11 November 2019

RSS Facebook

سوداگریز


تازه خبرونه

د جوزجان مدني فعالانو د سولې ملاتړ وکړ

د جوزجان مدني فعالانو د سولې ملاتړ وکړ

کابل/ دلړم٢٠مه/باختر د جوزجان د مدني ټولنې يو شمېرفعالانو نن په...

يو ښوونځى په تخارکې جوړېږي

يو ښوونځى په تخارکې جوړېږي

کابل/ دلړم٢٠مه/باختر د تخار په ينګي قلعه ولسوالۍ کې د شهيد...

طالبانو په غورکې دوه ملکي وګړي په ډزو سره ووژل

طالبانو په غورکې دوه ملکي وګړي په ډزو سره ووژل

کابل/ دلړم٢٠مه/باختر وسله والو طالبانو په غورکې دوه ملکي وګړي د...

Youtube Player

khantry design

سوداگریز

سوداگریز

اجتماعی

کابل باختر د چنګاښ لسمه :
وسله والو طالبانو دلغمان او ننګرهار دولايتونو په لور دنغلو بريښنا دليږدونې مزي غوڅ کړل .
  دلغمان دوالي ويندوى سرحدي ځواک دباختراژانس خبريال ته وويل، وسله والو طالبانو تيره شپه دبريښنا دليږدونې هغه مزي چې دلغمان او ننګرهار په لور غځول شوي دي دبادپښ  او سروبي  دولسواليو ترمنځ دسروبي په ساحه کې په ډزو سره غوڅ کړي  دي او دبريښنا  بهير يې بند کړى دى .
ده زياته کړه چې وسله والو طالبانو دروژې په دې مبارکه مياشت کې او په سختې ګرمي کې دبريښنا  مزي غوڅ کړي دي او داکار ددې سبب شوى دى چې له تيرې شپې راپديخوا څوک دجوماتونو دلودسپکرونو  له لارې اذان او دتراويحو دلمانځه غږ وانه اوري .
  ځواک دطالبانودډلې ددغه عمل په غندلو سره وويل  چې ددغې انديښنې دپاى  ته رسولو لپاره يې له مرکزي دولت  او ختيځ کې د٢٠١ سيلاب قول اردو له قوماندان سره اړيکې  نيولي دي اوله امنيتي ارګانونو څخه يې غوښتي دي چې دبادپښ او سروبي په سيموکې دې پراخ چاڼيز عمليات  ترسره کړي او دملي اردو يو کندک دې ددغو دواړو سيمو ترمنځ ساحلي ساحه کې ځاى پرځاى کړي چې ددغه شان بريدونومخه ونيول شي .

کابل باختر د چنګاښ دمياشتې  ١٠ :
د غزني  ولايت د  زنه خان   ولسوالۍ  د  ښوونځيو ښوونکي   د دغه ولايت  د پوهنې رياست دچارواکو   دنه پاملرنې له امله   سر ټکوي.
د زنه خان  ولسوالۍ  د  ښوونځيو په   لسګونو تنو ښوونکو   پرون    د  غزني ولايت  دپوهنې رياست  په  وړاندې  په اعتراضيه   غونډې لاس    پورې  کړ او د  پوهنې   په مسوولينو يې د دغې  ولسوالۍ  ښوونځيو ته   د نه پاملرنې تور ولګاوه .
اعتراض کوونکي ښوونکي وايي   چې   مخکې له   دې  د  زنه خان   ولسوالۍ   ټول ښوونځي  د نا  امنيو له امله   تړل شوي   وو ،  خوپه روان کال کې دغه   ښوونځي  بيا پرانستل شوي دي .  خو د پوهنې رياست چارواکي په   نه پاملرنې سره  عمل   کوي.
يو معترض ښوونکى   عبدالهادي   وايي  په   داسې حال کې چې د  تعليمي کال  له  پيل څخه څلورمياشتې تيرې   شوې  دي خو   تر اوسه  پورې   د  زياترو   ښوونځيو   په  زده کوونکو  درسي کتابونه  نه  دي ويشل شوي او  ښوونکو   ته هم    معاش نه    دى ورکړ شوى.
خبرځاى زياته کړه  همدا اوس    د دغې ولسوالۍ په  دولسو  ښوونځيو کې څه دپاسه درې   زره  اته سوه  تنه  زده کوونکي په   زده کړې  بوخت  دي .
عبدالهادي   وايي   د دغې ولسوالۍ مشران او   خلک وايي  چې  د  ښوونځيو د بيا پرانستلو لپاره  له طالبانو سره تفاهم ته رسيدلي دي او طالبانو ژمنه کړې ده چې  نور دپوهنې رياست دفعاليتونو مخه نه نيسي .
خو په اوس وخت کې  د  طالبانو له  خوا  نه  بلکې  د  دولت له خوا  دوي ته   ستونزې پيداکيږي.
په   همدې  حال کې د  غزني ولايت  د پوهنې رياست مسوولين  د  زنه خان ولسوالۍ   د ښوونځيو ستونزې مني  خو   وايي چې   تر څو ورځې   پورې دغه ستونزې حل کيږي .
دغزني ولايت  دپوهنې   رياست تدريسي مرستيال  نثاراحمد آزاد زوي  د باخترآژانس خبريال ته وويل  ،  کله چې  ښوونځي د  نا امنيو په دليل تړلي   وو ، د دغې ولسوالۍ ټول بستونه  په خدمتي ډول   د دغه  ولايت  د  مرکز په ښوونځيو  ويشل شوي دي    او يوشمير دغه ښوونکي په باالمقطع ډول ټاکل شوي دي .
خو  د پوهنې  وزارت  په  امتيازي   ډول  شپيته  نوي بستونه   منظور کړي دي   او په نږدې  راتلوونکي کې  د ښوونکو ستونزې پاى ته  رسول  کيږي .
تدريسي مرستيال په  ښوونځيو  د  درسي کتابونو د ويش په باب   وويل :  چې د دغه ولايت په کچه د درسي  کتابونو   د کمښت ستونزه   شته .

کابل- باختر د چنګاښ دمياشتې ١٠
د حج او اوقافو وزارت په کابل ښاراو د اړوند ناحيوکې د روژه ماتې او سپيده داغ وختونه مشخص کړي دي .
دحج او اوقافو وزارت باختر آژانس ته خبر ورکړ: نن په کابل ښارکې د روژه ماتې وخت د ماښام په ٧ بجو او ١٦ دقيقو او د سپيده داغ وخت په ٢ بجو او ٥٥ دقيقو مشخص شوى دى.

کابل باختر دچنګاښ دمياشتې ١٠ :
په بغلان  ولايت کې د بريښنا دوه بندونه  د آلمان له خوا  د  اووه پنځوسو مليونو  امريکايي ډالرو په لګښت  بيا رغاول کيږي .
د بغلان والي سلطان محمد عبادي د باخترآژانس خبريال ته   وويل :  ټاکل   شوې   ده  ديوې مياشتې په  دننه کې ددغو بندونو دبيا جوړولو کار په عملي توګه  پيل شي  چې ددغو بندونو په  بيا جوړولو سره له   يوې خوا  د  بريښنا  د  لومړي  بند د  دروازو  د  بيا جوړولو زمينه چې د ړنګيدو احتمال يې شته ، برابريږي  اوله بله پلوه به  څه ناڅه  زرو تنو ته دکار زمينه برابره شي .
عبادي زياته کړه:  د دغو دوو بندونو د بيارغونې لپاره   اته  پنځوسو مليونو ډالرو ته  اړتيا  وه  خو د  آلمان  هېواد د احتياط  لپاره  شل   مليونه  يورو   په    بودجه  کــــــې  شاملې کړې دي.
د پلخمري   د افغان نساجۍ  شرکت او د  نساجۍ د  بريښنا د لومړي   بند   رييس عبدالقادر وويل  :  که چيرې دغه بند په اساسي ډول بيا ورغاول شي  دپلخمري ښار دبريښنا  لومړي او دويم بندونه به  د پنځوسو کلونو لپاره هم  د مقاومت توان   ولري .
ده له دولت څخه وغوښتل  چې  ډير  ژر ددغې پروژې  دبيا جوړولو  کار پيل شي  چې ددغه بند  د زياتې ويجاړتيا مخه ونيول شي .
ويل کيږي  چې  همدا اوس دپلخمري  د  بريښنا د  لومړي بند  د  اوبو  د  کنترول   دوه دروازې  له فعاليت څخه پاتې دي  چې داوبو دکچې په لوړيدو سره  ورځ په ورځ   دغه دروازې  لا زياتې زيانمنې کيږي .
د يادونې وړ ده   چې د  پلخمري د  بريښنا لومړى  بند اويا کاله مخکې دآلمان له خوا  جوړشوى و  چې تراوسه پورې څه دپاسه څلويښتو زرو کورنيو له بريښنا څخه يې ګټه اخيستې ده .
دغه  راز  څه د پاسه اويا  زره جريبه  کرنيزه ځمکه  خړوبيږي  او ددويم بند اوبه  هم  له همدې بندڅخه تامينږي.