25 May 2020

RSS Facebook

سوداگریز


تازه خبرونه

سولې ته رسېدل، هر اړخیزه ستراتېژي غواړي

سولې ته رسېدل، هر اړخیزه ستراتېژي غواړي

کابل / د غبرګولي ۵ مه / باختر شک نشته چې...

په غور کې د ولسي تړون د ۱۴ پروژو کار عملي کیږي .

په غور کې د ولسي تړون د ۱۴ پروژو کار عملي کیږي .

فیروزکوه د جوزا ۵ باختر د غور د لعل او سرجنګل...

Youtube Player

khantry design

سوداگریز

سوداگریز

اجتماعی

کابل\باختر\ دسنبلي٢٠
په بدخشان ولايت کې د اوبو ديوه بند دويجاړيدو له ا مله اته ويشت تنه  بيدرکه شوي دي
دباختر آژانس دخبريال دخبر له مخي :  داوبو دغه بند د بدخشان ولايت د زيباک ولسوالۍ داشکي قول په کلي کې دسيلاونو له ا مله ويجاړ شوي دي ، اود اوبو د
راوتلو له امله داستوګنې اته ويشت کورونه  ويجاړ او هم دسيمې اته ويشت  اوسيدونکى بيدرکه  شوي دي .
دبدخشان د والي ويندوى عبدالروف راسخ باخترا ژانس ته وويل  :
دبيدرکه شويو درې مړي نن د خلکو له خوا ومو ندل شول  اود نورو بيدرکه شويو
د موندلو لپاره هلې ځلې دوام لري
دزيباک ولسوال باخترا ژانس ته وويل :   تر اوسه پوري کومي ټولنې له زيانمنو شويو کسانو سره مرسته نه ده کړې يوازي دآغاخان د فوکس دفتر څوقلمه خوراکي توکې  په خلکو ويشلي دي  .

کابل باختر دوږې دمياشتې ٢٠ :
د هېواد په بېلابېلو ولایتونوکې د میشتو ګجرو مشرانو اومخورو دافغانستان له جمهور رئیس حامدکرزي سره په کتنه کې خپلې ستونزې او غوښتنې مطرح کړې.
دجمهوري رياست مطبوعاتي دفتر باخترآژانس ته خبرورکړ :
په هغه کې کتنه کې چې نن غرمه په ارګ کې ترسره شوه،  قاري شمس الحق حقیار
او حاجي محمد ایوب د نورو په استازیتوب خبرې وکړې.
دوی په دې کتنه کې  بهرنیو هېوادونو ته د لوړوزده کړو لپاره د ګجر قوم د ځوانانو د لېږلو، د هېواد په ختیځ اوشمال ختیځ کې د لیلیه لرونکو دوو لیسو، په ګجر میشتو سیموکې د ګرځنده روغتیایي کلینیکونو د جوړیدو، د انکشافي پروژو د رامنځته کېدو او په دولتي اداروکې د ګجر قوم د کادرونو د ځای پرځای کېدو غوښتنه وکړه.
حامدکرزي د هېواد په بېلابېلو ولایتونوکې د میشتو ګجرو د ستونزو او غوښتنو له اوریدو وروسته هغوی ته ډاډ ورکړ چې د دوی د استازو په حضورکې به د کابینې په راتلونکې غونډه کې د دوی ستونزې او غوښتنې په هر اړخیز ډول وڅیړل شي او د حل لپاره به یې لازمې کړنې ترسره شي.
د هېواد جمهوررئیس د ګجر قوم مشرانو او مخورو ته په خطاب کې وویل: تاسو هم لکه د افغانستان د نورو خلکو په څېر د افغانستان په نظام کې د مشارکت حق لریء.
همدا راز حامدکرزي د ګجر قوم مشرانو ته وویل: که غواړی چې نیکمرغه راتلونکې ولری او پخپله خاوره کې د افغانستان له نورو خلکو سره سم  په واک کې شریک و اوسیء نو په خپلو ځوانانو لوړې زده کړې وکړی.
د هېواد جمهوررئیس په همدې توګه د ګجر قوم دې ته وهڅولو چې په انتخاباتوکې د ګډون کولو کارتونه واخلي او د خپلې خوښې وړ شخص ته رایه ورکړي.

کابل\باختر\ د سنبلي١٩ش
دسمنګانو ولايت په مرکز ايبکوکې د مسافروړونکو د وسايطو د لومړي تمځاى دبنسټ ډبره کيښودل شوه.
دغه تمځاى د ايبکو ښار په بندر سيمه کې چې د کابل _مزارشريف لوى لارې ته څيرمه مو قعيت لري؛ د ايبکو ښاروالۍ له خوا جوړيږي.
د سمنګانو ولايت مرکز د ايبکو ښاروالۍ ساختماني مدير انجنير عبدالشکور باختر آژانس ته وويل: دغه تمځاى د امريکا د متحده ايالاتو د نړيوالې پرمختيايي ادارې په مرسته د دريو مليونو اته سوه زرو افغانيو په لګښت جوړيږي چې په هغه کې د ايبکو ښاروالۍ اته سيمې د موټرونو د تمځاى لپاره د ښځو اونارينه و لپاره بيلا بيل ځايونه ، جومات او مسافرينو ته نورې اړتياوې په پام کې نيول شوې دي.
دخبرځاى د څرګندونو له مخې: دا په دغه ولايت کې د وسايطو لومړى تمځاى دى چې دکابل ، بغلان او د کندز د ولايتونو د مسافروړونکو وسايطو لپاره په پام کې نيول شوى دى اوټاکل شوې ده دغه تمځاى په راتلوونکو دريو مياشتوکې ګټې اخيستنې ته وسپارل شي.

کابل باختر دوږي  نولسمه :
دجمهوري رياست لومړي مرستيال مارشال محمدقسيم فهيم نن له غرمې مخکې   د هيواد د ملي اتل احمدشاه مسعود دشهادت ددولسم تلين په مناسبت په پنجشير ولايت کې د ده په مزار د ګلوګيډۍ کيښودې او د ده پاک روح ته يې دعا وکړه.
د جمهوري رياست مطبوعاتي دفتر باخترآژانس ته خبر ورکړ: د جمهوري رياست لومړي مرستيال د هيواد د ملي اتل په مزار د ګلو دګيډيو د ايښودلو په وخت کې وويل چې د هيواد د يو ريښتنى مبارز او ملي اتل په توګه د احمدشاه مسعود  د خاطرو درناوى به زموږ د خلکو په ذهنونو او د هيواد د تاريخ په ځلاندو پاڼوکې تلپاتې وي.
د جمهور رييس لومړي مرستيال وويل چې د هيواد ملي اتل خپل ټول پتمن عمر د خپلوخلکو او د هيواد د سرلوړي او عزت په لاره کې وقف کړ او په دې لاره کې يې  خپل ژوند قرباني کړ.
د جمهوري رياست لومړي مرستيال د هيواد شهيدانو هميشني ژوندي وبلل او زياته يې کړه چې د افغانستان دخپلواکۍ او آزادۍ، ترقۍ او پرمختګ د لارې  شهيدان به تل  د درناوي وړ وي.
د وږي د مياشتې اتلسمه کال په کال د شهيد د اوونۍ د پيل په توګه د هيواد په ګوټ ګوټ او له هيواد څخه بهرنمانځل کيږي.