او   ٧دقيقوبه ولويږي.