22 August 2019

RSS Facebook

سوداگریز


تازه خبرونه

جمهور ريیس غني د احمد وفي امین او عبدالرحمن عطاش کارونه وستایل

جمهور ريیس غني د احمد وفي امین او عبدالرحمن عطاش کارونه وستایل

کابل\ باختر \ د زمري ٣١ مه د افغانستان د اسلامي...

 په روزګان کې د شلو وسله والو طالبانو وژل کېدل

په روزګان کې د شلو وسله والو طالبانو وژل کېدل

کابل / باختر/ د زمري ٣١ مه شل وسله وال طالبان...

Youtube Player

khantry design

سوداگریز

سوداگریز

اجتماعی

کابل باختر دکب څوارلسمه :
د ښځې د نړيوالې ورځې له امله د افغانستان د اسلامي جمهوريت د ملي شورا د مشرانوجرګې د مبارکى پيغام !
دملي شورا د مشرانوجرګه د ښځې د نړيوالې ورځې په مناسبت د ډيرو ښومبارکيو مراتب د افغانستان او د نړۍ ټولوښځو ته وړاندې کوي او دلوى خداى ( ج ) له دربار څخه هغوى ته د برياليتوب اونيکمرغۍ هيله کوي .
دملي شورا دمشرانوجرګه دښځې شتون الهي خلقت او دبشري ټولنې دواحد بنسټ بشپړونکي بولي او بارو لري چې د ځمکې پرمخ هر راز پرمختګ، ترقۍ او د بشري ژوندانه دوام د ګرانو ميندو او ښځو له شتون، رول او ونډې اخستنې پرته ناشونې دى.
د مشرانوجرګه د اسلامي ارشاداتو، اساسي قانون او د هيواد د مدنې قانون په رڼا کې ځان مکلف بولي چې د ښځو دټولنيزو، سياسي اوفرهنګي حقوقو دتامينولو په لاره کې د تصميم نيولوپه وخت کې له هيڅ راز هڅو اوهاندڅخه ډډه نه کوي اوهر راز تاوتريخوالى او ناوړه چلند چې له بده مرغه دهيواد په ګوټ ګوټ کې د ښځو په وړاندې ترسره کيږي؛ هغه د ملي، اسلامي او اخلاقي ارزښتونو پرخلاف بولي اوغندي يې.
ګرانو خويندو او ميندو!
په داسې شرايطوکې چې نړۍ په بيړه دترقۍ اوپرمختګ تګلوري ته برابره شوې ده؛  دې ته اړتيا ده چې افغان ښځې په مطلوب ډول د خپلوګرانو بچيانو په روزنې او پالنې سربېره په خپله په لازيات خوځښت او اغيزمنتوب سره د هيواد د بياجوړولو په بهيرکې اساسي رول ولوبوي او په وړتيا اودکاري ظرفيت په لوړولو او په عمومي انتخاباتوکې په ونډې اخستنې سره په ټولنه او دولتي اداروکې لوړ اوښه دريځ غوره کړي .
دمشرانوجرګه يوځل بيا ددغې ځانګړې ورځې درارسيدوله امله ټولو ګرانو خويندو ته مبارکي وايي او په ټولنه کې د هغوى دټولومدني اوبشري حقوقو دتامينولو غوښتنه کوي.

کابل باختر دکب څوارلسمه :
د بريښنا موسسې خبرتيا!
د هغې تخنيکي نيمګړتيا د لرې کولوپه نسبت چې له ازبکستان څخه کابل ته د بريښنا انرژۍ د ليږدونې په يو مزى کې رامنځته شوې ده؛ ټاکل شوې ده چې سبا د روان کال دکب د مياشتې په پنځلسمه نيټه د پنجشنبې د ورځې د سهار له اتو بجوڅخه د مازيګر تر پنځو بجو پورې دکابل ځينې سيمې د بريښنا انرژۍ ونه لري. کابل ښاريان دې خبر وي.

کابل باختر دکب څوارلسمه:
د اطلاعاتو او فرهنګ وزير ډاکترسيدمخدوم رهين پرون د ښځې د نړيوالې ورځې د نمانځنې په مراسموکې وينا وکړه او د دغې ورځې له امله يې د هيواد ټولو ښځو ته مبارکي وويله .
په دغومراسموکې چې يو شمېرښځو، په پارلمان کې د خلکو استازو، د ښځو د چارو وزارت استازي او د اطلاعاتو اوفرهنګ وزارت رييسانو ګډون کړى و؛ د اطلاعاتواو فرهنګ وزير ډاکتر سيدمخدوم رهين دټولنې په بېلابېلو برخوکې د ښځو دکارنده رول په اړوند خبرې وکړې او د مور ، خور ، ميرمنې او لور په توګه يې د ښځې د شتون يادونه وکړه او ويې ويل: له بده مرغه چې زموږ په ټولنه کې لا تراوسه پورې د ښځو پرخلاف ډول ډول تاوتريخوالى شتون لري؛ نه يواځې بدني تاوتريخوالى بلکې سپکاوى، تحقير، د زده کړې له حق څخه بې برخې کول او نور رواني تاوتريخوالي.
د اطلاعلاتو اوفرهنګ وزير زياته کړه چې خپل حق ته د رسيدو په خاطر بايد پرله پسې مبارزه وکړو. د مطبوعاتو او د جوماتونو د منبرونو او د نورو امکاناتوپه وسيله د تبليغاتو له لارې تر څو وکولاى شو هغه څه چې له تيرو وختونو څخه زموږ په فرهنګ کې رسوب کړي دي او يا د جګړې دکلنو د عصبي او روحي ګوزارونو زيږنده دي؛ له مخه يوسو.
ډاکتر رهين له يوشمېرميرمنو څخه ګله وکړه چې خپل ميړونه او پلرونه له هيواد څخه وتلو او په بهرکې ژوندانه ته هڅوي. په داسې حال کې چې دغه هيواد په اوس وخت کې زموږ هروګړي ته احتياج لري.
ډاکتر رهين زياته کړه چې په افغانستان کې څه د پاسه ديرش کاله د جګړې شرايط و او زموږخلک له لسګونو ستونزو په تېره بيا له اقتصادي ستونزو سره لاس او ګريوان دي او له ميرمنوڅخه يې هم وغوښتل چې په زغم او حوصلې سره له خپلوکورنيو په تېره بيا له خپلوميړونو سره د ژوندانه په لاره کې د سفر رښتيني  ملګري وي اوله داسې خواهشاتو څخه چې د دوى له اقتصادي توان څخه بهر دي؛ ډډه وکړي او دغه راز ښځې يې د ستاينې او درناوي وړ وبللې.
دغه راز په دې غونډه کې د مشرانوجرګې د ښځو د کميسيون رييسې صديقې عالمي بلخې په بېلابېلوبرخوکې په ټولنه کې د ښځو د رول په باب معلومات  وړاندې کړل او ويې ويل چې په نړۍ کې ښځو ډير ستر ميړني شخصيتونه ټولنې ته وړاندې کړي دي.
په دغومراسموکې د ښځو د چارو وزارت د جندر سلاکارې د ښځو د چارو د وزيرې پيغام ولوست چې په يوه برخه کې يې د ښځو د يو لړ ستونزو او د هغوى د برياليتوبونو اوبدلونونو د بيانولوپه ترڅ کې له هغوى څخه غوښتل شوي دي چې په را روانوانتخاباتوکې ونډه واخلي او د خپلې راى له حق څخه دې استفاده وکړي.
دغه راز د اطلاعاتو اوفرهنګ وزارت د جندر آمرې محبوبې سعادت هم په هيواد کې د ښځو د لارې پرسر د پرتو خنډونو په اړوند معلومات  ورکړل او ويې ويل چې د ښځې د ورځې د نمانځنې هدف د ښځې دلوړ مقام درناوى دى او د مارچ اتمه د ټولې نړۍ د ښځو د نړيوال پيوستون او اتحاد ورځ ،د آزادۍ،  برابرۍ سولې او دموکراسۍ په لاره کې د مبارزې لپاره ده. 
وروسته د اطلاعاتو اوفرهنګ وزارت مالي او اداري رييس ظاهرحسن هم د اسلام د مبين دين له پلوه په ټولنه او کورنۍ کې د ښځې د ارزښت په اړوند معلومات ورکړل او ويې ويل چې د لوى خداى ( ج ) په وړاندې د ښځې او نارينه توپير د دوى په تقواکې دى.
د هيواد محبوب شاعر عزيز آسوده هم يو شعر چې د ښځې د نړيوالې ورځې په مناسبت يې برابر کړى و؛ ولوست .
دغونډې په پاى کې د اطلاعاتو اوفرهنګ وزارت د موسيقى د رياست سندرغاړو هم د مارچ د اتمې په مناسبت  کنسرت ورکړ.

کابل – باختر دکب دمياشتې ١٣
د افغانستان داسلامي جمهوريت د جمهور رييس حامد کرزي د  ډاډګيرنې او خواخوږۍ  پيغام.
په  ژورې خواشينۍ سره   مې خبر ترلاسه کړ چې   زموږ په هيواد کې د کرنې يوستر استاد او يوه  پوهاند ډاکتر  سيداميرشاه حسن يار د هغې ناروغۍ له امله ورپيښه شوې  وه وفات   شوى دى .
اروښاد پوهاند ډاکترسيداميرشاه حسن يار زموږ په  هيواد کې يو تکړه استاد او د  کرنې او   د ژوندانه   د  چاپيريال ساتنې د علومو  يو مشهور څيړونکى    و   کلونه کلونه يې دکابل پوهنتون د  کرنې په پوهنځي کې لوست ورکړ يو  وخت د پوهنتون رييس و  او  يوه  موده   هم  د لوړوزده کړو وزير   و . د ده خدمتونه دقدر وړ او مړينه يې ضايعه ده .
دخپلې خواخوږۍ او  ډاډګيرنې مراتب د اروښاد دکورنۍ  او دوستانو  د  باميانو ولايت خلکو او د لوړو زدکړو وزارت   پوهنتون منسوبينو ته وړاندې کوم  او د لوى خداى  ( ج )  له دربار څخه   متوفى ته  د  مغفرت او پاتې کسانو ته يې د جميل صبر هيله  کوم.