14 October 2019

RSS Facebook

سوداگریز


تازه خبرونه

تبصره

تبصره

کابل / دتلې ٢١مه /باختر: مقننه قوه ياملي شورا په هېواد...

د قانون له جوړولو د قانون تر پلي کولو

د قانون له جوړولو د قانون تر پلي کولو

کابل/ د تلې ۲۱مه / باختر له بده مرغه په افغانستان...

 دپېښو دخطرونو  دکمښت نړيواله ورځ په جوزجان کې ونمانځل شوه .

دپېښو دخطرونو دکمښت نړيواله ورځ په جوزجان کې ونمانځل شوه .

کابل / دتلې ٢١مه /باختر: دپېښو دخطرونو دکمښت نړيواله ورځ نن...

Youtube Player

khantry design

سوداگریز

سوداگریز

اجتماعی

کابل باختر د غبرګولي پنځمه :
دبغلان ولايت دولتي چارواکو ، ستاسو خبرې نه اوريدل کيږي ستاسو حکم نه عملي کيږي نوتاسي څوک ياست ؟  دلته څه کوي .
داهغه  نوي خطابه ده چې دمتحصنو کارګرانو له خوا په پخوا نيو شعارونو سربيره  ليکل شوي او په خپلو خيموکې يې زړولى دى .
دبغلان له ولايت څخه دباختراژانس دخبريال دخبر له مخې، دپلخمري دافغان نساجي کارګرانو دهغو زبر ځواکو له خوا چې له هغو دولتي چارواکو سره تړلتيا لري او په  خپله  دقانون اجرا کوونکي  دي دنساجي په دستګاه کې داستوګنې دخپلو کورونو دغصب  پرخلاف داعتراض په توګه له څوارلسو  ورځو راپديخوا دبغلان ولايت دمقام دودانۍ په وړاندې دتحصن  دخيمو په درولو سره په تحصن لاس پورې کړي دي خو له دغه تحصن څخه دڅوارلسو ورځو په تيريدو سره کوم غبرګون نه دى ښودل شوى او دولايت دولتي چارواکي  له دوى سره داسې چلند کوي چې ګڼې دوى دتفريح لپاره خيمې درولي دي .
يوله دغو کارګرانو څخه عبدالواسع  ددوى غوښتونوته دبغلان دوالي او دنورو دولتي چارواکو دنه پاملرنې له امله دخواشينۍ په څرګندولو سره خبر داري ورکوي  که چيرې ددوى ستونزو ته پاملرنه ونه شي او حل نه شي په جدي اقداماتو به لاس پورې کړي .
دباختراژانس  سيمه ئيز خبريال وايي ومي غوښتل چې په دې باب دبغلان دوالي نظرله ځان سره ولرم خو په دې کار بريالى نه شوم خو دولايت دمقام يوبل مسوول چې ويې نه غوښتل نوم يې واخستل  شي دکارګرانو اعتصاب  په حقه وباله او دغه پيښه يې دبغلان دوالي دبې کفايتي او داداري فساد زيږنده وبلله .

کابل\باختر\د غبرګولي  د مياشتې٥:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړي دي :
کابل- آسمان ځاى ځاى وريځ ، د تودوخې لوړه درجه ٢٨ ټيټه  ١٠
مزارشريف- آسمان ځاى ځاى وريځ، د تودوخې لوړه  ٣٦، ټيټه ١٩
لښکرګاه- آسمان شين، د تودوخې لوړه درجه ٣٦، ټيټه ١٨
شمالي سالنګ-آسمان ځاى ځاى وريځ، دتودوخې لوړه درجه ٩ټيټه  ١-
جنوبي سالنګ- آسمان ځاى ځاى وريځ، دتودوخې لوړه درجه ١٢ ټيټه ٥
جلال آباد- آسمان ځاى ځاى وريځ ، د تودوخې لوړه درجه ٣٨، ټيټه ٢٣
جبل سراج- آسمان ځاى ځاى وريځ، د تودوخې لوړه درجه ٢٧ ټيټه ١٣
شبرغان – آسمان ، ځاى ځاى وريځ د تودوخې لوړه درجه ٣٤، ټيټه ١٨
باميان- آسمان ځاى ځاى وريځ، دتودوخې لوړه درجه ٢١، ټيټه ٧
فيض آباد-آسمان وريځ، داورښت امکان شته، د تودوخې لوړه درجه ٢٧ ټيټه ١٣
ميمنه- آسمان ځاى ځاى وريځ ،د تودوخې لوړه درجه  ٣٠ ، ټيټه ١٥
قندهار- آسما ن شين، د تودوخې لوړه ٣٥، ټيټه ٢٠
کندز- آسمان شين، د تودوخې  لوړه درجه ٣٤، ټيټه ٢٠
غزني- آسمان ځاى ځاى وريځ ، د تودوخې لوړه درجه ٢٢  ټيټه ٨
فراه- آسمان شين ، د تودوخې لوړه درجه ٢٥ ټيټه ٩
خوست- آسمان وريځ،  د تودوخې لوړه درجه ٣٦، ټيټه ٢٠
هرات- آسمان شين ، د تودوخې لوړه درجه ٢٤، ټيټه ٨
په کابل کې به سبا لمرپه ٤ بجو او ٣٩ دقيقو وخيژي او د مازيګر په ٦بجو او ٥٨ دقيقو ولويږي. 

کابل – باختر د غبرګولې دمياشتې ٤
دکابل د صنعتکارانو ټولنې نن په صنعتي پارکونوکې په فعاليت پيل وکړ.
دباختر آژانس دخبريال دخبر له مخې: په هغې غونډه کې چې له همدې امله جوړه شوې وه؛ دکابل د صنعتکارانو د ټولنې رييس عبدالکريم عارفي وويل: په دې ټولنه کې ١٥٠ فابريکې غړيتوب لري چې څه د پاسه يو زرو دوه سوه تنه پکې په کاربوخت دي .
ده زياته کړه: زموږ مهمې ستونزې د بريښنا او د ځمکې کمښت او د روغتيايي کلينيک نشتوالى دي او له دولت څخه غواړو چې د دغو ستونزو په لرې کولوکې له موږ سره مرسته وکړي.
وروسته د سوداګرۍ او صنايعو وزارت معين متصل کومکي وويل: دغه وزارت تل د صنعتکارانو په خدمت کې دى او په همدې مقصد ستاسو د ستونزو د لرې کولو په خاطر په هيوادکې د صنايعو پاليسي تصويب شوې ده.
دغه راز د آيسا رييس وفي الله افتخار په خپلو خبروکې وويل: همدا اوس موږ په هيوادکې د اوولسو قلمو د توليد له پلوه په خپلو پښو دريدلي يو او هلې ځلې کوو چې هيواد ته له بهرنيو هيوادونو څخه د ورته مالونو د واردولو مخه ونيسو چې په همدې مقصد د توليدي مالونو ماليه چې له بهر څخه وارديږي؛ لوړه شوې ده.
په دې غونډه کې دبريښنا شرکت عملياتي مرستيال ژمنه وکړه چې په دې ساحه کې د بريښنا دکمښت ستونزه لرې کوي.

کابل – باختر د غبرګولې دمياشتې ٤
د پنجشير سيند د اوبو د څپانده کيدو له امله تېره شپه څو کورنۍ بې کوره او د دوى څه ناڅه شپيته څاروي له منځه تللي دي.
زيانمن شوي هغه کوچيان دي چې د دغه سيند په دواړو غاړوکې ميشت دي. دپنجشير ولايت له طبيعي پيښو سره د مبارزې رييس حشمت الله بخشي د باختر آژانس خبريال ته وويل: د سيند د اوبو د څپانده کيدو له امله ددغه سيند په دواړو غاړو کې اوسيدونکو او د رخې ولسوالۍ ځينو سيمو ته زيانونه اوښتي دي او د دوى څه د پاسه شپيته څاروي له منځه تللي دي .
بخشي زياته کړه: دغه مصيبت ځپلي د څښاک اوبو، خوراکي توکو او کورونو ته اړتيا لري چې په دغو کورنيو يې يوه اندازه خوراکي توکي ، خيمې او شړي ويشلي دي .
اوس د زيانمنو شويو سيمو بې ځايه شوې کورنۍ لوړو سيمو ته ليږدول شوې دي.