26 May 2020

RSS Facebook

سوداگریز


تازه خبرونه

د کرونا په اړه بې پروا چلند ستر ناورین رامنځ ته کولای شي

د کرونا په اړه بې پروا چلند ستر ناورین رامنځ ته کولای شي

کابل / د غبرګولي ۶ مه / باختر د کروناویروس خپرېدا...

د ملي امنيت شورا سلاکار پکتيا ته سفر وکړ

د ملي امنيت شورا سلاکار پکتيا ته سفر وکړ

- کابل / د غبرګولي ٦ مه / باختر د ملي...

Youtube Player

khantry design

سوداگریز

سوداگریز

اجتماعی

کابل باختر د وږي  نولسمه :
د حج او اوقافو وزارت خبرتيا!
  دکابل ښار د ناحيوهغو حاجيانو ته چي شمېرې يې له ٩٥١ څخه تر ١٢٠٠ پورې  دى، خبر ورکول کيږي چې سبا د ١٣٩٢کال د وږي د مياشتې په ٢٠ نيټه  د چهارشنبې د ورځې د سهارپه شپږوبجو د عيدګاه جامع جومات ته  ورشي.
دغه رازهغو حاجيانوچې شمېر يې  له ١٢٠١څخه تر ١٤٥٠ پورې  دي؛ د شپې په اتو بجو د عيدګاه جامع جومات ته حاضر وي چې واکسين يې تطبيق او د حرمين شريفين په لور په ټاکلو الوتنوکې تنظيم شي.
  له محترموحاجيانوڅخه غوښتنه کيږي چې خپل نوبت رعايت کړي او خپل بانکي آويزونه له ځان سره ولري او په الوتنوکې د بې نظمي سبب نه شي. له دې پرته به مسووليت په خپله د دوى په غاړه وي.
د شيعه حاجيانو او د کابل ولايت او د هغه د اړونده ولسواليو د حاجيانو الوتنې وروسته اعلاميږي.
دعيدګاه جومات ته  د بدرګه کوونکي په نامه  د اشخاصو ننوتل منع دى.

کابل – باختر د وږي دمياشتې ١٨

دحج   او اوقافو وزارت خبرتيا

دکابل ښار هغو حاجيانو ته چې  شميري يې له  ٧٠١ څخه تر ٩٥٠ پورې دي خبرورکول کيږي چې سبا دسنه شنبې په ورځ دروان کال  دوږي دمياشتې په نوولسمه نيټه له غرمي  وروسته په دوو بجو دعيدګاه جامع جومات ته  تشريف راوړي  چې واکسين يې تطبيق  او دحرمين شريفين  په لور په ټاکلي الوتنه کې تنظيم شي .
له حاجيانو څخه غوښتنه کيږي چې خپل نوبت رعايت  او خپل بانکي آويز له ځان سره ولري او په  الوتنو کې دبينظمي سبب نه شي   له دې پرته مسووليت به ددوي په غاړه وي.
دکابل ولايت دشيعه حاجيانو الوتنې وروسته اعلاميږي.
د بدرګه  کوونکي په توګه دعيدګاه جامع جومات ته دنورو اشخاصو ننوتل منع دي

کابل باختردوږي دمياشتې ١٨ :
د کورنیو چارو وزارت سرپرست وزیرمحمد عمر داوودزي نن د خپل کار په دفتر کې د شهید داوونۍ په درناوي د شهید قاسم خان له مور او ورور سره وکتل.
دکورنيو چارو وزارت مطبوعاتي دفتر باخترآژانس ته خبرورکړ:
د کورنیو چارو وزارت سرپرست لومړی د شهید قاسم خان په میړانه او زړورتیاخبرې وکړې ویې ویل دشهید قاسم خانشهادت د ټولو افغانانو لپاره یو لوﺉ ویاړ دی، شهید قاسم خان د داسې یوې درنې او پښتنې مورپه غیږکې را لوۍ شوی ځوان و چې د دې درنې او باعزته خاورې د پت اوغیرت ساتلو په موخه یې په پوره میړانه دشهادت جام نوش کړاو دقهرمانۍ سترویاړیې په برخه کړ.
د کورنیو چارو وزارت سرپرست محمدعمرداوودزي د خپلو خبرو په بهيرکې د شهید قاسم خان مورته د یوې قهرمانۍ او باغیرته مور لقب ورکړ او د دې د زوﺉ شهید قاسم خان میړانه یې يوه لویه تاریخي میړانه وبلله ډاډ یې ورکړ چې ټول هغه ريښتیني مبارز شهیدان چې د خدای په لاره کې یې د شهادت جامونه نوش کړي هغه شهیدان نه بلکې ژوندي دي.

کابل باختردوږي دمياشتې ١٨ :
دسرحدی پولیسو مشرتابه هئیت،اومنسوبینو له خواد شهیدد اوونۍ اودملی اتل احمدشاه مسعوددشهادت په مناسبت د قران العظیم الشان ختم ترسره شو.

دکورنيو چارو وزارت مطبوعاتي دفتر باخترآژانس ته خبرورکړ:

د قرآن العظیم الشان دختم په مراسمو کې د سرحدی پولیسو لوی قوماندان
پوهنیار پاسوال گل نبی احمدزي د خپلو خبرو په لړ کې وویل:
د گران هیواد افغانستان په زرین تاریخ کې افغانونو د هریو یرغلگر په مقابل کې دخپلو سرونو په بدل کې  د خپل هیواد ، خلکو او ځمکنۍ بشپړتیا څخه په میړانه ساتنه کړې ده اوهغه څه چې نن مونږ افغانان د هغی خاوندان یو او په نړی کی د سرلوړی نوم اونښان درلودونکي  یو دا د دې خاورې د اتلو شهیدانو برکت دی .
په پای کې دشهیدانو پاک روح ته په دعا کولو سره ، شهیدانو ته د فردوس جنت او پاتی کورنیوته ئې دجمیل صبراو په هیواد کې دبشپړ امنیت ټینگښت اودسولې راوستلو غوښتنه وشوه.
همدا رازد شهید اوونۍ او د ملی قهرمان شهید احمد شاه مسعود د شهادت د ورځی لمانځنی په موخه د کابل ولایت د امنیه قوماندانۍ مشرتابه اومنسوبانو له لوري د قرآن عظیم الشان ختم وشو. هغه کې غونډه چی په همدې موخه د کابل په امنیه قوماندانۍ کې جوړه شوې وه ، ویناوالود هیواد ملی اتل اود هیواد د ټولوشهیدانودرناوي په ترڅ کې وویل چې د شهیدانود وینې له برکته نن زمونږد هیواد بیرغ په ټوله نړۍ کې رپیږي اوګران هیواد افغانستان د ترقی اوپراختیا په لور، روان دی.