11 July 2020

RSS Facebook

سوداگریز


تازه خبرونه

د کانونو په سکتور کې ولسي مشارکت ته زمینه برابرېږي

د کانونو په سکتور کې ولسي مشارکت ته زمینه برابرېږي

کابل/ د چنګاښ ۱۹مه/ باختر د ۳۴ ولایتونو له والیانو او...

په حکومتولۍ کې د ښځو ونډه

کابل / د چنګاښ ٢٠ مه / باختر په دغو وروستیو...

Youtube Player

khantry design

سوداگریز

سوداگریز

اجتماعی

کابل باختردچنګاښ دمياشتې ٢٦ :
ښار آرامه و خلک  ورو  ورو چمتو کيدل چې اختر ونمانځي . نور د سوالګرو کتارونه  د ښار په واټونو کې نه ليدل کيدل او د نور دپلورونکو او پيرودونکو جنجال نه و.  نور دپلورونکو ګران پلورنه  او خپل سري  په موقت ډول له منځه تللي وه،  خوځينې  څيزونه شته چې بايد ورباندې فکر وکړو.
د فروشګاه او د پل باغ  عمومي  هغه ساحې  او واټونو چې د اختر په خاطر دلاس
پلورونکو کوربه وې  له کثافاتو او پلاستيکونو څخه ډک دي . پلورونکو  خپل  ټول هغه  اضافي څيزونه په واټونو کې خوشې  کړي   و او  تللي وو.
يوه لاروي  وويل بايد دغو پلورونکو خپل  اضافي توکي دغه شان  په واټونو کې نه واى اچولى .
يو بل ښاري وويل   :  وايي  زموږ ښار زموږ کور دى .
ددريم مکروريان په نوي قير شوي سړک کې کثافات ډير اچول شوي و  . يوتن وويل پرون دکثافاتو دليږدونې وسايط  نه و راغلي .  دميرويس ميدان  څلور لاري   اوپه دغه سيمه کې  دسترو پلورنځيو شاوخوا سيمې  دفروشګاه او پل باغ عمومي له بازارونو څخه په بد حال کې وو. خو د بيرته راستنيدو په وخت کې  دښاروالۍ  موظفين  واټونو ته راوتلي وو تر څو هغه  کثافات چې   لاس پلورونکو اچولي و راټول کړي.  په هرصورت  کله چې وايو  زموږ ښار زموږ  کور دى د هغه پاکولو ته بايد پاملرنه وکړو .
يو تن ښاري وويل : کله چې هغوى ته  په واټونو کې د پلورنې  اجازه ورکړ شوې وه  هغوى ته ويل شوي و چې د بازار له پاى ته رسيدو وروسته  واټونه  پاک کړي  خو لاس پلورونکو  ښه  ونه کړل.

کابل باختر دچنګاښ دمياشتې  ٢٦ :
کابل ښاريانو د الله (ج) دعباداتو او دطاعاتو  دمياشتې له پاى ته رسيدو  وروسته  نن سهار  په هېواد کې  دسراسري سولې  د تامينولو   او دجګړې  دپاى ته رسيدو په  هيله  جامع جوماتونو ته مخه وکړه  چې  دنيکمرغه کوچني اختر لمونځ ادا کړي.
دباخترآژانس  خبريالانو   خبر راکړ :  کابل ښاريانو په اخلاص  او صداقت  سره دروژې  دمبارکې مياشتې  ورځې  له موجودو ستونزو سره سره تيرې کړې  او نن سهار دنيکمرغه کوچني اختر دلمانځه   د ادا کولو په مقصد جوماتونو ته لاړل  چې دالله (ج)  دربار ته دد عا لاسونه پورته کړي  او دهېواد دځوريدلو خلکو  دنيکمرغي او سوکالي هيله  وکړي.
يو تن کابل ښاري محمدعلم  چې دنيکمرغه   کوچني اختر دلمانځه د اداکولو په نيت دعبدالرحمن  جامع جومات ته راغلى و  وويل ؛ دافغانستان دټولو خلکو يوازينې هيله سوله  ده . زه هم دنيکمرغه کوچني  اختر دلمانځه له ادا کولو  وروسته لاسونه د الله  (ج) دربارته پورته کوم او دافغانستان خلکو او مسلمه امت ته دسولې هيله کوم.
سيدمحمد چې  دنيکمرغه  کوچني اختر لمونځ  يې دآقاعلي شمس په جامع جومات کې  دا کړى و ، وويل :  دافغانستان دخلکو يوازينې بدبختي  جګړه ده  هغه جګړه چې دغرض دخاوند انو له خوا په هېواد کې پيل شوې ده.
اوس د هېواد په خلکو پورې اړه لري  چې  له دغې بدبختۍ څخه  د ژغورنې لاره  په
څه کې ده .
د ده د څرګندونوله مخې :  دولت سوله اعلام کړې ده  او چمتو دى چې له مخالفينو سره په هرځاى کې  چې وې دسولې په باب خبرې وکړي. مخالفين دې هم بايد پوه شي چې دبيګناه خلکو له وژلو څخه څه نه ترلاسه   کوي.
دهېواد له ويجاړولو څخه هغوى ته څه نه رسيږي  ، غوره لاره دسولې لاره ده  هغه
سوله چې الله (ج ) مومنانو ته روا کړې ده .
يوبل غمجن او  حيران ښاري وويل  :  په جګړه کې  مې چې نه پوهيږم څه وخت پاى ته رسيږي خپل  بچيان  له لاسه ورکړل . زما په شان په لسګونو نورې څه  موافقې او مخالفې  کورنۍ  خپل عزيزان يې له لاسه ورکړي دي  . نو  ولې په عقل نه   راځو  خپل ورور  و ژنو ، خپل هېواد ويجاړو.
په همدې ترتيب  دجوماتونو واعظانو او ملا امامانو هم دسولې او روغې جوړې  اودهغه داخروي  اجر په باب هر اړخيزې خبرې وکړې .
ټولو ښاريانو يوازې  دسولې  غوښتنه کوله  اودهغوى هيله سوله   او له  اوږدې جګړې څخه د هېواد خلاصون و  چې دغه ملت ته يې  بيوزلي ، بدبختي، مهاجرت ، بيځايه کيدل  او  وژنه  رامنځته کړې ده.
ټولو ويناوالو له دولت  او مخالفينو څخه غوښتنه  کوله  چې د سولې او د هېواد دژغورنې په خاطر دې  هلې ځلې  وکړي.

کابل باختر دچنګاښ پنځه ويشتمه :

دسعودي عربستان ملکي ديوان څو شيبې مخکې اعلام وکړ چې سبا دچنګاښ دمياشتې شپږ ويشتمه دجمعې ورځ  دنيکمرغه  کوچني اختر لومړي ورځ او دشوال دمياشتې لومړي نيټه ده .

ديادونې وړ ده چې دافغانستان په ګډون دنړۍ زياتره هيوادونه د روژې او داخترونو په ګډون دمذهبي ورځو په باره کې دسعودي عربستان دمقاماتو دتصميمونو  او اعلام پيروي کوي .

باختراژانس دنيکمرغه کوچني اختر درارسيدو له امله خپلو ټولو مينه والو ته مبارکي وايي .
 

کابل باختر دچنګاښ پنځه ويشتمه :
په هرات ولايت کې په يوه  ترافيکي پيښه کې يوه کوچني  نجلۍ ووژل شوه .
دهرات ښاردمرکزي روغتون اداري مديراو وياند محمدرفيق شيرزي دباختراژانس خبريال ته وويل دغه نجلۍ  په انجيل ولسوالۍ کې له يوه ګړندي موټر  سره دټکر له امله ووژل شو ه .
  شيرزي وويل چې په تيرو څلورو ويشتو ساعتوکې په دغه ولايت کې دترافيکي پيښو له امله شل تنه نور ټپيان شوي دي چې دڅلورو تنو روغتيايي حالت ښه نه دى.
  ده وويل چې همدااوس  ددغو پيښو ټپيان تر درملنې لاندې دي .
دغه راز دسرحدي  پوليسو  يو منسوب هم تيره شپه په هرات ښار کې ترور شوى دى .  دغه سړى  دتيرې شپې دلسو بجو په شاوخوا کې ديوولسم غونډ په ساحه کې دناپيژاندو کسانو له خوا په ډزو سره شهيد کړى شو چې مړي يې دتيرې شپې په لسو  بجو اوديرشو دقيقو روغتون ته وليږدول شو .
  سره له دې چې تراوسه پورې ددغې پيښې علتونه نه دي مشخص  شوي خو امنيتي ځواکونو دپيښې دعاملينو دپيژندنې او نيولو په مقصد دخاصو تدبيرونو خبر ورکړ .