18 August 2019

RSS Facebook

سوداگریز


تازه خبرونه

په لوګر کې د طالبانو د ولسوال وژل کېدل

په لوګر کې د طالبانو د ولسوال وژل کېدل

کابل \باختر\ د زمري ٢٧ مه د لوګر د پل علم...

په تخار کې دوه کسان د نشه يي توکو د قاچاقو په تور ونيول شول

په تخار کې دوه کسان د نشه يي توکو د قاچاقو په تور ونيول شول

کابل \باختر\ د زمري ٢٧مه د تخار د ملي امنيت د...

 په فارياب کې د ١٧ وسله والو طالبانو وژل کېدل

په فارياب کې د ١٧ وسله والو طالبانو وژل کېدل

کابل \باختر\ د زمري ٢٧مه د دوو ازبکستانيو اتباعو په ګډون...

Youtube Player

khantry design

سوداگریز

سوداگریز

اجتماعی

کابل باختر دکب دمياشتې ٩  :
د ننګرهار ولايت د مرکز جلال آباد  ښار په   يو هوټل کې د  ګازو دبالون د  چاودنې له امله يو تن ووژل شو او اووه تنه نور ټپيان شول.
دغه پيښه نن سهار دجلال آباد ښار په سالار هوټل کې هغه وخت  وشوه چې ددغه هوټل دپخلنځي د ګازو  بالون  وچاوديد.
دننګرهار دپوليسو ويندوى حضرت  حسين مشرقي وال باخترآژانس ته وويل :  په دې چاودنه کې ددغو هوټل  يو تن کارکوونکى ووژل شو او اووه تنه  نور ټپيان شول.
ده  ددغې  پيښې په باب دپوليسو دڅيړنې خبر ورکړ  او   ويې   ويل  امکان لري دهوټل دکارکوونکو دبي احتياطي زيږنده ده  په هوټل کې داور لګيدني سبب هم شوي وي .
زموږ خبريال ګلستان غالب  د جلال آباد له ښار څخه خبر راکړ د اور وژنې عمله بريالۍ شوه چې  اور  مړ کړي.
د سالار د هوټل خاوند وايي چې دچاودنې او اور لګيدنې له امله  پنځه سوه  زره افغانۍ ده  ته زيان رسيدلى دى.
د  جلال   آباد  ښار   د روغتون   ډاکترانو د دوو تنو ټپيانو روغتيايي حالت خراب
بللى دى.

کابل_باختر د کب دمياشتې ٨ مه:
د افغانستان د اسلامي جمهوریت د جمهوررییس حامد کرزي د خواشینۍ او ډاډګیرنې پیغام!
په ډیرې خواشینۍ سره خبرشوم چې دافغانستان د معارف یو پخوانی خدمتګارعبدالمحمد مموزی د ورپیښې ناروغۍ له امله له دې فاني نړۍ څخه سترګې پټې کړې دي.
انا لله وانا الیه راجعون
ارواښاد مموزی له لوړوتحصیلاتو وروسته د هیواد په معارف کې په خدمت بوخت و. د جهاد په دوران کې له مجاهدینو سره ولاړو او خپل ژوند یې د خلکو د سوکالۍ په لاره کې خدمت ته وقف کړی و، مړینه یې یوه ضایعه ده.
د خپلې خوا خوږۍ او ډاډګیرنې مراتب د ده کورنۍ ، دوستانو او د میدان  وردګو ولایت خلکو ته وړاندې کوم.الله تعالی دې دى وبخښي او کورنۍ ته دې یې جمیل صبر په نصیب شي.#

کابل باخترد کب اتمه :
په بدخشان ولايت کې د خياطانو په يو بازارکې د اور لګيدنې له امله زيات مالي تاوان واوښت.
دغه اور لګيدنه د تيرې شپې د اته نيمو بجو په شاوخوا کې د فيض آباد د زاړه ښار د خياطانوپه بازارکې لومړى له يوه دوکان څخه پيل شو او څوشيبې وروسته څو نورو دوکانونو ته خپره شوه.
دبدخشان ولايت د اور وژنې مسوول عبدالجبار دباخترآژانس خبريال ته وويل چې په دې اور لګيدنه کې د خياطۍ څه ناڅه دولس دوکانونه سوځيدلي دي.
دترلاسه شويو ارقامو له مخې په دي پيښه کې ددوکانونوخاوندانوتهدنږدي يومليون افغانيوتاوان اوښتى دى .
تراوسه پورې  داور لګيدنې  انګيزه  معلومه نه ده .
  امنيتي مامورينو ددغې پيښے  دانګيزې دروښانولو لپاره څيړنې پيل کړي دي .
دبدخشان دزاړهښار دخياطې دبازاريو دوکاندار  محمد اکبر وايي چېپه دي پيښه کې ده اومشتراينو ته يې څه ناڅه دوه سوه زره افغانۍ تاوان اوښتى دى .
په وروستيو پنځوکلونوکې دا څلورم ځل دى چې دبدخشان ولايت دمرکز فيض آباد د زاړه ښار د خياطۍ په بازارکې اور لګيږي .
په دغواور لګيدنوکې په دغه بازارکې د دوکانونو خاوندانو ته د مليونونو افغانيو تاوان اوښتى دى.
په تيرووختونوکې د ګازو د ډبې چاودنه او د بريښنا شارتى ددغو اورلګيدنواصلي انګيزې بلل شوې وې.

کابل باخترد کب اتمه :
کابل ښاريان له اړوندو دولتي اداروڅخه غواړي چې په دغه ښارکې د هوا د ککړتيا د ستونزې دلرې کولو لپاره دې زياته پاملرنه وکړي.
ځينې ښاريان ادعا کوي چې د هوا دککړتيا کچه په جدي توګه لوړه شوې ده چې آن په دغه ښارکې د ژوندانه ساحه يې تنګه کړې ده؛ خو مسوولين په چوپتيا سره ددغه حالت ننداره کوي او د دغې ستونزې د لرې کولو په برخه کې هيڅ راز عملي تدبير نه نيسي .
له بلې خوا د طب ډاکتران هم دکابل ښار د هوا د ککړتيا دغه حالت د ښاريانو د روغتيا او سلامتيا لپاره خطرناک بولي اوخبر دارى ورکوي: که چيرې د کابل ښار د هوا دککړتيا د ستونزې د لرې کولو لپاره تدبيرونه  ونه نيول شي اوعملي نه شي؛ د ښاريانو د سلامتيا لپاره به زيات زيانونه رامنځته کړي.
په کابل ښارکې يوه ګرځنډه پلورونکي ابراهيم د باخترآژانس خبريال ته وويل: له دووکلونوراپديخوا دښار په بېلابېلوساحوکې دخپلې کورنۍ د نفقې د پيداکولو لپاره کارکوم او سره له دې چې په نشه يي توکو روږدى نه يم؛ خو د شپې له خوا ټوخېږم او فکر کوم چې د سږو په ناروغۍ اخته واوسم.
دکابل د طبي پوهنتون استاد پروفيسر ډاکترنجيب الله امرخيل وايي چې په ناروغيو په تېره بيا د سالندي په ناروغۍ د خلکو د اخته کيدومهم عامل دکابل ښار د هوا ککړتيا ده .
ده وويل: دليږدونکو وسايطو لوګۍ چې بې کيفته تيل کاروي؛ د ښاريانو روغتيا ته زيات خطرونه پيداکوي .
پروفيسر ډاکتر عبدالودود باجوړي هم په دې باب څرګنده کړه چې د ژوندانه د چاپيريال ککړتيا د ډول ډول ناروغيو سبب کيږي او د ژمي په موسم کې چې زياتره خلک په خپلوکورونوکې دتودولولپاره لوګۍ توليدونکي سوند موادکاروي؛ په ښارکې دغه ستونزه لاپسې زياته کړې ده.
په همدې حال کې د ژوندانه د چاپيريال ساتنې د ملي ادارې د دفتر رييس عزت الله صديقي هم هم تاييد کړه چې په کابل ښار کې د هوا دککړتيا کچه لوړه شوې ده.
ده  د وګړو دشمير زياتوالى، دخامه واټونو شتون او دليږدونکو وسايطو زياتوالى او هم د بې کيفته تيلو شتون دکابل ښار د هوا دککړتيا دکچې دلوړوالي عوامل وبلل .
ده وويل: اړونده اداره د هوا دککړتيادکچې دکمښت په لاره کې هڅه او هاندکوي خو په دې لاره کې يې دخلکو او دولتي ادارو په همکارۍ باندې هم ټينګار وکړ.